Wut Yi Win

🌕 ဝါဆိုလပြည့် (ဓမ္မစကြာနေ့) ဖြစ်ပေါ်လာပုံနှင့် ထူးမြတ်လှသည့် နေ့တစ်နေ့

ဝါဆိုလပြည့်နေ့သည် ဗုဒ္ဓဘာသာဝင်တို့အတွက် အလွန်အရေးကြီးပြီး ထူးခြားဆန်းပြားသော သမိုင်းမှတ်တိုင်များစွာ စုဆုံရာ "နေ့ထူးနေ့မြတ်" တစ်နေ့ ဖြစ်သည်။

# # # ဓမ္မစကြာနေ့ ဖြစ်ပေါ်လာပုံ သမိုင်းအကျဉ်း
မြတ်စွာဘုရားရှင်သည် သဗ္ဗညုတဉာဏ်တော်ကို ရရှိ၍ ဘုရားအဖြစ်သို့ ရောက်ရှိတော်မူပြီးနောက် မဟာသက္ကရာဇ် ၁၀၃ ခု၊ ဝါဆိုလပြည့်နေ့ ညနေချမ်းအချိန်တွင် ဗာရာဏသီပြည်၊ မိဂဒါဝုန်တော၌ ပဉ္စဝဂ္ဂီငါးဦး တို့အား "ဓမ္မစကြာတရားဦး" (ဓမ္မစက္ကပဝတ္တနသုတ်) ကို စတင်ဟောကြားတော်မူခဲ့သည်။

ထိုသို့ တရားဦး ဟောကြားတော်မူခြင်းကို အကြောင်းပြု၍ ဝါဆိုလပြည့်နေ့ကို "ဓမ္မစကြာနေ့" ဟု သတ်မှတ်ခေါ်ဆိုခဲ့ကြသည်။

# # # 🌕 ဝါဆိုလပြည့်နေ့၏ ထူးခြားချက်ကြီး (၅) ရပ်

၁။ 👶 ပဋိသန္ဓေယူသောနေ့
ဂေါတမဘုရားလောင်း သိဒ္ဓတ္ထမင်းသားသည် မယ်တော်မာယာဒေဝီ၏ ဝမ်းကြာတိုက်၌ ပဋိသန္ဓေ စတင်ယူခဲ့သော နေ့ထူးနေ့မြတ် ဖြစ်သည်။

၂။ 🐎 တောထွက်တော်မူသောနေ့
သိဒ္ဓတ္ထမင်းသားသည် လောကီစည်းစိမ်၊ နန်းစည်းစိမ် အားလုံးကို စွန့်ပယ်ကာ သံဝေဂဉာဏ်ဖြင့် ဆံတော်ပယ်၍ တောထွက်တော်မူခဲ့သောနေ့ ဖြစ်သည်။

၃။ ☸️ တရားဦးဟောကြားသောနေ့
ဘုရားအဖြစ်သို့ ရောက်ရှိတော်မူပြီးနောက် မိဂဒါဝုန်တော၌ ပဉ္စဝဂ္ဂီငါးဦးတို့အား သံသရာမှ လွတ်မြောက်ကြောင်း "ဓမ္မစကြာတရားဦး" ကို စတင်ဟောကြားတော်မူခဲ့သောနေ့ ဖြစ်သည်။

၄။ 🌟 သံဃာရတနာ စတင်ပေါ်ထွန်းသောနေ့
တရားဦးကို နာကြားရပြီးနောက် အရှင်ကောဏ္ဍညသည် ပထမဆုံး သောတာပန်အဖြစ်သို့ ရောက်ရှိကာ "ဧဟိဘိက္ခု" ရဟန်းအဖြစ်ကို ခံယူခဲ့သဖြင့် ကမ္ဘာပေါ်တွင် သံဃာရတနာ စတင်ပေါ်ထွန်းခဲ့သောနေ့ ဖြစ်သည်။

၅။ 🌧️ ဝါဆိုဝါကပ် စတင်သောနေ့
ရဟန်းတော်များ သုံးလတာကာလပတ်လုံး ဒေသစာရီ လှည့်လည်ကြွချီခြင်းမပြုဘဲ တစ်နေရာတည်း၌ သီတင်းသုံးကာ တရားအားထုတ်ရမည့် "ဝါတွင်းကာလ" စတင်သတ်မှတ်သောနေ့ ဖြစ်သည်။

*(မှတ်ချက် - သာဝတ္ထိပြည် ကဏ္ဍမ္ဗကုန်း၌ ယမိုက်ပြာဋိဟာပြသခြင်းသည်လည်း ဝါဆိုလပြည့်နေ့တွင်ပင် ဖြစ်ပွားခဲ့ခြင်း ဖြစ်ပါသည်။)*

---

# # # ဝါဆိုလပြည့်နေ့၏ တန်ဖိုးနှင့် အတွေးအလင်း

"အစွန်းနှစ်ပါးကို ရှောင်ကြဉ်ခြင်း"
မြတ်စွာဘုရားရှင်သည် ဓမ္မစကြာတရားတော်တွင် ကာမဂုဏ်ခံစားခြင်း (ကာမသုခလ္လိကာနုယောဂ) နှင့် ကိုယ့်ကိုယ်ကိုယ် ဆင်းရဲဒုက္ခပေးခြင်း (အတ္တကိလမထာနုယောဂ) ဟူသော အစွန်းနှစ်ပါးကို ရှောင်ကြဉ်ပြီး၊ အလယ်အလတ်လမ်းစဉ်ဖြစ်သည့် "မဇ္ဈိမပဋိပဒါ" (မဂ္ဂင်ရှစ်ပါးလမ်းစဉ်) အတိုင်း လျှောက်လှမ်းရန် လမ်းညွှန်ခဲ့သည်။

ထို့ကြောင့် ယနေ့ ဝါဆိုလပြည့်နေ့သည် အယူဝါဒဆိုင်ရာ ပွဲလမ်းသဘင်နေ့တစ်ခုတင် မဟုတ်ဘဲ လူသားတို့ ဘဝကို အစွန်းမရောက်ဘဲ အေးချမ်းမှန်ကန်စွာ ဖြတ်သန်းနိုင်မည့် "မျှတခြင်းတရား (သို့မဟုတ်) လမ်းမှန်အလင်း" ကို စတင်ရရှိခဲ့သည့် လွန်စွာတန်ဖိုးရှိသော နေ့မြတ်တစ်နေ့ ဖြစ်ပါသည်။

#ဓမ္မအလင်း #ဝါဆိုလပြည့်နေ့ #ဓမ္မစကြာနေ့
#ဓမ္မအလင်း

🪷🪷🪷 #တရားချစ်ခင်သူတော်စင်များအတွက်တရားအလှူတော်

🔔(၂၉ )ကြိမ်မြောက် အောင်သုခဓမ္မရိပ်သာကျောင်း၊ ဘုရားကုန်း၊ သံလျှင်မြို့၊၊စက်တင်ဘာလတွင် ဖွင့်လှစ်မည့် တရားစခန်းတွင် တရားချစ်ခင် သူတော်စင်များအတွက် မဝတ်ရည်ဝင်း မှ ဓမ္မဒါနအဖြစ် ပထမဦးစွာ ယောဂီ (၁)ဦးရဲ့ စက်တင်ဘာလ ဆွမ်းစရိတ်ကို လှူဒါန်းပေးသွားမည်ဖြစ်ပါသည်။

✨စိတ်ဝင်စားသောတရားချစ်ခင်သူတော်ကောင်းများ အောက်ပါအချက်များ သိရှိနားလည်ပီးမှ ဝင်ရောက်၍ ဒီ Wut Yi Winအောက်ရဲ့ comment တွင် နာမည်စာရင်းသွင်းခဲ့ရမည်ဖြစ်ပါသည်။ 👇👇👇

၁)ဝိပဿနာကို အမှန်တကယ်အားထုတ်လိုသူဖြစ်ရပါမည်။(ဘုန်းကြီး၊ သီလရှင်၊ အမျိုးသား / အမျိုးသမီးယောဂီ)ပါဝင်နိုင်ပါသည်။
၂)တရားစခန်း၁၅ရက်အတိအကျဝင်နိုင်မှသာပါဝင်ပါရန်။
၃)ရန်ကုန်မြို့နယ်မှ ဝင်ရောက်ပါရန် (လမ်းစရိတ်နှင့်အထွေထွေမပါရှိပါ)။
၄)ဖုန်းကိုင်ခွင့်မရှိသည့်အတွက်၊ ဖုန်းအသုံးပြုနေရသောသူများအတွက် အဆင်မပြေနိုင်ပါ။
၅)စောင်၊ခြင်ထောင်နှင့်တကိုယ်ရည်သုံးပစ္စည်းများသယ်ဆောင်လာရပါမည်။
၆)မဲပေါက်သောသူကို Messanger တွင် မှတ်ပုံတင်နှင့်လူပုံကို စစ်ဆေးမည်ဖြစ်ပါသဖြင့် ဝင်ရောက်မဲပေးသောသူများသည် Facebook account နာမည်နှင့် မှတ်ပုံတင်မှန်သောသူများသာဝင်ရောက်စေလိုပါသည်။ (မှတ်ချက် - တရားစခန်းမဝင်ခင်နှင့် တရားစခန်းတွင် မှတ်ပုံတင်အမှန်နဲ့ လူကို စစ်ဆေးမည်ဖြစ်ပါသဖြင့် မှန်ကန်မှု့မရှိပါက တရားစခန်းဝင်ခွင့်မရှိပါသောကြောင့် ကြိုတင်အသိပေးအပ်ပါသည်)
၇)မဲပေါက်ပီး တရားစခန်း၏ စည်းကမ်းချက်များကို မလိုက်နာနိုင်သူ နောက်နောင် တရားစခန်းဝင်ရောက်ခြင်းစာရင်းကို အပီးအပိုင်ဖျက်သိမ်းပါမည်။
၈)မဲစာရင်းပိတ်ရက် (၁၅.၈.၂၀၂၆)၊ မဲပေါက်စာရင်းဖွင့်ရက် (၁၇.၈.၂၀၂၆)

🙏🙏🙏ဤကုသိုလ်အဖို့ပါကသည် ကျွန်ုပ်နှင့်တကွ (၃၁)ဘုံသားအားလုံးထပ်တူထပ်မျှရရှိပါစေသာအကြောင်းပြု၍နိဗ္ဗာန်ကိုအကျိုးမျှော်၍နှိုးဆော်လိုက်ရပါတယ်ရှင်။
အလှူရှင်-Wut Yi Win

Silent is the Best
Vocal Karma

🌈ဘာတွေမျှော်လင့်နေတာလဲ….

✨ဒါန၊ သီလ၊ ဘာဝနာဆိုတာ ကိုယ့်လုပ်မှ ကိုယ်ရမှာ
ကုသိုလ်အရှိန်ကောင်းအောင်လုပ်ထားမှသာ
မကောင်းတဲ့ အကုသိုလ် 🔥ခုတုံးကို ကျော်သွားနိုင်မှာဖြစ်သလို

☀️ကုသိုလ်အရှိန်မရှိဘူးဆိုလျင် 🔥အကုသိုလ်ကိလေသာတုံးကို ကျော်ဖို့ခက်ခဲနိုင်လို့တာ သဘာဝဖြစ်လို့

🍀ကိုယ့်စိတ်ကိုယ် ကောင်းကောင်းပြုပြင် ဆုံးမထားမှာသလျင် ရနိုင်ခဲတဲ့ ကိုယ့်ကိုကိုယ် အားကိုးရာ ပညာစစ် ပညာမှန်ကိုရှာဖွေတွေ့ရှိနိုင်မှာဖြစ်ပါတယ်။


#တရားစကား

အမြဲထွန်းနေကြအမွှေးတိုင်က ဒီနေ့မှ အထူးအဆန်း ” ၀ ”ထပေါ်လို့ပါလား ….

#ပါရမီဖြည့်ဖက် များကို ကျေးဇူးတင်ခဲ့သလို၊

#ပါရမီဖြည့်ဖက် အသစ်တွေကိုလဲ ဆက်လက်

ကျေးဇူးတင်နိုင်အောင် ကြိုးစားနေပါတယ်”

အနော်ရထာဖာင်ဒေးရှင်း သာသနာ့အမွေခံပွဲ ဖိတ်ကြားလွှာ

#ကြိုတင်သိခွင့်ရှိမည်ဆိုသင်ဘာတွေပြင်ဆင်ထားမလဲ

အသေအချာကြိုသိနိုင်တာတစ်ခုကတော့ သေချင်းတရားပဲ 🎭
အဲလိုပဲ လောကဇာတ်ခုံပေါ်မှာ 💃” က “ နေရတဲ့ “ က “ ကွက်တွေကို ကြိုသိခွင့်ရှိမည်ဆိုလျှင် “ က “ ကွက် ပြောင်းလိုက်လျှင် လောကဓံဆိုတာ ဘယ်ပေါ်လာလိမ့်မတုန်း၊ ဝဋ်ကြွေးတွေကို skip လုပ်လိုက်ကြမှာပေါ့နော် 👉👉👉

#ရွှေစျေးတွေသာ တက်လာမည်လို့ ကြိုသိလျင် ရွှေတွေကြိုဝယ်ထားကြလျှင် နောက်ဆက်တွဲ ???

#ဒေါ်လာတွေတက်လာမည်လို့ ကြိုသိခဲ့လျင်ရော 🤦‍♀️🤦‍♀️🤦‍♀️

မသိသင့်တဲ့ အရာတွေကို မသိတာက ပိုပီး အန္တရာယ်ကင်းပါတယ် လောဘ၊ မောဟ၊ ဒေါသတွေပေါ်ပေါက်မှု့ကို ဟန့်တားပေးနိုင်လို့ ကိုယ်သွားမည့်လမ်းကြောင်းပေါ် ဖြောင့်ဖြောင့်သွားနိုင်ဖို့ အကူအညီ အထောက်အပံ့များကို ရနိုင်ပါတယ်။

အားလုံးပဲ ကိုယ့်ပန်းတိုင်ကို မယိုင်မလဲ ဖြောင့်ဖြောင့်မတ်မတ် လျှောက်နိုင်ကြပါစေ။