Batbayar Sugarkhuu

Бусдыг урмаар дайлвал өөрөө ч сэргэнэ.
Бусдад жаргал хайрлавал өөрөө ч амирлана.
Бусдыг инээдээр мялаавал өөрөө эрчмээр цэнэглэгдэнэ.
Бусдыг сайхнаар харвал өөрөө ч гоёхон үзэгдэнэ.
Бусдад зөвийг үйлдвэл өөрт ч гайхамшиг тохионо
Бусдад сайныг ерөөвөл өөрөө ч ивээгдэнэ.
Амжилтын алтан түлхүүрийн эзэн нь болж яваарай.
Амьдралын алтан нарны цацраг нь байгаарай.
Ажил үйлсийнхээ охь ундрага
Аз жаргалынхаа од жавхаа болоорой. Copy
Т.Эрдэнэтуул

Витамины талаар ярьдаг америк эм зүйч байдаг юм. Тэр хүн хэзээ ч авч болохгүй брендүүдийг
хэлсэн байна. Монголд маш түгээмэл зарагддаг брендүүдийг яг л хэлж. Анхаараад аль болох энэ 4-с холхон байх нь байна шүү ✌️

1. Nature made
2. Centrum
3. Nature valley
4. Kirkland

Эдгээр нь олон нийтийн дунд түгээмэл, хямд үнэтэй брэндүүд юм. яагаад “муу” гэж нэрлэгддэг талаар тайлбарлах гээд үзье👇

🧪 1. Түүхий эдийн чанар сул

Эдгээр брэндүүдийн ихэнх нь:
• Синтетик (хиймэл) гаралтай витамин ашигладаг
→ жишээ нь:
• Витамин Е → dl-alpha tocopheryl acetate (хиймэл хэлбэр)
• Фолат → folic acid (идэвхгүй, зарим хүнд хувирч чаддаггүй хэлбэр)
• В12 → cyanocobalamin (хямд, идэвх муутай, элэгэнд ачаалал өгдөг хэлбэр)
• Харин дээд зэрэглэлийн брэндүүд methylated буюу идэвхтэй хэлбэр ашигладаг.

🧫 2. Дүүргэгч, будагч бодис ихтэй

Эдгээр “mass market” брэндүүдэд дараах бодисууд элбэг:
• Titanium dioxide – цагаан өнгө гаргадаг, хавдартай холбоотой гэж сэжиглэгддэг
• Artificial color (FD&C Yellow, Blue, Red) – харшил, мэдрэлийн цочрол үүсгэдэг

💧 3. Шимэгдэл муу
• Витамин, эрдэс бодисууд нь oxide, carbonate хэлбэртэй байдаг
(ж.нь магнийн oxide — 4% л шимэгддэг).
• Хүндрэл: ходоод гэдэсний замд шингэхгүй, өтгөнөөр гадагшилдаг.

💰 4. Үнийн бодлого ба үйлдвэрлэлийн зорилго

Эдгээр брэндүүдийн гол зорилго нь зах зээл эзлэх, үнэ хямд байлгах тул чанартай түүхий эд хэрэглэх нь ховор.
• Тэд Walmart, Costco, Target зэрэг дэлгүүрүүдийн “volume” борлуулалтанд тулгуурладаг.
• Хэрэглэгч бүрт “үр дүн мэдэгдэхгүй ч зүгээр” түвшинд хийдэг.

🧍‍♀️ 5. Хуурамч баталгаажуулалт ба тунгийн зөрүү

Хяналтын байгууллагуудын шалгалтаар:
• Centrum, Nature Made зэрэг брэндүүдийн зарим багцад найрлага дээр бичсэн хэмжээ бодитоор тохирохгүй гарсан тохиолдол олон.
• Заримд нь lead (хар тугалга), arsenic, cadmium зэрэг хүнд металл илэрсэн (2017–2022 оны ConsumerLab, Labdoor, Clean Label Project-ийн тайлангаар).

🧠 6. Байгалийн гаралтай биш, синтетик

Centrum гэх мэт брэндүүдийн маркетинг “Multivitamin for everyone” гэж хэлдэг ч:
• Биеийн онцлог (нас, хүйс, бамбай, элэг, дархлаа гэх мэт) огт харгалздаггүй.
• “Нэг шахмал бүгдэд тохирно” гэдэг ойлголт нь эрүүл мэндийн хувьд буруу.

🌿 Харин сайн нэмэлт гэж юу вэ?

Сайн брэндүүд дараах зарчмыг баримталдаг:
• Bioavailable form: methylated, chelated, liposomal, fermented
• Clean label: хиймэл будагч, амт оруулагч, дүүргэгчгүй
• Clinical-grade / NSF / GMP баталгаатай
• Transparency: түүхий эдийн гарал, лабораторийн дүнг ил тод байршуулдаг
/copy/

Өөрийгөө хайрлана гэдэг чинь сэтгэлээ амар амгалан байлгахыг л хэлдэг юм билээ. Өнгөрсөнд шаналахгүй, одоод давчдахгүй, ирээдүйгээс айхгүй тайван байх хамгийн их жаргал. Ямар ч наргиан цэнгэл, эд баялаг, шунал тачаал, нэр хүнд үүнийг гүйцэхгүй. Дөлгөөн нуурын мандалд тогтуухан хөвж яваа цэцгийн дэлбээ шиг.

Энэ тайван байдлыг би хүсэх юмгүй дүүрэн, нэхэх юмгүй баян, хийх юмгүй цатгалан үедээ мэдрээгүй. Байх тусам л улам илүүг хүсэж, дандаа л яарсан, нэг юм хүссэн, хүлээж хүлээж зуурхан жаргаад л өнөөх нь савангийн хөөс шиг хагарчихдаг байсан. Тэгэх тусам би ууртай, ихэрхүү, атаач болж байсан.

Харин уйлж бархирмаар, цээжээ урж самардмаар, бууж өгмөөр, хаачихаа ч мэдэхгүй үед анх удаа тэр амар тайвныг дотроо мэдэрч үзсэн юм. Би яг л сэлж чадахгүйн улмаас гүн усанд живэх гэж сандран самардаж, амаараа ус залгилж, айн мэгдэж байх шиг. Тэгээд би эсэргүүцэхээ больж, хөдлөхөө больж, зүгээр л бүхнийг зөвшөөрсөн. Угаасаа надад хийж чадах ч юм байсан биш. Тэгтэл нэг мэдэхэд тэр гүн ус байхгүй, би амар тайван, хэн ч булаахааргүй жаргалтай байгаагаа мэдэрсэн юм. Ингээд би аз жаргал бол нөхцөл биш гэдгийг ойлгосон.

Ингэвэл, тэгвэл гэж хүлээхээ ч больсон. Зүгээр л талархсан, ойлгохыг хичээсэн, хайрлах гэж оролддог болсон. Одоо ч миний дотор аягатай усанд чулуу шидэх шиг донсолдог үе зөндөө. Миний ухаарч мэдсэн ч гэж багыг хэлэх үү. Гэхдээ өнөөх унах, живэх мэдрэмж ирэх бүр би анх удаа амар тайвныг мэдэрснээ санадаг.

Өөрийгөө хайрлахын тухай бодол ийм байна. Бас хайртай хүмүүсээ амар байлгах хамгийн том хайр юм шүү.
Хуулбарыг хуулаад ирлээ.

ГЭР БҮЛЭЭ АЗ ЖАРГАЛТАЙ БАЙЛГАХУЙ
- Бүү үглэж янш. Үглээ яншаа зан, хэдэр, хэрүүлч ааш чамайг үнэ хүндгүй болгож хайр сэтгэлийг ч мөхөөж чадах аюултай. Эелдэг харьцаа эрхэм чухал
- Бусдын санаа сэтгэлд таарч тохирч сур. Бусдыг өөртөө таарч тохируулах гэж оролдсоноос бусдад өөрийгөө таарч тохируулах нь хамаагүй амар гэдгийг санаж яв
- Утга учиргүй бүү шүүмжил. Биенээсээ өө хайгаад байвал өөдтэй амьдарч чадахгүй. Ялангуяа хөндлөнгийн хүний дэргэд биенээ бүү шүүмжил
- Ханиараа бахархаж бай. Хань ижлийнхээ сайн талыг чин сэтгэлээсээ биширч, бахархаж явах нь өөрөөрөө бахархсантай яг адил, учир нь чиний хань чиний л сонголт. Иймд ханиа магтан сайшаах, түүгээр бахархах бололцоо бүрийг ашиглаж бай.
- Хань ижилээ халамжилахыг бүү март. Халамж гэдэг бол үйл хөдлөлөөс гадна халамж шингэсэн урам өгсөн сайхан үг бас чухал шүү
- Гэрсэг бай. Чөлөөт цагаа аль болох гэртээ өнгөрүүлэх нь гэр бүлийн дулаан уур амьсгалд маш чухал. Ингэхийн тулд гэр орноо ая тохьтой байлгахыг хичээх
- Утга учиргүй бүү хард. “Хайртай бол хартай” гэсэн хэлц үг байдаг боловч утга учиргүй үнэн санаанаасаа хардах нь маш аюултай ба тэр нь даамжраад өвчин болдог талтайг анхаарч яв.
- Сонирхолоо нийцүүл. Ханийхаа сонирхолд өөрийгөө нийцүүлж сурах нь гэр бүлийн эвсэг уур амьсгалд маш чухал

- Хадмуудтайгаа эвтэй бай. Хадмуудаа дахин хүмүүжүүлж чадахгүйгээс хойш аяийг нь дагах нь зөв. Аяыг дагаж чадахгүй бол холхон байсан нь дээр
- Буулт хийж сур. Санал зөрөлдөөнтөй үед ямар нэгэн хэрүүл маргаан үүсгэхгүйн тулд буулт хийж чаддаг байх, уучлалт гуйж чаддаг байх.
- Сэтгэлээ тайван байлга. Жаргал, зовлонгийн хэмжүүр бол хань ижил, үр хүүхэд, эд хөрөнгө, албан тушаал, эрх мэдэл биш зөвхөн сэтгэлийн тайван байдал юм. Хүн хэдий чинээ сэтгэл тайван байна. төдий чинээ жаргалыг мэдэрдэг. Иймд ханийхаа сэтгэлийг тайван байлгах талаар онцгой анхаарч сур.
- Өнөөдрөөрөө амьдарч сур. Өнгөрсөн амьдрал бол зөвхөн сургамж Өнгөрсөн амьдралдаа хэт их харамсах, өөрийгөө болон бусдыг хараан зэмлэх, бусдад өширхөх, хэн нэгэнтэй тооцоо бодохыг эрмэлзэх зэргээр өнөөдрийн амьдралдаа нэмэлт ачаа өгч болохгүй. Ирээдүйн амьдралдаа хэт их санаа зовж, эрч хүчээ хий дэмий үрж, оюун санаагаа зовоож, мэдрэлээ ядрааж болохгүй. Ирээдүй болон өнгөрсөн үеийнхээ ачааг өнөөдрийнхөө ачаатай цуг үүрээд байвал ямарч хүчтэй хүн амьдралын аян замд бүдрэнэ гэдгийг анхаарч яв.

ОЛНЫ ДУНД БИЕЭ ЗӨВ АВЧ ЯВАХУЙ
- Нэрээ бодож яв. Ертөнц дээрх бүх үгнээс хүний чихэнд хамгийн сонсголонтой сонсогддог үг бол тэр хүний нэр. Иймд өөрсдийнөө болон бусдын нэр хүндийг өргөж явах хэрэгтэй
- Бусдыг хайрлаж сур. Чи бусдаар хайрлуулах, бусдын анхаарлын төвд байхын тулд бусдыг хайрлаж, бусдад анхаарал хандуулах хэрэгтэй.
- Бусдыг ойлгохыг хичээ. Өөрийнхөө хүсэл, зорилгыг тэргүүн зэрэгт бодохоо орхиж бусдын сайн чанарыг түлхүү мэдэхийг хичээгээрээ
- Урам хайрлаж сур. Бусдын сайн чанарыг өөрт нь болон бусдад магтан ярьж бай. Талархал, сайшаалын үгийг үнэн сэтгэлээсээ хэлж, магтаалд үг бүү хайрал
- Анхааралтай сонсож сур. Ахмадын сургаал, нөхдийн зөвлөгөөг анхааралтай, тэвчээртэй сонсож сур. Сонсож байх үедээ хэцүү байж болох ч дараа нь чиний амьдралд маш их хэрэг болох магад.
- Бүү шүүмжил. Бусдыг олны дунд бүү шүүмжил. Бас буруутгах гэж бүү яар, Өөрийн бодол өөртөө зөв гэдэг. Энэ нь найзыгаа алдаж явахад нь дуугүй өнгөр гэсэн үг биш, ганцаарчлан зөвлөгөө, сануулга хэлбэрээр хэлж болно шүү дээ.
- Бүү долигно. “Довтолж буй дайснаас долигнож буй анд нар аюултай” гэсэн үг байдаг. Долигнож зусардах, чин сэтгэлийн талархал илэрхийлэх хоёр их ялгаатай шүү.
- Маргаанаас зайлсхий. Бусадтай мэтгэлцэж шинэ мэдээлэл олж авах нь ашигтай. Харин утга учиргүй маргаанд ялагч байдаггүй юм. Ийм маргаанд ялах хамгийн сайн арга бол түүнээс зайлсхийх.
- Уучлалт гуйж сур. Буруугаа өөрөө хүлээх нь бусад хүнээс зэмлэл сонсохоос хамаагүй амар байдаг. Тэнэг хүмүүс л алдаагаа хамгаалахыг хичээдэг
- Дараа болохгүй амьдарч сур. Бусдад тус дэм болж явахыг хичээ. Хүний ажил бүтвэл өөрийн ажил бүтнэ. Хэрэв бусдад нэмэр болж чаддаггүй юм гэхэд дараа болохгүй амьдрахын төлөө тэмц.

Аавын хүүхдүүд хийморьтой байж
Амраг хосууд жаргалтай байж
Алаг үрс нь сэргэлэн байж
Амьдрал нь төгс сайхан
Ажил нь тэгш сайхан
Сэтгэл нь баясгалантай сайхан
Үйлс нь төгөлдөр сайхан байхыг ерөөе

Айл аймагтаа эвтэй яваарай

ӨӨРИЙГӨӨ САХИЛГА БАТЖУУЛАХ СЭТГЭЛ ЗҮЙ

Бодит амьдрал дээр өөрийгөө хүндлэх 7 аргыг та бүхэндээ хүргэж байна.

1. ЖИЖИГ АМЛАЛТАА БИЕЛҮҮЛ
Та өөртөө өгсөн амлалтаа зөрчих бүрт сахилга бат нурж эхэлдэг. Эхлээд өөртөө жижиг амлалт өгч сур: өглөө босоод нэг аяга ус уух, өдрийн тэмдэглэлдээ хоёр өгүүлбэр бичих гэх мэт. Эдгээр жижиг ялалтууд итгэлийг бий болгож, итгэл нь өөрийгөө хүндлэхэд хүргэнэ.

2. ХИЛ ХЯЗГААРАА ХҮНДЭЛ
Хэрэв та бусад хүн өөрийн тань хил хязгаарыг байнга зөрчих юм бол та өөрийгөө хүндлэх мэдрэмжээ алддаг. “Үгүй” гэж хэлэх нь хувиа хичээсэн хэрэг биш — энэ нь та өөрийн цаг хугацаа, эрч хүч, үнэт зүйлсээ үнэлж байгаагийн илрэл. Хил хязгаар бол таны дотоод нэр төрийг хамгаалдаг хашаа юм.

3. ӨӨРТЭЙГӨӨ ХҮНДЭТГЭЛТЭЙ ЯРЬ
Үгс бидний сэтгэлгээг бүтээдэг. Өөрийгөө дооглох, шоглох, доромжлох байдлаар ярих хэрэггүй. Өөртөө хэлдэг үгс чинь таны сахилга батыг батжуулж дагадаг дүрэм тань болдог.

“Би залхуу” гэхийн оронд

“Би тууштай байж суралцаж байна” гэж хэлдэг болоорой.

4. ҮНЭТ ЗҮЙЛДЭЭ ҮНЭНЧ БАЙ
Үнэт зүйлсээ тодорхойлж, нөхцөл байдлаас хамааруулж битгий замаасаа хазай. Зөвхөн амархан үед мөрдөх биш, ямар ч үед үргэлж үнэт зүйлсдээ үнэнч бай. Үнэнч үйлдэл бүр өөрийгөө хүндлэх мэдрэмжийг нэмдэг. Үнэнч зан сахилга батыг хялбар болгодог.

5. БИЕЭ АРИУН ДАГШИН ГАЗАР МЭТ ХАЙРЛА
Идэх, унтах, дасгал хийх нь тансаглал биш — энэ бол өөрийгөө хүндэлж буй хэлбэр. Арчилгаагүй бие тархинд

“Чи анхаарал халамж хүртэх үнэ цэнгүй”

гэсэн мессеж өгдөг. Харин хүндлэгдсэн бие — хүндлэгдсэн “би”-г бий болгодог.

6. УУЧИЛ, ГЭХДЭЭ ШАЛТАГ БҮҮ ГАРГА.
Хүн бүр алдаа гаргадаг. Өөрийгөө хүндэлнэ гэдэг төгс байх биш, харин өөрийн үйлдэлд хариуцлага хүлээж, өөрийгөө үзэн ядахгүй байхыг хэлнэ. Суралц, өөрчил, урагшил. Алдааг “би хэн бэ” гэж биш, “би юуг сурсан бэ” гэж харах үед өөрийгөө хүндлэх мэдрэмж хадгалагддаг.

7. ЖИЖИГ ЯЛАЛТУУДАА ТЭМДЭГЛЭ.
Та аливааг нэр төртэйгөөр үйлдсэн мөчүүдээ эргэн санахад цаг гарга. Уруу таталтыг давсан, амлалтаа биелүүлсэн, итгэл үнэмшлийнхээ төлөө бат зогссон агшнууд. Хүлээн зөвшөөрөл нь өөрийн дүр төрхийг бэхжүүлж, тэрхүү дүр төрх сахилга батыг батжуулдаг.

Орчуулсан Л. Должинсүрэн
copy

1.Өглөө эрт бос 🌞
2.Сайхан хувцасла, үнэртэй ус түрх
3.Ажлаа төлөвлөж зорилготой алх
4.Ном уншиж, хөгжим сонс, дасгал хөдөлгөөн хий 🧘‍♀️
5.Тасралтгүй суралц
6.Баярлалаа гэж хэл
7.Инээж хөөр
8.Сэтгэл татам бай
9.Бусдад урмын үг хэл
10.Хайртай хүмүүсээ хайрла
11.Хүн бүрт сайн сайханыг хүс
12.Хэн нэгэнд гомдсон бол уучил
13.Өөрийгөө урамшуул
14.Өөртөө урам хайрла...

Нууц нь ердөө л энэ !!!
Хүн өөрөөсөө ямар энерги ялгаруулна ЯГ түүнийхээ ХАРИУГ авдаг.

Энэ бол хамгийн ШУДАРГА бөгөөд ХОРВООГИЙН ХАТУУ ХУУЛЬ.

Хүн бусдыг болон өөрийгөө хуурч болно.
Харин өөрөөсөө илгээсэн эниргиэсээ ӨӨР ХАРИУ авах боломжгүй !

АВАХ энерги ялгаруулаад ӨЛӨНТӨӨД байвал амьдрал түүнээс ямар нэгэн юмыг нь БУЦААГААД аваад байдаг !

Энергийн энэ УРСГАЛЫГ мэддэггүй
АВАХ л сэтгэхүйтэй хүмүүс
МӨНХИЙН ДУНДУУР СЭТГЭЛТЭЙ,
ЯДУУ, ЯМАР НЭГЭН ЮМААР ГАЧИГДАЖ дутуу явдаг !

Хараалын элдэв үгс хэлээд байвал хорвоо ЯГ ТҮҮНИЙХ нь хариуг тэр хүнд БУЦААГААД өгчихдөг !

Ийм хүний үйлс үргэлж бүтэлгүйтдэг.

Харин ӨГӨӨМӨР, ӨГӨХ энерги ялгаруулдаг хүнд хорвоо ертөнц БУЦААГААД ӨГӨӨД БАЙДАГ.

АМНЫ БИЛИГТЭЙ ХҮН АМНЫ ХИШИГТЭЙ АМЬДАРДАГ гэдэг нь энэ. !

Үүнийг шашин болгон өөр өөрийнхөөрөө тайлбарладаг.
Гэвч энэ нь зүгээр л ЭРГЭХ ХОЛБООНД ОРШДОГ ЭНЕРГИЙН Л ОЙЛГОЛТ шүү дээ.

Үүнийг ШУ-ны талаас нь энгийнээр ойлгож болдог 21-р зуунд БИД амьдарч байна.

Амьдралаа өөрчлөе гэвэл ӨӨРИЙГӨӨ Л ӨӨРЧИЛ.
ҮГ ХЭЛ, #БОДЛОО ЭЕРЭГ БОЛГО !

Өөрөө ч анзаарахгүй хаа явсан газраа, гэр орондоо ХАРААЛЫН ҮГС хэлж өөрийгөө болон гэр бүл, үр хүүхдүүдээ харааж явдагаа боль !

Бодол болон үг бол БИДНЭЭС ИЛГЭЭГДЭЖ байдаг хамгийн ХҮЧТЭЙ #ЭНЕРГИ шүү !

Англи хэлний emotion гэдэг үг нь energy motion буюу энергийн урсгал гэсэн үгний товчлол байдаг.
Emotion гэдэг үгийг бид СЭТГЭЛ ХӨДЛӨЛ гэж орчуулдаг.
Тэгэхээр бид СЭТГЭЛ ХӨДЛӨЛ буюу мөнхийн энергийн үелзэл дунд оршин байдаг бодгаль байгааз.

САЙХАН АМЬДРАЛ болон СЭТГЭЛ САНААНЫ ЭРҮҮЛ МЭНД хүсдэг бол ЭХЛЭЭД өөрөө ӨӨРИЙНХӨӨ ӨМНӨ ҮНЭН БАЙЖ СУРАХ хэрэгтэй хө.

Сайхан юмс бодож Сайн санаж яв.
Амьдрал ҮРГЭЛЖ сайхнаараа!

Яг миний боддог зүйлийг бичсэн учир хуулж оруулав.