AZHAR fareed life Guide 25

Shout out to my newest followers! Excited to have you onboard! Shantul Shabeer M Shabeer, Benn Ibn Aquing Mamalendan, Maxamed Cabdi, Muhammad Shabhan Ali, Watan Khan

کینسر کے علاج میں استعمال ہونے والی 9 ادویات کو جعلی، غیر معیاری اور غیر قانونی قرار دے دیا گیا ہے، جس کے بعد متعلقہ حکام نے کارروائی کا آغاز کر دیا ہے۔

سندھ ڈرگ ٹیسٹنگ لیبارٹری کی رپورٹ کے مطابق یہ ادویات یا تو غیر رجسٹرڈ تھیں یا ان میں مطلوبہ معیار کے مطابق فعال دوا (Active Ingredient) موجود نہیں تھی۔

ڈائریکٹر سندھ ڈرگ ٹیسٹنگ لیبارٹری سید عدنان رضوی نے بتایا کہ لیبارٹری رپورٹ کی بنیاد پر متعلقہ اداروں نے فوری ایکشن لیا ہے۔

انہوں نے کہا کہ بعض کینسر ادویات میں مطلوبہ فعال جزو سرے سے موجود ہی نہیں تھا، جبکہ بعض ادویات پر ڈرگ ریگولیٹری اتھارٹی آف پاکستان (ڈریپ) کا رجسٹریشن نمبر بھی درج نہیں تھا۔

سید عدنان رضوی نے مزید بتایا کہ بعض آنکولوجسٹ نسخوں پر مخصوص فارمیسیوں کے نام درج کر دیتے ہیں، جس کے باعث مریض انہی فارمیسیوں سے ادویات خریدنے پر مجبور ہو جاتے ہیں۔

انہوں نے خبردار کیا کہ جعلی اور غیر معیاری کینسر ادویات مریضوں کی جانوں کے لیے سنگین خطرہ ہیں، کیونکہ ان کے استعمال سے علاج مؤثر نہیں رہتا اور بیماری کے مزید بڑھنے کا خدشہ بھی پیدا ہو جاتا ہے۔