Al misk cosmetics

خصم35%

الساعة 9 بالظبط، هيتفعل على السايت كود الخصم MISK15 (كل الحروف كابيتال) 💗

اطلبي أوردرك والخصم 35% هيتطبق تلقائيا على المنتج الأقل سعرا لما تطلبي 3منتجات أو أكتر!

⚠️ العرض لمدة نص ساعة بس من 9 لـ 9:30
ماتستنيش لآخر لحظة، جهزي اختياراتك وكوني أول واحدة تطلب أول ما الساعة تدق 9!

جلد الوزة مش هيتخبى طول العمر تحت الهدوم! 😩

كتير من البنات اللي بتعاني من جلد الوزة، بعد تجارب كتير وحلول مش جايبة نتيجة، بتبدأ تتعايش معاه وتخبي بشرتها بدل ما تهتم بعلاجه!

بس أنت مش مضطرة تفضلي كده! 👀

ـ Softy Cream من المسك هو خطوتك لملمس بشرة أنعم 🌸

بتركيبة فعالة تجمع بين:
-20% يوريا لترطيب البشرة وتنعيم ملمسها.
-10% لاكتيك أسيد للمساعدة على تقشير الخلايا الميتة وتقليل خشونة الجلد.

يعني ترطيب وتقشير في منتج واحد، عشان تبدئي تهتمي بجلدك بدل ما تفضلي تخبيه! 🩷

ماتضيعيش وقت أكتر في تجربة حلول عشوائية.. ابعتي لنا دلوقتي واطلبي Softy Cream
وابدئي روتينك لملمس بشرة أنعم من النهارده! 🛍️

مع أول كل لمسة شعر ناعمة… فيه ضحكة طفل بتتولد 😌🩷

لو لسة شعر بنوتك بيعاني من الهيشان والجفاف
فمنتجات الشعر للأطفال المسك هي اللمسة اللي هتفرق في تسريحة بنوتك، وضحكتها🩷

أول نسمة برد… وشفايفك بتبدأ تشتكي؟ 💔

الشفايف بتجف وتتشقق مع أول هوا بارد، فبلاش تستني الجفاف يضايقك، ابدئي العناية من دلوقتي 🌸

ليب بالم المسك… رفيق شفايفك في الشتاء:
•ترطيب عميق لشفايفك وحماية من الجفاف والتشققات
•حماية من الشمس -حتى في الشتاء- لتقليل التصبغات.
•مظهر طبيعي ناعم لشفايفك
•قوام خفيف ومريح للاستخدام اليومي من غير إحساس تقيل.

خلي ليب بالم المسك جزء من روتينك واستعدي للشتاء بشفايف أنعم 🌸

💌 اطلبيه دلوقتي من رسائل الصفحة!

#المسك

مبارك قسيمة شراء مجانية ب100جنيه لأول بنتين 💵
والثالثة أي منتج من اختيارها بنصف الثمن 🥳

نتيجة روتين للشعر التالف والمتضرر
شامبو الشيا
كريم الترميم البارد
ليڤ إن الشعر التالف

أهم حاجة في أي روتين الانتظام ثم الانتظام، وتسيبي شعرك ياخد وقته مع الروتين عشان تلاقي النتيجة اللي أنت حباها👌🌸

أختار الصن اسكرين بتاعي على أساس إيه؟
وهل كل ما الـ SPF يزيد، يبقى الصن سكرين أقوى؟
ويعني إيه فلاتر فيزيائية أو كيميائية اللي بنسمعها!

خليني أقولك الأول الصن اسكرين الصح المفروض يعمل إيه:
•يمنع حروق البشرة اللي بتسببها أشعة الUVB على البشرة
•يمنع التجاعيد اللي بتسببها ال UVA اللي بتخترق الجلد
•يقلل التهاب البشرة بسبب تعرضها للأشعة تحت الحمراء

١-هل كل ما زاد الـ SPF لوحده يبقى الصن اسكرين أقوى؟

الإجابة لأ
الأرقام اللي بتشوفيها على العبوات، زي SPF 30 وSPF 50، بتوضح مستوى الحماية من حروق الشمس، لكنها مش كفاية لوحدها عشان نعرف مستوى الحماية من UVA

يعني إيه؟ 👀
يعني ممكن تختاري صن سكرين برقم SPF عالي، بس لازم تتأكدي كمان إنه بيوفر حماية من UVA
وعشان كده دوري على:
Broad Spectrum Protection
يعني حماية واسعة المدى من UVA وUVB مع بعض🧪

٢- إيه هي الفلاتر الفيزيائية والكيمائية

•الفلاتر الفيزيائية
أشهرها Zinc Oxide وTitanium Dioxide.
وبتكون مناسبة للبشرة الحساسة وللأطفال.
ولكن الاعتماد عليها لوحده بيسبب تجيير جامد جدا اللي بتشوفيه من بعض أنواع الصن اسكرين على البشرة

•الفلاتر الكيمائية
ودي لو استخدمت لوحدها ممكن تسبب تحسس عند بعض الناس
عشان كده الدمج بين الاتنين بنسب مظبوطة مهم جدا

الخلاصة قبل ما تشتري، ركزي على 3 حاجات:
١ـSPF مناسب ومستوى حماية موثوق
٢ـ حماية واسعة المدى من UVA وUVB
٣ـ تركيبة مناسبة لنوع بشرتك، لأن كفاءة الصن سكرين بتعتمد على التركيبة النهائية واختبارات الحماية، وإنك تستخدمي كمية كافية وبانتظام.

قولي لنا: كنت بتختاري الصن سكرين على أساس الـ SPF بس، ولا كنت بتدوري على Broad Spectrum كمان؟

الساعة 10 بإذن الله عندنا كلام مهم جدا عن الصن سكرين! ☀️

عمرك سألتي نفسك إزاي تعرفي إن الصن سكرين اللي بتستخدميه بيوفر حماية قوية فعلا؟ 👀

وهل الـ SPF لوحده كفاية عشان تحكمي عليه؟

النهارده هانقولك إيه المعلومات اللي لازم تعرفيها عن أي صن سكرين قبل ما تختاريه، وإزاي تفرقي بين صن سكرين مناسب لاحتياجات بشرتك، وصن سكرين مش محققلك اللي محتاجاه! 🔬

متحمسين تعرفوا؟👀

الـ FiberHance في ليڤ إن المسك للشعر التالف!

هل سألتي نفسك ليه بنفضل نكرر إنه موجود في الليڤ إن؟🧬
هل هو مجرد مصطلح علمي بنقوله وخلاص؟
ولا فعلا بيضيف حاجة مختلفة لشعرك؟

ببساطة، الـ FiberHance مش مجرد تنعيم للشعر، ده بيساعد على:
• تقوية ألياف الشعر من الداخل
• تحسين قوة الشعرة ومرونتها
• تقليل التكسر الناتج عن ضعف الشعر
• تسهيل التصفيف

يعني إيه الكلام ده؟ 👀
يعني احنا مش بنستهدف شعر ناعم وبس، لكن شعر أقوى وأكثر مرونة وقادر يتحمل التعامل اليومي بشكل أفضل بدون تكسر

وده الفرق بين منتج بيظبط شكل شعرك، وتركيبة بتدعم قوة ألياف الشعر 🩷

قوليلنا، كنتي تعرفي إيه هو الـ FiberHance، ولا أول مرة تسمعي عنه؟ 👀

احنا مين وبدأنا إزاي؟

أنا د.سمية… ودي حكاية سنين حطيتهم في كل منتج من منتجات المسك 🩷

أنا خريجة صيدلة القاهرة، دفعة 2012.
بعد التخرج، كنت حابة أشتغل في مجال ما بس ماتيسرش
لحد ما مجال الكوزماتكس ظهر قدامي، فحسيت دي فرصتي أبدأ الطريق اللي بحلم بيه!

بدأت آخد كورسات، وأتعلم، وأفهم المجال أكتر
ومن سنة 2017 بدأت رحلة المسك🌸

بس الحقيقة البداية ما كانتش زي تخيلي
ما كانش كل حاجة جاهزة، ولا كل خطوة كانت محسوبة، ولا كل تجربة كانت بتنجح.

وكل ما كانت تقابلني مشكلة، أبدأ أدور وأسأل دكاترة وخبراء أكبر مني، عشان أفهم المشكلة حصلت ليه وإزاي أحلها.

كنا نعمل فورميلا، ونجربها، ونعدل فيها كتير، ونعيد التجربة من جديد
وأحيانا كنا بنضطر نرمي الباتش بالكامل ونبدأ من الأول!

لكن مع كل تجربة، كنت بتعلم حاجة جديدة

اتعلمت إن التصنيع مش مجرد إننا نجمع مواد فعالة مع بعض وخلاص
لازم نعرف كل مادة هتتحط إمتى، وعلى أي درجة حرارة، وفي أي pH، وإيه المواد اللي ممكن تتفاعل معاها، وإزاي نحافظ عليها من الأكسدة أو التلف.

وحتى المواد الخام نفسها كانت جزء مهم من الرحلة...
اختيارها ماكانش عشوائي؛ لازم نتحرى الدقة في مصادرها وجودتها، ونختار خامات درجة أولى، لأن أي مشكلة في الخامات بتأثر على المنتج كله.

ومع الوقت، فهمت إن كل تفصيلة صغيرة ممكن تصنع فرق كبير في النهاية

حتى العبوة!
ممكن أي حد يفكر العبوة مجرد شكل يجذب العميلة

لكن أنا كنت بسأل نفسي:
هل العبوة مناسبة لطبيعة المنتج؟
هل هتساعد في حمايته من العوامل الخارجية، وتحافظ على جودته؟

وعشان كده فضلنا نطور في العبوات، لحد ما وصلنا لاستخدام عبوات Airless للمنتجات اللي يناسبها النوع ده

وكل ده كان بيحصل واحنا بنحاول نبني شركة من الصفر
من أول طباعة الاستيكرات، لتطوير المنتجات، لحد ما سجلنا الشركة في 2024، ولسه بنكمل باقي الإجراءات.

وعارفين إيه اللي بيفرحنا فعلا؟ 🌸

مش إن المنتج ينزل السوق، لكن إن العميلة تجرب المنتج، وتاخد وقتها، وترجع تشتريه تاني لأنها لقت فيه اللي بتدور عليه.

وعشان كده، إحنا مش بنقيس نجاح المسك بعدد الريفيوهات وبس؛ إحنا بنقيسه برأي العميلة بعد تجربة حقيقية، ورجوعها لشراء المنتج تاني.
لأن كل منتج بنقدمه هو مسؤولية بالنسبة لينا، مش مجرد عبوة عليها اسم المسك...

سنين من المحاولات، والتعب، وخطوات صغيرة بتقربنا من حلمنا.
وكل مرة أفتكر إن مشكلة معينة عطلتنا، أكتشف بعدها إنها علمتنا حاجة جديدة، وساعدتنا نكون أفضل.

والنهاردة بفضل ربنا، بقينا نفهم مشاكل التصنيع بشكل أفضل، ونطور فورميلاتنا، وناخد اعتماد من دكاترة كتير ليها مش أنا بس
والحمد لله وصلنا لمنتجات بننافس بيها براندات كبيرة
و لسه بنعتبر نفسنا في الرحلة، وكل منتج جديد بيفتح قدامنا سؤال مهم:
نقدر نعمله أفضل؟
ولو الإجابة آه، بنرجع نشتغل عليه من تاني.

ودلوقتي لما ببص على المسك، بشوف أكتر من مجرد منتجات
بشوف حلم بدأ من سنين ولسه بيكبر...وشغل كتير محدش شافه، وتجارب نجحت وتجارب علمتنا، وخطوات أخدت وقت أطول مما كنا متوقعين🌸

أنا سمية، ودي مش مجرد حكاية براند بدأ سنة 2017
دي حكاية شغف بالعلم، وإصرار على التطوير، وحلم بنبنيه خطوة بخطوة🩷

شكرا لكل واحدة وثقت فينا، وجربت منتجاتنا، ورجعت لنا تاني…ولكل واحدة لسه هتتعرف علينا. 🩷

المسك لسه بيكبر… ولسه الحكاية مكملة...