BRAAH Rett Syndrome

مش كل المعارك بتتخاض بالأسلحة 🇪🇬💜
في معارك بتخوضها أمهات بنات ريت كل يوم بين الخوف والأمل، والتعب والقوة.
في ٦ أكتوبر بنحتفل بانتصار عظيم لبلدنا، لكن فيه انتصارات تانية محدش بيشوفها… انتصار أم بتقوم كل يوم عشان بنتها، وبتحارب عشان حقها في العلاج والحياة الأفضل. ❤️
وإحنا في شهر أكتوبر، شهر التوعية بمتلازمة ريت، بنفتكر إن الوعي معركة، وإن كل صوت بيفرق، وكل خطوة بتصنع أمل. انتصار أم بتواجه خوفها على بنتها
وبتتعلم من جديد عشان تساعدها
وبتجري من دكتور لجلسة ومن أمل لأمل
وبتقوم كل يوم رغم تعبها عشان بنتها تستحق تعيش أحسن حياة ممكنة.
لكل أم لبنت من بنات ريت… إنتِ بطلة، حتى في الأيام اللي بتحسي فيها إنك مش قادرة 🥹❤️

💜 أكتوبر شهر التوعية بمتلازمة ريت
ايه هي متلاومة ريت !
هي طفرة جينيه بتسبب اضطراب عصبي نادر في جين MECP 2
علي كروموسوم x و علشان كده هي بتيجي للبنات اكتر
بيأثر علي وظيفه المخ فبيأثر تقريبا علي معظم وظايف الجسم

إمتى بتظهر؟
في البداية ممكن تكون الطفلة بتتطور بشكل قريب من الطبيعي، ثم تبدأ بعض المهارات المكتسبة في التراجع، غالبًا خلال السنوات الأولى من العمر.
💜 من أشهر الأعراض والسمات:
• فقدان أو تراجع استخدام اليدين بشكل هادف.
• حركات متكررة لليدين مثل الفرك أو التصفيق.
• صعوبة أو فقدان القدرة على الكلام.
• صعوبات في الحركة والتوازن.
• اضطرابات في التنفس أثناء اليقظة لدى بعض الحالات.
• تشنجات لدى بعض الأطفال.
• مشكلات في النوم أو التغذية أو الجهاز الهضمي لدى بعض الحالات.
• قد تحدث إعاقات حركية واحتياجات دعم متعددة، وتختلف الأعراض وشدتها من طفلة لأخرى.
🌷 والأهم:
متلازمة ريت ليست معدية، وليست نتيجة خطأ من الأب أو الأم. وهي حالة تحتاج إلى متابعة متعددة التخصصات ودعم مستمر.
والطفلة المصابة بمتلازمة ريت ليست مجرد تشخيص…
هي طفلة لها شخصيتها، ومشاعرها، وقدراتها، وأحلامها. ❤️
براءة بتحارب ريت… وإحنا بنحارب معاها بالحب والوعي. 🦋💜

Rett syndrom 💜

شكرًا من القلب على دعمكم واهتمامكم The Power Of Social Media
ربنا يقوّي كل أم ويشفي أطفالنا جميعًا 💙🤲

أن شاء الله كل اللي جاي خير ❤️