9issas Nono

اطافلات ان رانيلكم نتعب ونفتر فالكتاب وانتومه ماتتفاعلو ...... ذا مايكد ايتم ابصيفتو ذي

شـــَارِيـْنـِ
مستوحاه من روايه
بارتي 7

فــاديـه
كاعده اعله سجادته اغلبه تركد ذييك اليله
اعظامه حاسه اعلنهم لاه يتكصرو بيهم لوجيع
اذن الفجر
اتوظات وصلات اتردت يكانه اتوعيه ايصلي ولا ابدي عكبت خلاتو عنه
طلعت اشمس وعادت الثامنة

يـــــاسـر

افتح عينيه ايحس بضيق وماهو متمونك
كالعاده ذي الروايه لو فيه اكريب من سنه
اكبظ شي أمن الباس من صكو ودخل استحم ولبس
خاظ أمن الدوش ايلود ايغدعينيه فالبيت الين جات عينو عليه كاعده اعله سجادته كال بين هو وراصو : هي كيفشي تبغي لكعاد اتحت
ياسر بأمر هادي : اتجهز بالعجله نحن ماشين .... ولاه نصطبحو فاطريك
وتله يرفد صكاتهم

فــاديـه

ماتكلمت كيمت امعاه .... ماه مصلي شي يعنيه ..... ماه ايشير إياك ينتصح ..... يالالك يافاديه يكون طحتي فايد واحد مايكلب ركعه

وهاي يبويه شوف ذا الخيمتني لو ماه اخلاق ولا دين
والله اعلم لاش شادني .... وشواعد بيه الثامنه امعصباح

اتمونك فيه ادفاويت الوته وتكات وعادت ذيك هي اركده بعد ليله املانه من ياسر أمن اشوي

يـــــاسـر

اسمع حس انخير خرص اعله جيهته ذهي راااكده
اكبظ ميش ايخفف بيه اتخمام
مافات اعرف ذلي ايعدل شنه هو لابدالو من يمشي من سكن اطب ويلود لبليده اخره يسكن فيه
اتذكر ام عنده مجموعة فلل مفروشه وحده منهم كان ساكن فيه خوه سامر سابك يسكن ف انواكشوط ومن ساعل امشه عنه ماكك اكراه حد الا الين ايعود حد من اقاربهم جاي يسكن فيه
يغير ابدي هو فات احلف مايكبظ منه اوقيه
جات افرصو فكره اتبكيلو الفظه المزالت من شقه الي باع
وكف عند كافتيريا اكبظ من عنده ساندويتشات وكبظ كاس هو اكره لو الي ايشوف اطعام المطاعم يغير اتاي امع سكاريت شي خيال
وسندويتشات للعروس النائمه الي لعشه البارح لعشه اندارله افبلو طرشه
الا االين اتذكر اكلامه البارح كشر وصد اعليه ذهي راااكده .. لو ماكن احكم البارح ماحكم عنه راصو ايعود اكتله
كيفشي اطويل الساعه يغير عادي ان انكصوله ..... انراعي فموته اعله ايدي ... ولا وراه املي حد يكبظ حقه ... ويلعاد كاع اوراه كدامو ان

فــــاديـه

حلت عينينه حست باعلنه مخنوكه بيه ريحت ادخان وتكح اتكححح حاولت عنه اتركب لمرايه يغير غلبته ( ذةك نحن املي الفقراء الي الين ندخلو وته مانعرف اش نغمزو )
حست اعلنه لاه تكذف دارت ايده اعله فمه ..... الا الين شافه دارت ايده اعله فمه ج امسير دروات وفتحله ادفه
كظت أمن الوته. تلتت تتنفس الهواء ا نقي طاحت اعله اركابيه وكلعت نقابه عن اوجه وتلات تكذف الي كان افجوفه ولي هو المه

حست بحقد الكون اعليه وهو يكمي الله ياخذك أخذه عزيز مقتدر

كان مادله بوش أمن افياه بتهور خبطت ايدو الين طاح البوش أمن ايدو ...... جات لحظة صمت.....بهد ساعه مدت ايده وكبظت البوش وغسلت بيه فمه

يـــــاسـر

امنادمه كيفشي فيه مرض هذا هو الخاصني نوحل فيه
افطن عن كل ما خاظت وته ذهو الخلق الي فيه ايخرص واشويبه الي كالعه نقابه هن وجه لبسظ اعله ابايته الكحله ونقابه

اتكدم واعده وج امكظظ نقابه فاقل من ثانيه جات كالعتو وخرصتو ابتحدي وكفت
ياسر وصوتو كيفلي لاه يوخظ منو النار بيه اطعاين: بالعجله ركبي عن الوته
فـاديـه: بعكس معروفه بيه: رجعني لنواكشوط
حست من لجواء عنه مركت انواكشوط على الأقل بعد انوكشوط احذاه بوه يسو كاع امبينه لديار يغير بعد احساس عنو بعد احذاه امريحه وخواته املي امعاه .... الله اعلم كاع يكانو لاه كاع ماشي بيه لاه يكتله
تمات تتخمم الين حست ابذيك ليد الي حكمت اذراعه ومشه يبه وزركه نكر الوته ونزكه الين بعدنه طارت بيه الخلعه
ياسر الي لاه ايجن : .ديري اعله وجهك الي مازينُ ربي ( اشوي باط أمن المكفي )
اتكلمت وهي اتحاول عنه اتعود هاديه : رجعني لنواكشوط ..... ان ماندورك وكأن شيء لم يكن

اكده الوته وكيم كيفلي ماسمع شي وخل انواكشوط اوراه

فاديه فقدت اسيطر اعله راصه ونزكتو : رجعني انت ما تسمع وكف وكف
ياسر عدل عنو بارد : ويل رجعتك فرضا انين اكيس بيك
وبستهزاء : الحبس
فاديه: رجعني انت وتوف وذاك لوخر مايعنيك
ياسر بستهزاء وبرد اشوي بيهلي دارت اعله اوجه : اكوما مايعنيني انت آمالك ال اعيالي
فاديه : انت اثرك تعرفي شنه معنى اعيالي.... اوكي كظظني عند امي
ياسر: وعلاش ماكستيه من عند الراص ولا خيمك يوك بذي الطريقه
فاديه: بيهلي بويه فرصاني اعليك ....و كان شاك عن خيمني لراجل يعبد ربو ويخافو مايعرف عن خيمني ال
( وسكتت خلاتو هو يملئ الفراغ اراصو )
ج مسيري درواتو
ياسر بسخريه: ارواية كاع فيها فرص... للمعلومة ان كبظتك كجارية...تبالي وتصكلي الكدحان ....وتعدلي ذلي ندور ان ومايمنع ملي ذاك تعودي لي للمتعة...ليهي تعدليها اهلا وسهلا مانك معدلتيها لعنة تلعنك وكظي عني...نعتبر توف الفظة لي مشات فيك نصركت ولل وغدت

انصدمت صدمت اعمره ذا يكد ايعود اركاج
صدت اعليه سابك اتنكز
فاديه : يالحقير
ياسر: ان يله كمت اندور أمره مان عاجز عن نخطب منت راجل ماه وحده بايعه بوه فامسيد حتى عرس ماطلبو ولاسول ان منهو .... ان اندور شقاله ....

ماكدت تتحمل شي اوخر....... جات كاظه

""""""""""""""""""""""""""""""

عناد

هو متأكد عن اكفل البيبان
عاد يوسوسلو اشيطلن

خرص البيبان اجبرهم امكفله

يغير كاع هي ايلا ماهربت اليله تعرب أصبح
يكون ايلا .... جات افراسو تخميمه ...... الا هي الي عندو كاع
كيم واعد بيت اخواتو اسمع حسه عاطيه للباب بظهره
ابتسام : ان اصه راصي مانخليه ابدا يطوال حتى بويه الي أغلى حد اعليه كان مايخلي فاديه هي وأماني يكصو روصهم وان ايخليني اعله راحتي
عبير الي شافت خوه : يغير ذا راجلك وطاعته واجبه اعليك
ابتسام: هو امالو الا خاطب منت عمو
العاليه:وهي مستغربه : وي وكأن عرسهم فاراحه الماضيه يغير وئجل لراحه الجايه
ابتسام : ايو وصيه اتخليهلو .....

وجات صاده اعليه هي كانت شايتو فلمرايه وذا كامل كايلتو إياك تطعنو تبسمت الين شافتو انطعن
عناد لاه ينفجر : انتومه مانكم راكدين
عيشه: ايو لاه نركدو يغير اوخظ انت
وكيمت وطفات اظو وحكمت بيد ابتسام: وهي لتكي امعايه اعله متكايه
عناد وهو صار اعله سنيه : وعلاش انشاءالله اتبات امعاك
عيشه: امنات عمنه الين ايجو يتكو امعه العاليه و عبير وان لاه نتكي امعه ابتسام
عناد: عيشه وهيلاه انكولك
امشات امعاه
الكاله ماكاله نحن مانعرفوه
رجعت وتكات وطفات اظو
خاظت ودخلت البيت
عناد :انت مانك فاسخه عنك ذي لعبايه
ابتسام خافت : ابدي
عناد: شوف فاليزك ذوكو جبتولك
ابتسام: هي اماله ان مان امبدله الباسي
اتخطه عنه وتكه اعله المتكه
كعدي صوف فم الين حست اعلن اركد امشات تسلل وتكات امعاه اعله المتكه تمات الين حست بيدين اعله حركفته ونتره شورو انخلعت وجات كاعده جاهو ناتره شورو

""""""""""""""""""""""""""""""""""""""

امـــانـــي

طيب ومعيدل اتحسو كيف اطفيل اسغير فجسد راجل

سوله : امثقل اعليك شي
أماني: مانله الحمدلله
فيصل: ايو آمالك امكدره
أماني : انفكر فخواتي
فيصل : توخظو. نسدرو ...... والمطعم انت هي لاه تختاريه

كيمو ماشين وهي تخرص لجواء وياسر من شي ماكط شافتو

"""""""""""""""""""""""""""'""""'

ابــتــســـام

تأكدت عن خاظ اتغمبرت ابكوفرلي المتكه وهي تبكي وتشهك وحالته حاله
تمات تتكاحز الين لحكت فاليزه ملعت من الباس ابيظ عكس نفسيته

ودخلت الدوش وهي تفرك جاله متمزه من راصه وهي تتذكر كلامه البارح الين وفه من ذا كامل : ظرك اص امشي شور اهلك
اغتصبه حك حك اغتصبه يسوه (احــلالــ ) يغير ايتم الا تحت مسمى لإغتصاب ( يعني من دون ارادته بالمختصر "فــــرظــ" )

خاظت أمن الدوش ذهو كاعد كيفلي ماهو هو الي عدل ذا
عناد : اصباح الخير
ابتسام لارد
عناد : وهو يتبسم وهاي انكظو نصتبحو
اتخرصو عينيهَ منتفخين حمر
املانه من لكلام ماهو شي اتكد اتكولو بكلمه ولاهو ثنتين لاحكه اشنينفات وهو واحله فاصبو يلي اسئلت الله ورجيت يعطيه المحور
حاسه بنوع من الكره لو ماه شي كط حملتو لمسلم مولانه ولاكانت شاكه عنه تكد تحملو هي اصلا كلبه رحيم ماكطه عاد يكره يغير كيفشي لاه يطلس هو منه شي ماكان فيه
عناد كمل اكلامو: الين نرجع ولا انراك اندور انخلي ولاتليت راجعه هون لين و لين نجبرك ابشري .... والخيار لك

خاظ عنه طات ساعه كاعده سمعت كر اعله الباب فتحت شافت عيشه
عيشه: انت امالك
ابتسام بخلاق زفت : جيبيلي سيوت ابوبل
كفطت كوفرلي لمبدو ولوسايد

كظت اتحت وتلات اتعاون ام عناد فتعدال لغده الين وفات عيطوله تتغدا كالت عنه ماه فيه
طلعت البيته ماتعرف هو شيدور بيه ماتعرف يكانو الا عكس ولا حقاره ولا شي ايعوض اعله فظتو كيف
وقرت بعد فالخير عنه ماه حاركه يسو الي اخلك هي كاع ايله امشات اشلاه اتكيس هي عنده الا عمه ولاهم حاملينهم ذا زمن ويلا جاتهم كاع اشلاه اتكولهم " طيت ليله امع راجلي وجيت " وندورو ايخليني
وهو انا فرظ عليه وهومه ماني فرظ اعليهم

عــنـــاد

ادخل البيت بعد ماعرف عنه لو للأبد أجبره كاعده اعله صوفا نفس كعدته الي امشه عنه بيه حاكمه راصه من فوك عينيه انعسانين حمر فيهم بل البكي اطويل
عناد: السلام عليكم
ابتسام لارد
عناد : افهم عنك قررتي عنك اتمي اعيالي ..... كنت عارف عنك لاه اتعود عاقله ..... لاه انعاملك انشالله الا بما يرضي الله

ادخل الدوش يستحم متمونك اعلنو عدل ذلي فراسو ووفه من امردته ولاه يرجع يعيش حياة مستقره......ويثبت اراسو ولهلو عن اختيار صالح
عناد : انت آمالك مالك ماتغديت .... افراش المتطه آمنين
ابتسام لارد
انطعن هو عناد: الين انعود نتكلم امعاك خرصيني
ابتسام ركبت فيه عينه وخرصتو بتقيم
ابتسام باستفزاز : لفراش ازركتو ... شوفو ذوكو فبوبل
عناد منطعن : ومن خلاك تزركيه
ابتسام بنفس انبره : راصي
عناد ايحاول يتحكم طاعينو سابك مافات كاله شي ماسله ايكولوله .... هو لقراش ماهو مهم عندو يغير كوما اتخرص وتتكلم امعاه هو الي استفزو
عناد: وهذي تصرفات انسان عاقل لفراش الجديد
ابتسام ابكره وهي تبكي : ولنسان لعاقل عهدك انت هو الي يتخيم بمنت الناس إياك ينتقم أمن اهلو اعلنهم اخرو مناسبتو ..... ولا ايكول لعيلو ليتهم لوله ان شاريك ولا يمس أمره مادورو .... يغير شوف يالعاقل لاه انعود الزوجه المطيعه ونكد نعطيك الجسد يغير يبكه الكلب ... وعرف املي عني ماكره انسان كيفت كرهي لك
وكفت واعده الدوش وكفه حسو
عناد : ان ماندورك تبغيني .... وانت اشكنت شاكه عن الخيمه الين وافقت تتخيمي
كيمت ماجاوبتو ودخلت الدوش

"""""""""""""""""""""""""""""""""



فــاديـه

كاعده افذيك اشمس الي اتشك
الراص " اظحه" ماهو بو ولا خو ولا راجل طبعا....حتى فاليزه ماه عنده
اول مره اتحس بحساس "الذل"
يامس بطه واليوم منكزه من وتو كاله شمن الكلام الا تفكير فيه ايشعرن اجل .... امشات حيات الدلع وبدئت حياة العذاب هو ايدورني عبده عنو راجل امي ماه حامل وجهي وأهل عمي كارهني مزلت كئني خطيبة ولدهم ولين انجيهم مطلقه ايدورو ايشوطوني
وسالم ايدور يذبحي جاد اعليه كنت لو
سمعت حس وته خرصت ذاهي جيب كحله فيه اجماعه من لغراس زال اعلقه اتذكرت امراد الخطف ووووو
سمعت حس اوراه ذهو هو ابحركه عفويه وكفت اوراه
ياسر : لخوت امالكم
واحد من لغراس : نو الا كن مشبهين وتك بوتت حد أمن الشباب .... عفوا
ياسر : اوكي

فاديه ماتحركت أمن ابلده مزالت باركه اعليه اجتمه
قرت اعلنه لاه ترجع امعاه ؤكل شي اخير من شي يغير بعد ماتمشي امعاه محدنو مافات .... الا ايعود اخواتي ازين من حظ ....
وتكول لعله خير

يـــــاسـر

مان يكمي وفه ميش لول وثاني وثالث كال اعلنو الين ايوفيه اتعود ماجات ايدور ايجيبه هو من كفته
حس بنار تشعل فيه الين شاف ذيك الوته الي وكفت عند كرعيه كيم واعدهم وتله يتكلم امعاهم حس بيه وره ظهر
حكم بيده ودخله بفرص للوته
فاديه: رجعني لنواكشوط
ماجاوبه وكبظ وكده باف وتله ايحرك

"""""""""""""""""""""""""""""""""""""'

لـــيــــلــــى

اطفلات ان مانكد نكتب اعله 5 تعليقات ذماهو صالح خليكملي ✨️❤️

شــَارِيـْنـِ
مستوحاه من روايه
بارتي 6
فــاديـه
وكفت اتخرص وتفكر هو كوما اتكه اعله ذي الروايه الي اخير منه اتكي فاشارع ولا كلب املي ركعه
طات وكف اتخرص ذي الخرابه الدخليه خرصت مارات ابليده تكعد فيه كامت وكعدت اعله مقعد اكوافيز
وكفت وكاست الدوش اتوظات صدت اعله جيهت الباب ذاهو جاب اله صكه فتحت كبظت سجادته
ماعرفت امنين القبله يغير بعد صلاة اعله الجيه الي شاكه هي عنه اتكد اتعود القبله وتمات كاعده اعله سجادته كل شي تعط من تخريصه الين اذن العصر كالت عنه لاه التوعيه
كربت منو ذه هو حس ينخر كيفش تعبان خلاتو عنه كالت حني الين يعطي اشوي ورجعت ال سجادته الين عاد سابك اصلاة المغرب بساعة وكفت شورو
فاديه: ياسر كوم صلي الظهر والعصر والمغرب ماتله املي دون شي
مع ان حسه ناعم وهو كان ينخر الا ان اوعه
ياسر : الوقت شنه
فاديه : المغرب مزال دونو ساعه
اطرح راسو وكمل اركادو
فاديه انصدمت امنادم مجنون ولا اعويليل انكيمو لصله مايكوم
خلاتو عنه وكاست الدوش فتحت المه فالافبو غلبه يمشي فتحت الرشاشاه واتلات تتوظه تمات ماه عالمه ابشي الين ذاهوالها بودو كبييير
وهي ماه تخايف ماه منهم لحنوشه كط كتلت منهم اثنين يغر بودوات ماتكد كاع اتكرب منهم هومه نقطه ضعفه

ياسر
تمه فاشط اركادو الين اسمع حس عيطه شك عنه الا عند لكور تمه املي الين اسمعه مره اخره
اسمع كر اعله الباب خرص ذاهولو كوري:انت ياك مافي مشكله
ياسر:نو
وفنفس الحظه اسمعه مره آخره
اعرف عنه ماه عند لكور
كيم واعد الدوش وشاك هو عروستو انتحرت
جا خابط بابو الين ادكدك
ذهوال هي فاسخه اعبايته ولابسه جب اكحل اطويل امركبت ايله اركابيه وماعاه تركي ابيظ وهي بيظظظه تحت وراصه اكحل وحواجبه اتكول عنهم مرسومين وكحل وعينه بلبوزتهم كحله وبياظهم ابيظظ
الا اتقول عنك أدخلت افلام الثمانينات الي فيهم الا لبياظ ولكحال
واكفه اعله روص اصباعه رشيقه
أنثى بما تعني الكلمة من معنى
أنثى جميله جدا من الخارج ومشوه من الداخل عقلها كد نمله مكرهو بيهم عندو مقولة دايما ايكوله :لعليات شر لابد من و اكبظ غايتك منهم وفتصل امعاهم
مامهم عندو زينهم من شينهم المهم عندو لعقل والغسيل وصكيل ونصيب وعندو عن المرأه كل مازاد جمالها كل مازاد كلت اعلقله
(وعنديان عن هو مريض نفسي )

فـاديـه
فاتحه عين ومغمظه عين وهو واكف كدامه مشبك سواعدو
فاديه بصوته الانثوي الركيك الي بح بيه لعياط : خبطو بالعجله سابك مافات جاني

ياسر
خرص بل آمنين ماغط فيه صبعه ذاهوالو بودو كبييير اكحل
احكم بودو من اكرونو ورفدو شور وجها
كانت خايفه من بودو وهو زين عندو خوفه
وعادت هي تكحز الوره الين لحكت الجدار وعادت تكحز اعليه كيفلي لاه تجهرو
فاديه ازكات .:كحزو كحزو عن

اتبسم وكال بحس ذاك الي عاكبلو اركاد كيف حس شاعر يغلظو صوتو وهو باط ذالا هو حسو : مره اخره الين ايعود ياسر راكد ماتركبي حسك ولو اتموتي اوكي
فاديه بترجي : ولله ماتليت انعله يغير كحزو عن
كحزو عنه ودخلو فا كعرت لافبو
فــاديـه
الا الين كحزو عنه جات واخظه وكالت عنو الا اثرو ايجوغ عن ذا مايكد ايعود حك عندو ولبست الباس أصله وتلات اتصلي

يـــــاسـر
صونات تلفون اكبظه ذاهولاو هو امنادم الي لاه يشري الشقه
اتله يتكلم امعاه وكالو عن اراعيه جايو وكيم ماشي
سابك يوخظ صد اعليه وكال : ان واخظ اشوي رد الباب اعليك لخظت انجيك
ويفكر ابطارق
كاس اماندم أوقع لوراق وكبظ اعكاب الفظه
تلفن الطارق ولا راه مشالو مساج وكالو عن ايدور يتقابل امعاه عند....... ايجيبلو فظتو
وكيم ماش
صونات تلفون اكبظه
ياسر : اشحالك احمدو
احمدو : اوه ياسر كيفشي مريلكسي
ياسر : امالي اصل لاه انعود امريلاكسي ذا شنهو الي اكبلظتلي يا احممدو ذي ماه غرفه ذي خرابه
ظحك احمدو : اماله مازيانت عندك ولا شنه ...ومات بيه اضحك... انت امن امعاك
ياسر : كصارت عمرك شمزينه عندي ابرتماه املان من لكور ...ولله لو ما كنت ميت بيه انعاس ماندخله ولو تعطيني مليون دولار
احمدو : لا تجنن راصك أمن امعاك ...يكون
ياسر : لايمشي تفكيرك ابعيد اعيالي
احمدو ازكه فوذنو : مايحك كول والله لا تكذب
ياسر : والله الا اعيالي وانت اول من يعلم
احمدو : وعلاش ماعيطلي يالحيوان ... نو كنت نختير انشوفك اعريس ...وتلبله ظحكه
ياسر وهو يضحك:عادي المره الجايه ان انشاءالله اندورهم اربعه
اظحك احمدو : ايلا خلاتك ...ونت آمنين واعد ومخليه اوحدها فابرتماه لكور
ياسر : مان باط الا له انجيب ال طارق فظتو اوراع اله
احمدو : انت سامع ذلي اتكول كايس طارق ابكرعيك ادور تعود اطفله تترمل ولا شنه
ياسر : نحن اتجابرنه اليوم
احمدو : طبعا وانا آخر من يعلم... اشكالك
ياسر : ماه شي الا اطاحنه اشوي وكلت عن لاه نعطيه فظتو اليوم
احمدو : على كل حال الين يتله ايكبر لمرده انا اراعيني
ياسر : نو اعتبر لمرده اوفات

وفه من لكلام امعه احمدو وكيم واعد لبلاصه ال لاه يتكابل امعه ياسر فيه
الينااعطه ساعه ذهي وتت طارق وكفت
كيم واعده ذاهولاو ماهر كاظ منه
ماهر : جيت لنواكشوط شاك عن مافيه حد لاه يتكلملك
كيم ياسر واعدو وتمه ايبطو الين كال واحد
هو اصلا ابطبيعتو الين يتكلملو حد المره لوله ايخليه يغير المره الثانيه يردلو ذاك كامل وفعل املي ماه اكلام كيفت ماهر
بعد اشوي حس بيد اتكحز من فوك ماهر ذاهو طارق الي اعله وجهو علامات الصدمه
اوكف عن ماهر بعد ماحس عن برد فيه اخلاكو
صونات تلفون
ياسر : الو
احمدو: شخلك
ياسر: والو
احمدو حس عن حسو ماه طبيعي : انت آمنين
ياسر: عند .......
احمدو: اوكي
ياسر: جيت لاه نعطيك فظتك ماندايك
طارق ولي مزال اعله وجهو علامات الصدمه : ومالك ماتكوله
ياسر: تلفنت ماريتك مشيتلك مساج من كال ان عنك مان لاه تكراه
طارق وهويخرص ياسر كيفلي لاه ايكولو ويلك من : اهاه مشيت مساج...ابو الفظه امنين
ياسر جا مادلو الفظ
اسمع حس وته ذاهوالو قدر من الخلق متلثمين يكون واحد منهم امععضل اخظر : ياسر شماسيه لأوضاع
ياسر: كل شي زين
احمدو ايلطف الجو : اوكي انتومه كاملين اليله امناديكم على شرف لعريس
خرصو ياسر بامتنان : ثنكيو ابرو

كيم ياسر واعد وتو تمه الين اسمع صوت سليمان ايكولو: بلغ لعريس تبريكات
ياسر: الله ايبارك فيك
سليمان مستغرب: لعريس منه
ياسر اتبسم : ان عو لعريس
سليمان: انت ...اينته.... مره ثانيه
جاداخل احمدو امبينهم وحكم بياسر وجرو امعاه
احمدو: اوخظ جاي خرص لكور شطره فيهم
ياسر كشر : الله يلعنك انت وبرتماهك

يـــــاسـر
اركب وتو ووطه اف مطعم وكبظ من لعشه وكيم واعد ابرتماه الي كاريلو احمدو وهو مايرعي فيه ماه شي يتكي اعليه
ادخل البيت الي خلاه فيه راه كاعده اعله سجادته وفيده مشرطه وطافيه الظو ولابسه اعبايته ودايره نقابه

فــاديـه

مساعلي امشه عنه وهي كلبه اعله شوكه وتكول بينه هي وراصه عن معندو مسؤلية وزويكل وعويليل
وتعكب اتكول ان كاع خايفه الا ايعود حد من لكور شافو هو واخظ ويعدل الباب البيت كيف ماعدل هو الباب الدوش
عكبت كامت وطفات الظو لعله من يعلم حد عنه فم ولابست اعبايته ونقابه وكبظت مشرطها وكعدت اعله سجادته
ج هو داخل وكده الظو الباس فيه شي مشطط ووجهو املان أمن اجروحه وهو الا ريحت سكاريت
وعندو بوكسين رافدهم فيدو واحد كيفشي فيه لوكيل وثاني واخظ منو اباش البيبسي
ياسر : كومي عدل حالت لعشه
مزالت توكف جانازكه
ياسر : ان كلت كومي
كبظت البوكس كان فيه شي من مارو وديوك وصلات كلهم صاسه من البلاستيك طرحت وطرحت اباش البيبسي وكفت وكيمت واعده سجادته مزالت تكعد
ياسر : انت اشواعده
فاديه: ماعيني افشي
ياسر: انت من كالك عن اندورك توكلي ... كعدي صبيلي البيبسي والم ولين نوفان من لوكيل ارانك انت ص كومي فهمتي
فاديه: نو مافهمت
اظحك ظحكه شيطانيه : انفهمك وتوف
كرب منه اوكال اولا فسخي نقاب وجا ناتر نقابه وميسورته (خماره)
ياسر: ان مانعرف اشبالكك الشين وشينه وعويليله خلي عنك البلكه لهله
(ان فت كلتلكوم اكبيل عن مريض نفسي ههه )
جات رافعتو عنه يغير ماهتز كاع
نزكتو : يبطوك انت الرجال الكدام وتجي لاه اتلوح حرتك فيه ان

يـــــاسـر
جن ماتله ايراعي افشي جامركب ايدو وكاله بيه هاكيه اعله اشفيك
الين جات طايحه بيه الطرشه الي اكمله اتعود بوكس من طرشه
كحز الوره وكبظ شي من الباسو وتله لاه يدخل الدوش الي دكدك اكبيل غلب ينكفل
خرص اعله جيهته ذهي هي وكفت ومعدت اعله سجادته كيفلي ماهي هي الي اطرشه حالن
استحم ولبس الباسو وخاظ
ياسر بشور : وهاي كعدي
تكدمت شورو حاسه اعلنه مهانه ماهي اركاج طالعلاه غصه ادور تبكي يغير بعد ماه كدامو هو
كعدت احذاه
ياسر بشور : صبيلي البيبسي
صبتلو وطاتولو
كال هو الين اشبع (يعطيه المحور انشاءالله )
ياسر: كفطي ذا بلعجله
كفطت هي وكبظو هو واوخظ بيه الكدام الله اعلم ذاك العدل بيه
ودخل وتكه

فــاديـه

نزلت ادموع منه ماه ابغرظه قامت لاه تفتح الباب توخظ
يغير امنين لاه اتكيس
بوه الي فالحبس
ولا لولاد عمه
إياك يوكله سالم بكشوره
رجعت السجادته وكعدت
اتمانت افذاك الوقت اتعود راجل اياك تردلو الخبطه
حك هي ماكانت يال اتكولو ذانوع من لكلام يغير املي مايلحك جله
مسحت ادموعه وهي اتكول بينه هي وراصه الله ايسامحك يبابا

""""""""""""""""""""""""""""""

كاعدين قدر أمن المعلمات يصطبح كيف شي يدايكو
ليلى وهي اتصكك : ذي ماتكد اتعود بعقلها تكد تكبل ايشده واحد اهل ....استغفرالله العظيم

نوف وحده أمن المعلمات : اشعدله ولد الحسب والنسب امال يمشي عنه 07:00 معصباح ميته حيه كالت ماتت مايغدالو فيه شي الين ايعود آخر اليل ايجي فم يتميسح عنده هي ويركع منه غايتو ويوف ذا واسدر اعليه الين كالت واحد وتخيم اعليه الثلاثه وراه والقدر وبطه والين خلاه عادت عندن عيد واخيرا بعد ذا من لعذاب ولهانه وبدله مولانا لفضل وحسن ايكد ايعود مابيه ذاك من زين الخيمه يغير كاع غطه اعليه هو باتعدالو والطابيق وزين اخلاقو

ليلي منفعله : وهله ذا كابيلينو
نوف : اهله الا الي فيه راحته هوم راضيهم

ليلى : اي راحه انت فمنين عايشه ..امنادمه متخلفه

ساره : ليلى انت الين ايجيك واحد متعدل ودين زين وهو ماه شين وعندو الماده ويدورك تكبليه

ليلى فهمت اتلمليح ودوره تعرف عن ذالي افراصه مايكد ايصح : ان منت الشيوخ تعرف شنه معنى منت الشيوخ ..زين شين بطرون فقير متعدل مبلوك ماه مهم عندي .... منت الشيوخ ايشده الا ولد الشيوخ

ساره : بشور لا ينفجر فيك عرك بيك ذامن الكبر

ليلى : عندي اباش حبيبتي ان ليلى

ساره بستهزاء : ايو تمي لك فم الين يكتلك لبار

ليلى لمرده عادت شي شخصي : ولله الا يكتلني لبار اخير من ايشدني ولد *****

ال عينين الفم كاملين صدو اعله ساره
ساره ابنبرت تكذيب : امي ماه اسعد ال يعطيك ربك يخطبك حد من
قاطعته ليلى: ايو سلميلي اعله عمك عمت عينه لاتله يلصك فخويه ويتكلم امعاه افشي مافات لحكو لوحو

ازكات اعليه ساره ابنبره مولاه مهان : يالحيوانه
وكيمت واعدته لاه تتناتف امعه الروس
جات حاكمته نوف : ساره وهيلاه
ومشات بيه

كانت فم مراقبه شهدت اعله ذا كامل
المراقبه : ماتوقعته منك ابدا ياليلى كلامك جدا جارح ولاه املي حضاري
ليلى : ماكنت ان كاع نختيره توصل الهون يغير ماخلاتلي خيار اوخر
المراقبه: هي كانت اتجوغ
ليلى وهي مزالت منطعنه : اي جوغ ان نعرفه اصلا إياك اتجوغ امعايه....وذي املي ماه اول مره دائما تزركلي كلمات ونجنن عنهم رصي ...... تاليه من التاليات لتكول عن لا يكتلني لبار الين مايشدني عمه ... اتفو ذا الخلق اعويليل
وكيمت ماشه وعده قسمه

""""""""""""""""""""""""""

ابــتــســـام

تمت كاعده اتحنيه الين جات داخله اعليه اطفيله اسغيره : كاتلك ماما اتوهاي الغد
ابتسام : وهايلاه مزينك..... انت اسمك شنه
اطفيله: عيشه
ابتسام: انت آمالك الا خت عناد ... اتحت من فيه
عيشه : فيه الا ماما وبابا وعبير والعاليه وعبود (ينكال عبد الرحمن يغير ايدلعوه هومه عبود)
ابتسام: عبود اكبير
عيشه ابظحكه : عبود مافات عاد يمشي
ابتسام: ايو وهاي انكظو

كظو اتحت
ذهوله هومه كاعدين اعله لفراش اتحت
كعدت احذه اخواتو وعناد كاعد امبين ام وبوه
سمعت حس وحده أمن الطافلات اتكول : بيظه مشاءالله
اتلو يوكلو ولين وفاو عرضت المساعده
ام عناد : خلي اطافلات يمشو بيه الا ارتاحي انت
ابتسام ابصوته الناعم : مرتاحه مشاءالله
كعدت امعاهم وتلاو اطافيلات تيسرفو اتاي وفتحوا امعاه هي تحقيق اسمه قبيلته وكرايته اخواله اعمامه وهي اتجوابهم برحابة صدر وكل شي طارو اعليه يكون اطريقه الي اتخيمو بيه وعناد الا كيفهم هومه كاعد يصنت
الين وصلو فمرادهم عن ازوين
كالت عبير اخت هو : انت مشاءالله ازوينه .... تشابه لمك
ابتسام وي مستحيه : ان نشابه ل ام ...يغير مان ازوينه
وسكتت اتفكر فخواته

ماتعرف عنه كتلت حد هوك ولا يختير يمحي ذال الخلق كامل امن الوجود إياك يستخل بيه

مضات آخر انهار امع اخوتو الي كانو امعيدلات حت

ام عناد فبك امع بوه ومو الي كالهم لخبار كامله وكالهم عنهم هوم فاتو اعطاوه اضؤ الأخضر ولذالك ماشاورهم ولمحلهم املي عن املي انتقام منهم لأنهم اخرو مناسبته من دون مايشاوروه وكالهم عن مزال الا اعل عهدو عن لاه ايشد منت عمو ولا ابتسام ولا وحده اخرا لاه ايخصر ذا الفات كال

بعد اصلاة لعشه كانت كاعده امع اطافلات ويردو فخبار لكرايه

( عبير سنته لولى أمن الجامعه

العاليه اتعدل باك

عيشه عنده ست سنوات )

عيطله عناد ومشات امعاه
عناد : شماسين اخواتي امعاك
ابتسام: امعيدلات
عناد : اهيه اخواتي اعله بابهم ماعندهم مشكله
ابتسام تتكلم بينه هي وراصه :ذانوع أمن افليشات ولا شنه
عناد ماسمع منه اجواب
عناد : وامي شماسيه امعاك
ابتسام: الحمد الله ماشفت منه إلا خير .... يكون لكلام الي كالت اليوم وكانت اندعنه ماه فاهمه شي ولا غالطه
عناد كاله ابنبره ايدور ايخوفه بيه من عند اراص : ماه غالطه ان امي ماتغلط امي ديريه فوك راصك دايمً ام ذالكالت ولا العدلت صالح وانت مانك صالحه....وذالكلت لاتليت اتعليه .... شوف لمرده الين تلحك بويه ولا امي اوفات
ابتسام بينه هي وراصه
(هو ذا امالو متأهب ميفشي كان يدرب اعله ذا ...بويه فظمه فيك انت وأهلك واتفو املي بيك الخزو حك حك ونسخ)
عناد كيفلي ماه هو الي بعدنو بطه حالن: شماسيه عندك أدار
ابتسام بتكبر : من اي ناحيه
عناد : من جميع النواحي
ابتسام : زين
عناد بتكسيحه : ابدي اندعنو ماه عاجبك ونت املي بزمنك فيه شنه الي ماه عاجبك فيه
ابتسام طعنته كلمت "وانت املي بزمنك فيه "
ابتسام بدلع يطعن : ان اثري كلت لك شي يفكعك ....كل شي زين وروعه ...يكون ارويه وحد (وداكت امعاه العينين ) ولي هو انت
عناد الي انفكع وعينه عاد حمر : ان هو الي ماه عاجبك .... والله ال مكسومه ....وانت مانك عاجبتيني يغير الا شي يوحل اركاج بيه راصو سابك عرسو.....وحده ريته تنباع بالفظه كلت عنه فرصه ومنه املي اجر
ابتسام حاسه ابغصه : بويه الين أعطاني لك كان شاك عنو أعطاني لراجل فرخه بعد صتك والعت شاك عنك امكرر فيه راصك ارناكلك انبيعك اب ميت اوكيه وظرك وهاي اطرحني عند دار عمي

وكامت ولبست اعبايته ونقابه وهو الا كاعد ايخرصه
الين وفات
صدت اعليه : وهاي لحكني
كام وفسخ دراعتو وكبظ بيجاما ولبسه وتك اعله المتكه وتغمبر

كيمت واخظه مننننطعنه وكاست باب الفيلا راتو مكفول كعدت وتلات تبكي وتتكلم امع راصه : ابلا اخلاق والسانو اطوويل ومبلوك وماه من زين ... مان املي كاذبه اعله راصي هو ماهو شين......شي أولو ذا كيف مايحانه اعكابو وتلات تبكي
حست بأحد وراه
صدت ذهي عيشه : عناد هو الي فكعك ..... هو دائما يفكعني ان بعدين ايظريني
سكتت اشوي
كيمو الين لحكو بيتهم هومه
عيشه : عناد طالع اصببح ولا يبغي حد اينقس وهاي بات امعانه
ابتسام عجبته الفكره وكيمت ماشه امعاه
دخلو اعله الطافلات مزالو واعيات
فتحو افامهم مصدومين
ظحكت بيه تعابير اوجوهم
عبير : لاش لابسه اعبايتك وتظحكي
ابتسام : بيه فمك ذلي شوي ويمس اتراب
عيشه ابطفوليه : ولابسه اعبايته بيهلي ماشه شور بوه ايبطوله
عبير: حك
ابتسام حسه فيه كدر : لهيه يغير ريت الباب مكفول
عبير : عادي الا صبري اعليه و الين ينفكع ينفكع ويعود ايكول ياسر ماه فايق اعليه
العاليه اتعدل عنه اتفكر ( كيف لعويليله ): يغير عناد مايكول ال حد شي يكون ابسببُ
( هومه عندهم شي أمن الصراحه اعويليل )
ابتسام : طبعا هو خوكم
عادو اطافلا ايدورو اينسوه ذا وتلاو ايردو
عبير : ابتسام انت تعرفي اتيري اراص
ابتسام: وعلاش اتيريه هو أزوين من دون اتيري
عبير: نو ان مستحيل نطلع مان امتريه راصي
ابتسام: اراعيني ان كنت نطلع ولا كنت انتيريه
العاليه: انت راصك اكصير لذالك مايحتاج اتيري
ابتسام: اتصح ..... مع ان اخواتي املي مايتيروه وروصهوم طوال خاصتً فاديه
عبير اندحست: هو كل والي ايعدل
امشات عبير اتيري راصه
فسخت ابتسام اعبايته وتلات اتيريه اله ونص ساعه اوفه
عبير فرحانه وتمسس راصه : واو ذكوما عدلتيه وفنص للوقت الي انعدلو ان فيه والله ال مبدعه
ابتسام: ايدك اعله اعشرتلاف
عبير : عشر تلاف لاه يعطيهالك الا لعاد اراجل العندك
ابتسام : الا من فم الين نتريهلو ظرك مزلن امعاك انتي ودخلي ايدك فلبنتك
العاليه: فكدني براص عناد ماهُ لاه ايخليك ابدا اتكصي راصك

"""""""""""""""""""""""""""""""

امـــانـــي

انسان حساس ومتعدل سحي بدرجه ماهي طبيعيه وحنين يغير فيه اروايه مانعرف شنه دائما خايف ويصدد وراه
اتغدينا وتم امعاي ايله اصلاة المغرب بعدين كاس لمسيد ورجع وكبظن لعشه من عند المطعم وكالو عن لا ايجي التاسعه
اتله يتكلملي عن اهلو وعرفت عنو من عائله مليارديره بطاااارين بوه امسافر كان شاد ثنتين وحده ام تركتو كاملين ولخره والدتو هو وتوفات
كاس هو لمسيد بعدين ارجع وج لعشه وتعشين
فيصل : شوف طلعيلك الفوك كبظيلك بيت ويلعدتي اتخاف كبظيلك وحده اتحت احذيان

مافهمت كوما ماهامو نركدو فبليده يغير على كل حال الفكره عجبتني

اطلعت الفوك اتلكاله جناح الوانو بين لبياظ وكري فيه بيت اكبير ومعاه شي كيف هول وذا تابعل بيت لدريسكود ( غرفة الملابس ) وتابعل دوش والبيت فيه بالكون مطل اعله الفله من لوره وسدر الي فالحديقه وبيسن الي اعله شكل مثلثات عاكسين اعله اظواو الفيلا ويعود المنظر واو
ومفروش بالوان بين لكري وذهبي

خاظت من الجناح ذهو جناح اوخر ماهو اقل من ذاك فخامه يغير ابطريقه غريبه
لون يجذب هو الوحيد فم الي باب اكحل اعليه حتى زخرفت مختلفه عن لبواب لخرين
فتحت راتو املان فيه بيت ودوشود وبيت للباس كلشي اكحل يكون اسقف ... حست اعلن مولاه اكحل وكلب اكحل وتفكير اكحل انخلعت الين ذهواله ادراريع واتراكه وسرويل لرجال وذا كامل مزروك اعله سيراميك اتحت وديني مكلوبه كامله كيفلي كان فيه إعصار كانك أدخلت مرصه بيك ذامن الباس وفيهَ ياسر من اكرمبوهات لإيطالية ونعايل وفم شي كيف اكوفيو وبا مكتب اعليه ياسر لمساك الفرنسية والكريمات وفيه تلفزه اكبببيروبلستيشن ومتكه اكبييييير كيفلي مولاه مالو شي كام وفم صوره اكبير فيه غرسين واحد منهم فيه قدر من ازين مانله كاع ال آيه من الجمال
ولوخر ماه شين يغير عاكد احواجبو كاريزما وحاس ابراسو كيفشي
وصوره مافيه الوان كيفلي صاحب الجناح حالف يمين يابيت مايدخل فيه لون ذاك الي آيه من الجمال متبسم بتكبر كيفلي ايوغ فامصور كيفلي في منتصف العشرينات
اتبسمت الهم حست عن هذي الصورة تعني ال صاحب البيت ياسر
كان فم قدر من لجنحه آخرين يغير ماهم مفرشين اختارت الجناح لبيظ
كلت الفيصل عن ذلي اندور اكبظ صكي وتله يطلع به لمطاليع
رغم عن هو ماه اركيك الا ان عاد يلهث وعرك
وهو حدنو طالع بصك
امشيت اهو وأدخلت ان فالجناح وتكيت اعله المتكه لمونك وفيه رايحت العود

""""""""""""""""""""""""""""""""

فــاديـه

كاعده اعله اسجاده

حبيباتي الا سمحولي ماكنت صايبه كانو عندن خطار صايمين امعانه رمضان يغير بعد امشاو الحمد الله ولا هومه الي كانو حاكميني عن نكتب الكم❤️✨️

شـَارِيـْنِـ
مستوحاه من روايه
بارتي 5
طارق اخبط ياسر اعله الحنك خبط ياسر املي كردت فعل وتلاو يتباطو امبينهم
جاسليمان صاحب طارق لاه ايفاصل امبينهم مزال ايعدله جا ماهر داخل امبينهم وخبط ياسر اعله الكرش
انكمش ياسر اعله راسو بيه الألم
تماو ماهم عالمين ابشي الين ذاهوالهم طغرق امرصف اعله ماهر خبطه فيك وخبطه فاتراب كيفلي خابطو هو ماه ياسر
جا املي سلمان وتله ايفتصل بينهم
افتصل طارق امعه ماهر وجانازك غضبان :ان كم من مره كلتلك لاتلؤت تدخل امبينيان وهو انت احمار ماتفهم
وكف ياسر وصد اعله طارق :بردت خلاكك ولا مزال شي
صد طارق اعله اتركه الي امعاه :ايو رانه امشينا اوكيم واعد وتو
ماهى:مزلت ان مافت بردت اخلاكي
خزرو طارق الين ادخل بغرظ ماه غرظركبو العيل وتاتهم وخاظ طارق اعله ياسر وكالو تحت :ماخليتك يكون بيه اركاج الي امعاك فالوته ولا ماكنت لاه نفتصل امعاك ماه الين اتعود كيف الجنازه يا ....نايف

ياسر
اركب وتو وكيم اركب اتذكر فاديه صد اعليه اكبظ المدفع الي فيده

كان تعبان ايراعي فيه الا متكه يتكي اعليه افكر ذاك الوقت الا افذاك
اكبظ تلفون تلفن اعله ذاك الرقم
ياسر :الو
احمدو :وي
ياسر ايدور الا يعود وصلك خبر اعليه فانواكشوط
احمدو :وي وطبعا مانك انت هو الي كايلهالي
ياسر:تعرف بل اوتيل ولا برتماه يكد يكريه من دون كرت العائلة
احمدو :حنيني انخرصلك ظرك
ياسر :اوكي ارانيلك اندوره الا ليله وحده
تلفون اتصوني اكبظه
احمدو: ريتلك وحد يغير
ج ياسر امقاطعو :ماهو مهم كولي هي آمنين وتوف
اتله ايسهديه اعله لبيده ذي

كانت داار اكل شي ينقال عنه خرابه ساكنين فيه شي من لكور اخنز منشي وتركت لكور واخظين الكدام مع ان ذا الظهر وشمس اتشك الراص
وماتشوف ماهو لكوار كيفلي خظت من موريتان وكست سنكال ولا مالي
كظ هو الأول ولاكال له هي شي
رصفت هي شور ال مقعد الكدامي وغمزت البتوه الي تكفل ادفات
فاديه :طان مولانا افتصلت امعا الموريتاني بعد ما كانو لاه يقتلوني إياك انكيس شي من لكور
مدت ايده وكبظت المدفع تحسبا
بعد ثواني ابكاو العينين كاملين اعله ال BMW الكحله الي امكيفنه اموكفه ولي افيمه
جا كوبري لاه ايخرصه أمن اكريب وغرى وجه افلمرايه إياك اشوف أمن اكريب
زال اعقله هي وفنفس الوقت ظحكت
تم امسيكن ماه عالم ابشي الين جاتو ذيك الخبطه اعله أظهر الين اكحز ابغرظ ماه غرظ
افتح الباب ذاهو مكفول جات هي فاتحتولو
عجبت الحركه الي عدلت كواما كفلت اعليه يغير الي مزال اماحيرو عنه مافات ابكات الا الآن
ولين اتعود ماه ام دمعه فهذا الخبر يستحق مليون اوقيه
ياسر: كظي
كظت وهي تحمد مولانا اعله نعمه الي كانت فيه
يـــــاسـر
البيت لي كره فاأتاج الثاني
دخلو وهي مزالت اعليه اعليه العبايه (كيف مافت كلتلكوم هيوخواته منقبات)
ادخل اكبظلو شي أمن الباس ودخل ادور وستحم وخاظ

المتكه اي انسان عندو اعقل وعندو عينين مستحيل يتكي اعليه فاحره ياسر الي لاه ايجن بيه البلكه وشحمه
يغير هو ذلك الوقت ماكان ايرعي افشي بيه اتعب الا جا مرصف اعليه وجا راكد تعبان اليوم بيه اتصاويع امعه طارق وجماعت

فـــاديـه
وكفت اتخرص وتفكر هو كوما اتكه اعله ذي الروايه الي اخير منه اتكي فاشارع ولا كلب املي ركعه

شَارِيَـنِـ
مستوحاه من رواية
بارتي 4

اماني
وگفت وتو گدامي فتحت الدفا الورانيه لاه نركب ذهي املانه امن ادبش گست الگدام وركبت الست انخرص الواته ذهيالي هي كيفشي زينه خرصت الطفل الي ينگال عن راجلي ذهو هو الطويل حته وسمين الشوي لون كيف حد محروگ ولا فيه مرض جلدي وعينيه اسغيررين الي تحت البصرات وخنافر افطح وعندو شارب ولحيه منتفه يعني باختصر شديد أزين فالشرق وهو فالغرب
أتبسم وصد اعليه اوگال :مبروك ألن
ارتحت بعد اشوي وتبسمتلو وگلت : ايبارك فيك
فيصل : نعرف عنك ظرك اتگد أتعود منخلعه يغير لا تنخلعي ماليخلگ يكون ذاك الي رافه اعليه انتي
ظرك تختير نتغداو فالمطعم ولا فأدار إلا لدور انت بعد
تبسمت وگلت بصوت انحاول فيه عن انعود مستحيه لأني ماخسيت بيه :واحد عندي إلا الي أدور انت
ظحك اشوي واگال :إلين إيعود إلا الي اندور ان مان لاه نتغداو بيهلي ان بخيل
اتبسمت اعلنو إيدور ايظحكها وينعتلها عن كلش نورمال ، مايعرف عنه هي أصلا تمشي ورا إحساسها وهي إحساسها ارتاح لو
بعد شوي صد اعليه اوگال
فيصل :ايلعدت عندك سؤال أدور تعرف اجواب گوليه
اماني :انت امنين ساكن
مزالت أتوفي كلمته جاموگف گدام فيلا من طابقين
فيصل :هون
أواصل اكالامو :تفضل افدارك
دخلته ذهوله دار ازوين وزوين افراشه
اتبسمت اوگالت : ازوينه ماشاءالله
تعرف اطفيل الين ينعطالو كادو ذيك الفرحه الي تخلگلو نفسه هي الي خلگتلو هو ابگبه إلا لاه يطرطگ امن الفرح اوگاله : وجتلك ازوينه عندك على كل هي ماه ازوينه انت هي الي مزينتيه
گعدت اعله صوفا احذاه وفسخت عنه لعبايه والنقاب
خاظ اشوي عنه ورجع طاساعه واگف فبلد دخلت ايخرصه اعگب افطن اراسو خايف لايخلعه واعطاه كاس العصير الي جاب امعاه ا
فيصل:عندك أزين عصير من عند الشيف فيصل
اتبسمت لو اوگالت :وشنه مكونات ياشيف في فيصل
فيص كان ساهي ايخرصه راصه لون شوكولا فيمه كيفت النار احمرررر ووجه بيبي فيس يعني مشيشر طفولي بريئ ميتيس تشابه لخته ابتسام
فطنت عن ايخرصه شربت اشوي من العصير ذاهو فراوله يابت منه دمعه وتلبوه الصحباته
خرصه زايل العندو من ادراك شاك انه انخلعت من تخراصى له حاول يهديها هو مايحمل دموع
فيصل :ايو ان ارعين واخظ يغير حگله لاتبكي…انت امالك
اماني وهي بسيف گاده تتكلم بيه البكي : فاديه تبغي الفراوله
فيصل : أوكي والله ماتلات تدخل دارنه لاه انخلوه لأهل فاديه اوكي
اماني :ان نبغي ابمب
افرح عنه اوفات من البكي
اماً اماني اص أتفكر اب فاديه راجله ماحبتو نهائيتا بعيدا گاع عن متن راصه وعزت اعليه اتسيطر اعله كل حد إلا الله يستر

،،،،،،،،،،،
فاديه
وگفت اله الوته ركبت الگدام خرصت الوته بي ام دبليو اقل مايقل عنه فخمه املانه من ريحة سگاريت اتفكرت هو طبيب ويكمي گالت عن إلا اثرو كان امعاه حد يكمي
خرصت اعله جيهت ذهواله اطفل ارگيگ اصفررر اعروگو ظاهرين عند هالات اشوي تحت عين راصو إطويل اشوي املس وفنفس الوقت كيرلي اخنافرو إطويل شامخ الفوگ وعينين شوكولا وحواجب مرسومه ويديه عالم اوخر (ايلعدتو ماگطو اسمعت بزين ليدين )صفرر و اصباع أطوال وظفار مگصين بطريقه واااو وصبع اسغير فيه خاتم فيه فص احمر واحد من ازنادو فيه وقاته صفره لمن الذهب تتبارگ وزند لوخر فيه شي كيفت ليه مكتوب اعليه سطره من لنگليزية (يدو انو يبغي لكسسوارات ) رغم ذاكامل انه فالح بادرجه ماه طبيعيه اتگول عن ممثل فاهوليود

ياسر
كان امخطط عن بايت اليله فانواكشوط يغير عند امنين شاف ذيك البورش الي امن اگبيل اتلبو التلو اعرف عنه ذي المشيه ماه لاه اتمر مروره الكرام
ياسر:الله يلعنو انادم تالبني ال أنواكشوط
جا گابظ سنتير الوته وجا امعلگو وشح
تم إلين حس آيد مستو ذهي هي منخلعه من ذا الشح وجات گالعته سمع حسه خبطته خرصه حتت گبظو موطس وتبسم

فاديه
هي اكره الي تسمع العن جات لاه اتگول عن حرام وما يتواسه يغير إلا مزالت تتكلم جاهو شايف البورش وبعدن طاحو سنيه وراصه خبط دفه گالت بينه مع راصه ذامستحيل ايعود طبيب إلا ايلعاد رئيس مافيا
وزايد العله ذاك حراكتُ صالحه وهو ذاگاع مظحك يابي وزاد ذاك اطعاينه هي

ياسر

كان ذاك الوقت إيدور إلا يوغد عن الوته الي وراه وعدله بعد يغير املي اوغد هو من راصو بيهلي هو أنواكشوط ماه اخباري فيه مايعرف ماه ابلد دار عند كان جاي لاه ايبيعها اياك ايخلص شي امن ادين عندو
وگف عند ستاسيوه لاه ايدير گزوار ويشري شي من ابسيري اگبظ كاتو وبرگر ومشروبات غازيه وكب وگيم ماشي

فاديه

كانت اتخرص استاسيوه الين شافت مهر صفرا گالت عنه عنده علاقه بالبورش الي كانت وراهم حالن

ياسر

اسمع صوتها الناعم اتگول :شوف المهر الصفر الي ورانه
جانازگه الين زلزل يقينه : امنين
الين شافو اكبر اعداؤ ظرك وهو ولي كان اگربلو صاحب وأغلى اعليه حد ايلا عاد مامزالت خالگالو گبظتو ارجفه فايدو وج زارگ ذالكان فايدو ودخل نگر الوته وشح ماه بعد خوف هو ايگد يتفاهم امعاه يغير مشكلت ذي الرويه الي أمعاه
خاظ من شارع شور شارع ومن كرتيه الكرتيه وهو إلا تالبو غلبو يفتتصل امعاه اگبظ تلفوون وتلفن لو ذهو مشغول يدور أيعود يتكلم مع الكلب ماهر (صاحب البورش الحمرا)
وبعد ياسر امن تراويغ جات البورش الحمراء و وته أخرى وعدل اعليه زگنينه وگف الوته مفرصي اعليه

فاديه

الين وگفت الوته وعدل اعليه الوتات لخرات زگنينه زال عقل گلتي حسيت اعلني فالقطب الشمالي مع ان ذاك اليوم أشمس صاگعه
خرصت داير راصو اعله الدكسيون يدور أيسكن راصو سابگ مافات احمه
وخظ مشرط اسغير روز مايفارقها وفتحت وحكمت لعله من ايجيه شي

ياسر

خرصه حتتت ذهو ذلي فيده
فاديه :والله مايگرب مني حد ماخوظت فامجبنت
گظظ راصو لوحظ من الدرج الِ فالوته مدفع اسغير إلا گد ليد وعطاهله
ياسر :لاتگظي أبدا ويلا جاوك هوم المدفع فيه ست تعمارات الين ايعودو سته كلهم ديري فراسو وحده ولين ايعودو اكثر ديريه فراصكْ انتِ فهمت
هزت لو راصه بائهيه وگبظت من المدفع وعادت داير صبع اعله البتوه الي توخظ من اتعماره لعله من يجي حد
فتح أدفه وتنفس تنفس عميق وگيم واعدهم اياك يبعدهم من الوته
مافات ذاك طارق يغير خلاه عن

طارق

يتكلم امبين امع راصو معقول ذاياسر صاحبي ان رگيگ عاد كأنو جاي من مجاعه نونو ذاماهو ياسر الي نعرف أبداوعينيه إلا اعله الوته لا إراديا

ياسر :طارق اصنتلي ان بعت داري هون فانواكشوط وفظتك لدور ادجيك اليوم انشاء الله

ماهر :فرص عليك ولا وتك ذي الي متبسم بيه اندورو نگبظوه منك

صد عليه ياسر منطعن :مايعنيك

طارق يخرصهم اجواب ياسر ماعجبو كان يختبر ليجيب خبطه ولا ثنتين فا ماهر كيف مايعدل دائما ونطعن من ذاك

ياسر گيم واعد الوته وگال الطارق :وفه اليوم توصلك فظتك
هو المهم عندو ظرك إلا يوخظ ذي لرض طارق يسال فيه شي من الفظه و لو ياسر صابر اعليه
مزال يفتح الدفه اسمع صوت طارق لغليظ
طارق :ان نسأل فيك شي ماه الفظه
وج عاطيه بوكس اعله الحنك