DiDi store

💵ដើម្បីអាចសន្សំលុយឲ្យសល់ និងផ្លាស់ប្តូរជីវិតហិរញ្ញវត្ថុរបស់អ្នក សូមអនុវត្តតាមក្បួនទាំង ៥ នេះ៖

១. ត្រូវបែងចែកចំណូល
រាល់ពេលដែលអ្នកទទួលបានប្រាក់ចំណូលមកដៃ មិនត្រូវគិតរឿងចាយមុនសន្សំតាមក្រោយទេ។
ត្រូវមានទម្លាប់ដកទុករៀបចំវាជាចំណែកៗភ្លាមៗ។

ឧទាហរណ៍៖ បើអ្នកមានប្រាក់ខែ ១,០០០$
- សន្សំ ១០% ដកទុក ១០០$ សម្រាប់ខ្លួនឯងមុនគេ ទុកជាមូលនិធិសង្គ្រោះបន្ទាន់។

- វិនិយោគ ១០% យក ១០០$ ទៅដាក់កន្លែងណាដែលបង្កើតផលចំណេញហើយមានសុវត្ថិភាព ដើម្បីឲ្យលុយជួយធ្វើការងារជំនួសយើង។

- ចាយវាយចាំបាច់ ៨០% ចំណាយ ៨០០$ ដែលនៅសល់សម្រាប់តម្រូវការរស់នៅប្រចាំថ្ងៃ។

មនុស្សភាគច្រើនបរាជ័យព្រោះចាយអស់ទើបសល់សន្សំ ដែលជាលទ្ធផលគឺ «អត់សល់»។
ការដកសន្សំមុន គឺការបង្រៀនខ្លួនឯងឱ្យចេះរស់នៅដោយប្រើប្រាស់លុយដែលនៅសល់។

២. កំណត់គោលដៅសន្សំច្បាស់លាស់!
សួរខ្លួនឯងថា តើអ្នកចង់សន្សំលុយនេះដើម្បីអ្វី?
ដើម្បីទិញផ្ទះ ឡាន បង្កើតមុខរបរខ្នាតតូច ឬដើម្បីបន្តការសិក្សា?
ការមានគោលដៅច្បាស់លាស់ប្រៀបដូចជាការមានបំពាក់ប្រព័ន្ធ GPS ក្នុងជីវិត ដែលធ្វើឲ្យអ្នកដឹងថាខ្លួនឯងកំពុងដើរទៅណា ហើយវានឹងផ្តល់កម្លាំងចិត្តពេលដែលអ្នកជួបឧបសគ្គ ដោយមិនងាយបោះបង់ចោលឡើយ។

៣. តាមដានចំណូល-ចំណាយ
យើងត្រូវដឹងឲ្យច្បាស់ថា លុយរបស់យើងចូលមកពីណាខ្លះ ហើយហូរចេញទៅកន្លែងណាខ្លះ។
អ្នកអាចប្រើកម្មវិធីក្នុងទូរសព្ទដៃ ឬសៀវភៅកត់ត្រា ដើម្បីមើលពីទម្លាប់ចាយវាយរបស់ខ្លួន។

ការមិនកត់ត្រាការចំណាយ ប្រៀបបីដូចជាការបើកបរឡានទាំងបិទភ្នែកអ៊ីចឹងដែរ យើងមិនដឹងថា លុយយើងហូរធ្លាយទៅកន្លែងណាខ្លះទេ។
ការតាមដាននេះ ជួយឱ្យយើងហ៊ានកាត់ផ្ដាច់កន្លែងណាដែលខ្ជះខ្ជាយ។

កាត់បន្ថយចំណាយមិនចាំបាច់
ពិនិត្យមើលជីវិតប្រចាំថ្ងៃរបស់អ្នក តើមានទម្លាប់តូចតាចណាខ្លះ ដែលកំពុងស្រូបយកលុយអ្នកដោយស្ងៀមស្ងាត់?

📍ឧទាហរណ៍៖ បើអ្នកកាត់បន្ថយការផឹកកាហ្វេថ្លៃៗ ១ កែវ តម្លៃ ៤$ ក្នុងមួយថ្ងៃ
- ក្នុងមួយសប្ដាហ៍ អ្នកសន្សំបាន ២៨$។
- ក្នុងមួយខែ អ្នកសន្សំបាន ១២០$។
- ក្នុងមួយឆ្នាំ អ្នកសន្សំបាន ១,៤៤០$។

ទឹកប្រាក់ ១,៤៤០$ ក្នុងមួយឆ្នាំ គឺជាចំនួនទឹកប្រាក់ដ៏ច្រើនដែលអាចយកទៅធ្វើរឿងធំៗបានច្រើនណាស់។
នេះបញ្ជាក់ថា ភាពក្រីក្រ ឬភាពមានបាន គឺកកើតឡើងចេញពីការសម្រេចចិត្តលើការចំណាយតូចៗប្រចាំថ្ងៃនេះឯង។

កុំទុកចិត្តខួរក្បាលដែលងាយភ្លេច ឬចិត្តដែលងាយនឹងចាយ។ ដើម្បីចៀសវាងការភ្លេចសន្សំ អ្នកអាចតភ្ជាប់គណនីធនាគាររបស់អ្នកឲ្យកាត់ប្រាក់ដោយស្វ័យប្រវត្តិរាល់ខែ ចូលទៅក្នុងគណនីសន្សំដាច់ដោយឡែកមួយភ្លាមៗពេលប្រាក់ខែចូល។

វិធីនេះធានាថា ទោះបីជាអ្នករវល់ ឬឃ្លានចង់ទិញរបស់អីក៏ដោយ ក៏លុយសន្សំរបស់អ្នកត្រូវបានរក្សាទុកដោយសុវត្ថិភាពរួចជាស្រេចបាត់ទៅហើយ។
buddy

កំប៉ុងសន្សំរូបតាដុល្លា ហុងស៊ុយ ស្រូបទាញគ្នាចូល🧲💰💸💵

🌸រកបានច្រើន កុំចាយច្រើន តែផ្តោតលើការសន្សំ វិនិយោគ ទើបសល់លុយបានកាន់តែច្រើន🥰🫶💰💵