Syed Sarfaraz's Poetry

غزل

تنهنجي قاتل نگاهن جا نشائي کوڙ هوندا پر.
اسان به تنهنجا عاشق هون الاهي کوڙ هوندا پر.

قتل ڪيئي ڪيا هن تو پنهنجي قاتل ادائن سان
ڏيندا معصوم چهري جي گواهي کوڙ هوندا پر.

تنهنجو چهرو زيارت آ ڏسي ڪئي مون عبادت آ
وڃايا عمر جا لمحا اجائي کوڙ هوندا پر.

اسان تنهنجا ديوانا هون تڏهن توڙي ايندا آهيون
نتان هن شهر ۾ سهڻا ٻيائي کوڙ هوندا پر.

ڪيائون ڪارناما سڀ جڏهن ڏنگن ۾ طاقت هئن
چوندا اڄ نوجوانن کي چڱائي کوڙ هوندا پر.

آهي اڄ دور سوشل ميڊيا جو پيا ٿين وائکا
ويا هن ملڪ منهنجي کي ته کائي کوڙ هوندا پر.

تنهنجو سيد سلامي آ ڏيندو تنهنجي غلامي آ
سڄڻ"سرفراز"جي سڪ جا صدائي کوڙ هوندا پر.

(سرفراز جيلاني)

شعر
تيری تعریف کم نہیں ہوتی الفاظ کم ہوجاتے ہیں.
تجھ سے باتیں کرتے کرتے موضوع ختم ہوجاتے ہیں.
نہ جانے کون سا جادو ہے تیرے لہجے میں "سرفراز"
ھم تو تم کو سن کے تیری باتوں میں گم ہوجاتے ہیں.

شعر
سرفراز جيلاني

پنهنجي ويجهو ويهڻ جو موقعو ڏي.
دل جون ڳالهيون ڪرڻ جو موقعو ڏي
منهنجی ( سرفراز ) هڪڙي خواهش آ
پنهنجا هٿڙا چمڻ جو موقعو ڏي.

غزل
سرفراز جيلاني

عشق تنهنجو ڪمال ڪندو ويو
مونکي مون ۾ بحال ڪندو ويو

مان ته خود کان به بي خود هيس اڳ
تنهنجو جلوو جمال ڪندو ويو

مان منهنجو رکيو جي تو جاني
جيڪو آيو خيال ڪندو ويو

تو تڪيو جي مڙي موڏي مرڪي
هڪ تڪڻ سئو سوال ڪندو ويو

خال تنهنجو نه ڀربو ڪڏهن به
خال هڪ پيدا خال ڪندو ويو

تون رٺين ويو رسي مقدر مونکان
چال تي سڀڪو چال ڪندو ويو

تو جي چاهيو ته مان به نکري پيس
نينهن هي نئون نهال ڪندو ويو