Syed Tasneem Shah

ہمارے آج کا کردار ہی ہماری اولاد کو وراثت میں ملے گی

ہم اکثر اپنی اولاد کے اچھے کردار کی امید اور تمنا کرتے ہیں

لیکن ایک سوال یہ بھی ہے کہ کیا ہم ان کے اخلاق و کردار کی بنیاد بھی رکھ رہے ہیں؟

بچے صرف ہماری باتیں نہیں سنتے بلکہ وہ ہماری زندگی پڑھتے ہیں

اگر آج ہمارے گھروں میں سچ کی جگہ جھوٹ، احترام کی جگہ بدزبانی، امانت کی جگہ خیانت، اور ذمہ داری کی جگہ غفلت ہو، تو کل ہماری اولاد انہی چیزوں کو معمول سمجھے گی۔

یاد رکھیں!

اولاد کا مستقبل صرف اسکول، ڈگری یا دولت سے نہیں بنتا بلکہ والدین کے کردار، عادات اور روزمرہ کے اعمال سے بنتا ہے

ہم اپنی اولاد کے لیے جو سب سے بڑی وراثت چھوڑ سکتے ہیں، وہ اچھی جائیداد نہیں، بلکہ اچھا کردار ہے

آج کا ہمارا عمل کل ہماری اولاد کی شخصیت بن جائے گا۔

By
سید تسنیم شاہ
سٹوڈنٹ آف دی سنچری
پیج: علم و اخلاق

حسن ظن رکھنا اور بدگمانی سے بچنا
اعلی کردار کی علامت
خوشگوار ماحول کی ضمانت

دوسرے انسان کے بارے میں اچھا گمان رکھنا ایک مضبوط اور باوقار شخصیت کی پہچان ہے

جو لوگ دوسروں کے لیے اچھا گمان رکھتے ہیں ان کے دل زیادہ پرسکون، تعلقات زیادہ مضبوط اور زندگی زیادہ خوشگوار ہوتی ہے

ہم اکثر دوسروں کے بارے میں فیصلہ اپنی سوچ کی بنیاد پر کرتے ہیں، حقیقت کی بنیاد پر نہیں

کسی نے سلام نہ کیا
ہم نے سمجھ لیا وہ مغرور ہے

کسی نے فون نہ اٹھایا
ہم نے سمجھ لیا وہ ہمیں اہمیت نہیں دیتا

کسی نے اختلاف کیا
ہم نے سمجھ لیا وہ ہمارا مخالف ہے

حالانکہ حقیقت اس سے مختلف بھی ہوسکتی ہے

اس لئے اپنے دل کو حسنِ ظن سے آباد کیجیے اور معاشرے کا ماحول پرسکون و خوشگوار رکھنے کی کوشش کیجئے

ہمارے اچھے گمان محبت، ہمدردی، اخلاق، بہترین معاشرے کی امید اور علمی و اخلاقی تربیت کی راہیں کھول دیتے ہیں

پیج: علم و اخلاق

By
سید تسنیم شاہ
سٹوڈنٹ آف دی سنچری

ہمارے آج کے فیصلے اور اقدامات
ہماری نئی نسل کا کل اور مستقبل

ہم اکثر اپنی اولاد کے مستقبل کی فکر کرتے ہیں

لیکن حقیقت یہ ہے کہ ان کا مستقبل کل سے نہیں
بلکہ ہمارے آج سے شروع ہوتا ہے

اگر آج ہم نشے سے بچتے ہیں، تنازعات سے بچتے ہیں اور
ان کو محفوظ اور دانش مند ماں باپ کا تحفہ دیتے ہیں

تو

ہم ان کے لیے پرسکون اور ترقی و کردار والا گھر چھوڑتے کر جاتے ہیں

اگر آج ہم محنت، دیانت اور منصوبہ بندی سے اپنا مستقبل سنوارتے ہیں، اپنا ایک مؤثر اور مفید کیریئر بناتے ہیں

تو

کل ہم ان کی ضروریات زندگی بہتر انداز میں پوری کر سکتے ہیں اور ان کو بہتر صحت اور بہترین مستقبل دینے کے قابل ہوسکیں گے

اگر آج ہم اچھے اخلاق و کردار اختیار کرتے ہیں اور بہترین فیصلے کرتے ہیں تو کل ہماری اولاد ان بہترین تحائف کی وارث بھی بنے گی

اولاد صرف ہماری مال اور وسائل کی وارث نہیں ہوتی بلکہ ہمارے فیصلوں، عادات ، سوچ اور اخلاق و کردار کی بھی وارث ہوتی ہے

اس لیے اگر ہم اپنی اولاد کا کل بدلنا چاہتے ہیں تو ہمیں اپنا آج بدلنا ہوگا

ہمارا آج ہی ہماری اولاد کا کل ہے

پیج: علم و اخلاق

By
سید تسنیم شاہ
سٹوڈنٹ آف دی سنچری

اتحاد سے پہلے اخلاق نعروں سے زیادہ اہم اخلاقی تربیت

ہم اکثر کہتے ہیں کہ ہمیں اتحاد کی ضرورت ہے

یہ بات درست ہے

لیکن ایک سوال ہمیں خود سے پوچھنا چاہئیے

اگر ایک جگہ جھوٹ، غرور، بددیانتی، حسد اور بدزبانی جمع ہو جائیں تو کیا صرف اکٹھے ہو جانا مسئلے کا حل کہلائے گا؟

کیا اسے اتحاد کہنا بھی چاہئیے؟

اصل اتحاد تو دلوں کا ہوتا ہے اور دل اخلاق سے جڑتے ہیں صرف اکٹھے ہونے سے نہیں

جس معاشرے میں لوگ ایک دوسرے کا احترام کریں، سچ بولیں، انصاف کریں، معاف کرنا جانیں اور خیر خواہی کو اپنا شعار بنائیں، خود احتسابی کو اپنا زیور بنائیں وہاں اتحاد خود بخود پیدا ہو جاتا ہے

اس لیے قوموں کو صرف اتحاد کا نعرہ نہیں بلکہ اخلاق اور کردار کی بنیاد چاہیے اور علمی اور اخلاقی تربیت کو عام کرنے کی ضرورت ہوتی ہے

جہاں اخلاق زندہ ہوں وہاں اتحاد خود بخود وجود میں آتا ہے اور مضبوط ہوتا جاتا ہے

پیج: علم و اخلاق

By
سید تسنیم شاہ
سٹوڈنٹ آف دی سنچری