lkramullah zwak

چې دوست دې خرڅ نه کړي
نو دښمن دې نشي اخیستلی
یقنا چې په ملګرتیا کې تر ټولو مهم شی باور دی
هر سړي ته دواره دملګرتیا لاس مه ورکوه لومړی شخص وپيژنه، دهغه کړنې په ټولنه وڅاره او ځان ډاډه چې ایا قابل دملګرتیا دی او کنه،همدارنګه دملګرتیا کولو نه مخکې یو یا څو ځل یې امتحان کړه چې ایا دباور وړ دی او کنه
خو که چیرته دې هر سړي ته په پټو سترګو دملګرتیا لاس ورکو نو په راتلوونکي کې به درته له دغو یارانو ماران جوړ شي او ځان به ترې نشې خلاصولی
هغه وایې چې ملګری یو دې وي خو چې نر وي
هدف مې دادی چې ماران باید له اول وپیژندل او ځان ترې وساتل شي

دوه بیتونه
بې وزرو الواته کووم په خیال کې
دهوا نه دې کاته کووم په خیال کې

معرفت کوم د مینې په الفاظو
دیو چا سره شناخته کووم په خیال کې
اکرام الله ځواک

نوی غزل
یوه شپه نه ده چې سحر شوه او رڼا ده
ستا په یاد کې هره شپه په ما سبا ده

بې مطلبه یار پيدا کړم مطلبي شي
په قسمت مې راپرې وتې څه بلا ده

مین شوی زه په رنګ یم په زړه نه یم
رانه شوې دا په ژوند لویه خطا ده

صرف وایه چې څه وایې غلی نشې
ستا خبرې دخوږمن زړګي دوا ده

دا چې غلی په څنګ تیر شوې نه راګورې
راته وایه دا د کوم جرم سزا ده

په لیدلو چې یې زړه زما ارام وو
هغه نه وینم له سترګو مې پنا ده

د وفا نښې زه ټولې تا کې ګورم
”ځواکه“مینه دې له نورو نه سېوا ده
اکرام الله ځواک