Daily Report

نامزد امیدوار عوامی دست و بازوں سردار ثاقب نعیم برگیڈیئر ریٹائرڈ محمد خان کے حق میں اپنے کارکنوں عزیزوں کے ساتھ دستبردار ہو گئے۔

جنوبی باغ میں مسلم لیگ ن کو بڑا دھچکا،
سردار شیراز ایوب، سردار صابر صاحب، جاوید چغتائی (روالے) اور رولی نے اپنی سیاسی وابستگی ختم کرتے ہوئے
برگیڈیئر ریٹائرڈ ڈاکٹر محمد خان کے قافلے میں باقاعدہ حمایت کا اعلان بھی کر دیا گیا۔

باغ( وقار اختیار سے)
سابق وزیراعظم آزاد کشمیر سردار تنویر الیاس کی الیکشن 2026 کے سلسلے میں بھرپور انٹری، کارکنان نے انہیں ہاڑی گہل سے موٹرسائیکلوں اور سینکڑوں گاڑیوں کی صورت میں ایک بڑی ریلی کی شکل میں باغ الیکشن آفس تک پہنچایا۔ ریلی میں کارکنوں کی بڑی تعداد نے شرکت کی اور بھرپور جوش و خروش کا مظاہرہ کیا۔

باغ الیکشن آفس پہنچنے پر سردار تنویر الیاس نے کارکنوں سے خطاب کرتے ہوئے کہا کہ وسطی حلقہ خوش قسمت ہے کہ اس کے پاس میری صورت میں ایسا نمائندہ موجود ہے جو وزیراعظم یا صدر کے منصب تک پہنچنے کی صلاحیت رکھتا ہے۔ انہوں نے کہا کہ وسطی حلقہ کے عوام نے 2021 کے انتخابات میں انہیں کامیاب بنایا اور انہوں نے اپنے مختصر دورِ حکومت میں بھرپور کام کیے۔

سردار تنویر الیاس نے کہا کہ ان کا سب سے بڑا کارنامہ بلدیاتی انتخابات کا انعقاد تھا جو آزاد کشمیر میں 32 سال بعد ممکن ہوا، اور آج ہر یونین کونسل اور وارڈ میں ان کے منتخب نمائندے موجود ہیں۔ انہوں نے مزید کہا کہ محدود وقت کے باوجود انہوں نے عوامی خدمت کے متعدد منصوبے مکمل کیے، اگر انہیں مزید وقت ملتا تو وہ ریاست کو ایک مثالی اور خوبصورت خطہ بنا دیتے۔

انہوں نے اس عزم کا اظہار کیا کہ آئندہ انتخابات میں وسطی حلقہ ایک بار پھر انہیں کامیاب بنائے گا اور وہ آزاد کشمیر اور وسطی حلقہ کی بھرپور نمائندگی اور خدمت جاری رکھیں گے۔ انہوں نے کہا کہ وہ وسطی حلقہ سے ہی وزیراعظم بنے تھے اور دوبارہ بھی عوام کے اعتماد پر پورا اتریں گے۔