GloveBeauty

بتغسلي شعرك ورأسك لتحت… وفروة راسك لسه دهنية وأطرافه ناشفة؟ 👀
يمكن مش محتاجة شامبو أكتر؛ يمكن محتاجة توصليه للفروة وتوزعيه صح.

💧 بللي شعرك كويس بمية فاترة، وقسميه خصل لو كثيف.

🫧 الشامبو للفروة. لو صعب توزيعه، خففي كمية الغسلة بشوية مية في أداة نظيفة قبل الاستخدام. استخدميها وقتها، وما تخففيش العبوة وتخزنيها. دلكي بأطراف صوابعك واشطفي كويس.

✋ ما تفركيش أطوال الشعر بالشامبو، وما تكوميش الخصل المبلولة وتفركيها ببعض؛ اتعاملي معاها برفق.

🧴 البلسم أو حمام الكريم على الأطوال والأطراف حسب تعليمات المنتج، وابعديه عن الفروة إلا لو مناسب لها.

لو القشرة بتتكرر، اختاري شامبو علاجي مناسب واتبعي نشرته. السالسيلك أسيد يساعد مع القشور، والكيتوكونازول—زي نيزورال—يُستخدم للقشرة والتهاب الجلد الدهني. راجعي نشرة المنتج؛ التعليمات بتختلف.

🧕🏻 لو محجبة، جففي فروة راسك كويس قبل تغطية شعرك. الحجاب وحده مش تشخيص، والريحة المستمرة أو الحكة والاحمرار تستدعي استشارة طبيب جلدية.

احفظي الخطوات لغسلتك الجاية 🎀
وإيه أكتر خطوة كانت ملخبطة عندك: الشامبو ولا البلسم؟

صيدلانية صديقتك
د. دعاء 🎀



‏

المكالمة بدأت باتنين… بس ما انتهتش باتنين 👀

📌آه صحيح …حبيت اشارك معاكم الأرقام 👀:

في دراسة ATTAIN‑MAINTAIN، المشاركون اللي وصل وزنهم لمرحلة ثبات وانتقلوا إلى Orforglipron احتفظوا بمتوسط:

• 79.3% من نزولهم السابق بعد Wegovy
• 74.7% من نزولهم السابق بعد Tirzepatide

وده خلال 52 أسبوعًا.

لكن دي نتائج دراسة على مجموعة محددة، مش نتيجة مضمونة لكل شخص، ومش معناها إن التبديل يتم تلقائيًا أو من غير متابعة.

الاختيار والانتقال بين الأدوية لازم يكونوا مع الطبيب حسب حالة كل مريض.

صيدلانية صديقتك
د. دعاء 🎀

المصدر: ATTAIN‑MAINTAIN، Nature Medicine 2026 — NCT06584916

تعالوا نتخيل إن طبقات بشرتنا حكاية من حكايات ألف ليلة وليلة…

يا ترى كل صفحة مخبية إيه؟ 👀📖

كملي الريل للآخر… ولو عايزة تتعرفي على نمط بشرتك، اكتبي «بشرتي» في الكومنتات وهبعتلك اختبار «بصمة بشرتك» المجاني 🎁

صيدلانية_صديقتك_دعاء #

مش كل نقطة سودا على أنفك معناها إن بشرتك مش نضيفة 👀

لو دي رؤوس سودا فعلاً… دوري في المكونات على:

Salicylic Acid أو BHA ✨

لأنه بيذوب في الدهون، فبيساعد على تقشير الخلايا المتراكمة وفك الانسداد داخل المسام؛ وده بيخليه اختيارا مناسباً للرؤوس السودا.

👀 والمعلومة اللي ممكن تكون جديدة عليكي:

لونها الأسود مش وساخة!

محتوى المسام بيتغير لونه لما يبقى مكشوفا للهوا، مش لأن بشرتك مش نضيفة.

📌 ابدئي باستخدامه بالتدريج حسب تعليمات المنتج.
📌 متجمعيش بينه وبين مقشرات تانية من البداية.
📌 استخدمي بعده مرطبا مناسباً.
📌 والصبح واقي الشمس أساسي بليز 🙏🏻

وارجوكي متعصريهاش بإيدك؛ علشان متسببيش التهاب أو آثار.

📎 ولو النقط صغيرة ومتساوية وبتظهر تاني بسرعة، فممكن تكون خيوط دهنية طبيعية مش رؤوس سودا؛ نقدر نقلل شكلها، لكن مش نلغيها نهائياً.

🤔 تحبي أوريكي الفرق بينهم بالصور؟
اكتبيلي «الفرق» 👀

صيدلانية صديقتك د. دعاء 🎀

لو عاملة جل لظوافرك دلوقتي، احفظي الكابشن ده قبل ميعاد الإزالة 🤍

لأن أظافرك لو بقت رقيقة أو بدأت تتقشر بعد الجل، الحل مش إنك تغطيها بسرعة بطبقة جديدة… اديها فرصة ترتاح، وتعالي أقولك تعملي إيه خطوة بخطوة:

1️⃣ الإزالة الصح هي البداية

شيلي الجل بالطريقة المناسبة لنوعه، وبلاش تشديه أو تقشريه؛ لأنك ممكن تشيلي معاه طبقات من الظفر نفسه.

2️⃣ قصريها مؤقتًا

الأظافر الطويلة والضعيفة بتتكسر بسهولة، فقصريها شوية وابردي الحواف بلطف… من غير كشط أو برد عنيف لسطح الظفر.

3️⃣ الترطيب كل يوم 💧

حطي زيت أو مرطب على الجلد المحيط بالأظافر ودلكيه بهدوء، واستخدمي كريم يدين بعد كل غسيل.

الترطيب بيساعد على تقليل الجفاف وتحسين مرونة الظفر والجلد المحيط، لكنه مش هيعيد بناء الجزء التالف فورًا.

4️⃣ وTea tree oil؟ 🌿

ممكن تختاري زيت أظافر جاهز يكون فيه Tea tree oil بتركيز آمن؛ لأنه معروف بنشاطه ضد بعض الميكروبات.

لكن دي خطوة إضافية للعناية، مش علاجًا مؤكدًا للفطريات. ومتستخدميش الزيت العطري المركز مباشرة؛ لأنه ممكن يسبب تهيجًا أو حساسية.

ولو مش موجود، مش محتاجة تستبدليه بمكون «مطهر» تاني؛ زيت ترطيب بسيط للجلد المحيط بالظفر يحقق الهدف الأساسي. ومستخلص الشاي الأخضر مش بديلًا مباشرًا ليه.

5️⃣ احمي إيدك من الماء والمنظفات 🧤

البسي قفازات وقت التنظيف أو التعامل الطويل مع الماء؛ لأن تكرار البلل والجفاف ممكن يزود هشاشة الأظافر.

قبل ما تشتري المنتج الجاي… عرفتي بشرتك محتاجة إيه أصلًا؟ 👀