Aurum Health

*الابتعاد عن الزيوت*

1. تقليل خطر أمراض القلب: الزيوت المشبعة والمهدرجة بتزود الكوليسترول الضار وده ممكن يسبب مشاكل في القلب والشرايين واغلب الناس الي عندهم مشاكل فعلا في القلب والشرايين بيكون بسبب نظام اكلهم الي بيحتوي علي كميه كبيره من الزيوت دي

2. تحسين الهضم:
تقليل الزيوت في الأكل بيساعد الجهاز الهضمي يشتغل بشكل أفضل ويقلل الانتفاخ والإمساك
ولو لقدر الله حد بقا عندو بس مشاكل هضم يجرب في البدايه ياكل سلطة 🥗 كل يوم الموضوع هيفرق جدا

3. تقليل الالتهابات💉🧎 :
الزيوت المضرة بتزود الالتهابات في الجسم، وده ممكن يسبب مشاكل زي التهاب المفاصل أو السكر

4- صحة بشرتك أحسن: 🌺
لما تبعد عن الزيوت الضارة، بشرتك بتتحسن وبتقلل مشاكل زي حب الشباااااااب بجد الموضوع دا فرق مع شباب كتير جدا اولهم انا ☝️

5- *تقليل خطر السرطان* : ⁠تسخين الزيوت لدرجات حرارة عالية بينتج مواد ضارة ممكن تزود فرصة الإصابة ببعض أنواع السرطان

بالمختصر المفيد الشعب المصري للاسف الشديد بيروح التموين يتخانق علي الزيت والسكر اول حاجه وللاسف دول السبب الرئيسي
للامراض دي

1. أمراض القلب والشرايين
2. السمنة
3. السكر
4. الكبد الدهني
5. الضغط
6. الالتهابات المزمنة
7. تسوس الأسنان
8. بعض أنواع السرطان
9. تصلب الشرايين
10. ضعف المناعة
11. اضطرابات الجهاز الهضمي
12. متلازمة تكيس المبايض
13. مشاكل في الغدة الدرقية
14. اضطرابات النوم
15. أمراض الكلى
16. هشاشة العظام
17. الاكتئاب
18. ضعف التركيز والذاكرة
19. التهاب المفاصل

متخيلين انو للاسف اتعودنا علي علي الاكل الي بيكون فيه زيوت كتير وبشكل يومي كمان وعودنا نفسنا علي كدا والامراض بتجيلنا ونفضل بالسنين نعاني منها ونتعب في حياتنا بسبب الكلام دا
لو كل راجل او ست في بيتها تقعد مع نفسها وحسبتها بالورقه والقلم
هتلاقي تكلفة انها تاكل بيتها اكل صحي فعلا هتكون ارخص من الاكل الي كلو زيوت وغيرو وغيرو

*كل شخص يقعد مع نفسو لو ساعه وحده ويحسبها صح*

مع كل كانز ببيسى تشتريها أو أى مشروبات غازية افتكر إن شكل عضمك بيتحول لكدا تدريجياً
" هشاشة عظام"

🥲🥲🥲

*هل الصيام بيأثر على وزن الجنين؟*

سؤال كتير من الحوامل بيسألوه في رمضان.

الحقيقة إن الصيام في أغلب الحالات مش بيأثر على وزن الجنين لو الحامل:
• صحتها كويسة
• مفيش عندها أنيميا شديدة
• وبتاكل أكل متوازن بين الإفطار والسحور

لكن ممكن يحصل تأثير لو:
• الحامل عندها أنيميا شديدة
• أو بتعاني من سوء تغذية
• أو مش بتشرب مية كفاية
• أو الحمل فيه مشاكل وبيعتبر حمل عالي الخطورة

نصايح للحامل في رمضان:
• تبدأ الإفطار بتمرة أو اتنين مع مية.
• تاكل وجبة متوازنة (بروتين زي اللحمة أو الفراخ + خضار + نشويات صحية).
• تشرب من 2 لـ3 لتر مية بين الإفطار والسحور
• متنساش مكملات الحديد والكالسيوم كاتبها

علامات بتقول إن جسمك ناقص فيتامينات! ⚠️

1️⃣ تساقط الشعر الشديد
ممكن يدل على نقص الحديد أو فيتامين D أو البيوتين

2️⃣ تعب وإرهاق طول الوقت
غالبًا بسبب نقص فيتامين B12 أو الحديد

3️⃣ تشققات في زوايا الفم
ممكن تكون علامة على نقص فيتامين B2 و B3 والحديد

4️⃣ تشنجات العضلات
ممكن تحصل بسبب نقص الماغنسيوم أو البوتاسيوم

5️⃣ بطء التئام الجروح
قد يكون بسبب نقص فيتامين C أو الزنك

6️⃣ تنميل في اليد أو القدم
غالبًا مرتبط بنقص فيتامين B12

*ثالثًا: أفضل طرق للحفاظ على الترطيب في 🌙 رمضان*

1️⃣ *اشرب مياه بانتظام بين الفطار والسحور*

حاول تشرب 8 - 10 كبايات مياه على الأقل يوميًا، ووزّعهم خلال الفترة من الفطار للسحور بدل ما تشرب كمية كبيرة مرة واحدة

2️⃣ قلّل المشروبات اللي بتسبب الجفاف ذي القهوة والشاي بيزوّد فقدان السوائل لأنه مدر للبول ، الببسي والعصاير المعلّبة مليانة سكر ومواد حافظة بتخلّي الجسم يفقد السوائل بدل ما تحتفظ بيها

3️⃣ ركّز على الأكل الغني بالمياه وقت الفطار والسحور ذي
الخيار
• البطيخ
• الخس
• الطماطم
• البرتقال والفراولة

4️⃣ الأكل المالح والمقليات الكتير ذي المخلل والشبسي والحاجات المقليه خصوصاً وقت السحور

*إزاي تعرف إن جسمك بيعاني من الجفاف؟*

✅ جفاف الفم وتشقق الشفايف
✅ الشعور بالتعب والإرهاق بدون سبب واضح
✅ الدوخة والصداع المستمر
✅ قلة التركيز وضعف الذاكرة المؤقتة
✅ لون البول الغامق وقلة التبول
✅ الإمساك ومشاكل الهضم

لو حسيت بالأعراض دي، يبقى جسمك محتاج مياه وسوائل بكمية أكبر

*أهمية الترطيب في رمضان وتأثيره على صحتك*

رمضان فرصة ذهبية لتنظيف الجسم وتحسين العادات الصحية،بس مشكلة الجفاف بتكون واحدة من أكبر التحديات اللي بتواجه الصائمين
الترطيب الصح مش مجرد شرب مياه، لكنه عامل أساسي لصحة الجسم والمخ، وبيفرق جدًا في مستويات الطاقة والتركيز

*أولًا: ليه الترطيب مهم في 🌙 رمضان ؟*
1️⃣ بيحميك من الجفاف
2️⃣ بيساعد في تنظيم درجة حرارة الجسم
3️⃣ بيحسّن الهضم وبيقلل الإمساك
4️⃣ بيحافظ على نشاط المخ 🧠والتركيز : المخ بيتكوّن بنسبة كبيرة من المياه، وأي نقص في الترطيب بيأثر على قدراتك العقلية، وده اللي بيخليك تحس بخمول أو ضعف تركيز أثناء الصيام. الدراسات بتقول إن نقص المياه حتى بنسبة 1-2% بس ممكن يقلل الأداء الذهني ويزوّد الإحساس بالتعب

5️⃣ بيخلّي بشرتك صحية ونضرة:
جفاف الجسم بيظهر بشكل واضح على البشرة، وده اللي بيخلي ناس كتير تحس إن وشّها باهت في رمضان

*التغذية السليمة في 🌙 رمضان*

رمضان فرصه رهيبة عشان نحسن علاقتنا بالأكل ونبدأ نظام صحي يفيد جسمنا، بس للأسف ناس كتير بتوقع في فخ العادات الغذائية الغلط اللي بتسبب مشاكل زي التخمة، العطش، وزيادة الوزن. علشان كده، لازم نركز على شوية حاجات مهمة في أكلنا خلال الشهر الكريم

*الإفطار الصحي المتوازن*
• ابدأ فطارك على ٣ او ٥ تمرات مع كوب مية أو لبن او عصير متحلي بعسل مش سكر ، ده بيساعد على تعويض الطاقة المفقودة بسرعة.
• بعدها خد شوربة دافية زي شوربة العدس أو الخضار او اي شوربة ، عشان تجهز المعدة للهضم.
• وجبتك الرئيسية لازم يكون فيها بروتين صحي (لحوم مشوية أو مسلوقة، فراخ مشوية او مسلوقة ، سمك مشوي )، وكربوهيدرات معقدة (رز بسمتي، بطاطس )

متكترش في المقليات والمسبكات لأنها بتتعب المعدة وبتسبب حموضة

*الترطيب مهم جدًا*
• اشرب 2-3 لتر مياه بين الفطار والسحور، بس على دفعات مش مرة واحدة
• قلل الكافيين (شاي، قهوة) لإنه بيسحب المية من الجسم وبيعطشك
• عصاير الفواكه الطبيعية أحسن من المشروبات الجاهزة اللي مليانة سكر والتمر الي بيجي في كياس دا بيكون سكر ويتدوب
احسن تمر هو الي بيكون بلح دا ويتخمر

*السحور المثالي* 🌃

• لازم السحور يكون فيه ألياف وبروتين عشان يقلل الجوع طول اليوم، زي:
• زبادي + شوفان + عسل
• بيض مسلوق + جبنة قريش + عيش بلدي
• فول بزيت زيتون + خضار
• ابعد عن المخللات والحوادق لإنها بتزود العطش

*تجنب التخمة والخمول*

• متاكلش بسرعة، امضغ الأكل كويس عشان تساعد المعدة في الهضم.
• قسم وجبتك على مراحل: فطار خفيف – راحة ( صلي المغرب ) – وجبة رئيسية
• حاول تتحرك بعد الفطار شوية، حتى لو مشيت نص ساعة، ده هيساعد في الهضم ومنع التخمة.

التوازن هو المفتاح، متحرمش نفسك من حاجة بس كُل باعتدال، واستغل رمضان إنه يكون بداية ل