وهيك ضاع العمر

الصور نحن كلنا عنا هوس نصور كل لحظاتنا
طلعتنا رفقاتنا اكلاتنا كلشي لدرجة عم ننسى
كيف نستمتع بالشي بدون صور صارت جزء
لا يتجزء من يومنا من فنجان القهوة الصباحي
بس انا من ناس يلي بصور بس ما بقدر ارجع
للصور ما بعرف وجع غريب لما شوف هل صور
لما شوف هل لحظات وناس يلي كانو فيا
يمكن هل ناس لسا موجودين بس تغيرو كتير
علينا ويمكن بعدو وخلص ما بقى نشوفن
فهلق بشكل صريح بسأل حالي ليش عم صور

الوقت شو هو الوقت شو بياخد من كل واحد فينا وشو بيعطي فكرت بهل سؤال كتير وفكرت بحالي الوقت يلي
مر شو اخد مني اخد اهلي وبعدن وكمان رفقاتي وكتير
كتير من احلامي وعطاني الصبر والقوة طالع كتير نسخ مني
عنجد للانسان نسخ كتيرة بكتشفا مع الوقت

بتقابل بهل الحياة ناس تقول يالله شو هل
شخص الكئيب يلي ما عندو احلام وأنا بقلك
هل شخص كان اكتر حدا عندو احلام اماني
وركض مشانا بكل الطرقات وما حصل شي
وخلصت طاقة هل شخص ونطفىء من جوا .....

العطر بتروح لتجيب في كتير أنواع
بتدور فين على ريحة علقانه جواتك
يمكن علقانه من سنين طويلة وتدور تدور
ما تلاقي بعدين قراءة عبارة لا شيء يضاهي
رائحة من نحب لو اعتصرت فرنسا في قنينة عطر
نحن بهل عطور ندور ع رائحة صعب نلاقيا الا عند هل
الانسان يلي نحن فقدنا الو مثلا انا لهلق بزكر ريحة امي
ما بعرف اصلا ازا كانت تحط عطر معين بس لهلق ريحتها معبق بقلبي من جوا دورت كتير وما لقيت متلا ابدا

وبجي بيوم بحياتك بتمل الشحادة !
اي بتمل وأنت تشحد شخص تشحد
حبو وقتو اهتمامو بتمل من كلشي
انك تشحد مشاعر أصعب بكتير
من أنك تشحد مصاري يمكن تنين
يشتركوا بشي واحد الاحساس بالذل و
كسرة النفس

انا لاحظت كل ما شتريت كوب جديد او قطعة تياب جديدة كتير بدير بالي عليا بخاف ما تنكسر وبهتم بكلشي بخصه فترة وخلص بتصير متل غيرا بعدا فكرت نحن للاسف بنعامل كل الاشياء بحياتنا بنفس الطريقة اول ما بنتعرف ع حدا كتير نهتم ونتصل ونهتم بكل التفاصيل شوي شوي خلص هل االشخص بصير قديم بحياتنا وبصير يطالبنا باهتمام بوقت ونحن نحس انو تقيل علينا هيك لحتى نخسر اغلب علاقتنا بنفس الطريقة نقتله بالاهمال

بمر العمر بسرعة أكتر بكتير مما نحن بنتوقع فجأة بتفيق بتلاقي حالك كبرت كبرت حتى ع احلامك يلي اصلا اجلتا لتستنى بكرى بس للاسف بكرا ما بستنى حدا تفيق بيوم وبتعرف انو ضاع العمر