Colic

العودة إلى المدارس شنو حضرتوا؟ جاهزين؟؟؟

و هم بوست تحضيري للمدرسه
و نبدي شويه شويه
و خطوه بخطوه
أهم خطوة هي النوم
أبدي من اليوم نوميهم من وكت.
إذا اليوم ناموا ١٢، باجر ١١ ونص، بعده ١١، وهكذا … لما يصير نومهم ثابت بالـ٩ أو ١٠ بالليل
مو تنسين نهاية الأسبوع (الخميس والجمعة) استمري بالروتين نفسه، لا تخففين ولا تسامحين حتى يتعودون
ماكو شي اسمه اليوم خميس و نصحى و نسهر
التزمي ب: روتين روتين روتي
سدي التلفزيون والآيباد من العصر وماكو أصوات مزعجة قبل النوم و تلفزيون و عركات قبل النوم بساعتين.
وجبه خفيفه قبل النوم مثل بسكوت شوفان ويا حليب أو موز
الأطفال يتعلمون منكم، فناموا أنتم مبكرًا همين
كلما الطفل نام أكثر كلما زاد نموه، صحته، واستيعابه
هرمون النمو يفرز ليلا
دائما شجعوا مقوله : هرمون النمو يفرز ليلا اذا ما تنام ما تكبر
اخر نداء تقريبا للبروبايوتك للوقاية لان يحتاج اسبوعين لما يشتغل البروبايوتك و ناطيكم مقترحات مسبقه عليها
شويه عرّضي الطفل للشمس أو ضيفي فيتامينات متعددة لأكله، المناعة تحتاج وقت حتى تقوى مو بيوم الدوام نبدي بيها من هسه
حضري أغراض المدرسة ويا طفلك وخليه يشارك بالاختيار، هالشي يزيد حماسه.
لا تخلون حديثكم سلبي عن المدرسة خلوهم يحبوها حتى يبدعون بالدراسة.
ثبتي روتين صباحي بسيط: غسل الوجه، لبس الملابس، فطور خفيف (حليب + شوفان أو فواكه)
قللي من السكريات والمشروبات الغازية، لأنها تضعف المناعة وتخلي الطفل عصبي ومتعب.
علمي طفلك يغسل إيديه باستمرار (قبل الأكل، بعد الحمام، بعد المدرسة) حتى يقل التعرض للجراثيم.
تأكدي من أخذ اللقاحات الضرورية أو أي جرعة ناقصة قبل بداية الدوام.
بداية سنة دراسية سعيدة عليكم وعلى أولادكم
الله يوفقكم ويوفق أطفالكم دومًا 💙

د. سيف سمير البياتي
أخصائي طب الأطفال

هوايه يسألون اوبتيباك موجوده لكل الأعمار ؟
نعم موجوده من عمر يوووم ولكل الأعمار
اكو قطرات واكياس وكميز وكبسول وكل شي ❤️❤️❤️

بكل بوست اكتب بيه بروبايوتك
عدد لا بأس منه من التعليقات
دكتور يعني شنو بروبايوتك؟
يعني شنو بكتريا نافعه ؟
هنا راح اكتب و تحملوني شويه لان البوست طويل
كتبنا و كتبت بوستات طويله عريضه عن فضل الرضاعه الطبيعيه و الغذاء الصحي و كيفيه الفطام و شلون ندعم ما ياخذه اطفالنا من فيتامين دي و الحديد و فيتامين k
بس تدعيم الطفل بالبروبايوتك موضوع قديم جديد تعالوا نكتشفه
قديم لان من زمن العالم يدرس عنه و عن اضافته للرضع
و جديد لان البروبايوتك للرضع حديثه الدخول للبلد و بدينا نتعامل وياها اكثر
❤ البروبايوتك للرضع :
البروبايوتك هي الاسم العربي للبكتريا النافعه
و سواء عجبنا الموضوع او ما عجبنا فان جسمنا بيه مليارات البكتريا الضاره و النافعه
و كلما البكتريا الضاره اكثر كلما المرض اكثر
و لما تزيد البكتريا النافعه المرض يقل
معادله سهله تشرح اهميه البروبايوتك
هي مدعمه بمئات البحوث
❤ هل يحتاج الطفل الرضيع اللي عمره ساعات للبكتريا النافعه ؟
الجواب الطفل الرضيع خلال ولادته و بلعه لسوائل الولاده راح تستوطن بامعاؤه مليارات البكتريا النافعه و الضاره اللي تعبرله من أمه و قناه الولاده
بس اغلب الولادات قيصريه
فشلون راح ياخذها
و لهذا برز موضوع البروبايوتك لتدعيم الاطفال اللي ينولدون قيصري
❤ طيب شنو فوائد البكتريا النافعه للرضع ؟
اولا ما نروح بعيد و نبقى بالامعاء و نكول انه وجود البكتريا النافعه بإعداد كبيره راح تقلل الغازات و تقلل المغص الولادي و تقلل الامساك و تقلل الارتجاع
اللي هن اكبر مشاكل تواجه الطفل بأول أشهر بعد الولاده
ثانيا
النظام المناعي في اغلب حالاته موجود في الامعاء و المعده بيت الداء لذلك تعزيز الامعاء بجهاز حمايه راح يحافظ عليها و على باقي الجسم من الأمراض
ثالثا
المزاج !
وحده من الدراسات تربط بين المواد اللي تنتجها الامعاء و من اهمها السيروتينين ينتج بالامعاء و لذلك يتحسن المزاج بتحسن وظيفه الامعاء !
غريب صح ؟
رابعا
رابعا
مشاكل الوزن زياده او نقصان ربطت بنوعيه البكتريا اللي موجوده بالامعاء و كلما زاد الحسن منها كلما كانت هذه المشاكل اقل
و هنا ملاحظه سريريه انه دكتور شكد زاد اكل الطفل من ضفنا البكتريا النافعه!!
و هذا غالبا اسمعه
خامسا
الاكزيما تقلل عند اخذ البكتريا النافعه عند الخدج
مساحه بحثيه جديده و ممتعه عن هذا الموضوع
و بصراحه تخبل النتائج
❤ شنو موجود بالسوق من البكتريا النافعه للرضع ؟
بما انه هذة البوست للرضع
اختار النوعيه الامينه
و اللي مكتوب عليها العمر للاستخدام
يعني مكتوب عليها امينه من اليوم الأول
مثل كلجرلا و بايوكايا و اوبيتباك
❤ شنو الفصائل من البكتريا النافعه الامينه
هي انواع متعدده بس اللي موجوده اما تكون
Lactobacillus reuteri
Bifidobacterium breve
Bifidobacterium infantum
❤ كيف اعطي البكتريا النافعه ؟
ممكن تعطى بالفم مباشره
و ممكن تعطى مع الحليب
او على اصبعك
او على حلمه المميه
❤ مصادر أخرى للبكتريا النافعه ؟
اولا الرضاعه الطبيعيه
ثانيا اللبن
ثالثا المخللات
❤ هل ممكن اذا انطيت اكثر من الجرعه الموجوده تصير مشاكل ؟
ماكو شي اسمه جرعه عاليه بالبروبايوتك بس اكيد ندعوك للالتزام بالجرعه
❤ هل توجد مشاكل او اعراض جانبيه للبروبايوتك؟
ممكن تسبب مغص او اسهال اذا استخدمتها بالجرعه الموصوفه
لذلك ابدي اولا بنصف الجرعه و زيد تدريجيا إلى أن تصل للجرعه المطلوبه
❤ اكو احد ما يكدر ياخذ البكتريا النافعه؟
اي نعم
اللي عدهم عمليه جراحيه كبرى و عدهم جرح كبير حديثا
اللي عدهم التهاب البنكرياس
اللي عدهم نقص مناعه مشخص مثل الاصابه بالايدز او اللي ياخذون علاج كيمائي
اللي هم حالتهم الصحيه حرجه و محجوزين بوحدات الإنعاش الرئوي
البروبايوتك عالم جميل راح يغير شكل الكوكب للأحسن ان شاء الله
د. سيف سمير البياتي اخصائي طب الاطفال

شنو حضرتوا للروضات والمدارس؟ حتى الماميز الجدد يستفادون وأهم شيء البروبايوتك حتى نقوي مناعتهم ❤️

هوايه يسألوني الماميز الي يريدون يسجلون اولادهم بالروضات او المدارس شنو افضل روضه او مدرسه و وين موقعها وشنو تفاصيلها جوابي رح يكون من الماميز القديمات حتى نحكم من خلال التجربه ❤️

مع اقتراب موسم المدارس والروضات ننصح الماميز بتدعيم الجهاز المناعي من خلال اخذ البروبايوتك والابتعاد عن الأنتي بايوتك ❤️❤️❤️

البروبايوتك وعلاقته ب بدايات موسم الروضات والمدارس
بوست لطيف ❤️❤️❤️❤️

واعدتكم بكم بوست يخص المدرسه و الروضه
هنا راح اكتب عن البروبايوتك
ليش هسه؟
لان حتى تاخذ البروبايوتك مفعولها تحتاج اسبوعين يلا تبدي
فحتى نلحك نبدي صباح الاطفال بشي صحي
تعالوا احجيلكم
البروبايوتك واطفال الروضه و المدرسه

خلال السنة الدراسية يتعرض الاطفال يوميا لاجواء مزدحمة وصفوف مليانة زملاء وهذا الشي يخلي انتقال الامراض اسهل خصوصا نزلات البرد التهابات الفم والاضطرابات الهضمية
من الوسائل الوقائية المهمة اللي ممكن تدعم صحة الطفل هو البروبايوتك

البروبايوتك عبارة عن بكتيريا نافعة تعيش بشكل طبيعي بالامعاء ووظيفتها ما تنحصر بالهضم فقط وانما الها دور مهم بالمناعة وبنشاط الجسم كله

فوائدها للطفل بالمدرسة تتلخص بالاتي

1. تقوي جهاز المناعة وتقلل احتمالية تكرار الاصابات التنفسية مثل الرشح والسعال
2. تساهم بتوازن بكتيريا الامعاء وهذا يقلل من المغص الاسهال او الامساك اللي ممكن يسبب ازعاج للطفل ويأثر على حضوره للمدرسة
3. تساعد الطفل على هضم وامتصاص افضل للفيتامينات والمعادن مثل فيتامين د والكالسيوم والحديد وهذا ينعكس على نموه الجسدي والعقلي
4. البروبايوتك لها تأثير غير مباشر على الدماغ عن طريق محور الامعاء والدماغ حيث ان التوازن الميكروبي الصحي يفرز نواقل عصبية مثل السيروتونين والدوبامين اللي تحسن المزاج وتدعم التركيز
5. بعض الدراسات العلمية اشارت ان الاطفال اللي يستعملون بروبايوتك عندهم قدرة اكبر على الاستيعاب ومعدل غياب اقل من المدرسة لان صحتهم العامة تكون افضل

طرق الاستخدام
ممكن يحصل الطفل على البروبايوتك من مصادر طبيعية مثل اللبن و الزبادي و الكيفر والاجبان المخمرة
وممكن ايضا من مكملات غذائية متوفرة بشكل شراب او باودر او كبسولات يحددها الطبيب حسب عمر الطفل وحاجته
اي نوعيات تفضل؟
النوعيات اللي مخصصه للاستخدام اليومي و حسب كل عمر
مثل كلجرلا و اوبتيباك و اوركانك كيدز

الخلاصة
ادخال البروبايوتك بروتين حياة الطفل المدرسية يساهم برفع مناعته يقلل امراضه يخلي يومه الدراسي اسهل ويزيد من تركيزه واستيعابه داخل الصف
د. سيف سمير البياتي اخصائي طب الاطفال