VKN Thayakam

🔴 #விழிப்புணர்வாக இருங்கள்..... #கிளிநொச்சியில் சோகம்: கெப் வாகனம் மோதி ஒன்றரை வயதுக் குழந்தை உயிரிழப்பு

​கிளிநொச்சி, உருத்திரபுரம் - சிவநகர் பகுதியில் வீட்டு முற்றத்தில் நிறுத்தப்பட்டிருந்த கெப் ரக வாகனத்தை குழந்தையின் தாத்தா இயக்கியபோது, எதிர்பாராதவிதமாக வாகனத்தின் அருகில் ஓடிவந்த ஒன்றரை வயதுடைய ரூபன் அனாமிகா என்ற பெண் குழந்தை சக்கரத்தில் நசியுண்டு உயிரிழந்தார்.

​இன்று காலை 11.00 மணியளவில் இடம்பெற்ற இச்சம்பவத்தையடுத்து, குழந்தையின் சடலம் பிரேத பரிசோதனைக்காக கிளிநொச்சி மாவட்ட பொது வைத்தியசாலையில் வைக்கப்பட்டுள்ளது. சம்பவ இடத்திற்கு வருகை தந்த பதில் நீதவான் மரண விசாரணைகளை மேற்கொண்டதுடன், கிளிநொச்சி பொலிஸார் மேலதிக விசாரணைகளை முன்னெடுத்து வருகின்றனர்.

அன்பான பெற்றோர்களே உறவுகளே! கொஞ்சம் கூடிய கவனமாக இருங்கள் இறைவன் தந்த அருமையான பொக்கிசம் உங்கள் கவனக் குறைவால் விபதேமாக மாறக்கூடாது.அனாமிகா குட்டிக்கு எனது ஆழ்ந்த இரங்கலைத் தெரிவித்துக் கொள்வதுடன் ஆத்மா சாந்தியடையவும் பிரார்த்திக்கின்றேன்.😭🙏🙏

🔴 ீதியில் கிளிநொச்சியில் சோகம்: ஆலய வழிபாடு முடிந்து திரும்பிய தம்பதி டிப்பர் மோதி படுகாயம் — தொடரும் வீதி அசாக்கிரதைகள்!

​கிளிநொச்சி A9 பிரதான வீதியில் இன்று முற்பகல் இடம்பெற்ற வீதி விபத்தில் கணவன் மற்றும் மனைவி ஆகிய இருவர் படுகாயமடைந்து தீவிர சிகிச்சைப் பிரிவில் அனுமதிக்கப்பட்டுள்ளனர்.

​வவுனியாவிலிருந்து யாழ்ப்பாணம் நோக்கி அதிவேகமாகப் பயணித்த டிப்பர் வாகனம் ஒன்று, வீதியில் பயணித்துக் கொண்டிருந்த மோட்டார் சைக்கிள் மீது பலமாக மோதி இக்கோர விபத்து சம்பவித்துள்ளது. ஆலய வழிபாட்டை நிறைவு செய்துவிட்டு அமைதியாக வீடு திரும்பிக் கொண்டிருந்த வேளையிலேயே இத்தம்பதியினருக்கு இந்த துரதிர்ஷ்டவசமான அசம்பாவிதம் ஏற்பட்டுள்ளது.

​காயமடைந்த இருவரும் உடனடியாக மீட்கப்பட்டு கிளிநொச்சி வைத்தியசாலையின் தீவிர சிகிச்சைப் பிரிவில் (ICU) சேர்க்கப்பட்டு சிகிச்சை பெற்று வருகின்றனர். விபத்து தொடர்பில் போக்குவரத்துப் பொலிஸார் மேலதிக விசாரணைகளை முடுக்கிவிட்டுள்ளனர்.

​விழிப்புணர்வு செய்தி (பொதுமக்களின் கவனத்திற்கு):
​A9 பிரதான வீதி போன்ற அதிக போக்குவரத்து நெரிசல்மிக்க வீதிகளில் கனரக வாகனங்களின் அதிவேகமும், கவனயீனமுமே தொடர்ச்சியாக இதுபோன்ற உயிர்பலிகளையும் படுகாயங்களையும் ஏற்படுத்துகின்றன.
​கனரக வாகன ஓட்டுநர்களுக்கு: உங்கள் வாகனத்தின் சிறிய கவனயீனமும், வேக ஆசையும் இன்னொரு குடும்பத்தின் ஒட்டுமொத்த மகிழ்ச்சியையும் அழித்துவிடும் என்பதை நினைவில் கொள்ளுங்கள்.

​இருசக்கர வாகன ஓட்டுநர்களுக்கு: கனரக வாகனங்கள் வரும்போது கூடுதல் எச்சரிக்கையுடன் செயல்படுங்கள்; முறையான தலைக்கவசம் (Helmet) அணிவதையும் வீதிச் சமிக்ஞைகளைப் பின்பற்றுவதையும் உறுதிசெய்யுங்கள்.
​வீதி விதிமுறைகளைப் பின்பற்றுவோம்; விலைமதிப்பற்ற மனித உயிர்களைப் பாதுகாப்போம்!

🔴 #கிளிநொச்சி விசேட பெண்நோயியல் மைய வளங்களை சுருட்ட முயற்சி: கொதித்தெழுந்த மக்கள்!

நெதர்லாந்து அரசின் நிதியுதவியில் கிளிநொச்சி மாவட்ட வைத்தியசாலையில் புதிதாக அமைக்கப்பட்ட வடக்கு மாகாண விசேட பெண்நோயியல் மருத்துவ மையத்திற்கு வழங்கப்பட்ட விசேட கட்டில்களை, வெளிமாவட்ட வைத்தியசாலைக்கு மாற்ற மாகாண உயரதிகாரிகள் முற்படுவதாக தகவல்கள் வெளியாகியுள்ளன.

​தற்போது இயங்கத் தொடங்கியுள்ள இம்மையத்திற்கு இக்கட்டில்கள் மிக அத்தியாவசியமானவை என்றும், இந்நேரத்தில் வளங்களை வெளியே கொண்டு செல்வது அன்றாடச் செயற்பாடுகளைப் பெரிதும் பாதிக்கும் என்றும் மருத்துவ நிபுணர்கள் எச்சரித்துள்ளனர்.

​ஏற்கனவே இம்மையத்தின் செயற்பாடுகளை முடக்கும் முயற்சிகள் இடம்பெறலாம் என அஞ்சப்பட்ட நிலையில், நீண்ட இழுபறிக்குப் பின் ஆரம்பமாகியுள்ள மையத்தின் வளங்களைப் பிரித்தெடுப்பது ஏற்றுக் கொள்ள முடியாதது என கிளிநொச்சி மாவட்ட வைத்தியசாலை சமூகத்தினரும் பிரதேசவாசிகளும் தெரிவித்துள்ளனர்.

​எனவே, இம்மையத்திற்கென ஒதுக்கப்பட்ட வளங்களை வேறு இடங்களுக்கு மாற்றும் நடவடிக்கையை உயரதிகாரிகள் உடனடியாகக் கைவிட வேண்டும் என அவர்கள் வலியுறுத்தியுள்ளனர்.

🔴 #யாழ். மண்ணுக்குப் பெருமை சேர்த்த கிராமத்துப் புயல்: தரம் 5 புலமைப்பரிசில் பரீட்சையில் அகில இலங்கை ரீதியில் முதலிடம் பெற்றுச் சாதனை படைத்த சபின்!

​கிராமத்துப் பாடசாலையில் பயின்று, அகில இலங்கை ரீதியில் முதலிடம் பிடித்து யாழ்ப்பாண மண்ணிற்குப் பெரும் பெருமை சேர்த்துள்ளார் மாணவன் சுரேந்தர் சபின்.

​இன்று (02.09.2026) மாலை வெளியான 2026ஆம் ஆண்டிற்கான தரம் 5 புலமைப்பரிசில் பரீட்சைப் பெறுபேறுகளின் அடிப்படையில், யாழ்பாணம், மல்லாகம் கலாநிதி. தங்கம்மா அப்பாக்குட்டி கனிஷ்ட வித்தியாலயத்தைச் சேர்ந்த மாணவன் சுரேந்தர் சபின் தமிழ்மொழி மூலப் பரீட்சையில் அகில இலங்கை ரீதியில் 188 புள்ளிகளைப் பெற்று முதலிடத்தைக் கைப்பற்றி வரலாற்றுச் சாதனை படைத்துள்ளார்.

​வசதி வாய்ப்புகள் நிறைந்த நகரத்துப் பாடசாலைகளுக்கு மத்தியில், அனைத்து வசதிகளும் குறைந்த ஒரு கிராமத்துப் பாடசாலையில் கல்வி கற்று இந்த சாதனையை நிகழ்த்தியிருப்பது குறிப்பிடத்தக்கது.

​மாணவன் சபினின் இந்த பிரம்மாண்ட சாதனைக்கு உறுதுணையாக இருந்த பாடசாலை அதிபர், ஆசிரியர்கள் மற்றும் பெற்றோர்களுக்குப் பல தரப்பிலிருந்தும் வாழ்த்துகள் குவிந்து வருகின்றன. கல்விப் பயணத்தில் மேலும் பல சிகரங்களைத் தொட்டு, தாய்நாட்டிற்குப் பெருமை சேர்க்க மாணவன் சபினுக்கு எமது மனமார்ந்த வாழ்த்துகள்!

🔴 #மனிதநேயத்தின் கம்பீர மகுடம்: கிளிநொச்சியில் இரத்தம் சிந்திய காயம் நோக்கித் தன் சட்டை நீட்டிய வீரன்!

அவசர உலகத்தில் அலறியடிக்கும் வாகனச் சத்தங்களுக்கு நடுவே, ஆபத்தில் சிக்கிய ஒரு சக மனிதனின் உயிரைக் காக்கத் தன் சட்டையையே மருந்தாக்கிக் கட்டிய இளைஞர் ஒருவரின் மனிதாபிமானம், கிளிநொச்சியையே நெகிழ வைத்துள்ளது.

​இன்று கிளிநொச்சி மின்சார சபைக்கு முன்பாக நிகழ்ந்த எதிர்பாராத வீதி விபத்தில் ஒருவர் படுகாயமடைந்து இரத்த வெள்ளத்தில் போராடிக் கொண்டிருந்தார்.

விபத்தைக் கண்டு பலர் வேடிக்கை பார்க்கவும், கடந்து செல்லவும் யோசித்த அந்தப் பரபரப்பான நிமிடங்களில், அங்கு வந்த ஓர் இளைஞர் சற்றும் தாமதிக்கவில்லை.

​தன் காயத்தை விடப் பிறரின் உயிரே முக்கியம் என எண்ணி, தான் அணிந்திருந்த சட்டையைக் கழற்றி, காயமடைந்தவரின் இரத்தப் பெருக்கைத் தடுக்கக் காயத்தின் மீது கட்டுப்போட்டு உடனடியாக வைத்தியசாலைக்கு அனுப்பி வைத்துள்ளார்.

​வேடிக்கை பார்ப்பவர்களும், கைபேசியில் படம் பிடிப்பவர்களும் அதிகரித்து வரும் இக்காலகட்டத்தில், தன் துணியையே முதலுதவிக் துணியாக மாற்றி உயிர்காத்த அந்த அண்ணனின் செயல், "மனிதநேயம் இன்னும் செத்துவிடவில்லை, சாமானியர்களின் மனதில் வாழ்கிறது" என்பதை உரக்கச் சொல்லியிருக்கிறது.

🔴 #சாதித்து சாதனை படைத்த கறுக்காய்த்தீவு மண்ணின் மைந்தர்கள்: தரம் 5 புலமைப்பரிசில் பரீட்சையில் பிரம்மாண்ட வெற்றி!

​கிளி / கறுக்காய்த்தீவு மண்ணிற்கு மீண்டும் ஒரு மகுடம்! கறுக்காய்த்தீவு மகாவித்தியாலயத்தில் கல்வி பயிலும் இரு மாணவர்கள் 2026-ஆம் ஆண்டு நடைபெற்ற தேசிய மட்ட தரம்-5 புலமைப்பரிசில் பரீட்சையில், வெட்டுப்புள்ளியான 133-க்கும் அதிகமான புள்ளிகளைப் பெற்று அபார சாதனை படைத்துள்ளனர்.

​இவ்வருடப் பரீட்சையில் செல்வன் சுதர்சன் சோபிசன் (151 புள்ளிகள்) மற்றும் செல்வன் ஜெந்தன் தரணிகள் (152 புள்ளிகள்) ஆகிய மாணவர்கள் அதிசிறந்த புள்ளிகளைப் பெற்று, தமது கிராமத்திற்கும் பயின்ற பாடசாலைக்கும் அளப்பரிய பெருமையையும் புகழையும் தேடித்தந்துள்ளனர்.

​தங்களின் அயராத உழைப்பாலும் லட்சிய நோக்கினாலும் இத்தகைய வரலாற்றுச் சாதனையைப் படைத்துள்ள அருமைச் செல்வர்கள் சோபிசன் மற்றும் தரணிகள் ஆகியோருக்கு எமது மனமார்ந்த வாழ்த்துகளும் பாராட்டுக்களும்!

​இம்மாணவர்களின் பின்னால் நின்று, அவர்களின் கல்விப் பயணத்திற்கு அல்லும் பகலும் அரும்பாடுபட்ட அன்புப் பெற்றோர்களுக்கும், வழிநடத்தி வழிகாட்டிய அதிபருக்கும், கல்வியை நேர்த்தியாகக் கற்பித்து வழிகாட்டிய ஆசிரியப் பெருமக்களுக்கும் எமது நெஞ்சார்ந்த நன்றிகளும் வாழ்த்துகளும் உரித்தாகட்டும்.

​சாதனை படைத்த எமது மண்ணின் மைந்தர்கள் மேலும் பல சிகரங்களைத் தொட்டு, வாழ்வாங்கு வாழ இறைவனைப் பிரார்த்திக்கின்றோம்.
​என்றும் வாழ்க வளமுடன்! ♥️🙏

🔴 #இலங்கையின் பொதுப் போக்குவரத்தை மேம்படுத்த ஜப்பான் கைக்கொடுத்தது: 7 புதிய ‘Metro Bus’கள் அதிகாரப்பூர்வமாக கையளிப்பு!

​ஜப்பான் மற்றும் இலங்கை இடையிலான தொடர்ச்சியான அபிவிருத்தி ஒத்துழைப்பின் கீழ், நாட்டின் பொதுப் போக்குவரத்து சேவையை மேலும் வலுப்படுத்தும் நோக்கில் 7 புதிய தாழ்தள பஸ்கள் (Low-floor buses) நன்கொடையாக வழங்கப்பட்டுள்ளன.

​இவை இன்று (02) "Metro Bus" சேவையாக இலங்கை அரசாங்கத்திடம் அதிகாரப்பூர்வமாக கையளிக்கப்பட்டன. இந்த நிகழ்வில் இலங்கைக்கான ஜப்பான் தூதுவர் அகியோ இசொமொட்டா (Akio Isomata) அவர்கள் கலந்துகொண்டு பேருந்துகளை உத்தியோகபூர்வமாக வழங்கி வைத்தார்.

​பொதுப் போக்குவரத்து சேவையின் தரத்தை உயர்த்தி, பயணிகளுக்கு அதிநவீன மற்றும் வசதியான பயண அனுபவத்தை வழங்க இந்தப் புதிய ‘Metro Bus’கள் பெருமளவில் பங்களிக்கும் என எதிர்பார்க்கப்படுகிறது.

கறுக்காய்த்தீவு கல்வெட்டுத் திடல் கந்தன் ஆலய தைப் பொங்கல் நிகழ்வு Enjoy the videos and music you love, upload original content, and share it all with friends, family, and the world on YouTube.