Japan Wellness Mongolia

🇯🇵 ЯПОНЧУУДЫН ӨДӨР ТУТМЫН ЗАВГҮЙ АМЬДРАЛЫН ХЭМНЭЛ #тархиныхоол

Японд очоод хамгийн түрүүнд анзаарагддаг зүйлсийн нэг нь хүмүүсийн маш завгүй амьдралын хэв маяг.
Өглөө үүрээр ажилдаа яарсан хүмүүс метрогоор дүүрэн. Ажвал суудалд суусан болон бариулаас барьж зогсох хүмүүсийн дийлэнх нь нүдээ аниад, хэдхэн минут ч болов дуг хийж явах нь элбэг.
Орой ч ялгаагүй. Ажлаа тараад гэртээ харьж буй хүмүүсийн шоргоолж шиг бужигнах урсгал шөнө дөл хүртэл үргэлжилдэг.
Манайхаар бол Улаанбаатараас Дархан, Эрдэнэт орох зайд ажилдаа ирж очдог хүмүүс олон. Ёстой хурдан галт тэрэгтэй тулдаа л амждаг байх.

Энэ хүмүүст хоногийн 24 цаг ч багаддаг байх даа? гэж өөрийн эрхгүй бодогддог.

Ийм ачаалалтай, завгүй амьдралд биеийн төдийгүй тархины амралт, нойрны чанар маш чухал байх нь аргагүй.

Бид өдөр бүр хооллож, бие махбоддоо хэрэгтэй уураг, амин дэм, эрдэс бодисоо авдаг.Тэгвэл тархинд ч бас хоол хэрэгтэй.

компаний 21 жилийн түүхтэй Глицин+ цувралын тархины тэжээл маань өдөр тутамдаа хэрэглэх тархины хоол юм.

Стресснээс, нойргүйдлээс ангид байхад туслах хүний биед өөрөө нийлэгждэггүй, гаднаас нэмэлтээр авах зайлшгүй хэрэгтэй байгалийн амин хүчлийн гайхалтай хослол.🤩

Хүн өдөр бүр биеэ хоололдог шигээ тархиа ч бас марталгүй хооллоорой. 🧠


Дэлгэрэнгүй мэдээллийг сэтгэгдэл хэсэгт... 😊

🇯🇵 Японоос албан ёсны эрхтэйгээр
Japan Wellness Mongolia
📞99252245

#Тархинытэжээл #Тархиныхоол
#тархиныэрүүлмэнд

? №9

Өдөржин ажил, амьдрал гэж нэгээс нөгөөрүү цаг нартай уралдаж явсаар маш их ядарсан ч яг унтах гэхээр нойр хүрэхгүй байна гэх хүмүүс сүүлийн үед их болсон.
Бие амрахыг хүсэвч толгойд элдэв бодол эргэлдэж, унтах гэж хичээх тусам нойр улам хулждаг. Үүний гол шалтгаан нь стресс байдаг.

Стресс яагаад нойронд нөлөөлдөг вэ❓️

‼️ Стресстэй үед бие сонор сэрэмжтэй байдалд буюу өөрийгөө аюулаас хамгаалах байдалд шилждэг.

Энэ үед тархи тухайн нөхцөл байдлыг аюул гэж хүлээн авдаг ба симпатик мэдрэлийн тогтолцоо идэвхжсэнээр хурдан хариу үйлдэл үзүүлж, өөрийгөө хамгаалах бэлэн байдалд ордог.

Өөрөөр хэлбэл зүрхний цохилт түргэсч, амьсгал олширч, булчин чангарснаар бие өөрийгөө аюулаас хамгаалах буюу тэмцэх, зугтах (fight or flight) байдалд шилжүүлж байна гэж ойлгож болно. Жишээлбэл туулай айсан үедээ хэзээ л бол хэзээ зугтаахад бэлэн хяраад зогсдог яг л тэр байдалтай адилтгаж ойлгож болно.

Энэ нь тухайн нөхцөл байдалд зохицон, аюул тулгарах үед илэрдэг бие махбодын хэвийн хариу үйлдэл ба аюулгүй болсон үед бие тайвширч хэвийн байдалдаа орох байгалийн зохилдлогоо юм.

Харин стресс удаан үргэлжилж амрах цагтаа бие тайвширахгүй байх нь бие болоод сэтгэл санааг тогтворгүй болгож нойр хулжихад хүргэдэг.

‼️Стресстэй үеийн дааврын өөрчлөлт

Стресстэй үед кортизол, адреналин зэрэг дааврын ялгаралт нэмэгддэг.

Кортизол:
Бие махбодыг стресс, ачаалалтай нөхцөлд дасан зохицоход тусалж, эрч хүч, бодисын солилцооны зохицуулалтад оролцдог даавар. Хэвийн үед кортизолын хэмжээ өглөөгүүр нэмэгдэж, бие сэргэг, идэвхтэй байхад чухал үүрэг гүйцэтгэдэг бол орой аажмаар буурдаг.

Адреналин:
Аюул, айдас, стрессийн үед биеийг хурдан хариу үйлдэл үзүүлэхэд бэлтгэдэг даавар. Адреналины ялгаралт нэмэгдэхэд зүрхний цохилт, амьсгал түргэсэж, булчин чангарна.

Эдгээр даавар нь бие махбодын хэвийн үйл ажиллагаанд чухал үүрэгтэй ч кортизол, адреналины ялгаралт нэмэгдсэн буюу байнгын сонор сэрэмжтэй байдал удаан үргэлжлэх нь мелатонин, серотонины хэвийн зохицуулалтад нөлөөлж, мөн сэтгэл санаа болон нойрны хэмнэлийг алдагдуулдаг.

💭 Бие ядарсан ч бодол тасралтгүй эргэлдэх

Стресс нь зөвхөн бие махбодод нөлөөлдөггүй. Маргаашийн ажилд санаа зовох, өнгөрсөн явдалд шүүмжлэлтэй хандаж дахин дахин бодож эргэцүүлэх нь сэтгэл санааг тогтворгүй болгож тайвшрахад саад болсноор санаа зовнил, түгшүүр нэмэгдэж, толгойд элдэв бодол тасралтгүй эргэлдэх нь бие болоод сэтгэл зүйг маш ихээр туйлдуулж ядраадаг. Энэ нь нойр хүрэхгүй болох гол шалтгаан болдог.

‼️Дээрх шалтгаануудаас нойрны чанар алдагдаж, өглөө сэрэхэд бие амарсан мэдрэмжгүй ядарч босно. Өдөржин эрч хүчгүй нозоорч, ажлын бүтээмж алдагдаж эхэлнэ. Энэ байдал удаан хугацаанд давтагдвал нойргүйдэл даамжирч архаг нойргүйдэлд хүрнэ.

🔄 Нойр дутуу байдал нь стрессийг улам нэмэгдүүлдэг.

Хангалттай унтаж амрахгүй байх нь бие, сэтгэлийг ядрааж, өдөр тутмын энгийн асуудал, ачааллыг илүү хүнд мэдрүүлж, стрессийг улам нэмэгдүүлдэг.
Нэмэгдсэн стресс нь эргээд нойрны чанарыг улам муутгаж, энэ байдал давтагдсаар нойргүйдлийг улам даамжруулж архагшуулснаар бие организмын үйл ажиллагааг хямруулдаг.

Стресс нэмэгдэх ➡️ Нойрны чанар муудна ➡️ Хангалттай амарч чадахгүй болно ➡️ Бие, сэтгэл ядарна ➡️ Өдөр тутмын асуудал илүү хүнд санагдана ➡️ Стресс улам нэмэгдэнэ ➡️ Нойрны чанар улам муудаж нойргүйдэнэ ➡️ Архаг нойргүйдэл 🔄

Дээрх тойргоос харахад стресс болон нойр дутуу байдал нь бие биедээ харилцан нөлөөлж, нойргүйдлийг улам даамжруулдаг.

🌿 Стрессээ багасгаж, нойроо хэрхэн дэмжих вэ?

Стресснээс болж нойр хулжих үед эрт унтах хэрэгтэй‼️ гэж өөрийгөө шахахаас илүү стрессээ багасгаж, бие, сэтгэлээ тайвшруулах нь хамгийн чухал.

✅️ Тогтмол цагт унтаж, босох
✅️ Дасгал хөдөлгөөн хийх
✅️ Орой дэлгэцийн хэрэглээ болон мэдээллийн ачааллаа багасгах
✅️ Амсгалын дасгал, бясалгал хийх
✅️ Санаа зовоож буй зүйлсээ бичиж бодлоо цэгцлэх зэрэг эрүүл зөв дадлыг амьдралдаа хэвшүүлээрэй.

✅️ Мөн таныг тайвшруулж, сэтгэл сэргээдэг зүйлсээ анзаарч, түүндээ цаг гаргаж хэвшээрэй. Ингэж өөртөө цаг гаргах нь сэтгэл санааг тайвшруулж, өдөр тутмын стрессийг багасгахад маш тустай.

✅️ Нэмэлтээр чанартай, баталгаатай эрүүл мэндийн нэмэлт бүтээгдэхүүнийг сонгон хэрэглэх нь стрессийг бууруулж, чанартай нойрыг дэмжихэд тусална.

Нойргүйдэл удаан үргэлжилж, өдөр тутмын амьдралын чанарт нөлөөлж эхэлсэн бол мэргэжлийн эмчид хандаарай.

Эрүүл мэндийн булан №9
Japan Wellness Mongolia

😴 😇

🇯🇵 FINE JAPAN 20 гаруй жилийн түүхтэй стресс бууруулж, чанартай нойр дэмжих + цуврал



✅️ Стресс бууруулж, чанартай нойр, тайван амралтыг дэмжиж, өглөөг сэргэг эхлүүлж, өдрийн турш эрч хүчтэй байх амин хүчлийн зохистой хослол

✅️ Хэрэглэхэд хялбар, аманд хурдан уусдаг нунтаг
✅️ Усгүйгээр шууд хэрэглэж болно
✅️ Сахаргүй
✅️ Ходоод цочроох исгэлэн амт оруулагчгүй

🚫 Өглөө сэрэхэд хэцүү байна уу?
🚫 Унтсан ч сайхан амарч чадалгүй ядарсан сэрж байна уу?

🟢 Өглөөг сэргэг эхлүүлж, өддрийн турш эрч хүчтэй байхыг хүсдэг үү?

Үнэ: 82,000₮
Дэлгэрэнгүй мэдээллийг сэтгэгдэл хэсэгт 😊

📍Манай хуудасруу чат бичих болон доорх дугаарт холбогдон үнэгүй хүргүүлээд аваарай. +🎁
Japan Wellness Mongolia
📞 99252245

📍 #ИМОНОС -т нэгдсэн 🤩
📞 18001883

Өөрт ойр салбараас:
СБД Залуучууд салбар 📞 86081883
СБД Хоног агуулах салбар 86031883
ХУД Номин седар салбар 86771883
БЗД Сансар колонк салбар 86061883
СХД Өнөр плаза салбар 86501883
ХУД УБ Таун салбар 86811883
БЗД Хоум ланд салбар 86781883
БЗД Скай ресиденс салбар 88961883

📍emonos.mn сайтаас доорх линкээр захиалаад аваарай.😊
https://emonos.mn/category?search=%D0%93%D0%BB%D0%B8%D1%86%D0%B8%D0%BD

#ЯпонЧанар #Нойр #стресс #чанартайнойр #сэтгэлтүгшил #Нойргүйдэл #НОЙР #Ядаргаа #ажлыначаалал #ажлынбүтээмж #шөнийнээлж

№8
?

Сүүлийн үед нойргүйдэлд эмийн эмчилгээнээс гадна эмийн бус эмчилгээг түлхүү хийх болсон.

CBT буюу танин мэдэхүй, зан үйлийн эмчилгээ нь нойрсоход саад болж буй бодлуудыг сарниулж, сэтгэл түгшлийг бууруулах, нойргүйдэлтэй болоход нөлөөлсөн амьдралын буруу хэв маяг, зуршлыг өөрчлөхөд туслах замаар нойрыг хэвийн болгоход чиглэсэн сэтгэл заслын арга юм.

Өөрөөр хэлбэл, зөвхөн тухайн шөнийн нойрыг сайжруулах бус, нойрыг алдагдуулж буй толгойд эргэлдэх бодлууд, буруу зуршлуудыг өөрчилж, бие махбодын нойрны хэмнэлийг хэвийн болгоход чиглэдэг.

🧠 1. УНТАХ ТАЛААРХ ТҮГШҮҮРТ БОДЛЫГ ӨӨРЧЛӨХ

“Өнөө шөнө дахиад унтаж чадахгүй дээ”, “Маргааш ядарч сульдаад ажлаа хийж чадахгүй байх” гэх мэт бодол нь түгшүүрийг нэмэгдүүлж, бие махбодыг сэргэг, сонор сэрэмжтэй байдалд оруулснаар унтахад саад болдог.

CBT сэтгэл заслын арга нь унтахтай холбоотой хэт санаа зовнилыг бууруулж, бодит бус хүлээлтийг өөрчлөн, нөхцөл байдалд илүү бодитой, тайван хандахад тусалдаг.

🛏️ 2. ОРОНДОО ОРОХОД НОЙР ХҮРДЭГ ДАДЛЫГ ХЭВШҮҮЛЭХ

Орондоо удаан сэрүүн хэвтэх, ном унших, утас, телевиз үзэх, ажлаа төлөвлөх, элдвийг бодож хөрвөөх нь унтахаар хэвтсэн ч нойр хүрэхгүй байх, сэрүүн байх буруу зуршилтай болгодог. Иймээс оронд орсон хойноо дээрх зүйлүүдийг хийхгүй байх нь чухал.
Хэрвээ оронд орсон хойно нойр хүрэхгүй удах шинжтэй бол түр босож бие болоод сэтгэлээ тайвшруулсны дараа орондоо ороорой. Орыг өөр зүйлд сатаарах биш унтахад л хэрэглэх зөв дадлыг өөртөө хэвшүүлээрэй.

⏰ 3. НОЙР–СЭРЭХ ХЭМНЭЛЭЭ ТОГТВОРЖУУЛАХ

Өглөө бүр нэг цагт босох нь биеийн нойрны хэмнэлийг тогтворжуулахад чухал нөлөөтэй.
Нойр муутай хоносны маргааш өглөө хэт оройтож босох, өдрийн цагаар удаан унтах нь орой нойр хүрэхийг хойшлуулж, нойрны хэмнэлийг бүр нэмж алдагдуулдаг.

🌙 4. НОЙР ХҮРЭХГҮЙ ҮЕД ОРОНДОО УДААН ХЭВТЭХГҮЙ БАЙХ

Нойр хүрэхгүй байхад олон цагаар орондоо хэвтэх нь нойргүйдлийг улам даамжруулдаг.

CBT сэтгэл заслын арга нь тухайн хүний бодитоор унтаж буй хугацааг харгалзан унтах, босох цагийг тохируулж, орондоо удаан сэрүүн хэвтэхээс зайлсхийх замаар нойрны хэмнэлийг тогтворжуулахыг зорьдог.

🧘 5. БИЕ, СЭТГЭЛЭЭ ТАЙВШРУУЛАХ

Стресс, сэтгэл түгшил болон булчингийн чангарал нь биеийг сонор сэрэмжтэй, сэргэг мэдрэмжтэй байлгаснаар унтахад саад болдог.
Амьсгалын дасгал болон бясалгал хийх, тайвшруулах хөгжим сонсох, сунгалтын дасгал болон булчин суллах массаж хийснээр чангарсан булчинчууд суларч, сэтгэл түгшил буурснаар бие сэтгэл тайвширч, унтахад бэлэн болно.

🕐 6. НОЙРЫГ ХҮЧЛЭХГҮЙ БАЙХ

“Одоо заавал унтах ёстой” гэж өөрийгөө шахах нь айдас, түгшүүрийг нэмэгдүүлж, эсрэгээрээ бие махбодыг улам сэрүүн, сонор байдалд оруулдаг.
Шөнө сэрэх бүртээ цаг харах нь “унтах хугацаа улам багаслаа” гэсэн санаа зовинолыг улам нэмэгдүүлдэг. Тиймээс нойрыг хүчлэхгүй, шөнө дахин дахин цаг харахгүй байх нь зүйтэй.

😴 Нойргүйдлийн үед зөвхөн “Яаж хурдан унтах вэ?” гэж бодохоос илүү нойрыг юу алдагдуулж, юу нойргүйдэлд хүргэж байгааг зөв тодорхойлсноор амьдралын эрүүл хэв маяг, зөв дадалд суралцаж, өдөр тутамдаа дадуулах нь чанартай нойрыг дэмжиж, амьдралын чанарыг сайжруулна.

Дээрх эмийн бус сэтгэл заслын аргыг мэргэжлийн эмчийн зөвлөгөө авч хэрэгжүүлж, өөртөө дадуулж чадвал маш үр дүнтэй арга юм.

🥰 Чанартай нойр - Эрүүл амьдралын үндэс

Эрүүл мэндийн булан №8
Japan Wellness Mongolia
📞 99252245

#ЯпонЧанар #Нойр #стресс #чанартайнойр #сэтгэлтүгшил #Нойргүйдэл #НОЙР #Ядаргаа #ажлыначаалал #ажлынбүтээмж #шөнийнээлж

№7

Монголын уламжлалт анагаах ухааны онолд хий хямрах үед бодол олшрох, сэтгэл санаа тогтворгүй болох, тайван бус болох, нойр хулждаг гэж үздэг.

Нойргүйдлийн шалтгааныг тухайн хүний биеийн онцлог, илэрч буй зовиуртай нь уялдуулан идээ ундаа, явдал мөр, эм заслыг тохируулан, цогцоор нь эмчилдэг.

💆 Биеийн зөөлөн бариа
Биеийн зөөлөн бариа нь булчингийн чангарал, хөшилтийг багасгаж, биеийг суллан тайвшруулахад тустай. Мөн цусны эргэлтийг дэмжиж, өдрийн турш хуримтлагдсан биеийн ядаргаа, ачааллыг багасган тав тухтай амрахад тусалдаг.
Гэрийн нөхцөлд өөрсдөө шар тосоор хийн цэгүүдэд иллэг хийх нь мөн тустай.

🔥 Хий дарах төөнүүр
Төөнүүр эмчилгээг хийн хямралтай холбоотой зовиурын үед тохирох бэлчир, цэгийг сонгон хийдэг.
Утаат төөнүүр, эмт төөнүүр, шар тостой эсгий төөнүүр зэрэг олон төрлийн төөнүүр байдаг. Нойрны зовиурын үед тохирох бэлчир, цэгийг сонгон төөнөж, хийг дарж, бие сэтгэлийг тайвшруулна. Ямар төрлийн төөнүүрийг аль бэлчир, цэгт, ямар хугацаагаар хийхийг уламжлалтын эмч тухайн хүний оношилгоо, биеийн онцлогт тохируулан сонгоно.

🔸️Зүү эмчилгээ
Зүү эмчилгээ нь биеийн тодорхой цэгүүдийг зүүгээр цочроон эмчилдэг уламжлалт эмчилгээний арга юм. Үрэвсэл дарах, өвдөлт намдаах, тайвшруулах, сэргээх, бодисын солилцоог идэвхжүүлэх зэрэг олон үйлдэлтэй.
Нойр хямарсан үед тохирох цэгүүдэд зүү тавьж, биеийн чангарал, өвдөлтийг багасган, бие сэтгэлийг тайвшруулахад тустай. Ямар цэг сонгох, бусад эмчилгээтэй хэрхэн хавсран эмчлэхийг уламжлалтын эмч тухайн хүний оношилгоонд үндэслэн шийднэ.

🥣 Ясны шөлөн эмчилгээ
Ясны шөлийг хий дарах, ядаргаа тайлах, биеийн тамир тэнхээг дэмжих зорилгоор хэрэглэж ирсэн. Гурван шимт, дөрвөн шимт, таван шимт зэрэг ясны шөлийг тухайн хүний биеийн онцлог, зовиурт тохируулан сонгож, дангаар нь болон бусад эмчилгээтэй хавсран хэрэглэдэг.

🥣 Идээ, ундаа
Уламжлалт анагаах ухаанд идээ, ундааг эмчилгээний нэг хэсэг болгон авч үзэж, тухайн хүний биеийн онцлог, өвчний байдал, улирал цагт тохируулан сонгодог. Идээ, ундаа нь уламжлалт анагаах ухааны дөрвөн ерөндгийн нэг юм.

Хий хямарсан үед халуун бүлээн, шим тэжээлтэй, шингэц сайтай идээ, ундааг түлхүү хэрэглэж, хуурсан, шарсан, хуурай хоол болон хүйтэн, хийжүүлсэн ундааг хязгаарладаг. Идээ, ундааны сонголтыг тухайн хүний биеийн онцлог, илэрч буй зовиурт тохируулах нь чухал.

🌿 Тан эмчилгээ
Уламжлалт анагаах ухаанд тан эмийг хүн бүрт ижил жороор хэрэглэдэггүй. Эмч тухайн хүний биеийн онцлог, өвчний шалтгаан, илэрч буй шинж тэмдгийг харгалзан оношилж, тохирох эмийн жор, тун хэмжээ, хэрэглэх хугацааг шийдэнэ.
Тан эм нь олон төрлийн ургамлын орц, найрлагатай тул өөрөө дур мэдэн сонгон хэрэглэхээс зайлсхийж, уламжлалтын эмчийн үзлэг, оношилгоонд үндэслэн хэрэглэх нь зүйтэй.

🌿 Уламжлалт эмчилгээний онцлог
Уламжлалт анагаах ухаанд нойрны зовиурыг хүн бүрт ижил аргаар эмчлэх бус, тухайн хүний биеийн онцлог, илэрч буй зовиур, идээ ундаа, явдал мөрийг хамтад нь авч үздэг. Үүний үндсэн дээр эмт заслыг тохируулан сонгож, шаардлагатай тохиолдолд хэд хэдэн аргыг хавсран хэрэглэдэг.

Нойргүйдлийг зөвхөн эмээр намжаахаас илүүтэй уг шалтгааныг нь тодорхойлж, эмийн бус аргаар хэвийн болгоход анхаарах нь чухал. Уламжлалт эмчилгээний тохирсон аргуудыг зөв дадал хэвшил болон бусад эмчилгээтэй уялдуулан хэрэглэх нь нойрны асуудлыг цогцоор нь шийдвэрлэхэд үр дүнтэй.

Эрүүл мэндийн булан №7
Japan Wellness Mongolia
📞 99252245

?⁉️
Нойргүйдэл бүх насныхныг хамарч тахал шиг тархсаар байна. ‼️

UpCast-Heal Up: Монголд нойрны асуудалгүй хүн байна уу?
Зочин: СЭМҮТ-ийн Сэтгэц Нийгмийн эрүүл мэнд, гадаад харилцаа сургалтын албаны мэргэжилтэн, Сэтгэцийн эмч Б.Хүсэлтүвшин

UpCast-Heal Up: Монголд нойрны асуудалгүй хүн байна уу? Зочин: СЭМҮТ-ийн Сэтгэцийн эмч Б.Хүсэлтүвшин