Nilma peris

"අගත අනගත"

​කර්තෘ: ලසන්ත ද සිල්වා (Lasantha De Silva)
ප්‍රකාශක:විදර්ශන ප්‍රකාශකයෝ
​ප්‍රභේදය: නවකතාව
​භාෂාව: සිංහල

​
ජීවිතයේ අතීතය, වර්තමානය සහ අනාගතය අතර දෝලනය වන නොවිසඳුණු අත්දැකීම් හා මිනිස් සිතුවිලිවල ගැඹුරු මානයන් ස්පර්ශ කරන අපූරු නවකතාවකි. වෙනස්ම ආකාරයේ කියවීම් අත්දැකීමක් විඳගැනීමට කැමති ඔබ වෙනුවෙන්ම ලියැවුණු තවත් විශිෂ්ට කෘතියකි.
"මේක කියවන්නේ කතාවක් දැනගන්න නෙමෙයි, අපේ අතීතය, ආගම සහ දේශපාලනය දිහා වෙනම කෝණයකින් බලන්න.
ගැඹුරින් හිතන්න පොළඹවන පොත් කියවන්න කැමති අයට,
දේශපාලනය, ආගම, සංවර්ධනය ගැන වෙනස් විදියට හිතන්න කැමති අයට,
සිංහල නවකතා භාෂාවේ පොහොසත් බව විඳින්න කැමති අයට,..........

මා කියවු විශිෂ්ඨ පොත් කිහිපයකින් එකකි.

සිත පිරිසිදුව පිබිදේවා
ජීවිතය නිදහසින් පිරේවා

😘

නිදොස්මි නිදහස්මි.

"......කාන්තාරෙක කරගෑටි වෙච්ච පොළොවක මලක් පීදෙන්ඩ ඒ මහ පොළොව කොච්චර වීරිය කරනවාද කියලා....කවුරු සමච්චල් කරත් රංගන, මගේ පපුවේ මල් රාසියක් පීදුණා. නිකැළැල් මල්...අපි දෙන්නා වන්දනාවේ යයි කියලා හිතුවා තමා. දැන් මම බය නෑ රංගන මම ඒ වන්දනාවේ යන්ඩ ලෑස්ති වෙලා හිටියේ කියන්ඩ"......


රචකයා: මනෝහරී ජයලත්
ප්‍රකාශක: විදර්ශන ප්‍රකාශකයෝ
ප්‍රභේදය: නවකතාව
භාෂාව: සිංහල
පිටු: 292

මෙය මනෝහරී ජයලත්ගේ පස්වන නවකතාවවේ.
නිදොස්මි නිදහස්මි යනු මනෝහරී ජයලත් විසින් රචිත නවකතාවකි. සමාජය විසින් ගැහැනියකට පනවන සීමා, රාමු සහ අපේක්ෂා හමුවේ ඇය අත්විඳින පීඩනයත්, ඒ සියල්ලෙන් මිදී තම නිදහස හා අනන්‍යතාව සොයා යන ගමනත් මෙම කෘතිය තුළින් නිරූපණය කරයි. බිඳවැටීම් හමුවේ නැවත ශක්තිමත්ව නැගී සිටින ගැහැනියකගේ කතාවක් ලෙස ‘නිදොස්මි නිදහස්මි’ හඳුන්වා දිය හැකිය.

Shout out to my newest followers! Excited to have you onboard! Lanka Livestar, Nimal Abeysinghe, නිර්වාණී අමාසමාදී උත්පලවණ්ණා, Ramya Jayasekara, Uditha Thenuwara

පොලියානා කියන්නේ ඇමරිකානු ලේඛිකා Eleanor H. Porter 1913 දී ලියපු නවකතාවක්. අනාථ වෙලා, දැඩි මිස් පොලි නැන්දා ළඟට එන පුංචි කෙල්ලෙක් - පොලියානා. එයා ලෝකෙට ගෙනාවේ සෙල්ලමක්. ඒකට නම "සතුටු වීමේ සෙල්ලම" - The Glad Game කියලා

ඒ සෙල්ලමේ නීතිය හරි සරලයි. කොච්චර නරක දෙයක් වුණත්, ඒක ඇතුළේ සතුටු වෙන්න පුළුවන් දෙයක් හොයන එක.

පොලියානා කියන්නේ ළමා කතාවක් නෙවෙයි, වැඩිහිටි සමාජයටම අවශ්‍ය ජීවන දර්ශනයක්.

පොලියානා දුක නැති නිසා නෙවෙයි සතුටින් ඉන්නේ. එයාගේ තාත්තා නැතිවෙලා, අම්මා නැතිවෙලා, අන්තිමට කකුල් පණ නැතිවෙලා ඇඳට වැටුණත් එයා අඬනවා. හැබැයි ඒ දුක ඇතුළෙම "එහෙනම් මට තාම මේක තියෙනවා නේ" කියලා හොයන්න එයා පුරුදු වෙලා ඉන්නවා. අද අපිට ඕන මේකයි. හැමදේම නරකයි කියලා complain කරන, news feed එකේ negativity එකෙන්ම පිරුණු සමාජයක, හිතාමතාම යහපත හොයන එක විප්ලවයක්.

නවකතාවේ ලස්සනම දේ, පොලියානා තනියම සතුටු වෙන්නේ නැහැ. එයාගේ සෙල්ලම මුළු ගමටම බෝ කරනවා.

හැමදාම තරහින් ඉන්න මිස් ස්නෝට - තමන්ට කකුල් තියෙන එක ගැන සතුටු වෙන්න කියලා දෙනවා.
ජීවිතේ එපා වෙලා ඉන්න මිස්ටර් පෙන්ඩල්ටන්ට - ආයෙත් මිනිස්සුන්ට ආදරය කරන්න හේතුවක් හදනවා.

තමන්ගේම දුකේ ගිලුණු නැන්දා පොලිට - හදවත උණු කරන්න උගන්වනවා.

එක මනුස්සයෙක්ගේ ආකල්පය වෙනස් වුණාම, මුළු ගමක්ම වෙනස් වෙන හැටි පොලියානා පෙන්වනවා. සමාජයක් හදන්නේ නීති වලින් නෙවෙයි, මිනිස්සුන්ගේ හිත හදන එකෙන් කියලා.

වැඩිහිටියෝ හැමදේම සංකීර්ණ කරනවා. තරාතිරම, සල්ලි, තරහ. පොලියානා ඒ ඔක්කොම බිත්ති කඩලා දානවා. එයා දුප්පතාටයි පොහොසතාටයි එකම විදියට කතා කරනවා. මොකද එයාට මිනිස්සු කියන්නේ තනතුරු නෙවෙයි, සතුට හොයන හදවත් කියලා.

පොලියානාගේ සුන්දරත්වය තියෙන්නේ ලොකු වචන වල නෙවෙයි, පුංචි පුංචි දේවල් වල.

එහි භාෂාව හරියට උදේ ඉර එළිය වගේ. බර නැහැ, සරලයි, උණුසුම්. ඒ වගේම ලොකුම tragedy එක ඇතුළෙත් ලස්සනක් දකින්න පුළුවන් කියන විශ්වාසය.

අද ගොඩක් අය හිතනවා ශුභවාදී වෙන එක කියන්නේ දුක හංගන එක, Toxic Positivity එක කියලා. පොලියානා එහෙම නැහැ. එයා කියන්නේ "අඬන්න ඕන නම් අඬන්න, හැබැයි අඬලා ඉවර වෙලා, අපි සතුටු වෙන්න පුළුවන් එක හොයමු" කියලා. ඒක තමයි සැබෑ බලාපොරොත්තුව.

අන්තිමට පොලියානා අපට කියලා දෙනවා, සතුට කියන්නේ අපිට ලැබෙන දෙයක් නෙවෙයි, අපි පුරුදු වෙන විදියක් කියලා.

ඔයා මේ පොත කියවලා තියෙනවද? නැත්තම් ඔයාට "සතුටු වීමේ සෙල්ලම" ඔයාගේ ජීවිතේට දාලා බලන්න ආස හිතෙන තැනක් තියෙනවද?

#පොලියානා #සිංහලපරිවර්තනය #සිංහලපොත

කෘතිය:12:12:12
කර්තෘ :මංජුල සේනාරත්න




ප්‍රියතම ලේඛයෙකුගේ මෙම කෘතිය දෙවන වරටත් කියවූවෙමි.

# සිංහල ජනප්‍රිය කෘතිය කි. # මංජුල සේනාරත්න #ආදරනීය කියවන්නට #මගේ කියවු පොත් එකතුවට එකතු වූ තවත් ඖෂධයක් #
💙🩵❤️🩵

Shout out to my newest followers! Excited to have you onboard! Mahesh Rathnayaka, Chamara Sudath