Dt.Fatma Baiomy

خصم خاص 50% علي المتابعه الاونلاين بمناسبة شهر رمضان ♥️
كل عام وانتم بخير ♥️

الحمدلله النتايج بتتكلم عن نفسها🤭♥️
ونظام الدايت معانا مش بيكون دايت عادي خالص دا بيكون عباره عن Life style 👈🏻👉🏻🌚
وبيكون من غير اي ادويه او برشام تخسيس 🤭
وكمان في خصم علي المتابعه الاونلاين متنسوش تسألو عليه 👈🏻👉🏻💗💗

#تغذية #صحة #دايت #دهون #عضلات

مين السبب الحقيقي في شهيتك العالية؟ 🤯”

مرات كتير بنفتكر إننا جعانين، ونروح جري على التلاجة أو نطلب أكل، لكن الحقيقة إن الجوع مش دايمًا معناه إن جسمك محتاج أكل. أوقات كتير في أسباب تانية هي اللي بتلعب في دماغك وتخليك تحسي إنك جعانة.

🔹 قلة النوم
لما تنامي ساعات قليلة، جسمك بيزود إفراز هرمون الجوع جريلين، ويقلل هرمون الشبع ليبتين. النتيجة؟!!
بتصحي الصبح نفسك مفتوحة على أي حاجة وخاصة السكريات.

🔸التوتر والضغط النفسي
لما تكوني مضغوطة أو متوترة، جسمك بيحاول يرفع هرمون السعادة بسرعة، وده بيخليه يطلب سكريات ودهون عشان يديكي إحساس مؤقت بالراحة… بس بعد شوية هتحسي بالذنب والتخمة.

♦️قلة شرب المياه
أوقات العطش بيتلخبط مع الجوع، فتلاقي نفسك بتاكلي، مع إن كل اللي كنتي محتاجاه كباية مياه.

📣 الخلاصة
قبل ما تجري علي التلاجه او تمدي ايدك علي الاكل، اسألي نفسك:
هل أنا فعلاً جعانة؟ ولا محتاجة أنام؟ أشرب مياه؟ أرتاح شوية؟
لما تبتدي تسمعي لجسمك، هتلاقي شهيتك اتظبطت، وأكلك بقى عن وعي

“التغيير الحقيقي بيبدأ لما تتعرفي على جسمك وتفهمي إشاراته” ❤

🚫معلومة غلط منتشرة جداً
“علشان أخس لازم أقطع العيش والرز والمكرونة تماماً، وطول ما أنا باكلهم مش هخس!”

📌 ده كلام مش صح خالص!
النشويات مش العدو اللي لازم نهرب منه… العكس، جسمك محتاج النشويات كمصدر أساسي للطاقة، خصوصاً لو بتلعب رياضة أو حتى لو نشاطك اليومي متوسط.

🚫 لما تمنع النشويات تماماً، جسمك في الأول ممكن ينزل في الوزن، لكن ده بيكون فقدان مياه وعضلات أكتر من دهون. ومع الوقت هتحس بخمول، صداع، دوخه ، ارهاق ، تعب من اقل مجهود ،وممكن شهيتك تزيد فجأة وتلاقي نفسك بتاكل أكتر من الأول.

✅ الحل الصح:
مش الحرمان… لكن الاعتدال.
وزن الجسم بيتحكم فيه “إجمالي السعرات الحرارية” اللي بتدخل جسمك في اليوم. يعني ممكن تاكل عيش ورز ومكرونة، بس بالكمية اللي تناسب هدفك، ويفضل يكونوا من مصادر صحية زي:
• الشوفان
• الأرز البني
• البطاطا
• الخبز الأسمر أو خبز الحبوب الكاملة
• المكرونة من القمح الكامل

💡 لما تظبط كمياتك وتختار النوع الصح، هتقدر تخس وتوصل لوزنك المثالي، وكمان تحافظ على طاقتك وصحتك من غير حرمان أو تعب.

الخلاصة: السر مش في منع النشويات، السر في توازنها وكميتها ومصدرها✅

😴 النوم مش رفاهية… ده عنصر أساسي لجسم صحي وحرق الدهون!
تعالى نشوف ليه النوم الكويس مهم في رحلتك للتغيير 👇

🧠 1. قلة النوم بتلخبط هرمونات الجوع والشبع
لما متنامش كفاية، هرمون الجريلين (اللي بيحفز الجوع) بيزيد، وهرمون اللبتين (اللي بيشبعك) بيقل… والنتيجة؟ جوع طول الوقت وأكل بدون وعي!

🔥 2. النوم بيأثر على معدل الحرق
النوم القليل بيخلي الجسم في حالة توتر (استرس)، وده بيقلل من معدل الحرق وبيشجع الجسم يخزن دهون أكتر، خصوصًا في منطقة البطن.

💪 3. النوم بيساعد الجسم يبني عضل ويحرق دهون
الجسم وقت النوم بيصلّح الخلايا وبيبني عضلات، والعضلات دي بتساعدك تحرق سعرات أكتر حتى وإنت مرتاح!

🍭 4. قلة النوم بتزود الرغبة في السكريات
لما تكون مرهق، بتلجأ للأكل كنوع من التعويض، وغالبًا بيكون أكل سكريات ونشويات سريعة… وده بيدمر الدايت.

🛏️ قد إيه محتاج تنام؟
▪️ الكبار: 7-9 ساعات يوميًا
▪️ الأطفال والمراهقين: أكتر حسب السن

🤍نصيحة:
نظم نومك زي ما بتنظم أكلك… جسمك محتاج راحة زي ما محتاج تغذية علشان يتغير بجد.

🌿 عايزة شعرك يبقى قوي وبشرتك صافية؟ ابدأي من طبقك! 🍽️

🧠 جسمك بياخد كل احتياجاته من الغذاء، ولو الأكل ناقص فيتامينات أو معادن، أول حاجة بتتأثر:
شعرك، بشرتك، وأظافرك!

🍓 إيه اللي ممكن يضر شعرك وبشرتك؟
• الأكل الجاهز والمقليات
• السكريات الكتير
• قلة شرب المياه
• الرجيم القاسي بدون توازن غذائي

✅ إيه اللي يساعدك تغذي شعرك وبشرتك؟
• البروتينات زي البيض، الفراخ، البقوليات 🥚🍗
• الخضار الورقي زي السبانخ والجرجير 🥬
• الفواكه الغنية بفيتامين C زي البرتقال والكيوي 🍊🥝
• الدهون الصحية زي المكسرات والأفوكادو 🥑🥜
• شرب ٢ لتر مية يومياً على الأقل 💧

💡 خليكي فاكره:
“الاهتمام الخارجي مهم، بس الجمال الحقيقي بيبدأ من جوه جسمك!”

ابدأي دلوقتي غيري عاداتك الغذائية، وهتشوفي الفرق في شعرك وبشرتك ✨





#مع _ د/فاطمه بيومي

5 حاجات بسيطة لو التزمتي بيهم هتخسّي بشكل طبيعي ومن غير حرمان:
1. اشربي من 2 لـ 3 لتر ميه يوميًا.
2. امشي يوميًا من 30 لـ 45 دقيقة.
3. خلي دايمًا في مصدر بروتين أساسي في كل وجبة.
4. نامي من 7 لـ 9 ساعات يوميًا.
5. قللي السكر الأبيض والدقيق الأبيض بكل أشكاله.

وخليكي فاكرة دايمًا:
جسمك مش محتاج حرمان… جسمك محتاج حب، ورعاية، واهتمام ❤

خرافات عن الدايت كتير بنسمعها… ومش بس غلط، دي ممكن تبوظ مجهودك كله! 😩
يلا نكشفها مع بعض 💣👇

❌ الخرافة 1: لازم أقطع النشويات خالص علشان أخس
✅ الحقيقة: جسمك محتاج النشويات المعقدة (زي الشوفان، البطاطا، الرز البني) علشان يشتغل صح ويكون عندك طاقة.

❌ الخرافة 2: لو ماكلتش هخس أسرع
✅ الحقيقة: لما تمنع الأكل جسمك بيقلل الحرق، وده بيخليك تخزن دهون مش تحرقها.

❌الخرافه 3 “لو مش باكل كتير ولسه مش بخس، يبقى عندي مشكلة!”
✅ساعات بنقلل أكلنا بطريقة مبالغ فيها، فيدخل الجسم في حالة تخزين! الحل؟ نظام متوازن فيه كل العناصر.

❌ الخرافة4: الأكل بعد 8 بليل بيتحول لدهون!
✅ الحقيقة: اللي يحدد هو إجمالي أكلك في اليوم بالنسبه لاحتياجك من السعرات ، مش الساعة اللي كلت فيها.

❌ الخرافه 5“العشاء بيبوظ الدايت!”
✅الحقيقة: اللي بيبوظ الدايت هو الكمية والسعرات مش توقيت الأكل.

❌ الخرافة6: لازم آكل دايت فود وطعام ممل علشان انزل ف الوزن
✅ الحقيقة: ممكن تعمل دايت متوازن بطعام بيشبعك وطعمه حلو كمان!

❌ الخرافه 7“لازم أقطع كل الدهون عشان أخس!”
✅لأ طبعًا! جسمك محتاج دهون صحية عشان يشتغل صح: زي زيت الزيتون، المكسرات، والأفوكادو 🥑
دا غير ان في فيتامينات مهمه جداً مش بتشتغل والجسم مش بيمتصها الا في وجود الدهون زي فيتامين D

❌ الخرافة 8: الميزان هو اللي بيقول لو خسيت ولا لأ
✅ الحقيقة: الميزان مش دايمًا دقيق، لأنك ممكن تكون خسيت دهون وبنيت عضل، فالأفضل تتابع بالمقاسات والمراية.

💡 نصيحة:
خلي دايمًا مصدر معلوماتك موثوق، وماتجريش ورا أي حاجة بتتقال…
وخليك فاكر: الصحة قبل الرقم 🧡







/فاطمة بيومي

“إيه اللي بينزل دهون البطن؟ 😮‍💨
تمارين الكارديو ولا تمارين البطن؟!”

السؤال ده ناس كتير بتسأله، والإجابة بكل بساطة:

💥 اللي بينزل دهون البطن هو تمارين الكارديو، مش تمارين البطن!

تمارين البطن بتقوي عضلات البطن وبتشدها، لكن مش بتخسسها.

📌 اللي بيحرق الدهون من الجسم كله (بما فيهم دهون البطن) هو الكارديو:
🏃‍♀️ المشي السريع
🏃‍♂️ الجري
🕺 الزومبا
🤸‍♀️ نط الحبل
أي نشاط يرفع ضربات القلب ويخلي جسمك يتحرك!

لكن خد بالك:
✅ الكارديو لوحده مش كفاية!
💡 لازم يكون معاه نظام غذائي صحي، فيه توازن بين البروتين، الدهون الصحية، والكربوهيدرات المعقدة علشان جسمك يقدر يحرق ويخس من غير ما يتعب.

طيب إيه فوايد الكارديو غير إنه بيحرق دهون؟
❤️ بيقوي عضلة القلب
🧠 بيحسن المزاج وبيقلل التوتر
🩺 بيساعد في تنظيم السكر والضغط
😴 بيحسن النوم
🔥 وبيزود معدل الحرق طول اليوم!

يعني الكارديو مش بس للتخسيس… ده أسلوب حياة صحي 💃

ابدأ بخطوة بسيطة كل يوم، وصدقني الفرق هيبان مع الاستمرار 💪✨

فاكرين إن الدايت يعني جوع؟
تعالوا نفهم الفرق بين الدايت الصح والحرمان!”

90٪ من الناس فاكرين إن الدايت يعني وجبة واحدة وسلطة!
الحقيقة؟ الدايت الصح بيعتمد على تنظيم الأكل مش تقليله!

لو جسمك بياكل كل العناصر اللي محتاجها، هيخس ويحافظ على نفسه من غير تعب ولا حرمان.

👈🏻السؤال ليكم:
إيه أكتر حاجة بتخليكوا تزهقوا من الدايت ومتبقوش عايزين تكملوا فيه ؟ 🙈

المتابعات الاونلاين ♥️💪🏻
للمتابعه اونلاين والتفاصيل01122070750♥️