Beauty Life Lashio
Share
သင့်အသားအရေလှပဖို့ We9 နဲ့လက်တွဲစို့
23/02/2021
ဆံသား ကျန်းမာရေး ပြဿနာတွေထဲမှာဆံပင်အရှည် နှေးခြင်းဟာ မိမိအသုံးပြုတဲ့ Hair Product တွေနဲ့လည်း ဆိုင်သလို အခုဖော်ပြပေးမယ့် အကြောင်းရင်းတွေကြောင့်လည်း ဖြစ်နိုင်ပါတယ်။
ဒါကြောင့်ဆံပင်တွေကို အရှည်နှေးစေတဲ့ အကြောင်းရင်း ၅ ချက်ကို ပြောပြပေးပါ့မယ်ရှင့်
(၁) မျိုးရိုးနဲ့ ဆိုင်ခြင်း
ဆံပင်အရှည် နှေးတာနဲ့ ဆံပင်ကျွတ်တာတွေဟာ မျိုးရိုးနဲ့လည်း ဆိုင်ပါတယ်။ သင့်ဆံပင်အရှည် နှေးရခြင်းဟာ တခြားသော အကြောင်းအရာတွေကြောင့် မဟုတ်ဘဲ မျိုးရိုးနဲ့ ဆိုင်တယ်ဆိုရင်တော့ အစားအသောက်နဲ့ ဆံပင်ထိန်းသိမ်း ပြုပြုခြင်းကိုပဲ ဂရုတစိုက် ပြုလုပ်ရတော့မှာ ဖြစ်ပါတယ်။
(၂) အစားအသောက်နဲ့ ဆိုင်ခြင်း
ချိုလွန်းတဲ့ အစားအစာတွေနဲ့ သကြားပါဝင်မှု များတဲ့ အစားအစာတွေ စားသုံးခြင်းဟာ ဆံပင်အရှည် နှေးစေတဲ့ အကြောင်းရင်းတခုဖြစ်ပြီး ပရိုတင်းဓာတ် ချို့တဲ့တဲ့ အခါမျိုးမှာဆိုရင်တော့ ဆံပင်ကျွတ်ခြင်းကို ဖြစ်ပေါ်စေနိုင်ပါတယ်။
(၃) စိတ်ဖိစီးမှု များခြင်း
စိတ်ဖိစီးမှုများခြင်းဟာ ဆံပင်ရှည်နှုန်းကို ၃၀ ရာခိုင်နှုန်းလောက်ထိ ရပ်တန့်စေနိုင်ပြီး ဆံပင်ကျွတ်ခြင်းကိုလည်း ပိုမိုဖြစ်ပေါ်စေနိုင်ပါတယ်။
(၄) ရေသောက် နည်းခြင်း
ခန္ဓာကိုယ်တွင်း ရေဓာတ် အလုံအလောက် မရရှိခြင်းဟာ ကျန်းမာရေးအပေါ်လည်း သက်ရောက်မှု ရှိသလို ဆံသားကျန်းမာရေး ပြဿနာတွေကိုလည်း ဖြစ်ပေါ်စေနိုင်ပါတယ်။ ရေသောက် နည်းတာကြောင့် ရေဓာတ်ခမ်းခြောက်ခြင်းဟာ ဆံပင်အရှည်နှေးခြင်းကို ဖြစ်ပေါ်စေနိုင်သလို ဆံသား မွဲခြောက်ခြင်း၊ ဆံပင် ကျွတ်ခြင်းနဲ့ ဆံသား အဖျားနှစ်ခွ ဖြစ်ခြင်းတို့ကို ဖြစ်ပေါ်စေနိုင်ပါတယ်။
(၅) ဦးရေပြား အဆီထွက်ခြင်း
ဆံပင်ကို အမြဲလိုလို စည်းနှောင်ထားသူတွေနဲ့ ခေါင်းချွေးထွက်များသူတွေမှာ ဦးရေပြား အဆီပြန်တတ်ပြီး ဦးရေပြား အဆီပြန်ခြင်းဟာ ဆံပင်ရှည်နှုန်းကို နှေးစေနိုင်တဲ့အပြင် ဆံပင်တွေ ထပ်မံ ပေါက်ရောက်ဖို့ကိုလည်း ဟန့်တားစေပါတယ်။
Crd
Category
Telephone
Website
Address
Lashio