Exploring With Rana

#آمین

مولانا طارق جمیل کے صاحبزادے، یوسف جمیل کی وضاحت:

"مولانا طارق جمیل صاحب کی عمر 70 سال سے زائد ہے۔ مسلسل اور کثرت سے مصافحہ کرنے کی وجہ سے انہیں شولڈر فریز (کندھے کی تکلیف) کا مسئلہ بھی رہا، جس کے بعد انہوں نے یوگا بھی شروع کیا۔ یقیناً انہیں بچے سے مصافحہ کر لینا چاہیے تھا، لیکن اگر اُس وقت وہ ایسا نہ کر سکے تو وہ بھی آخر انسان ہیں، کبھی طبیعت یا صحت کی وجہ سے بھی مشکل پیش آ سکتی ہے۔

عام طور پر مولانا صاحب 99.99 فیصد لوگوں سے مصافحہ کرتے ہیں، سیلفیاں بنواتے ہیں اور آخری شخص سے ملاقات ہونے تک کھڑے رہتے ہیں۔"

مصنوعی پریشانیوں میں جینا چھوڑ دیجیے…

حضرت عروہ بن زبیرؒ کی ٹانگ بیماری کے باعث کاٹ دی گئی، اور اسی دن اُن کے سب سے محبوب بیٹے کا انتقال بھی ہوگیا۔ مگر اُنہوں نے صبر کے ساتھ کہا:

“اے اللہ! تیرا شکر ہے۔ تو نے سات بیٹے عطا کیے تھے، ایک واپس لے لیا۔ چار اعضاء دیے تھے، ایک لے لیا۔ اگر تُو آزماتا ہے تو بے شمار نعمتیں بھی عطا فرماتا ہے، اور اگر کچھ لے لیتا ہے تو بہت کچھ باقی بھی رکھتا ہے۔”

یہ صرف صبر نہیں تھا… یہ اپنے رب کی رضا پر راضی رہنے کا اعلیٰ مقام تھا۔

ایک مرتبہ حضرت عروہؒ نے ایک بوڑھے شخص کو دیکھا جس کی بینائی جا چکی تھی اور چہرہ زخمی تھا۔ اُس نے بتایا:

“ایک رات سیلاب آیا۔ میرا مال، مویشی اور پوری اولاد بہہ گئی۔ صرف ایک بچہ اور ایک اونٹ باقی بچے۔ اونٹ بھاگا تو میں اُس کے پیچھے دوڑا۔ اتنے میں بچے کی چیخ سنائی دی۔ پلٹ کر دیکھا تو بھیڑیا اُسے لے جا چکا تھا۔ پھر اونٹ نے ایسی لات ماری کہ میرا چہرہ زخمی ہوگیا اور آنکھوں کی روشنی بھی چلی گئی۔”

حضرت عروہؒ نے پوچھا:
“اتنی آزمائشوں کے بعد تم کیا کہتے ہو؟”

وہ بولا:
“میں آج بھی اللہ کا شکر ادا کرتا ہوں کہ اُس نے مجھے زندہ دل اور ذکر کرنے والی زبان عطا کر رکھی ہے۔”

یہی حقیقی صبر ہے…

آج ہم معمولی پریشانی، تاخیر، ناکامی یا دل ٹوٹنے پر خود کو دنیا کا سب سے بڑا مظلوم سمجھنے لگتے ہیں، حالانکہ ہم:

• اپنے گھروں میں محفوظ ہیں
• کھانا کھاتے ہیں
• سکون سے سوتے ہیں
• اپنے پیاروں کے ساتھ ہیں
• چل پھر سکتے ہیں
• ہنس سکتے ہیں
• اپنی مرضی سے زندگی گزار سکتے ہیں

پھر بھی اکثر زبان پر یہی شکوے ہوتے ہیں:
“زندگی بہت مشکل ہے…”
“میں بہت تھک گیا ہوں…”

ذرا سوچیں…
ہم اکثر اُن نعمتوں کو بھول جاتے ہیں جو ہمارے پاس موجود ہیں، اور صرف اُس چیز کے غم میں مبتلا رہتے ہیں جو ہمارے پاس نہیں۔

غموں میں خود کو قید مت کیجیے۔
ظلم کے خلاف آواز اٹھانا ضروری ہے، حق کا ساتھ دینا ضروری ہے… مگر اپنے رب کی نعمتوں کو بھول جانا ناشکری ہے۔

جو دے تو اُس کا کرم،
جو لے تو اُس کی حکمت۔

اگر اُس نے چار میں سے ایک عضو لیا ہے تو باقی تین اب بھی شکر مانگتے ہیں۔
اگر سات بیٹوں میں سے ایک کو بلایا ہے تو باقی کی عافیت بھی رحمت ہے۔

مصنوعی پریشانیوں کے زندان سے باہر آئیے…
کیونکہ جہاں آزمائش ہوتی ہے، وہیں اللہ کی رحمت اور معیت بھی ہوتی ہے۔

الحمدللہ رب العالمین

#الحمدللہ