Ebtsam Amgad

كل عام وانتم بخير عيد أضحى سعيد 🎊🎈

هل نظام الطيبات مبنى على اساس علمى ونظام حلو
الاجابه :لا
طيب ليه فيه ناس جاب معاها
الاجابه : عشان هما كانو ماشين على نظام الشلاحات فلما منعو نص أكلهم جاب معاهم نتيجه
طيب :مش ممكن يكون الراجل كلامه صح وأننا فى مؤ*ام*ره
الاجابه : طيب مش ممكن يكون غلط وهو كان مؤام*ر عشان الناس تبطل ادويه والوفيات تزيد
بس فيه حاجات بيقولها صح
الاجابه وحاجات كتير بيقولها غلط
طيب ليه محدش رد عليه وهو عايش
الاجابه عشان فيه كتير بيهروا فى العلم وواضح ان كلامهم غلط وان الناس واعيه فكان فيه زيه كتير ومش هنلاحق نرد على كل واحد لكن لما مات والحوار اللى حاصل انتشر لازم الوعى يزيد بعد ما فيه ناس اتلغبطت
طيب مش يمكن يكون ات*قتل ودا دليل ان كلامه صح
الاجابه :فيه ناس كتير اتقت*لت كلمها غلط ودا مش دليل ان كلامه صح دا غير ان وارد يكون مات عادى
بس البيض سعره قل
الاجابه :لو كلنا بكره بطلنا ناكل لحمه سعرها هيقل ودى حاجه اقتصاديه وفعلا الحاجه اللى تغلى متشتروهاش هتقلل سعر الحاجه فدا دليل ان ناس كتير سمعت كلامه مش ان البيض وحش زى ايام المقاط*عه لما المطاعم كلها قالت السعر والمنتجات المصريه كلها بقت غاليه مع انها مضروبه عادى
بس فعلا الادويه وحشه وليها مضاعفات
الاجابه :بالظبط كده النصيحه على هوا الناس اللى مش حابه كميه الادويه اللى بتاخدها
بس فيه كتير وحشه لكن مش هنعرف نمنعها يعنى الشغل وحش بس بيجيب فلوس الرياضه متعبه بس هنحافظ على صحتك الدوا مر بس باذن ربنا بيشفيك
طيب المَعِدَةُ بَيْتُ الدَّاءِ،
الاجابه :دا مش حديث صحيح كمان لو هى بيت الداء عالجها صح
دا بقى اللى حديث صحيح : «تَدَاوَوْا، فَإِنَّ اللَّهَ لَمْ يَضَعْ دَاءً إِلَّا وَضَعَ لَهُ دَوَاءً، إِلَّا دَاءً وَاحِدًا الهَرَمُ) رواه أبو داود والترمذي
طيب بردو احنا هنمشى على الطيبات
الاجابه :براحتكم بس على الاقل متوقفوش ادويه الأمراض المزمنه السكر الضغط القلب وغيره

تحذير ❌❌❌❌❌❌
شايفين ال offers دى
للاسف واحده راحت تعمل ليزر وكانت اول مره تروح
المكان ده بس guess what
حصلها حرق درجه تانيه دا غير ان بعض الاماكن فى جسمها طلعلها شعر فى اول كام يوم طيب ممكن رجااااااء متروحيش اى مكان جديد إلا لو حد من صحابك اللى بتثقى فيها راحته غير كده الاوفرات دى غالبا بتكون ان الجهاز كفاءته قلت او بدء يبقى فيه شكوى كتير فعملو offers مبالغ فيها