Essa mohammad yasin

په وزارتونو او ادارو کې د اداري فساد د يوې بېلګې په توګه، زاويه نيوز معلومات ترلاسه کړي، چې د طالبانو بهرنيو چارو وزير امير خان متقي په ياد وزارت کې له ځان سره زومان او خپلوان مقرر کړي دي.

د کونسلي چارو رئيس يارمحمد حقمل د متقي د ماما زوی، مالي او اداري رئيس سيد احمد منيب زوم، د بهرنیو چارو وزارت د ترانسپورټ مدير مولوي نقيب الله ځلاند اوښی، د تدارکاتو عمومي مدير مفتي خالد ندا د متقي ماما، لومړی سياسي رئيس مفتي نور احمد د متقي زوم، د حاضري مدير حافظ عمر اقبال زوم، آشپز محمد اصف، چې امير خان متقي ته يوازې د سهار چای تياري د نوموړي د ماما زوی او په حافظ مشهور د متقي موټر چلوونکی هم د هغه زوم دی.

دې لېست کې نور جګپوړي کارمندان هم شامل دي او زاويه نيوز پرې کار کوي، چې ژر به يې ټول جزييات افشا او له تاسو سره شريک کړي.

د طالبانو مشر د يو فرمان له لارې د خپلوۍ پر اساس ګمارنې منع ګرځولې دي، خو تر اوسه هېڅ طالب جګپوړي مشر هم دغه فرمان ندی تطبيق کړی او ټولو په خپلو لاس لاندې ادارو کې خپلوان او د کورنۍ لومړۍ درجه غړي مقرر کړي دي.

#فساد