Jeym

Naayon na gud ak yana nga kon an usa nga tawo naderi na ha imo, hihimoon nala niya an ngatanan nga masul-an ka ngada hit ikaw nala mismo an bumulag. Asya en an realization nga mas makusog pa han pagsuntok nga em higimata ha kamatuoran—usa nga mahapdos nga pagpukaw nga nagpakita ha akon han tinuod nga sitwasyon, han mapait nga realidad nga gin-igpapanalipdan ko la ha akon kalugaringon hin maiha. An tawo nga hinigugma ko, an tawo nga akon ginhunahuna nga nahigugma liwat ha akon, nagpipirit la gud hin pagpaharayo ha akon, ginpipirit ak nga masul-an, ginpapafeel nga haak nga waray ak pulos, tubtob ngada han ako na makahuna-huna han pagbaya.

Usa ini nga masuol nga pahibaro, nga nagbubutang ha imo ha kahimtang nga imo ginkukwestyon an imo kalugaringon nga halaga, an imo judgement, ngan an imo abilidad hin pagsabot han tinuod, pero ha sugad man nga paagi, usa liwat ini nga nakakapagawas han em hibaro. Kay kon makasabot ka na nga an ira pamatasan diri tungod ha imo kundi tungod ha ira, tikang na en han imo pakagikan hin usa nga relasyon nga makuri an gin inagian, pero yana,pagtikang na hit pagpagaling, hin pag-diskubre, ngan hin pag-dediskubre utro han imo kalugaringon.

Kon may tawo nga diri na karuyag ha imo, agsob hira magpipirit hin pagpafeel ha imo nga ikaw an may sala, nga ikaw an angay maawod, nga ikaw an responsable han ira pamatasan. Pero an kamatuoran? An ira ginbubuhat diri nagrereflektar han imo halaga, kundi han ira kalugaringon nga kakulangan hin komunikasyon, hin empatiya, ngan hin tinuod nga gugma.Ngin umabot na it adlaw nga naiintindihan na nem kun ano nga nahinabo en, masayon na la nem bayaan an bug-at han sala, han kaarawdan, ngan han pagbati nga ikaw an may dipikto. Mahihimo na nem igbutang ha imo hunahuna nga diri ikaw an problema, ngan mahihimo na nem pagtikangan an pag-ataman han imo kalugaringon.

Diri ini masayon, syempre. Nangangahulugan ini hin panahon, paningkamot, ngan suporta, pero takos ini nga pag-antos kay kon makalaya ka na tikang han makamamatay nga sikulo han pan-abuso, mahimo ka na liwat mabuhi, mahigugma, ngan makaturoy hin tinuod nga kalipay. And that's a gift that's worth fighting for.💕

KON HIGUGMAHON MO AN USA KA TAWO...

Kon higugmahon nem an usa ka tawo, diri ka magbubuwa ha ira. Diri nimo hira pagpipinaayunon nga mayda ka mga maupay nga intensyon ngan pagkatapos bubungkagon nem an ira tiwala.

Kon higugmahon nem an usa ka tawo, diri mo hira pagpapaabaton nga damu it kulang ha ira,nga deri hira eksakto. Diri nem hira tatagan hin rason nga higugmaon nira ira kalugaringon hin guti.

Kon higugmahon nem an usa ka tawo, diri nem pasusul-on ira kasing-kasing. Diri nem hira paaabaton nga waray nira pulos. Diri nem hira pinaabat nga they are taken for granted. Diri nem hira pagpakitaan nga diri hira naaappreciate.

Kon higugmahon mo an usa ka tawo, siguroha nga pakitaon mo hira nga may nira halaga. Diri mo hira papaglaomon hin butang nga diri mo kayang tuparon, ngan diri mo hira paghihimuan hin rason nga maghimu hin kalain hin buot ha gugma. Kay an gugma kinahanglan magin malinaw. Kinahanglan maghatag hin kalipay ha kasingkasing.

Kon higugmahon mo an usa ka tawo, diri ka maghimo hin saad tapos imo la hihibangon. Diri mo hira paghihimuan hin rason nga umabat hira nga diri hira angay tratuhon hin maupay. Diri mo hira papahimoon nga magduda ha ira kalugaringon. Diri mo hira pababayaan han ira pinakagrabe nga kahimtang.

Ngan pinaka-importante, kon higugmahon mo an usa ka tawo, diri nem hira papaabaton nga makuri hira higugmahon. 🥀🍂💗

✍🏻credits to the rightful author😊
-Shiori x

Usahay, ginpapa-aram haat kinabuhi nga an mga pinaka-mahal nga butang amo an mga waray presyo. 💖

Amo ini an baho han kape ha aga, an magaan nga tunog han uran nga natama ha mga bintana, o an kahayag han panahón nga an pagsikat han adlaw, nga ha usa ka guti nga takna, paro la hin inukoy sakadali an panahon.

An mga pinakasimpleng butang mayda mamingaw nga kusog. Naghahatag ini hin pahinumdom nga ha butnga han kakurian, an importante diri an aton gintatag-iya, kundi an mga butang nga aton inaabat.

Mayda klase hin magic ha kasimplihan. Aton ini makikita ha usa nga tawa nga waray hin rason, ha usa nga bulak nga bumubungkal ha tunga han aspalto, ha hugot nga ginyayakan han usa nga tawo nga aton ginhihigugma.

Amo ini nga mga detalye nga naghahatag ha aton hin pag-intindi nga, ha kataposan, diri kinahanglan nga damo an aton mga pag-aari para masuga nga ungod nga kompleto.

Dali la an paglabay han kinabuhi, pero an tinuod nga kaupay yaada pinaagi hit paghinay-hinay ngan pagtan-aw ha mga butang nga pirme naton inaatubangan, pero kadak-an, nakakalimtan naton pahalagahan.

Ha kataposan, diri han mga dako nga achievement nakadepende an storya han at kinabuhe, kundi an mga guti nga aton pamamaagi.