Dr. Nadia Lotfy

"معلش يا دكتور الشامة أو الحسنة دي فيها شعر ممكن أعملها ليزر إزالة شعر؟"

قابلت بنات كتير بيعملوا ليزر إزالة شعر وبصفة مستمرة بيشتغلوا على الحسنات أو الشامات للأسف
ممكن يكون فيها شعر ف بيشيلوا الشعر وممكن كمان يكون مفيهاش ف بيضربوها عشان لونها يخف شوية.. 🙃

الموضوع ده للأسف منتشر وخطر جدًا جدًا لإن فيه أنواع كتيرة من الحسنات ممكن لا قدر الله تقلب ب Skin Cancer سرطان في الجلد وده عشان الحرارة الزيادة والليزر نفسه بيغير من طبيعة الشامة..

ف نخلي بالنا في أي مركز وإحنا بنعمل جلستنا إن منجيش عليها بالليزر حتى لو فيها شعر عشان ميحصلش أي مشاكل..

أما لو عايزين نشيلها بشكل نهائي ومش حابين شكلها ممكن نستشير طبيب الجلدية ف نوع الشامة، هل دي تتشال بالليزر أو لا؟ (ليزر مخصص للحاجات دي)
لإن فيه أنواع كمان بتتشال جراحة بس..
ولو فيه أي استفسار ابعتيلنا على الصفحة وهنرد عليكي في أقرب وقت 💌💌

د. نادية لطفي
طبيب مقيم جلدية

👀👀🛑🛑

#جلدية




#تصبغات
#تجميل

"أنا مبقفش في الشمس كتير!"

ودي أكتر جملة بسمعها من مرضى الكلف..

لكن الحقيقة إن دقائق قليلة من التعرض للشمس كل يوم كفاية إنها تحفز ظهور الكلف أو تخليه أغمق، حتى لو كنتِ راكبة العربية أو ماشية مشوار سريع.

الكلف مش مجرد مشكلة لون...
هو رسالة من بشرتك إنها محتاجة حماية.

لو بتلاحظي بقع بنية على الخدين، الجبهة أو فوق الشفايف، متضيعيش وقتك في تجربة كريمات من نفسك.

✨ لأن علاج الكلف مش كريم وبس...
هو تشخيص صح، خطة علاج مناسبة، والأهم الالتزام بواقي الشمس يوميًا.

خلي الشمس تنور يومك... مش تزود تصبغات بشرتك. 🤍

📩 احجزي استشارتك وابدئي العلاج قبل ما الكلف يزيد ويكون علاجه أصعب وبنحدد مع بعض طريقة العلاج سواء كانت:

-تقشير أحماض
-علاج متكامل بالكريمات والمقشرات المختلفة
-ديرما بن بشكل مناسب

#الكلف #تصبغات #جلدية

🛑🛑

"إيدك بتقولك إنك محتاجة حماية قبل ما تحتاج علاج." 🧤

كتير من الناس فاكرة إن تشقق الإيدين وجفافها في الشتاء بس، لكن الحقيقة إن غسيل المواعين المتكرر واستخدام المنظفات من أكتر الأسباب اللي بتضعف حاجز الجلد الطبيعي.

لما الحاجز ده يضعف، تبدأ المشاكل:

جفاف شديد.
تشققات.
حكة واحمرار.
وأحيانًا إكزيما مزعجة بتحتاج علاج لفترة.

عشان كده، نصيحتي البسيطة هي: 🧤 استخدمي جوانتي مخصص لغسيل المواعين كلما أمكن، بحيث يحمي إيدك من التعرض المباشر للمياه والمنظفات. والأهم يكون نظيف وجاف من الداخل، لأن الرطوبة أو بقايا المنظفات داخل الجوانتي نفسها ممكن تهيج الجلد.

ولو لاحظتي إن الجوانتي بيسببلك حكة أو طفح جلدي، جربي نوعًا آخر مثل النيتريل بدل اللاتكس، لأن بعض الأشخاص بيكون عندهم حساسية من خامة الجوانتي نفسها.

وفي النهاية، ما تستهونيش بالمرطب. استخدامه بعد الانتهاء من الغسيل بيساعد يحافظ على نعومة الإيد ويقلل فرص حدوث التشققات.

العناية بإيدك مش رفاهية… دي وقاية هتفرق معاك على المدى الطويل. 🤍

د. نادية لطفي
طبيبة جلدية وتجميل ✨

⚠️ الكلام ده ما بقاش ينفع يتسكت عليه.

من أكتر المشاكل اللي بتيجي لنا في العيادة بقت بسبب تقشير الأحماض، سواء لأنه اتعمل في المكان الغلط أو بتركيز غلط أو على إيد شخص غير مؤهل.

ناس بتجيلي عندها حروق في الركب أو الأكواع، وسواد شديد جدًا، لدرجة إن التصبغ بيكون أسوأ من المشكلة اللي كانوا أصلًا عايزين يعالجوها. وكتير منهم بيقولوا: "يا ريتني ما عملت تقشير أحماض، أنا بس اسوديت أكتر."

لازم نكون فاهمين إن التقشير الكيميائي إجراء طبي، ومش أي حد ينفع يعمله. مينفعش آخد تركيبات مجهولة من الإنترنت أو أروح لحد مش متأكد إنه طبيب أو حتى مش عارف المواد اللي بيستخدمها، وأتوقع في الآخر نتيجة آمنة.

كمان لازم تعرف إن في أماكن في الجسم الاحتكاك فيها عالي، زي الركب والأكواع، وده بيزود احتمالية حدوث التهاب وتصبغات بعد التقشير، لذلك مش كل منطقة ينفع يتعمل لها تقشير بنفس الطريقة.

ولو هتعمل تقشير للوجه، لازم تكون قادر تلتزم بتجنب الشمس واستخدام واقي الشمس والالتزام بتعليمات الطبيب، لأن التعرض للشمس بعد التقشير ممكن يسبب مشاكل كبيرة.

وأحب أقولكم إن التقشير في الطبيعي مش المفروض يكون وجعه غير محتمل. لو حسيت بألم شديد جدًا أو حرقان لا يُطاق، فده ممكن يكون علامة إن في حاجة غلط، ولازم يتم إيقاف الإجراء فورًا وتقييم الحالة بشكل صحيح.

كمان التقشير مش بيفضل على الجلد وقت طويل، ولازم تبقى عارف إن كل نوع ليه طريقة استخدام ومدة محددة يحددها الطبيب حسب حالتك.

لو حد عنده حرق أو تصبغ حصل بسبب التقشير، يقدر يكلمني برايفت، وأنا هساعده وأوجهه من غير أي مقابل للكشف.

د. نادية لطفي






#الركب
#الأكواع

#تجميل

ممكن أي حد كشف معايا عن طريق الصفحة أو شخصيًا أو حتى لو من غير مقابل ممكن تكتبوا تجربتكم؟
لإن فيه مفاجأة حلوة في الطريق 👩🏻‍⚕️♥️

بوست لازم كل بنت بتعمل ليزر تبقى عارفاه 🛑🛑

✨حاجات هتعمليها قبل ما تيجي جلسة الليزر... وبعد ما تخلص كمان ✨

بصراحة، نتيجة الليزر مش بتعتمد على الجهاز بس، لكن كمان على الحاجات البسيطة اللي بنعملها قبل وبعد الجلسة 👌

📌 قبل الجلسة:
✔ احلقي المنطقة بالموس قبل الجلسة بـ 24 ساعة.
✔ ابعدي عن الشمع والحلاوة والفتلة قبل الجلسة.
✔ حاولي تتجنبي التعرض الشديد للشمس أو التان.
✔ ما تستخدميش كريمات تقشير أو منتجات قوية على المنطقة قبل الجلسة بأيام.

📌 بعد الجلسة:
✔ استخدمي مرطب أو جل ألوفيرا لو فيه احمرار بسيط.
✔ التزمي بواقي الشمس لو المنطقة معرضة للشمس.
✔ ابعدي عن المياه السخنة والساونا والحمام المغربي لمدة يوم أو يومين.
✔ ما تعمليش تقشير للجلد لمدة كام يوم.
✔ بين الجلسات استخدمي الموس فقط لو احتجتي إزالة الشعر.

💗 ومتقلقيش لو الشعر بدأ يطلع بعد الجلسة بأيام، ده غالبًا بيكون الشعر المعالج وهو بيقع تدريجيًا، وده طبيعي جدًا.

كل بشرة مختلفة عن التانية، عشان كده لو عندك أي استفسار أو محتاجة تعرفي الليزر مناسب ليكي ولا لأ، ابعتيلي برايفت وأنا هرد عليكي.

"هو أنا أول ما أسيب كريم التفتيح هرجع أغمق تاني:؟
وممكن تقوليلي كريم تفتيح مناسب للمناطق دي؟

ده من أكتر الأسئلة اللي بقابلها!
ورغم إن الموضوع ممكن يكون محرج للبعض، لكنه في الحقيقة مشكلة شائعة جدًا وبتضايق ناس كتير، وأحيانًا بيكون وراها أسباب مختلفة مش واضحة من أول نظرة.

الحقيقة إن الغمقان له أسباب كتير وممكن يرجع لما نوقف كريم التفتيح عشان أسبابه لسا مستمرة زي :

أمراض زي السكر أو السمنة
عادات يومية غلط
أو أسباب جلدية بسيطة زي الاحتكاك أو التحسس أو آثار بعد تقشير أو إجراء معين
عدوى فطرية عملت التهاب ولسا ما اتعالجتش

علشان كده مهم جدًا نفهم إن التشخيص الصح هو الأساس قبل أي علاج وإن كريم التفتيح لازم قبله تعرفي سبب الغمقان إيه..

🔹 أول خطوة دايمًا: الاهتمام بالنظافة الشخصية بشكل يومي
وتغيير الملابس يوميًا على الأقل، وفي الصيف يفضل أكتر من مرة حسب الحاجة.

🔹 تاني حاجة: الترطيب
كريم مرطب خفيف مناسب لنوع البشرة بيساعد جدًا في تحسين حالة الجلد وتهدئته، لكن المهم نعرف إن مش كل كريم ينفع لكل الناس ولكن ممكن نرشح مرطبات زي:
Panthenol cream
Bepanthen cream

🔹 تالت حاجة: التفتيح العلاجي وأنا دايمّا برشح الكريم ده لما ميكونش فيه حاجة قبلها هتتعالج وهو
Tetraglow Whitening Cream for sensitive area مرتين يوميًا، لكن لازم نكون عارفين إن النتيجة بتاخد وقت وتحتاج التزام وصبر مش أقل من شهرين لتلات شهور
من الكريمات الرهيبة إللي موجودة في السوق حاليًا والنتيجة بتختلف على حسب استجابة الشخص بردو أكيد

Maqam Cosmetics
📩 لأي استفسار ابعتولي برايفت
د. نادية لطفي