Luqman Artspire

کبھی کبھی کسی کا بدل جانا، انسان کو دنیا کے ہر تعلق سے بدگمان کر دیتا ہے۔
عرش صدیقی کا شعر ہے :
اک تیری بے رخی سے زمانہ خفا ہوا
اے سنگ دل تجھے بھی خبر ہے کہ کیا ہوا

یوں بگڑتے ہوئے حالات سے ڈر لگتا ہے
جیسے بچے کو سیاہ رات سے ڈر لگتا ہے
جانے کس بات سے کیا بات نکالی جائے
اب تو اپنی کہی ہر بات سے ڈر لگتا ہے

ہم خاک ہوئے تو زمانے کو خبر تک نہ ہوئی۔
مرزا غالب کا شعر ہے :
جلا ہے جسم جہاں دل بھی جل گیا ہوگا
کریدتے ہو جو اب راکھ جستجو کیا ہے

یقین زندہ ہو تو انتظار بھی خوبصورت لگتا ہے۔
عرش صدیقی کا شعر ہے :
ہم کہ مایوس نہیں ہیں انہیں پا ہی لیں گے
لوگ کہتے ہیں کہ ڈھونڈے سے خدا ملتا ہے

ہم نے اپنی ذات کو کھو کر بھی تجھے اپنی زندگی میں باقی رکھا۔
جیسے کیلاش ماہر کا شعر ہے :
رشتہ درد کی میراث ملی ہے ہم کو
ہم ترے نام پہ جینے کی خطا کرتے ہیں

کچھ کہانیاں ادھوری نہیں ہوتی، ادھوری چھوڑی جاتی ہیں۔
شاعر جمالی کا شعر ہے :
مرے نصیب کا لکھا بدل بھی سکتا تھا
وہ چاہتا تو مرے ساتھ چل بھی سکتا تھا

ملال لاکھ مگر یہ کہ تو نہ مرجھائے
نہ حرف روئے نہ لہجہ مرا اداس رہا
میں جی اٹھا نہ ہواؤں نے دی صدا مجھ کو
میں اپنی راکھ میں سمٹا سپرد آس رہا
سید صبا واسطی