Makeup By Heba

بقالي اسبوعين بستخدمه وبطلت الفاونديشن بعد الزيت ده... وشي بقى منور🫢🪬

من غير مكياج ووشي جلوي كده ازاي؟ الزيت ده

الزيت: زيت ثمر الورد + زيت الليمون 🌹🍋
ده اقوى كومبو للتبييض والنضارة

ليه ده بالذات؟
• زيت ثمر الورد: فيه فيتامين A و C بيجدد الخلايا ويوحد اللون ويشيل البقع
• زيت الليمون: مقشر طبيعي خفيف بيشيل التصبغات بس لازم بالليل

الوصفة: سيروم التبييض الليلي

المكونات
1. 3 معالق زيت ثمر الورد - الاساس للتبيض
2. معلقة زيت جونسون - عشان يرطب ويحبس الترطيب
3. 5 نقط زيت ليمون - للتبيض "استخدميه بالليل بس"
4. 3 نقط زيت فيتامين E - اختياري بس بيضاعف النتيجة
5. قطارة فاضية

الطريقة
اخلطي كله في القطارة ورجيه.

طريقة الاستخدام
1. اغسلي وشك كويس ونشفيه
2. حطي 4 نقط بس ودلكي وشك ورقبتك بحركات لفوق 1 دقيقة
3. سيبيه للصبح واصحي اغسلي وشك
4. مهم: استخدميه بالليل بس عشان زيت الليمون

النتيجة امتى؟
• 3 ايام: نضارة ولمعة
• اسبوعين: توحيد لون وتبيض درجة
• شهر: البقع بدأت تفتح وبطلتي تحتاجي فاونديشن

ملاحظات نار
• جربيه على رقبتك الاول 24 ساعة
• الصبح لازم صن بلوك لو نازلة
• اشربي مية كتير عشان النتيجة تبان
• مش للبشرة الحساسة جدا استبدلي زيت الليمون بزيت برتقال

الخلاصة: لما بشرتك تبقى صافية ومنورة.. هترمي الفاونديشن بنفسك 😌

تعبتي؟ وقعتي؟ حاسة ان كل حاجة باظت؟
تعالي اقولك سر...😌😌

البداية الجديدة مش محتاجة ظروف مثالية.
محتاجة قرار واحد بس: "انا هبدأ"

4 خطوات تبدأي بيهم من الصفر

1. سامحي نفسك الاول
اللي فات مات. الغلطات دي دروس مش احكام اعدام.
لو فضلتي تجلدي نفسك مش هتعرفي تتحركي خطوة.

2. ابدأي صغير اوي
مش لازم تغيري حياتك كلها بكرة.
عايزة تخسي؟ اشربي مية بس.
عايزة تذاكري؟ ذاكري 10 دقايق بس.
الانتصارات الصغيرة هي اللي بتبني الثقة.

3. اقفلي باب المقارنات
بطلي تبصي لغيرك. هو بدأ من امتى؟ وفي ظروف ايه؟
انتِ قصتك مختلفة. قارني نفسك بنفسك امبارح بس.

4. افتكري "ليه"
ليه عايزة تبدأي؟ عشان صحتك؟ عشان ولادك؟ عشان نفسك؟
علقي ال"ليه" دي قدام عينك. هي دي اللي هتشدك لما تقعي.

الحقيقة اللي محدش بيقولها
الصعوبات مش هتختفي.
بس انتِ هتبقي اقوى منها.

كل الناس الناجحة بدأت وهي خايفة ومكسورة ومعهاش حاجة.
الفرق انهم كملوا.

فلو حاسة انك ضايعة...
دي علامة انك جاهزة تبدأي صفحة جديدة.

النهاردة مش بكرة.
النهاردة هي اول يوم في باقي حياتك.

قومي. اغسلي وشك. واعملي حاجة واحدة بس تقربك من هدفك.

انا معاكي ❤️

والله نسيت شكل الفونديشن والكونسيلر 🪬🪬🪬🪬وشي بقا متوحد مش محتاجه لفونديشن 🧐🧐
طب بستخدم ايه ديما
طبعا قولتلكو في الفيديو هعمل الماسك المنقذ بالنسبالي وهلبس وهنزل وهصورلكو
دي نتيجه الماسك رهيييب
وطبعا طبعا بستخدم كل يوم قبل مانام الهاليرونيك بتاعي اللي عملناه مع بعض 😇😇☺️☺️☺️☺️

*خسوا يا جماعة الخسسان حلو والله* 😂💪

بصوا.. انا كنت فاكرة زيكم ان الدايت حرمان واكتئاب وعيشة ناشفة
لحد ما خسيت وفهمت ان *الخسسان مش حرمان.. الخسسان راحة*

*تعالوا اقولكم ليه الخسسان حلو اوي:*

*1. صحتك*
النفس بقى اسهل، ركبك مش بتوجعك، بتنامي مرتاحة، السكر والضغط بيظبطوا. جسمك بيقولك شكراً.

*2. شكلك*
اللبس اللي كان ضيق بقى واسع، وشك منور، حتى شعر وبشرتك بيفرقوا. بتبصي في المراية وتحبي نفسك.

*3. نفسيتك*
الثقة بترجع. بقيتي بتتصوري. بقيتي بتقولي "انا اقدر". الاحساس ده بالانجاز مفيش اكل في الدنيا يديهولك.

*4. فلوسك*
بطلتي تاكلي كل شوية وتطلبي دليفري. بقيتي بتشتري اكل بيت صحي واوفر.

*طيب نبدأ ازاي من غير عقد؟*
- *اشربي مية* قبل الاكل.. هتشبعي اسرع
- *بدلي مش امنعي*.. عايزة شيبسي؟ كلي خيار بليمون وملح
- *امشي 20 دقيقة* بس في اليوم.. جسمك هيحرق
- *نامي بدري*.. قلة النوم بتجوع
- *كافئي نفسك* مش بالاكل.. بلبس جديد او خروجة

الموضوع مش انك توصلي للمثالي في شهر.
الموضوع انك كل يوم تبقي اخف من اليوم اللي قبله بـ 1%

*الخلاصة:*
الاكل اللي بيتخن بيديكي متعة 5 دقايق..
والجسم الخفيف بيديكي راحة 24 ساعة.

اختاري نفسك بقى ❤️
ده غير بقا المشرب المفضل اللي ساعدني والله كتير اوي
ونزلي الميه من جسمي مقدرش استغني عنه

كل دي محفزات تخليكي تتشجعي 🤎🤎👇👇
في فرق ولا ايه شجعوني 😂😂😂

من الحاجات اللي اتعلمتها في حياتي هي كلمه
( سطحو العلاقات ) 🫢🫢قد ايه الكلمه دي لو عملتي بيها
هتريحك جدا عارفه يعني حياتك متبقاش علي المشاع
عارفه يعني ايه حياتك تبقا خاصه وعادي يبقا عندنا صحاب وحموات وسلايف بس مش لازم ااكل يكون مدخل في حياتي وانا كمان معنديش فضول اعرف حاجه عن حد
سطحو العلاقات مع الكل القريب والغريب هترتاحو اوي
لازم تكون عمله حدود في كل حاجه
صدقيني هتلاقي الكل من وراكي وقدامك بيحترمك لانك شخص رزين وتقيل ومعندوش فضول يعرف ايه اللي بيحصل من وراه ولا حد يتجرأ يكسر الحاجز اللي عمله لنفسه ويتعدا حدوده خليكي ديما انتي بتقرري تعرفي الناس
وتخبي ايه لان دي حريتك الشخصيه 🙂‍↕️🙂‍↕️🙂‍↕️من يتفق معي

اللي كنت بشربه وبعمله ديمآ علشان يخسسني 😨طلع بيبض البشره وبيمنع اكسده البشره اللي كنت بعاني منها بشربه علشان حاجه عالجلي حاجه تانيه 😊😊الشاي الاخضر🥰🥰🥰🥰
السحر الاخضر فعلااا بيبض وبيقصي علي الهالات السواد واسمرار حولين الفم واكسده البشره اللي كلنا بنعاني منها
📌📌📌📌📌📌
فوايده لاتعد ولا تحصي

مكوناته الماسك اللي بعمله

شاي اخضر باكيت واحد
معلقه ترمس مطحون
معلقه زبادي

فوائده للبشرة
1. بيحارب الحبوب: فيه مضادات بكتيريا بتقلل الالتهاب والحبوب
2. بيقلل المسام: بينظم افراز الدهون فالبشرة الدهنية بترتاح
3. لمعة ونضارة: مضادات الاكسدة بتجدد الخلايا وبتدي جلو طبيعي
4. بيأخر التجاعيد: بيحارب الجذور الحرة اللي بتعجز البشرة
5. بيهدي الاحمرار: ممتاز للبشرة الحساسة والملتهبة

فوائده للجسم والشعر
6. بيزود الحرق: بيساعد على التخسيس وحرق الدهون
7. بيقوي المناعة: مليان كاتشين بيحارب البرد والعدوى
8. بيقلل التساقط: لما تشربيه او تعمليه تونر للفروة بيقوي البصيلات
9. بيقلل الانتفاخ: بينزل المية الزيادة من الجسم
10. بيحمي من السكر: بينظم مستوى السكر في الدم