Ye Yint Vlog

🚨🚨 ပြည်ပရောက်မြန်မာများ သတိပြု။ Passport သက်တမ်းတိုးဖို့ UID လိုအပ် 🚨🚨
​နိုင်ငံကူးလက်မှတ်ဆိုင်ရာ ဥပဒေသစ်အရ ပြည်ပရောက် မြန်မာနိုင်ငံသားတွေအတွက် အပြောင်းအလဲကြီးကြီးမားမား ဖြစ်လာပါတယ်။
​အဓိကအချက်: Passport အသစ်ထုတ်တာ ဒါမှမဟုတ် သက်တမ်းတိုးတဲ့အခါမှာ UID (Unique Identification Number) ကို မဖြစ်မနေ တင်ပြရပါမယ်။
​အခက်အခဲ: UID ကို ပြည်ပသံရုံးတွေမှာ လုပ်လို့မရပါဘူး။ မြန်မာနိုင်ငံအတွင်း မိမိနေထိုင်ရာ မြို့နယ် လူဝင်မှုကြီးကြပ်ရေးရုံးတွေမှာပဲ မှတ်ပုံတင်ရရှိနိုင်ပါတယ်။
​အကျိုးဆက်: ဒါကြောင့် UID မရှိသေးတဲ့ ပြည်ပရောက် မြန်မာနိုင်ငံသားတွေအနေနဲ့ Passport သက်တမ်းတိုးဖို့ ပြည်တွင်းကို ပြန်လာဖို့ လိုအပ်လာပါပြီ။
​နောက်ထပ်အပြောင်းအလဲ: ပြည်ပသံရုံးတွေဟာ Passport ကိစ္စတွေကို ကိုယ်တိုင်ဆောင်ရွက်ခွင့် မရှိတော့ဘဲ နေပြည်တော်ရဲ့ ခွင့်ပြုချက်ယူရမှာပါ။
​⚠️ သတိပေးချက်: Passport မမှန်မကန်လျှောက်ထားရင် ထောင်ဒဏ် ၃ လ ကနေ ၅ နှစ်အထိ ချမှတ်နိုင်ပါတယ်။
​ #ပြည်ပရောက်မြန်မာများ

📢🚫🇰🇷ကိုရီးယားရောက် မြန်မာတိုင်း မဖြစ်မနေ သိထားရမယ့် - "ပတ်စ်ပို့ကြောင့် အဖမ်းမခံရစေဖို့ ကြိုတင်ပြင်ဆင်ရမယ့် လမ်းညွှန်"
"ပတ်စ်ပို့သက်တမ်းတိုးဖို့ဆိုရင် သံရုံးတွေမှာ မရတော့ပါ၊ မြန်မာပြည်ပြန်ရတော့မယ်? ကိုရီးယားရောက် မြန်မာတွေ သိထားရမယ့် အန္တရာယ်ရှိတဲ့ ဥပဒေသစ်အကြောင်း"

⚖️ မင်းအောင်လှိုင်ရဲ့ "စစ်ကောင်စီ ပတ်စ်ပို့ဥပဒေသစ် အန္တရာယ်က ဘယ်လောက်ကြီးသလဲ ၊ ကိုရီးယားရောက် ညီအစ်ကိုများအတွက် ၊ ပတ်စ်ပို့သက်တမ်းကုန်တော့မယ့်သူတွေအတွက် အရမ်းအန္တရာယ်များတဲ့အချိန် ဆိုပေမယ့် လက်တွေ့ကျတဲ့ ထွက်ပေါက်တခု နဲ့ ကိုရီးယားမှာ တရားဝင် ဆက်နေနိုင်မယ့် နည်းလမ်း ရှိနေပါတယ်။

📅 ပြီးခဲ့တဲ့ ၂ရက် မတ်လ ၁၇ ရက်နေ့ ညပိုင်းမှာ စစ်ကောင်စီက "မြန်မာနိုင်ငံကူးလက်မှတ်ဆိုင်ရာဥပဒေ" အသစ်တစ်ရပ်ကို ရုတ်တရက် အရေးပေါ် ထုတ်ပြန်ပြဋ္ဌာန်းလိုက်ပါတယ်။

📜 အရင်ကတော့ ဒါတွေကို ညွှန်ကြားချက်အဆင့်နဲ့ပဲ ထိန်းချုပ်ခဲ့တာပါ။ အခုကတော့ ဥပဒေအဖြစ် အတည်ပြုလိုက်ပြီဆိုတော့ မြန်မာ ပတ်စ်ပို့ ကိုင်ထားသူတိုင်းအတွက် အသက်ရှူရ ပိုကျပ်လာမယ့် အခြေအနေပါပဲ။သေချာလေ့လာကြည့်ပြီး သိရှိပြင်ဆင်ထားသင့်တာတွေကို တတ်နိုင်သလောက် အချက်အလက်တွေကို နားလည်လွယ်အောင် ပြန်စုစည်းပေးထားပါတယ်။

⚠️ ⚠️ အရင်ဆုံး စစ်ကောင်စီကနေ နိုင်ငံရေး၊ တော်လှန်ရေးနဲ့ ပတ်သတ်ပြီး ပစ်မှတ်ထားခံရသူတွေနဲ့ "ပုဒ်မ ၂၉ (စ)" ရဲ့ အန္တရာယ်ကို စပြောရရင် အန္တရာယ်ရှိတဲ့ ဒီဥပဒေရဲ့ အဆိုးဆုံးအပိုင်းကတော့ "ပုဒ်မ ၂၉ (စ)" ပါ။

🚫 "နိုင်ငံတော်လုံခြုံရေးနဲ့ အကျိုးစီးပွားကို နှောင့်ယှက်ဖျက်ဆီးနိုင်တယ်လို့ ယူဆရသူ" ဆိုရင် ပတ်စ်ပို့ထုတ်ပေးဖို့ ငြင်းပယ်ခွင့်ရှိတယ်လို့ ရေးထားပါတယ်။ ဒါဟာ CDM ဝန်ထမ်းတွေ၊ နိုင်ငံရေးအရ စစ်ကောင်စီကို ဝေဖန်၊ ကန့်ကွက်၊ ဆန့်ကျင်သူတွေနဲ့ တက်ကြွလှုပ်ရှားသူတွေကို တိုက်ရိုက်ပစ်မှတ်ထားပြီး ပတ်စ်ပို့ထုတ်မပေးကြဖို့ ဥပဒေပြဌာန်းပြီး တရားဝင် လမ်းပိတ်လိုက်တာပါပဲ။

❌ ဒါတင်မကသေးဘူး... ပြစ်ဒဏ်လွတ်ငြိမ်းခွင့် ရထားပေမယ့် သတ်မှတ်ကာလ မပြည့်သေးသူတွေ၊ နိုင်ငံသားအခွင့်အရေး ရပ်စဲခံရသူတွေ၊ ပြည်ပကနေ ပြန်လည်ပို့ဆောင်ခံရသူ (Deport) တွေနဲ့ Blacklist (အမည်ပျက်စာရင်း) သွင်းခံရသူတွေကိုလည်း ပတ်စ်ပို့ လုံးဝထုတ်မပေးဖို့ တင်းတင်းကြပ်ကြပ် တားမြစ်ထားပါတယ်။

🔍 တော်လှန်ရေးမှာ ပါသည်ဖြစ်စေ၊ မပါသည်ဖြစ်စေ၊ စောင့်ကြည့် သံသယရှိသူဖြစ်စေ လူတိုင်းကို အားလုံးကို ပစ်မှတ်ထားလိုက်တာကတော့ UID ဆိုတာပါ။ UID မရှိရင် မြန်မာပြည်ကို ပြန်မှရမယ်။ ပတ်စ်ပို့လုပ်မယ့်၊ သက်တမ်းတိုးမယ့် လူတိုင်း Unique Identification Number (ကိုယ်ပိုင်သက်သေခံလက်မှတ်) လုပ်ကြရမယ်။ လုပ်တဲ့အခါလည်း နိုင်ငံခြားက သံရုံးတွေမှာမရဘူး ။

🆔 🆔 ကိုယ့်မှာ UID မရှိရင် မြန်မာပြည်ကို ပြန်မှရမယ်ဆိုတဲ့ အရေးကြီးဆုံးအချက်ပါ။ အခု ပြည်ပရောက်နေတဲ့သူတွေအတွက် အခက်ခဲဆုံးကတော့ UID ဆိုတဲ့ ကိုယ်ပိုင်သက်သေခံလက်မှတ် ကိစ္စပါ။ ပုဒ်မ ၇ (က) (၅)မှာ နိုင်ငံကူးလက်မှတ် လျှောက်ထားရင် သက်တမ်းတိုးရင် ကိုယ်ပိုင်သက်သေခံလက်မှတ် (UID) တင်ပြရမယ်လို့ သတ်မှတ်လိုက်ပါတယ်။

📑 ဥပဒေသစ်ရဲ့ ပုဒ်မ ၇ အရ ပတ်စ်ပို့အသစ်လျှောက်တာပဲဖြစ်ဖြစ်၊ သက်တမ်းတိုးတာပဲဖြစ်ဖြစ် ဒီ UID နံပါတ် မရှိရင် လျှောက်လို့မရတော့ပါဘူး။

🏢 အကြီးမားဆုံး အခက်အခဲက ဘာလဲဆိုတော့ ဒီ UID ကို ပြည်ပသံရုံးတွေမှာ လုပ်ပေးလို့မရဘဲ "မိမိနေထိုင်ရာ မြို့နယ် လ၀ကရုံးမှာပဲ ကိုယ်တိုင်သွားလုပ်ရမှာ" ပါ။ ဒါကြောင့် UID မရှိသေးတဲ့သူတွေဟာ ပတ်စ်ပို့သက်တမ်းတိုးဖို့အတွက် လူတိုင်း မဖြစ်မနေ ၊ မပြန်မနေရ လူကိုယ်တိုင် မြန်မာပြည်ကို ပြန်ကို ပြန်ရမယ်ဆိုတဲ့ အခြေအနေ ဖြစ်သွားပါပြီ။

🛑 🛑 သံရုံးတွေမှာ လုပ်ပိုင်ခွင့်မရှိတော့ဘူးလား ဆိုတော့ ဟုတ်ပါတယ်။ အခုဥပဒေအရ ပြည်ပသံရုံးတွေနဲ့ ကောင်စစ်ဝန်ရုံးတွေဟာ မိမိသဘောနဲ့မိမိ ပတ်စ်ပို့ သက်တမ်းတိုးပေးလို့ မရတော့ပါဘူး။ နေပြည်တော်မှာရှိတဲ့ "မြန်မာနိုင်ငံကူးလက်မှတ်ထုတ်ပေးရေးအဖွဲ့" ရဲ့ ခွင့်ပြုချက်ကို အရင်တောင်းရမှာပါ။ နေပြည်တော်က ခွင့်မပြုရင် သံရုံးက ဘာမှလုပ်ပေးလို့ မရတော့ပါဘူး။

💳 နောက်တစ်ခုက အနာဂတ်အတွက် ကြိုတင်ပိတ်ဆို့ထားတာကတော့ အီလက်ထရောနစ် ပတ်စ်ပို့ (e-Passport)ကိစ္စပါ။ ၂၀၂၇ မှာ စတင်မယ့် ဒီ e-Passport စနစ်ကို ပြောင်းမယ်ဆိုရင်လည်း ပြည်ပရောက်နေသူတွေဟာ မြန်မာပြည်ကို ပြန်လာပြီးမှပဲ လျှောက်ထားနိုင်မယ်လို့ သိရပါတယ်။

⚖️ ⚖️ ပြင်းထန်တဲ့ ပြစ်ဒဏ်တွေနဲ့ စီမံခန့်ခွဲမှုအာဏအရ ခြိမ်းခြောက်ထားတာတွေကတော့ စစ်ကောင်စီဘက်က တရားဝင်ပြောလာတာက ထုတ်ပေးပြီးသား ပတ်စ်ပို့ကိုတောင် အချိန်မရွေး ပယ်ဖျက် (Cancel/Revoke) လုပ်ပိုင်ခွင့် အပြည့်အဝ ရှိတယ်။ မကျေနပ်ရင် ထုတ်ပေးပြီးသားလည်း ပယ်ဖျက်မယ်ဆိုတာပါပဲ ။ ဒါကတော့ အရင်ကလည်း လုပ်ပါတယ်၊ ကိုရီးယားမှာလည်း ပတ်စ်ပို့ သက်တမ်းရှိတာကိုတောင် ပယ်ဖျက်လိုက်တဲ့ သာဓကလည်း ရှိပါတယ်။

⛓️ နောက်တခုကတော့ ပတ်စ်ပို့ကို မမှန်ကန်တဲ့ နည်းလမ်းနဲ့ လျှောက်တာ၊ အတုပြုလုပ်တာ၊ သူတစ်ပါး ပတ်စ်ပို့ကို သုံးတာတွေအတွက် အနည်းဆုံး ထောင်ဒဏ် ၃ လ ကနေ ၅ နှစ်အထိ ချမှတ်ခံရနိုင်တယ် ဆိုပြီး ထပ်ပြီး ခြိမ်းခြောက်ထားပါတယ်။

😰 ဒီဥပဒေသစ်ဟာ ပြည်ပရောက်နေတဲ့ ကျွန်တော်တို့ မြန်မာနိုင်ငံသားတွေကို ပြန်လာဖို့ ဖိအားပေးတာတင်မကဘဲနဲ့ နိုင်ငံရေးအရ အကြောက်တရားနဲ့ ထိန်းချုပ်ဖို့ ကြိုးစားလိုက်တာပါ။ အထူးသဖြင့် UID မရှိသေးတဲ့ ပြည်ပရောက် ညီအစ်ကို မောင်နှမတွေ၊ CDM ဝန်ထမ်းတွေအနေနဲ့ ပတ်စ်ပို့သက်တမ်းကုန်ခါနီးရင် အတော်လေးကို အခက်တွေ့ရမယ့် သဘောရှိပါတယ်။

🆘 အခုအချိန်မှာ တော်လှန်ရေးမှာ ပါဝင်နေသူတွေနဲ့ နိုင်ငံရေးတက်ကြွလှုပ်ရှားသူတွေအနေနဲ့ မြန်မာ ပြည်တွင်းကို UID (ကိုယ်ပိုင်သက်သေခံလက်မှတ်) အတွက် ပြန်မယ်ဆိုရင် အစိုးရရိမ်ဆုံး နဲ့ "အန္တရာယ် အလွန်ကြီးမားပါတဲ့ " အခြေအနေပါ။ ဘာကြောင့်လဲဆိုတော့ -

📊 ပြည်တွင်းရော ပြည်ပရောမှာရှိတဲ့သူတွေအတွက် UID စနစ်က စောင့်ကြည့်စစ်ဆေးရေးယန္တရားဖြစ်နေလို့ပါ -

👤 UID (Unique Identification Number) ဆိုတာ လူတစ်ဦးချင်းစီရဲ့ ကိုယ်ရေးအချက်အလက်တွေ၊ Biometric (လက်ဗွေ၊ မျက်နှာသွင်ပြင်) တွေကို စနစ်တကျ မှတ်တမ်းတင်တာ ဖြစ်ပါတယ်။ နိုင်ငံရေးနဲ့ တော်လှန်ရေးမှာ ပါဝင်နေသူတစ်ယောက်အနေနဲ့ မြို့နယ် လ၀ကရုံးကို ကိုယ်တိုင်သွားရောက်ပြီး ဒါကို လုပ်ဆောင်ရမှာဖြစ်လို့ ကိုယ်ရေးအချက်အလက်တွေ အသေးစိတ် စစ်ဆေးခံရပါလိမ့်မယ်။

🚔 လ၀ကရုံးတွေမှာ အမည်ပျက်စာရင်း (Blacklist) ဒါမှမဟုတ် ဝရမ်းပြေးစာရင်းတွေနဲ့ တိုက်ဆိုင်စစ်ဆေးခံရမှာ ဖြစ်ပါတယ်။ အကယ်၍ ကိုယ့်ရဲ့ အမည်စာရင်းက စောင့်ကြည့်စာရင်းထဲမှာ ရှိနေတာ သို့မဟုတ် CDM အဖြစ် မှတ်တမ်းဝင်နေတာ၊ ဒါမှမဟုတ် စစ်ကောင်စီကို ဆန့်ကျင်، ဝေဖန်၊ ကန့်ကွက်တာ မှတ်တမ်းတင်ခံထားရရင် လ၀ကရုံးမှာတင် ဖမ်းဆီးခံရဖို့ ရာခိုင်နှုန်း အတော်လေး မြင့်မားပါတယ်။

🛫 ပြည်ပကနေ ပြန်မယ့်သူတွေအနေနဲ့ လေဆိပ် နဲ့ နယ်စပ်ဂိတ်တွေမှာတင် စစ်ဆေးမှုတွေနဲ့ ကြုံရနိုင်ပါတယ်။ မြန်မာပြည်ကို ပြန်ဝင်တာနဲ့ လေဆိပ်မှာတင် ပတ်စ်ပို့ကို စစ်ဆေးမှာ ဖြစ်ပါတယ်။ ဥပဒေသစ်အရ ပုဒ်မ ၂၉ (စ) မှာ "နိုင်ငံတော်လုံခြုံရေးကို နှောင့်ယှက်သူ" လို့ သတ်မှတ်ခံရရင် လေဆိပ်ဝင်ပေါက်မှာတင် ပတ်စ်ပို့ အသိမ်းခံရတာ ဒါမှမဟုတ် ထိန်းသိမ်းစစ်ဆေးခံရတာ၊ ထိမ်းသိမ်းဖမ်းဆီးခံရတာ မျိုးတွေ ကြုံရနိုင်ပါတယ်။

🎯 ဥပဒေသစ်၏ ရည်ရွယ်ချက်ကို အထူး သတိပြုဖို့ လိုပါတယ်။ စစ်ကောင်စီက ဒီဥပဒေကို အခုလိုအချိန်မှာ ရုတ်တရက် ပြဋ္ဌာန်းလိုက်တာဟာ - ပြည်ပရောက်နေတဲ့ တော်လှန်ရေးအင်အားစုတွေကို ပြည်တွင်းပြန်လာအောင် ဖိအားပေးပြီး ဖမ်းဆီးဖို့ ဒါမှမဟုတ် CDM တွေနဲ့ စစ်ကောင်စီကို ဆန့်ကျင်၊ ဝေဖန်၊ ကန့်ကွက်တဲ့သူတွေကို နိုင်ငံပြင်ပမှာ သွားလာခွင့်မရအောင် ပိတ်ဆို့ဖို့ ရည်ရွယ်တာ သိသာပါတယ်။

💡 💡 ကိုရီးယားရောက် ညီအစ်ကိုများအတွက် "ထွက်ပေါက်" အနေနဲ့ အကြံပြုချက် အနေနဲ့ကတော့ -

🛡️ တကယ်လို့ ကိုယ်တိုင်က နိုင်ငံရေး၊ တော်လှန်ရေးနဲ့ ပတ်သက်ဆက်နွှယ်နေသူတစ်ဦး ဖြစ်တယ်ဆိုရင်-

1️⃣ 1. စိတ်တည်တည်ငြိမ်ငြိမ်ထားပါ၊ မြန်မာပြည်ကို "ဇွတ်" မပြန်ပါနဲ့။ ပတ်စ်ပို့ သက်တမ်းတိုးဖို့ တစ်ခုတည်းအတွက်နဲ့ ကိုယ့်ရဲ့ အသက်အန္တရာယ်နဲ့ လွတ်လပ်ခွင့်ကို ရင်းပြီး မပြန်သင့်ပါဘူး။

2️⃣ 2. ကိုရီးယားနိုင်ငံရဲ့ အကူအညီ အကာအကွယ်ကို ရယူပါ။ ရှေ့မှာ ကျွန်တော် ပြောခဲ့သလိုပဲ G1-99 လိုမျိုး လူသားချင်းစာနာမှုဆိုင်ရာ အထောက်အထားတွေ လျှောက်ထားဖို့ ပြင်ဆင်ပါ။ ကိုရီးယားအစိုးရဟာ မြန်မာပြည်ရဲ့ အခြေအနေကို သေချာ သိရှိထားတာကြောင့် အသက်အန္တရာယ်ရှိသူတွေကို ကာကွယ်ပေးမယ့် လမ်းစတွေ ရှိပါတယ်။

3️⃣ 3. မြန်မာပြည်ပြန်ဖို့ အဆင်မပြေသူများအတွက် G-1 (လူသားချင်းစာနာမှု) ဗီဇာလမ်းကြောင်းနဲ့ စာရွက်စာတမ်းတွေ၊ အထောက်အထား စုဆောင်းပြင်ဆင် ထားပါ။ ကိုယ်တိုင်က CDM လုပ်ထားသူ ဖြစ်ကြောင်း၊ ဒါမှမဟုတ် တော်လှန်ရေးမှာ ပါဝင်လို့ အန္တရာယ်ရှိနိုင်ကြောင်း၊ တော်လှန်ရေးနဲ့ ပတ်သတ်ပြီး ဆန္ဒပြပွဲ၊ ရန်ပုံငွေပွဲတွေမှာ လှုပ်ရှား ပါဝင် ဆောင်ရွက်ခဲ့တဲ့၊ ဆောင်ရွက်နေတဲ့ ခိုင်လုံတဲ့ ခိုင်မာတဲ့ သက်သေ အထောက်အထား (ဥပမာ- ဓာတ်ပုံ၊ ရုပ်သံ၊ သတင်းစာသား၊ အဖွဲ့အစည်းထောက်ခံစာ၊အဖွဲ့ဝင်ကဒ်၊...) တွေကို ကိုရီးယားအာဏာပိုင်တွေထံ လိုအပ်လာတဲ့အခါ၊ ပြဿနာ ကြုံလာတဲ့အခါ အခိုင်အမာ အထောက်အထားတွေနဲ့ တင်ပြဖို့ ကြိုတင်စုဆောင်းထားပါ။ ဒါ့ကြောင့် ဆန္ဒပြပွဲတွေကို တက်ရောက်ကြပါ၊ လာပြီးရင်လည်း မှတ်တမ်းဓာတ်ပုံ ရိုက်ယူထားကြပါ၊ အထောက်အထားတွေ သိမ်းဆည်းထားကြပါ၊ မလိုရင်တော့ ပြဿနာမရှိပေမယ့် တကယ့်တကယ် လိုအပ်လာတဲ့အခါ တင်ပြနိုင်ဖို့လည်း သိမ်းဆည်းထားကြပါ လို့ လှုပ်ရှားဆောင်ရွက်မှု အထောက်အထားတွေရဲ့ အရေးကြီးကြောင်းကို ပြောတာဖြစ်ပါတယ်။

⚠️ အချုပ်အနေနဲ့ နိဂုံးချုပ်ရရင်တော့ UID လုပ်ဖို့ မြန်မာပြည်ပြန်တာဟာ နိုင်ငံရေး၊ တော်လှန်ရေးတွေမှာ ပါဝင်ပတ်သတ် လှုပ်ရှားသူ တစ်ယောက်အတွက် "(စစ်ကောင်စီ) ရန်သူ့ကျော့ကွင်းထဲကို သားသတ်ရုံထဲကို ကိုယ်တိုင်တိုးဝင်လိုက်သလို" ဖြစ်သွားနိုင်ပါတယ်။ ဒါကြောင့် ပေါ့ပေါ့လျော့လျော့မနေပဲ အလွန်အမင်း သတိထားကြဖို့ တိုက်တွန်းပါရစေ။

📢 ရှေ့မှာ ကျွန်တော် ပြောခဲ့သလိုပဲ ပတ်စ်ပို့ကိစ္စအဆင်မပြေခဲ့ရင် ခိုင်မာတဲ့ အထောက်အထား သက်သေတွေနဲ့ G-1 ဗီဇာ လိုမျိုး လူသားချင်းစာနာမှုဆိုင်ရာ အထောက်အထားတွေ လျှောက်ထားဖို့ ပြင်ဆင်ပါ။ ကိုရီးယားအစိုးရဟာ မြန်မာပြည်ရဲ့ အခြေအနေကို သိရှိထားတာကြောင့် အသက်အန္တရာယ်ရှိသူတွေကို ကာကွယ်ပေးမယ့် လမ်းစတွေ ရှိပါတယ်။

[ 🛑 ဒီလိုမျိုး အကျပ်အတည်းကာလတွေမှာ "ပွဲစား" ဆိုသူတွေကို အထူးသတိထားကြဖို့ သတိပေးပါရစေ။

💸 အခုလို ပတ်စ်ပို့ (Passport) ဥပဒေသစ်တွေ ထွက်လာပြီး UID နံပါတ်တွေ လိုအပ်လာပြီဆိုတော့ "ပတ်စ်ပို့ သက်တမ်းတိုးပေးမယ်"၊ "UID နံပါတ် လုပ်ပေးမယ်" ၊ "G1 ဗီဇာ လျှောက်ပေးမယ်" ဆိုတဲ့ ကြော်ငြာတွေ၊ ချဉ်းကပ်မှုတွေ ပိုများလာမှာ၊ ပိုပြီးလုပ်ဆောင်လာကြမှာ အသေအချာပါပဲ။ ]

🤝 ကိုရီးယားမှာရှိတဲ့ တရားဝင် မြန်မာအဖွဲ့အစည်းတွေ၊ အလုပ်သမားကူညီရေးစင်တာတွေ နဲ့ NUG ကိုယ်စားလှယ်ရုံးလို နေရာတွေ ကနေတစ်ဆင့် အကူအညီတောင်းပါ။ "မြန်မြန်ရမယ်၊ လွယ်လွယ်ရမယ်" ဆိုတဲ့ ပွဲစားတွေစကားရဲ့ နောက်ကွယ်မှာ အလိမ်အညာ နဲ့ "ငွေကြေး ထောင်ချောက်" တွေ ပါနေတတ်ပါတယ်။ လုံးကနဲ ဝမ်သိန်း ဆယ်ဂဏန်းနီးပါး၊ ဝမ်သိန်းဆယ်နဲ့ချီ ပေးနေရတာတွေ၊ လစဥ် တတိတိ ပေးနေရတာတွေ ရှိနေကြပါတယ်။

🛡️ ဘယ်သူ့စီးပွားရေး မှ တုတ်နဲ့ ထိုးတာမဟုတ်ပါ ၊ သတိထားကြဖို့ပဲပြေတာပါ။ အကျပ်အတည်းကာလတွေမှာ "တောမီးလောင် တောကြောင် လက်ခမောင်းခတ်တဲ့ကာလမို့ ပက်စ်ပို့ ၊ ဗီဇာ ၊ လဝကပွဲစားတွေကြောင့် ငွေကုန်တာအပြင် ရေရှည်မှာ မိမိအတွက် နစ်နာတာတွေ၊ အစုလိုက်အပြုံလိုက် ပြဿနာတက်စရာတွေ ဖြစ်လာနိုင်ခြေကိုလည်း သတိထားပြီး ဆောင်ရွက်ကြဖို့" သတိပေးပါရစေ။ G1-99 လျှောက်ဖို့ လိုအပ်တာတွေကတော့ နောက်နေ့မှ ဆက်ရေးပေးပါ့မယ်။ အားလုံးပဲ စစရာရာ အဆင်ပြေပြီး ဘေးကင်းချောမွေ့ကြပါစေ ...

💻 Dear Facebook Team, This content is a direct translation of a news report from [ Korea News ] for educational and informational purposes only. It is not intended to promote violence or cause harm. Information For Public.

#မြန်မာနိုင်ငံကူးလက်မှတ်ဥပဒေ #ပတ်စ်ပို့ #ကိုယ်ပိုင်သက်သေခံလက်မှတ် #ဂျီဝမ်းဗီဇာ #တော်လှန်ရေး #လူ့အခွင့်အရေး #ခရီးသွားလာခွင့်ကန့်သတ်ချက်