Herbal Hug by Pharmamom

كنت من الناس لي بتقضي عمرها وهي بتحاول تسيطر على الظروف، وعلى الناس، وعلى كل اللي حواليها…

بس الحقيقة ؟

أصعب سيطرة بالحياة هي السيطرة على نفسك.

على انفعالك وقت الاستفزاز.
على ردّة فعلك وقت الخيبة.
على أفكارك وقت الخوف.
وعلى سلامك الداخلي لما تمشي الحياة بغير اللي خططتله.

أنا بحب النظام، وبحب التخطيط…
لكن تعلمت إنه في فرق كبير بين الانضباط والجمود.

بحب يكون عندي روتين…
بس ما بحب أتحول لروبوت يقوده الجدول بدل ما يقوده وعيه.

لأن الحياة ما بدها سيطرة كاملة…
بدها مرونة، وهدوء، وقدرة على التكيف.

يمكن الحرية الحقيقية ما هي إنك تتحكم بكل شيء…
الحرية الحقيقية هي إنك ما تخلي أي شيء يتحكم فيك.

إذا وصلت لهون، اكتب بالتعليقات:
شو أصعب شي بتحاول تسيطر عليه؟

#وعي #انضباط #عادات روتين مرونة نمو_شخصي علم_النفس تحفيز حياة_متوازنة Mindset SelfGrowth ReelsArabic Explore

I asked ChatGPT : if my life was a movie, how would the poster look like ??!!

ممتنة… بشكل ما بتوصفه الكلمات....

ممتنة لكل خطوة مشيتها، سواء وصلتني أو علمتني.
ممتنة لكل مرة نجحت فيها وكملت، ولكل مرة تعثرت فيها ورجعت وقفت من جديد...

فخورة بكل محاولة ما استسلمت فيها.
فخورة بكل مرة اخترت أكمل، حتى لما كان الطريق صعب و مو واضح و لما الكل كان شايف بس الغموض و أنا كنت شايفة رحمة رب العالمين ....

ممتنة لرب العالمين…
على كل نعمة غمرني فيها، وعلى كل ابتلاء صنع مني نسخة أقوى.
على كل وجع كان وراه درس.
وعلى كل مرة حسيت فيها إنه لا حول لي ولا قوة، فاتجهت إلى حوله وقوته، فكان السند، وكان الفرج، وكان الهدى....

ممتنة لكل صوت داخلي كان يقول لي: “كمّلي… و لا تسمعي "
ولكل مرة سمعت فيها كلام الناس، واخترت ما ألتفت ....
اللي ينحكى من ورا ظهري… فتركته ورا ظهري فعلًا.

واليوم…

بحس قدّيش كل محطة عشتها كانت عم تحضرني ل اللي بعدها.

لسه عندي أحلام أكبر.
ولسه الطريق طويل.
بس إذا في شعور واحد مسيطر عليّ اليوم…

فهو الامتنان ، الفخر ...
رب العالمين عم يعطيني على قد نيتي ، تعبي ، استحقاقي .... غمرني ب مريم و أبو مريم و بأختي و اخواتي و بابا و ماما ....،

“أيام قبل كانت أسهل…”
كم مرة سمعنا هالجملة؟

بس السؤال الحقيقي:
هل كان الزمن أسهل؟
ولا إحنا كنا نعرف مفاتيحه؟

كل جيل واجه تحدياته…
اللي سبقونا ما كانوا عايشين بعصر مثالي، بس تعلّموا مهارات وقتهم، وفهموا أدوات زمانهم، وقدروا يصنعوا فرصهم.

اليوم كمان الفرص موجودة…
بس شكلها تغيّر.

المشكلة إننا أحيانًا بدنا نعيش بالمستقبل بعقلية الماضي، ونفتح أبواب جديدة بمفاتيح قديمة.

التكنولوجيا، الأونلاين، الذكاء الاصطناعي، المهارات الرقمية…
مو أعداءنا.

هاي أدوات العصر.

والسؤال مو:
“ليش هالزمن أصعب؟”

السؤال:
“شو المهارات اللي لازم أتعلمها حتى أقدر أواكبه؟”

يمكن الفرصة اللي عم تدور عليها…
موجودة بمهارة لسه ما تعلمتها.

شو برأيك أهم مهارة لازم كل شخص يتعلمها بهالعصر؟

النجاح بالنسبة إلي… مو بس وصول لمكان معين.
النجاح هو إني أختار طريق يشبهني. ✨

طريق يسمحلي حافظ على أولوياتي…
أمومتي، وقتي مع بنتي، مع عيلتي، الاعتناء ب صحتي، الحفاظ على الوقت اللي بحتاجه لأهتم بنفسي وأتطور....

كنت عم ابحث عن طريقة أبني فيها أشياء إلي، حقق طموحي، وأتعلم كل يوم… بدون ما أضطر أختار بين أحلامي وبين الأشياء اللي بتعنيلي...

بالنسبة إلي، النجاح هو إني أكون أم حاضرة و ليست فقط موجودة !!! و بنفس الوقت إنسانة تستمر بالتعلم والنمو، وتبني مستقبلها بطريقة تتماشى مع قيمها....
النجاح هو طريق يعطيني التوازن ....

هو إني أتعلم لأتطور… وأتطور لأصنع أثرًا.

وأجمل ما في الطريق هو المرونة… أن أستطيع أن أتعلم وأبني وأشارك من أي مكان، بطريقة تناسب حياتي وأولوياتي.

يمكن النجاح يبدأ بخطوة صغيرة… لكن كل خطوة باتجاه الطريق اللي يشبهنا تقرّبنا أكثر من الحياة اللي نريدها.... و الاهم #الاستمرارية ...
#توازن #اثر

أكبر هدية نعطيها لأولادنا…
مو إننا نمحي عنهم كل صعوبة ❤️

لأننا مهما حاولنا… ما رح نقدر نمشي الطريق بدلهم، ولا نعيش التجارب مكانهم.

بس فينا نزرع فيهم شي يبقى معهم طول العمر…

شجاعة المحاولة، حب التعلّم، والثقة إنهم قادرين يرجعوا يوقفوا كل ما وقعوا.

خلّوا أطفالكم يشوفوا إن الحياة مو لازم تكون سهلة حتى نكمل فيها…
وإن الخوف ما يعني نتوقف، بل أحياناً يعني إننا عم نكبر ونتقدم.

يمكن ما نقدر نترك لهم طريقاً ممهداً…
بس فينا نترك لهم قلباً شجاعاً يعرف كيف يصنع طريقه 🤍

وكل خطوة صغيرة اليوم… هي بداية لعالم أكبر بكرا

كل أم بتتمنى لو فيا تمشي الطريق بدل طفلها… ❤️

لو فيا تاخد عنه التعب، تخفف عنه الخوف، وتفتحله كل باب مسكّر…

بس الحقيقة إننا ما رح نقدر نعيش تجاربه بدل عنه، ولا نمشي خطواته مكانه.

يمكن أعظم دور إلنا مو إننا نمهدله كل الطرق…
بل إننا نزرع فيه القوة اللي تخليه يمشيها مهما كانت صعبة.

لأن الحياة مو دايماً رح تكون سهلة…
بس أجمل هدية نعطيها لولادنا إنهم يعرفوا إنهم قادرين 🤍

والسؤال الأهم…
شو الشي اللي منزرعه فيهم اليوم وبيضل معهم طول العمر؟