Glowlita

إحنا بنهتم بوشنا وشعرنا، بس بننسى أكتر جزء بيتعب طول اليوم!👀🩷

رجلك بتستحمل المشي، والحر، والجزمة لفترات طويلة، ومع كل دا طبيعي يحصل جفاف أو خشونة لو مفيش عناية.
علشان كده، روتين بسيط يفرق معاكي جدًا:

1- تقشير مرة أو مرتين في الأسبوع
علشان تتخلصي من الجلد الميت وتخلي ملمس البشرة أنعم.

2- الترطيب يوميًا
خصوصًا قبل النوم، لأن الترطيب المستمر هو سر النعومة.

3- اهتمي برجلك كل يوم
حاولي تنشفيها كويس بعد ما تغسليها والبسي شراب قطني مريح لو هتلبسي كوتشي أو جزمة لفترة طويلة.

العناية برجلك مش رفاهية، هي جزء من اهتمامك بنفسك.🩷
قوليلنا إيه أكتر حاجة بتضايقك في رجلك؟

ممنوع تقولي اتنين! 😂🚫
لو هتاخدي منتج واحد بس من روتين العناية، هتختاري إيه؟
شامبو
غسول
صن بلوك
سيروم
هااا فكري كد كويس يمكن تاخدي خصم ولا حاجة 😂👀

إيه أكتر نصيحة عناية طلعتي مصدقاها وهي غلط؟ 😂
كلنا صدقنا نصايح منتشرة، وبعد فترة اكتشفنا إنها مش صح.😅
زي مثلًا:
البشرة الدهنية مش محتاجة ترطيب❌
كل ما تغسلي وشك أكتر، الدهون هتقل❌
قص أطراف الشعر يخليه يطول أسرع❌
الصن بلوك للبحر بس❌
أكيد فيه نصيحة تانية سمعتيها قبل كدا!
قوليلنا إيه أغرب نصيحة سمعتيها واتضح إنها غلط؟👀

لو بتعملي واحدة من الحاجات دي، يبقى روتين العناية بتاعك محتاج يتغير!🚨

مش كل مرة المنتج هو اللي بيكون فيه المشكلة، أوقات كتير الروتين نفسه هو السبب👇🏻

1. لو بتغسلي بشرتك أكتر من اللازم❌
الغسيل الكتير ممكن يخلي البشرة تفرز دهون أكتر بدل ما تهدى.

2. بتغيري منتجاتك كل أسبوع❌
أي منتج محتاج وقت علشان يبان تأثيره، ومش من أول استخدام.

3. بتستخدمي منتجات مش مناسبة لنوع بشرتك أو شعرك❌
اللي نفع غيرك مش شرط ينفعك.

4. بتنسي أهم خطوة... الحماية! ❌
سواء لشعرك من الحرارة أو لبشرتك من الشمس، الحماية جزء أساسي من أي روتين.

5. بتستني نتيجة في يومين❌
العناية مش سحر، الاستمرار هو اللي بيعمل الفرق.✨

قوليلنا أنهي نقطة بتحصل معاكي أكتر؟👀

لو بشرتك دهنية، غالبًا بتعملي الغلطة دي كل يوم! 😶

أول ما تحسي إن بشرتك دهننت، تغسليها مرة، واتنين، وتلاتة!
وتفتكري إن كدا هتقللي الدهون.
لكن الحقيقة؟👀

كل ما بتغسلي بشرتك زيادة عن احتياجها، ممكن تحاول تعوض الترطيب اللي فقدته بإفراز دهون أكتر.
يعني بدل ما المشكلة تتحل، بتتعقد أكتر.😥

الحل مش إنك تغسلي وشك طول اليوم، الحل إنك تستخدمي غسول مناسب للبشرة الدهنية ينضف بلطف ويحافظ على توازنها.🩷

قوليلنا بتغسلي وشك كام مرة في اليوم؟

5 غلطات بتعمليها في شعرك من غير ما تاخدي بالك! 🚨🚨

■ بتغسلي شعرك بمياه سخنة جدًا❌❌
المياه السخنة هتخلي شعرك ناشف ومش مترطب.

✅خلي المياه فاترة وحاولي تهتمي بترطيب شعرك.

■ بتسرحي شعرك جامد وهو مبلول ❌❌
دا ممكن يخلي الشعر يتكسر ويتشابك أكتر.

✅ فكي التشابك براحة وابدئي من تحت لفوق.

■ بتستخدمي الاستشوار أو المكواة كتير❌❌
الحرارة الزيادة ممكن تزود الهيشان والجفاف.

✅قللي استخدام الحرارة علي شعرك واهتمي بترطيبه.

■ بتنامي وشعرك مبلول❌❌
دا ممكن يخلي شعرك يتشابك ويهيش بسرعة.

✅ سيبيه ينشف قبل النوم.

■ بتجيبي أي منتج عشان تريند ❌❌
مش كل حاجة نفعت مع غيرك هتنفع معاكي.

✅افهمي شعرك الأول واختاري اللي يناسبه.

إيه أكتر غلطة كنتي بتعمليها من غير ما تاخدي بالك؟ 👀

#العناية

لو شعرك يقدر يتكلم... هيقولك إيه؟ 👀

"أنا تعبت من الجفاف!"🥲
"مش عارفة أخلص من الهيشان!"
"ليه التقصف بيرجع كل شوية؟"

الحقيقة إن كل شعر ليه احتياجاته، وأول خطوة للعناية الصح إنك تعرفي المشكلة الحقيقية اللي محتاجة حل.

مش كل روتين يناسب كل أنواع الشعر؛ لأن الشعر الجاف غير المتقصف، غير اللي بيعاني من التساقط أو القشرة.

دلوقتي دور شعرك يتكلم 👀👇🏻
إيه أكتر مشكلة مضايقاكي في شعرك؟

الجفاف – الهيشان – التقصف – التساقط – القشرة

وأكتر مشكلة هتتكرر في الكومنتات، هننزل ليها الحل في البوست الجاي.🩷

#ترطيب

لو الصيف هو أحلى وقت للخروج، فهو كمان أصعب وقت على شعرك.☀️

بين الشمس، وماية البحر، والكلور، واستخدام الحرارة بشكل متكرر، شعرك بيحتاج حماية قبل أي حاجة.

سيروم الشعر من Glowlita يساعد على تكوين طبقة حماية للشعر، بتقلل من تأثير العوامل الخارجية، وبتساعد في الحفاظ على نعومته ولمعانه، وبتقلل الهيشان قبل ما تعرضيه لأي حرارة سواء من المكواة أو غيرها.

خلي السيروم آخر خطوة قبل ما تخرجي
عشان شعرك يفضل محافظ على حيويته في كل مكان.🩷

#عين #ترطيب #كأسالعالم #عناية