TOTOY MUSIC

Tugtugan para sa Kalikasan, naging tampok sa Konsyerto sa Plaza – Battle of the Bands sa Bayan ng Naujan

Matagumpay na naisagawa ang Konsyerto sa Plaza - Battle of the Bands (Tugtugan para sa Kalikasan) noong Setyembre 6 ng gabi sa Naujan Town Plaza o Liwasang Bonifacio bilang bahagi ng DaBaLisTiHiT Festival 2025.

Pinangunahan ni Konsehal Jun Bugarin ang naturang aktibidad na naglalayong itampok ang talento ng mga kabataang musikero at sabay na palaganapin ang kamalayan ukol sa pangangalaga ng kalikasan.

Siyam (9) na banda mula sa Naujan at mga karatig-bayan ang nagtagisan ng husay sa musika. Sa huli, itinanghal na Champion ang El Suave Band, sinundan ng The 4th Street Band bilang 2nd Place, at MinSU Classified Band bilang 3rd Place.

Higit pa sa masiglang tugtugan, nagsilbing paalala ang konsyerto sa kahalagahan ng pagkakaisa at malasakit para sa kalikasan. Nagbigay-inspirasyon ito sa mga manonood, lalo na sa kabataan, upang makiisa sa mga adbokasiya para sa kapaligiran.

Ang aktibidad ay isa lamang sa mga handog ng Pamahalaang Bayan ng Naujan, sa pangunguna ni Mayor Henry Joel Teves, Vice Mayor Dan Melgar at mga Kasapi ng Sangguniang Bayan, bilang bahagi ng makulay at makabuluhang pagdiriwang.