Amal.J Beautyclinic

تلخيص الاضافر لهادا الاسبوع.
شوية اضافر وكتيييير نعومة و ملاااااان انوثة.
💅

كُنت دايما اقول وقبل ما يطلع تشات جي بي تي
عنجد الاضافر ابعد ما يكون عن كونه تلوين جل وخلص
هو ضحكة الصبية
هي العلاقة الي بتنبنى مع الزبونة و ملان زباين بصيرو اصحاب
هو الشعور الي انا بعمله مع زبوناتي
هي المساحة الامانة تاعت كل صبية
هو فنجان القهوة و العبوطة باخر اللقاء
في ناس بتمنى الدور مع يخلصش معهن
و في ناس بتطلع عليهن بانبهار عالشخصية الي غدرو يطوروها
وفي ناس نفسي اعبطهن بدون سبب و اقلهن قديشهن نساء اقوياء
This is why I do what I do
That’s my WHY that I will not forget anymore
💅

رجعت استقبل صبايا بالكلينكا بسخنين
عشان اكون صريحة, باخر 9 سنين كصاحبة بزنس فهمت متاخر شوي انه البزنس هو اشي حَي متله متلي يعني كمان هو بمرق باوقات ممتازة و مرات بمرق بتحديات
بس انا وياته اتفقنا انه مانترك بعض بحياتنا
ومهما يصير احنا موجودين لبعض.

اتفقنا انا والبزنس - البيبي الاول تاعي انه كل ما انا عايشة رح اضل اجرب واطمح و اطلع من كل خط عادي مرسوم من قبل ناس غرباء عني و عن حياتي وهو رح يضل معي وحدي! ورح اضل افحص شو الملائم الي ولعيلتي .ولنفسي و لراحتي (واخر همي راحة الناس الي ما بتهمني او الي رح تحكم مش مهم شو رح نعمل بحياتنا)

مرات منتعلم بالطريقبة الصعبة
انه مشاعر الاخرين احنا مش مسؤولين عنها, مشاعر الناس الي عقبالنا وخاصة البعيدة الي اخر همها اصلا مصلحتنا هي مسؤولية الاشخاص نفسهن هدول!! ودائما بزكر حالي بسؤال
ماكسيموم شو؟ مين فارق معه اصلا؟ اليوم الناس عم تركض لنفسها و هات يابو الهات تدبر حالها ببلد مليانة حرب ومليانه عدم امان و كل واحد عنده عيلته وولاده الي عم بفكر فيهن و بمستقبلهن! ماظنش انه هاي الفترة الصح نيجي ننزل على حدا احكام بس عشان عم يحاول يطلع من هاي الاوضاع (وولا فترة اصلا هي صح بغض النظر عن الظروف).
تفهمويش غلط, مش جاي اريح ولا شخص هون ولا جاي اقنع حدا ميحكمش علي
لانه مش فارق معي عنجد
بس جاي احكي كلمتين من القلب
وازكركو
انه اختياراتي, اختيارات اي شخص بتعرفوه مش هالقد محور الكون
اما بالنسبة الي محور الكون هو ابني روحي وقلبي و الي مستعدة اشلخ بانيابي اي ظرف ممكن يغلت علي وعليه. محور الكون هو جوزي الي وقتنا سوا اهم من صورة اي شخص عم يحاول يحقق احلامه عحسابي. محور الكون امي و اخوتي واكون معهن و يكونو معي.

الى هنا،
اصدق بوست من اول ما فتحت الانستا كتبته.
وإلي بدها تعين دور تبعتلي سريييع 🥹

مهمتنا واضحة: نعلّمك بديكور طبي بطريقة صحيحة، آمنة، ومبنية على خبرة طبية (دكتور و ممرض و انا).
اليوم السوق مليان فوضى، بس اللي بتدرسيه بمكان طبي…
هو اللي بصنع الفرق.
تعامل مع مرضى، كبار سن، وحالات طبية — هذا مستوى أعلى من الشغل العادي.

رعاية كبار السن مش شغلة بسيطة…
وبتحتاج قلب، علم، ومكان تعلّمي فيه صح.
إحنا ملتزمين ندرّبك بطريقة طبية، محترمة، وآمنة —
عشان لما تشتغلي، تكوني واثقة بكل خطوة.

إذا بدك تصيري مختصة بديكور طبي…
بدك تتعلّمي بمكان طبي.
تعاملك مع حالات طبية، كبار سن، ومراجعين بخلفية صحية لازم يكون مسؤول ومحترف.
وإحنا هون عشان نعطيك هالمستوى اللي ما حدا بعطيه.

للتسجيل: ابعتيلنا رسالة و رح نرد عليكي باسرع وقت.

لما تعلمت كورس بديكور قبل 8 سنين الصراحة طلعت منه بكتير عدم امان و فش عندي الثقة اجي اقول لاي حدا ااه بغدر احل مشكلة عندك. وقتها عملت ملان השתלמויות ومع هيك اغلب الناس الي بهادا المجال بخافو! حتى الي صرلهن عشرات السنين لانه بالاخر فش الخلفية الطبية و التعليم الطبي الحقيقي.
لما الممرض رواد فات عالكلينيك فجاة عنجد فهمت انه بنفع انوع بين الكريمات ومش رح يصير اشي! بنفع اعالج اضفر غارز و ينزل دم و اعقم المنطقة بشكل صح و ميصرش اشي عللمتعالج حتى بالعكس نساعده اكتر! بس ولا اشي من هادا كان ممكن يصير لو رواد ما جاب خبرته الطبية و فهمني بالزبط شو بصير بالجلد و بالجرح لما ينزل دم و كيف نتعامل معه!
الاكيد الاكيد اني رح ارد على خبرة رواد الي جاي من المستشفى و باخطر اقسام المستشفى و الاكيد اني رح اكون واثقة فيه اكتر من اي اخصائية تانية الها حتى عندها خبرة عشرات السنين!

ازا انت كمان عندك هادا الخوف وواصلة لمحل انك عم تسببي ضرر اكتر من ما عم بتساعدي زباينك اجا الوقت تاخدي المعلومات من الشخص الصح و تتقدمي بمصلحتك بدون خوف!
✨

البدايات الجديدة مش دايمًا معناها نبدأ من الصفر من كل زوايا حياتنا — أحيانًا معناها نوسّع الرؤية.

خلال الشهرين الماضيات، كان عندي شرف أشتغل مع فريق دولي رائع بدبي، وتعلّمت من خلاله أساليب تسويق عالمية غيّرت فعليًا الطريقة اللي بشوف فيها عالم البزنس 🌍

هالتجربة عمّقت ثقتي بالاستراتيجيات الثورية المعتمدة على الذكاء الاصطناعي، اللي عم تغيّر وجه عالم الجمال والأعمال — وأنا فخورة إني رح أدمج هالابتكار بعلامتي الخاصة، هون، في بلدي.

العيادة بعدها متوفرة للبيع — مثل ما خُطّط —
بس بنفس الوقت تركيزي الآن هو على النمو، والتعلّم، وإعادة تعريف التميّز بمجالي مع دمج الشغل مع فريق دبي .

هي مرحلة تطوّر، وضوح، وشجاعة لنطلع للمستوى الجاي.
🇦🇪

NOORAÉ
مش شخص. مش صفحة. ومش خدمة وحدة.

هي اليوم براند راقي
مكان بنهتم فيه بالبشرة، بالجسم، وبالشعور من جوّا.

اسم جاي من كلمة "نور" —
لأننا بنشتغل بوضوح، نظافة، بإيدين خبيرة و منترك اثر حقيقي.

في Nooraé بتلاقي:
– علاج طبي للشباب بإشراف ممرض
– علاجات وجه بجودة عالية وتقنيات متقدمة للشباب و الصبايا
– كورسات تعليم بوتيكية للأظافر و البديكور الطبي
– وقريبًا: خدمات عالية تانية

هاي مش بس عيادة.
هاي مساحة نظيفة، مرتّبة، وهادئة — بنشتغل فيها بتركيز وبنقدّم نتيجة.

أهلاً فيك في Nooraé.
البيت الجديد للعناية الراقية.
✨