jirga Sector R SMT

شیخ ملتون ٹاؤن جرگہ کے مشران کی ڈی ایس پی سے ملاقات، سیکیورٹی و دیگر مسائل زیرِ بحث. ڈی ایس پی کا مسائل کو فوری ختم کرنے کی یقین دہانی
مردان:
شیخ ملتون ٹاؤن جرگہ کے مشران نے ڈی ایس پی شیخ ملتون ارشاد خان سے ملاقات کی، جس میں علاقے میں عوام کو درپیش سیکیورٹی مسائل، پیشہ ور بھکاریوں ، تیزرفتار اور ہیوی ٹرانسپورٹ اور لاؤڈ اسپیکر کے غیر قانونی استعمال جیسے اہم امور پر تفصیلی گفتگو کی گئی۔
اس موقع پر ڈی ایس پی ارشاد خان نے متعلقہ مسائل کے بروقت حل کے احکامات جاری کرتے ہوئے کہا کہ پولیس عوام کے جان و مال کے تحفظ کے لیے ہمہ وقت تیار ہے۔ انہوں نے عوام کے تعاون پر شکریہ ادا کیا اور یقین دہانی کرائی کہ شیخ ملتون ٹاؤن میں امن و امان کو یقینی بنایا جائے گا۔
جرگہ مشران نے شیخ ملتون ٹاؤن کے اندر بڑی گاڑیوں کے داخلے اور پیشہ ور گداگروں پر پابندی عائد کرنے کا مطالبہ بھی کیا۔
جرگہ مشران میں میاں الطاف باچا خالد خان یوسفزئی اور دیگر شامل تھے، جنہوں نے ڈی ایس پی شیخ ملتون کا شکریہ ادا کیا۔
ملاقات میں ڈاکٹر سلیم، ڈاکٹر مختیار، انجینئر ممریز خان، ظفر خان یوسفزئی، عارف خان، عماد اکبر صدیقی، افضل خان لالا، اجمل خان,میاں صفیان اور شاہد خان بھی موجود تھے۔

ADC (MARDAN) PD (MDA) visit sector R SMT
The visit was related to:
Development projects : Addressing issues in sector R
Infrastructure issues: Resolving problems like road conditions, water supply or drainage
Public grievances : Meeting residents to address concerns

مردان: شیخ ملتون ٹاؤن سیکٹر آر کے رہائشیوں کا ایک گرینڈ جرگہ منعقد ہوا، جس میں علاقے میں جاری ترقیاتی کاموں میں سست روی اور غیر اعلانیہ لوڈشیڈنگ پر شدید تحفظات کا اظہار کیا گیا۔
جرگے میں سیکٹر آر کے رہائشیوں کی کثیر تعداد نے شرکت کی۔ شرکاء نے اس امر پر تشویش کا اظہار کیا کہ ترقیاتی منصوبے مقررہ مدت کے باوجود مکمل نہیں کیے جا رہے، جس سے عوام کو شدید مشکلات کا سامنا ہے۔ جرگے نے مطالبہ کیا کہ سیکٹر آر میں جاری ترقیاتی کاموں کو جلد از جلد مکمل کیا جائے۔
شرکاء نے ڈپٹی کمشنر مردان کی جانب سے نامزد کردہ کمیٹی کے قیام کو خوش آئند قرار دیتے ہوئے اس بات پر زور دیا کہ تمام تعمیراتی کام BOQ (بل آف کوانٹیٹیز) کے مطابق شفاف انداز میں مکمل کیے جائیں۔
اس موقع پر جرگے کے فیصلے کے مطابق دس افراد پر مشتمل مجلسِ عاملہ قائم کی گئی، جس کے ممبران حاجی فضل اکبر، شاہد خان ، محمد امین، سہیل خان، ظفر علی یوسفزئی، ڈاکٹر سلیم، عبدالصبور، طاہرعلی اور پیر کمال مقرر کئے گئے جبکہ میاں الطاف حسین شاہ اور خالد خان یوسفزئی پر مشتمل دو رکنی سربراہی کمیٹی بھی تشکیل دی گئی۔ جرگہ نے متفقہ طور پر عماداکبر صدیقی کو ترجمان جبکہ شاہد خان کو سیکرٹری اطلاعات منتخب کیا۔
جرگے میں اس عزم کا اعادہ کیا گیا کہ علاقے کے لوگ غمی و خوشی کے مواقع پر ایک دوسرے کے ساتھ تعاون، اتحاد اور برادری کے جذبے کو فروغ دیں گے اور اجتماعی مسائل کے حل کے لیے مشترکہ جدوجہد جاری رکھیں گے۔