A M E N - Page

||Ki-itna||

♡ Kimlepam thute lel hangin Pasian ih itna sia-sak kha peuhmah kei ni.
♡ Kimlepam thute lel hangin ei nupa ki-itna kisia sak kha peuhmah kei ni.
♡ Kimlepam thute lel hangin ei innkuan ki-itna kisia sak kha peumah kei ni.
♡ Kimlepam thute lel hangin ei unau ki-itna kisia sak kha peuhmah kei ni.
♡ Kimlepam thute lel hangin eite' ki-itna kisia sak kha peuhmah kei ni.
☆It ding cih na hanciam hun in, sinna(test) hong pai ding a, it zawh naang hanciam veve in.

Lungdam 🥰

||Nang Tawh kong omkhawm hi||

Christ sung a om ute naute aw ih dam kim tek hiam? Ih nuntakna sungah haksa, lamet bei, khattang kisa in ih om kha hiam?

Pasian's kammal Lstho ih et ciangin, Pasian in a mite a phawk sak kik zelzel a vanglian thuman khat om a "note tawh kong omkhawm hi" cih thu a hi hi. Hih kammal pen Moses, Joshua, David leh kamsangte tung bek ah hi lo in, tu hun in zong eite tungah kimu thei hi.

T**A in gen a, "Lau kei un, note tawh kong omkhawm ding hi" ci hi.
Jesu mahmah in gen kik a "hun bei dongin note a hong ompih tawntung ding ka hihna thu phawk ta un," a ci hi.
Matthew 28:20 sungah kimu thei hi.

Hih kamciam in a thupi ahi T**A Pasian' ompihna in ciangtan neilo in, hun khat sung, ahih kei leh Laisiangtho mun khat bek ah gen lo in muntampi ah mu thei hi hang. Tuan in a kizom den T**a Pasian's ompihna hong lak hi.

Ih nuntakna sungah thukician lo, tona te leh khattang kisak luatna hun om thei zel hi. A hi zongin tua bang hun te nangawn ah T**A Pasian kalkhat zong eite kiang pan puapial lo ahi na leh, Amah eite tawh paikhawm, tha hong khawhsak in, hong makaih den ahi hi.

Tua ahih man in,
• Khattang ih kisak hunciang, eibek hilo cih phawk ni.
• Zinciang hunding ih lungman ciang, T**A ih mai-ah pai cih phawk ni.
• Bah leh vui in ih om hun ciang, Ama thahatna in eite thanemna adingin kicing hi cih phawk ding hi hang.

Ih phawk tawntung ding in, T**A Pasian's Kamciam (Note tawh kong omkhawm hi) cih muan ding, upna tawh mainawt ding leh, T**A'' thumanna pen a beisa hun, tuhun leh hong pai ding hun ah zong thuman tawntung ding ahina thu a hi hi.

I hinna khempeuh ah T**A
▪︎Nang tawh omkhawm a
▪︎Kei tawh omkhawm hi
▪︎Eite tawh T**A Pasian hong omkhawm hi

Vantung a om kote Pa aw,
Ukzawhna, vangliatna, minthanna na nei tawntung hi. Amen.

|| Joshua 1:5, 9 I Isaiah 41:10 I Matthew 28:20 II