AM korea захиалга , худалдаа

“Энэ хорвоо дээр зөвхөн өрөө төлсөн хүмүн л итгэлтэй хүмүн байдаг. Тиймээс шаардлагагүй байсан ч өр тавь. Тэгээд хадгалж байгаад л буцаагаад өгчих. Тэр хүмүн чамд насан туршдаа итгэнэ. Тиймээс итгэл цуглуулахын төлөө өр тавь.

Харин яг цагт нь төл. Энэ нь чамайг сайн жинчин гэж цоллоход хүргэдэг юм.

Нөгөөтэйгүүр өөртөө шаардлагатай үед хэзээ ч битгий өр тавь. Учир нь чи төлж чадахгүй. Өр үргэлж арван зургаа дахин нугарч төлөгддөг юм.

Тиймээс шаардлагагүй үедээ өр тавь, шаардлагатай үедээ хэзээ ч битгий өр тавь гэдэг хачин сургаал хэлэв.”

| "Холын ажаач Жунсо" судраас

Даруу байна гэдэг нь өөрийгөө чамлахын нэр биш, харин орчлон ертөнцийн шүтэн барилдлагыг танин мэдсэний илрэл юм. Бид бусдын тус дэм, байгаль дэлхийн ивээлгүйгээр оршин тогтнож чадахгүйгээ ухамсарлахыг хэлнэ. Хэдий чинээ даруу байна, төдий чинээ "Би"-д хүлэгдэх хүлээс алдарч, сэтгэл уужим, амар амгалан болдог.

Бодол биелдэг:

Нэгэн хэрмэл эр тэнэж яваад ядарсан тул модны сүүдэрт сууж амрав. Тэр мод нь хүслийг хангагч галбарваас байжээ. Хэсүүлчин ихэд өлссөнөө мэдэрч, “Нээх сайхан хоол идэх юм сан. Даанч энд өглөгийн эзэн алга даа” гэж бодов. Хоол бодох агшинд гэнэт сайхан хоол гарч ирэв. Өлссөндөө юу ч бодох сөхөөгүй гүзээлж орхив.

Тэгээд нойр нь хүрч “Тухтай орон дээр унтах сан” гэж мөрөөдөв. Гэтэл ор гараад иржээ. Орон дээр хэвтэх зуур “Энэ ер нь юу л болоод байна даа? Хэн ч үзэгдэхгүй мөртлөө хоол унд, ор дэвсгэр гарч ирээд л. Арай нөгөө албин тийрэн биш байгаа?” гэсэн бодол төрөв.

Тэгтэл нүдний өмнө элдэв тийрэн үзэгдэж гэнэ. “Эд нар намайг алах байх даа!” гэж айж сандартал тийрэнгүүд түүнийг алж орхижээ.

Амьдралын жам ёс яг адилхан.

Ошо: Агнистын гэгээ

Ханд дагинас чуулж,номын увидас дэлгэрсэн Намрын дунд сарын Билгийн тооллын хуучдын 25 ны билэгт сайн өдрийн Гэгээн туналаг өглөөний амар амгаланг айлтгая.🙏🙏🙏🙏🙏🙏🙏🙏

Хамаг бүхэнд өлзий буян орших болтугай...🙏🙏🙏

Хамаг Амьтан бүгд амгалан жаргалангаас үл хагацах болтугай...🙏

Ум А Хум Базар Гүрү Бадма Сидди Хум.🙏
Үйлс бүхэн дэлгэрэх болтугай.🙏

ХҮНИЙ АМЬДРАЛЫН УТГА НЬ
Чадвал бусдад туслах
Эс чадвал хорлол хүргэдэггүй байхад оршино.
Хүнд сайн санах нь хамгийн их амар амгаланг олж авах гүүр юм.

Дээрхийн Гэгээнтэн XIV Далай лам

ӨГЛӨӨНИЙ МЭНД ДЭВШҮҮЛЬЕ.

БОДОХУЙН УЧИР.

Бодол гэдэг зөвхөн хүнд л заяасан
Бурханы ариун хишиг буцаашгүй өглөг
Билиг оюуны дээд хэлбэр ариусгал
Бөмбөрцөгийн ухаант хүнд л оногджээ

Бодол үнэн байвал зөв л амьдрана
Бодол тортогтой бол уруугаа л замнана
Бодход учир бий,дандаа далд боловсорно
Борхон зүрхний булгиа бүр түүнд нөлөөлнө

Бодолдоо тунгааж сансарын хөлгийг зохиосон
Бодолдоо тунгааж ёрын өвчинийг анагаана
Бодолдоо тунгааж эх орноо хамгаална
Бодолдоо тунгааж хайрлан ,дурлана

Бохирч биe туйлдавч бодол ядрахгүй
Бахирч яаж уурлавч бодол зогсохгүй
Баясаж сэтгэл хөөрөвч бодол цуцахгүй
Буян,нүгэл ээлжлэвч бодол саатахгүй

Буурал ээж,ааваа бодон,бодон хайрлана
Баялаг,дэлгэр эх орноо бодон,бодон хайрлана
Билиг оюунт хүмүүсээ бодон,бодон хайрлана
Бурханы энэ хишигээ бодон,бодон хайрла.
Т.Б/Тогоочийн Болдбаатар/

Хурааж цуглуулахын нэг зовлон
Хумьж хамгаалахын нөгөө зовлон
Алдаж харуусахын адаг зовлон
Ауйд хүлэгдэхийн мянган зовлон.

Нэгэн өдөр Будда шавь нарынхаа хамт ойд сууж байлаа. Тэд бүгдээрээ ер бусын амгалан таашаалд умбацгаана. Тэгтэл нэгэн уруу царайлсан хар хүн хүрч ирэв. Алдсан малаа эрж яваа юмсанж. Харсан үзсэн хүн үгүйг хэлэхэд:
- Ээ лам нар минь, би яасан золгүй амьтан бэ! Арван хоёр үхрээ алдчихаад хэчнээн ч эрээд олохгүй юм. Хэдэн ам газар тариа тарьсан чинь цөмийг нь хорхой шавьж идчихэж. Ингэж зовж явснаас үхэж хатах юмсан гээд үглэн дуу тавьсаар цааш одов.

Түүний араас харж суусан Будда шавь нартаа хандан:
- Анд нөхөд минь, та нар бол энэ дэлхий дээрх хамгийн жаргалтай улс. Учир нь та нарт өмчлөх юм нэгээхэн ч үгүй, алдах юм ч бас үгүй. Өмчлөхийн шуналаас л алдахын харуусал төрдөг юм. Аливааг өмчирхдөг хүмүүс үнэн хэрэгтээ өмч хөрөнгийнхөө эзэн биш, боол болдог жамтай. Харин та нар хорвоогийн үхэр сүргийг зөнд нь тавьж, шуналын үрийг тариалдаггүй учраас жинхэнэ эзэд байж, хангалуун жаргалтай амьдараг юм гэжээ.

Ахуйд үл уягдах гэдэг нь ядуу хоосон явахын нэр биш, эд ахуйд ижилдэн зууралдсан шунаг сэтгэлээсээ л ангижрахын нэр билээ. "Мянган лан алтанд хоргодох баяны шунал, мяндасны өөдсөнд тачаадах гуйлгачны шунал хоёр гэгээрлийн замд садаа болоходоо ялгаагүй" гэж Бромдон багш хэлсэн.

Ухаарал, Бясалгал, Гэгээрэл

Аливаа хүнийг яг байгаагаар нь хайрлаж хамгаалдаг, хамгийн хүчирхэг нөхөр буй

Төгс төгөлдөр Бурхадын хөрөг, арай л хол хөндий мэт санагдах тэр л ном сургаалын цаана, ямарч хүнийг яг байгаагаар нь хайрлаж хамгаалдаг аугаа хүчнүүд/олон тоон дээр!/ оршиж байдаг юм.

Тэдгээрийн нэг бол Дамдинянсан Бурхан юм.

Сүүн цагаан сэтгэлтэй Жанрайсиг Бурхан энэ хорвоогийн элдэв муу муухай зүйлс, хүний сэтгэлийн гүн дэх харанхуйг зөөлөн аргаар засаж дийлэхгүй болохоороо өөрийн хамгийн хүчтэй дүрээ бүтээсэн нь энэ бөлгөө.

Ээж хүн үрийнхээ төлөө арслан мэт архирч чаддаг шиг, Дамдинянсан Бурхан хүмүүнийг хорлох гэсэн гадны муу бүхнийг, бас бидний өөрсдийн доторх айдсыг үлдэн хөөхийн тулд тийнхүү хилэгнэсэн дүрээрр дүрслэгддэг юм.

Амьдралд шантрах, зүг чигээ алдаж, орчлонгийн нугачаанд ганцаардах тэр л мөчүүддээ Дамдинянсан Бурханы зүрхэн тарнийг ганц удаа ч болов зүрхнмйхээ гүнээс уншаад үзээрэй. Тэр өөрийг чинь зүгээр нэг ажих бус, яг л хурдан хүлгийн хурдаар чамруу хийн дүрээр тэмүүлж, сэтгэлийг чинь тайтгаруулж, хийморь золбоог чинь бадрааж өгөх болно!

Дамдинянсан Бурханы зүрхэн тарни:

Ум хри базар горьдо Хаянхирваа хүлү хүлү хум пад

онгодын өргөө

Падамба гэгээний захиас.

Падамба буюу дээд эцэг, Дээд Будда хэмээн алдаршсан тэрээр 11 зууны үед амьдарч байсан Энэтхэгийн их егүзэр. Төвдөд таван удаа морилж, сургаал номоо айлджээ. Шижид (мон: Амарлиулагч) урсгалыг үндэслэгч.

- Мэдсэн номоо өөрийн туршлагаар батлах учиртай юмсанж?
- Тийм ээ, хоолны жор цээжлээд өлсгөлөн арилахгүй. Горхины хоржигноо сонслоо гээд цангаа тайлагдахгүй. Хүслийг хангагч чандмань эрдэнийн тухай шүлэглээд хүсэл биелэхгүй. Хоолоо хийж идэх ёстой. Уснаас өөрөө уух ёстой. Чандмань эрдэнийг өөрөө нээж эзэмших ёстой. Номыг мэддэг биш, хэрэгжүүлдэг хүнийг л номч гэвэл зохино. Үнэн зүрхнээсээ анхаарч авбал номын ганц үг ч хангалттай. Чин сэтгэлгүй бол хэчнээн ихийг мэдэж, сонсох тусмаа омгийн түлш болгож хувиргана.

- Гэвч номтон бүхэн өөрсдийгөө сэрсэн, гэгээрсэн мэтээр ярьдаг шүү дээ.
- Өөрийгөө дөвийлгөх ертөнцийн жам юм даа. Олоогүй эрдмээ олсон мэт мэдлэгээр тайтгардаг хүмүүс өөрийн биш ч баяны сүргийг тоолж суудаг барлаг лугаа адил. Үнэхээр номыг өөриймшүүлсэн бол явдал мөр нь зөвдөх учиртай.

- Номыг өөриймшүүлсэн хүний явдал мөр ямар байх вэ?
- Билиг ухаан төрсөн цагт гэрэл асах шиг болж мунхгийн харанхуй сарнина. Би – гийн үзлээс ангижирсан бол хорвоогийн ашиг хонжоонд шунах, гарз хохиролд гансрах сэтгэл хөөс мэт дэлбэрч таарна. Магтаал, доромжлол аль нь ч бай хадны цуурай шиг санагдана. Гэтэл саяны бандита өлсгөлөн адгуус идэш эрэх шиг ашиг, алдрын хойноос нэхэж явна. Утгыг ухаарах өдий байна даа...

Ийм хүмүүс эргэн тойрон хаа сайгүй. Тэд нүдтэй мөртлөө сохор юм шиг, чихтэй мөртлөө дүлий юм шиг, тархитай мөртлөө эргүү юм шиг. Хүн бүхэн үхдгийг мэдсээр байж үхэхгүй мэт авирлана. Үхсэн хойно үйлийн үр нэхэхийг мэдсээр байж гэтэлсэн мэт загнана. Муу заяаны зовлон нүдэн дээр нь илт байтал зүрх шимшрэхгүй. Гаднаас жаргал хайгаад нэмэргүйг үзсээр байж горьдлого тасрахгүй. Дотогшоо нэвтэрвэл ашдын амгаланг олохыг сонссоор байж буруулна. Ганцаар ирээд, ганцаараа буцахыг мэдсээр байж амраг садан гэж амь тэмцэн уялдана. Хураасан хөрөнгө зоориосоо хумсын чинээг өвөрлөж явахгүй байж хармын хар атгаасаа үхтэл тавихгүй. Нэр цол, жаргал зугаа зүүд болоод замхрахыг мэдсээр байж сүнсээ золин хөөцөлдөнө.

- Тийм ээ, багш аа. Нүдтэй мөртлөө сохор гэж үүнийг л хэлнэ дээ.
- Тэгж мэдэрсэн бол билгийн нүдээ нээж ажигла. Ажиглаад ухаар. Ухаарснаа хэрэгжүүл. Энэ л номын мөр шүү дээ.

#АгнистынГэгээ

Бодлоо тэл, боломжоороо амьдар. Төр засгийг хараахаас илүүтэй төрсөн биендээ найдах. Төвөгшөөж амьдрах төвөгтэй. Төгөлдөр бодол тээгээд түмэн зүйлийн бодлоос түүчээлж нэгийг сугалаад хөдөл. Хүн бодолдоо түүртэж бодолдоо дарагдаж явах учиргүй. Болж өгвөл ухасхийх нь зүй. Уран хатгамалчин бол хатгамалаа, угсарч барьдаг бол барилгаа, уран зохиолч бол зохиол бүтээлээ, уран барималч бол урын сангаа гээд ухаад байвал өөрийгээ олно гэдэг бол дуртай ажлаа хийхийг л хэлнэ ээ. Дургүй ажлаа хийх нь духан дундаа сум зоолгож явахтай адил бөлгөө. Дур эзнээ голдоггүй, дунд чөмөг сүүжээ голохгүй яв. Өөрийгээ бүү гол өрөөлтэй өөрийгээ бүү харьцуул. Өргөрөг уртраг дээр өөрийн дураар сэлэх өвдөх завгүй амьдрах. Өөдрөг сэтгэлийг бэхлэх. Өнөөдөр ажил бүтээгүй ч маргааш бүтнэ гэж маадайж яв. Мандах өдөр мянга шүү, машид хичээнгүйлэн даялсугай. Зөв яв, зүрхтэй бай, зөнгөө тань, зүгээ олно. Хөлөөр нэг хөх мөнгө хөглөрч байна, нүх болсон нүдээ нээ, нөмөр нөөлгөө тань, нөмгөн бүү гар, нөхцөлдсөн аюулыг мэдэрч сурах. 2026.10.03 #Төрсөннутагтүшихөв