Tola ASD News

សំណង់ភូមិគ្រឹះដ៏ស្កឹមស្កៃសាងសង់រំលោភលើចំណីដីទន្លេនៅខណ្ឌច្បារអំពៅ៖ កញ្ចក់ឆ្លុះបញ្ចាំងពីនីតិរដ្ឋ និងភាពស្មើភាពគ្នាចំពោះមុខច្បាប់

ភ្នំពេញ៖ ករណីសំណង់ភូមិគ្រឹះដ៏ធំស្កឹមស្កៃមួយ ត្រូវបានគេសង្កេតឃើញថាកំពុងសាងសង់នៅតាមបណ្តោយមាត់ទន្លេ ស្ថិតក្នុងខណ្ឌច្បារអំពៅ រាជធានីភ្នំពេញ ដែលមានការលើកឡើងពីមជ្ឈដ្ឋានមួយចំនួនថា អាចពាក់ព័ន្ធនឹងការរំលោភលើចំណីដីទន្លេ ដែលជាទ្រព្យសម្បត្តិសាធារណៈរបស់រដ្ឋ។

ប្រសិនបើការលើកឡើងនេះជាការពិត មហាជនបានស្នើឱ្យអាជ្ញាធរមានសមត្ថកិច្ច និងស្ថាប័នពាក់ព័ន្ធ ចុះពិនិត្យស្រាវជ្រាវឱ្យបានច្បាស់លាស់ ដើម្បីធានាថាការសាងសង់គ្រប់ប្រភេទអនុវត្តស្របតាមច្បាប់ និងបទប្បញ្ញត្តិជាធរមាន ដោយមិនមានការលើកលែង ឬអនុគ្រោះចំពោះបុគ្គលណាម្នាក់ឡើយ។

ប្រជាពលរដ្ឋជាច្រើនយល់ឃើញថា ការអនុវត្តច្បាប់ត្រូវតែមានភាពស្មើភាពគ្នាចំពោះមុខច្បាប់ មិនថាជាបុគ្គលធម្មតា ឬម្ចាស់សំណង់ធំៗនោះទេ។ ក្នុងករណីមានការរំលោភលើចំណីដីសាធារណៈ អាជ្ញាធរគួរចាត់វិធានការតាមនីតិវិធីច្បាប់ ដើម្បីការពារផលប្រយោជន៍សាធារណៈ និងរក្សាសណ្តាប់ធ្នាប់ក្នុងការគ្រប់គ្រងដីធ្លី។

ទន្ទឹមនឹងនេះ មតិសាធារណៈក៏រំពឹងថា ស្ថាប័នពាក់ព័ន្ធនឹងបង្ហាញលទ្ធផលនៃការត្រួតពិនិត្យជាសាធារណៈ ដើម្បីបង្កើនតម្លាភាព ពង្រឹងទំនុកចិត្តរបស់ប្រជាពលរដ្ឋ និងឆ្លុះបញ្ចាំងពីគោលការណ៍នីតិរដ្ឋ និងភាពស្មើភាពគ្នាចំពោះមុខច្បាប់។

ឃាត់ខ្លួននារីវ័យក្មេង ៣ នាក់ ពាក់ព័ន្ធករណីហិង្សារវាងនារី ២ ក្រុម នៅកោះពេជ្រ

ភ្នំពេញ៖ សមត្ថកិច្ចបានឃាត់ខ្លួននារីវ័យក្មេងចំនួន ៣ នាក់ ពាក់ព័ន្ធនឹងករណីហិង្សារវាងនារី ២ ក្រុម ដែលបានកើតឡើងនៅក្នុងបរិវេណកោះពេជ្រ។

ហេតុការណ៍នេះបានកើតឡើងនៅវេលាម៉ោងប្រមាណជាង ២:០០ រំលងអាធ្រាត ឈានចូលថ្ងៃទី១២ ខែកក្កដា ឆ្នាំ២០២៦ ស្ថិតក្នុងបរិវេណកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

បន្ទាប់ពីទទួលបានព័ត៌មាន សមត្ថកិច្ចបានចុះអន្តរាគមន៍ភ្លាមៗ និងបានឃាត់ខ្លួននារីចំនួន ៣ នាក់ ដើម្បីនាំទៅសាកសួរ និងចាត់ការតាមនីតិវិធីច្បាប់។ ចំណែកមូលហេតុនៃការបង្កហិង្សា និងព័ត៌មានលម្អិតផ្សេងទៀត សមត្ថកិច្ចកំពុងបន្តស៊ើបអង្កេត។

តើដល់ពេលណាទើបបញ្ហាសណ្ដាប់ធ្នាប់នៅផ្លូវជាតិលេខ ១១៩ ត្រូវបានដោះស្រាយ? ពលរដ្ឋដាក់សំណូមពរជាលើកទី ៤!
https://www.aseandaily.com.kh/detail/44192.html