Taye Dasta page

Si Yaadanna

Akkamittiin caalii
Akkamittiin gurba
Na dhaga'uu didda
Caalii sanyii dhiiraa
Caalii sanyii guddaa
Kan dur lammiin kee
Ajjeesu dibatee
Tufee hin arraabne
Gafarsaan gaditti
Saawwatti lakkaawee
Yeroo yoo argatu
Raadi'oon si waadee
Qawween si akaawe
Hammam lammii keetiin
Walii galtee diddee?
Mana gumaa lixxa!
Ilma haa...

Afaan kootti haa hafu
Kan shan ta'ee dhufu.

Jette dubbiikee gaafasii
Nutis boqonnaa hin arganne
Erga dubbii Kee gaafasii

Gaafaa haqni dhokfamee sobni teessoo yaabe
Shirri hidda yaafatee jallaaf teessoo dhaabe

''Maalan jira'' jettee kuusaa dhimbiibbaa garbummaa
Rasaasa haqaaf dhukaatu
waa’eekee maalan himaa
Haceeko anaa nyaatu

Dhiira haqa boollaa baasee faajjii godhee mirmirsiisuu
Burruusa dhara hunkuteessee qe’ee sobaa iyyisiisu

Jabaa koo utubaa haqa-qabeessaa irbuu gala sona mi’eessituu
Jirma hin raafamne sibiilakoo wiirtuu seelii hamiilee si’eessitu....

Yeroo namni sitti amanu tokkollee hin jirretti ati ofitti amani.

Si jaalachaa du'uu wayya

Karaan keef kan namaa
Imala kee achi imaluuf
Sun waliif adda gargari
Kennaa kee dhiiftee
Kan namaarra deemuuf
Hin cinqamiin of bari

Kan namaarra deemaa
Bakka dhaqxun beektu
Deemaa oolta malee
Galmatti hin~akeektu

Qabda daandii dhuunfaa
Atis kan mataa kee
Ol Ka'i, tottolfadhu
Hidhadhuu garaa kee

Qormaanni jireenyaa
Sammuu keessa madda
Deebiif qalama rigda
Gaaffiinis waliif adda

Jettee deebii namaa
Maaf eegda alarraa
Gaarii hojjedhu malee
Tolan eegiin namarraa

Atis qormaata kee
Deebii fiddee darbuuf
Mo'achuudha qabda
Gonfoo caalu arguuf

Kitaaba jiruu kee
Banadhuu dubbisi
Waan irraa hubatteen
Jiruu kee guddisi

Jedhan jedhanii jedhu
Maafan jedha jechaa
Jechaa maaf Jetta
Hin jedhu ofiin jechaa

An;
Gaaffii sammuu kootii
Jalaa ba'uun danda'u
Waraansa jecha qalbiif
Garaankoo na madaa'u

Siin barbaacha ka'ee
Oliif gadi jooruu wayya
Anis nama boruu ta'ee
Si jaalachaa du'uu wayya

Osoo gaafa ABC jechaa turre sana Birr1 Birr2 Birr3 jennee silaa yoona Abbaa qabeenya turree😢😢