ShwePhyu Accessories

သင့်ဘဝရှိနေသ၍ အသက်ရှူနေသ၍ ငွေကလိုအပ်တယ်

ကျွန်မဘဝမှာ ချမ်းသာတယ်ဆိုလို့
မေတ္တာတရားနဲ့ ကိုယ်ခြင်းစာစိတ်လေးပဲချမ်းသာပါတယ်။

ကျွန်မ ရွှေတွေငွေတွေအများကြီးရှိချင်တာပေါ့၊ ကျွန်မမှာမရှိရင် လူတွေကျွန်မကို ဘယ်လို ဆက်ဆံတယ်ဆိုတာလည်းသိနေတာပဲလေ။

ဒါပေမဲ့ ကျွန်မက ကိုယ့်မှာရှိတာလေးနဲ့ ရောင့်ရဲနေနိုင်တဲ့သူတစ်ယောက်ပါ။ လောဘနည်းရင် ဒေါသမဖြစ်ကြတော့
အမုန်းမပွားကြရတော့ဘူးပေါ့။ဒါ‌ကြောင့်လောဘမဖြစ်မိအောင်နေပါတယ်။

ဒါဆိုရင် နင်ကငွေကမလိုတော့ဘူးလား ငွေမရှိပဲနေနိုင်သလားလို့မေးလာရင်၊ ကျွန်မ ဘဝမှာ ငွေမရှိပဲကျွန်မ
မနေနိုင်ပါဘူး။ လူ့ဘဝကြီးမှာ မစားမသောက်ပဲအသက်ရှင်လို့မှမရတာလေ..အတင်သင့်သလောက်‌ တော့ငွေကအမြဲရှိနေဖို့လိုအပ်တယ်။
ငွေက ဘယ်လောက်ရှိဖို့လိုသလဲ.. ဘယ်အချိန်ထိလိုအပ်နေမလဲဆိုရင် ကျွန်မတို့ သေဆုံးအချိန်ထိပါပဲ။

" #သင့်ဘဝရှိနေသ၍အသက်ရူနေသ၍ #ငွေကလိုအပ်ပါတယ်"💸

#ငွေရဲ့တန်ဖိုး

အိမ်ရှင်မတစ်ယောက်ရဲ့ အားလပ်ချိန်ဆိုတာ… 🤍

သူများတွေအတွက် အားလပ်ရက်ဆိုတာ
ခရီးထွက်တာ၊ အပန်းဖြေတာ၊ ပျော်ပွဲစားထွက်တာ ဖြစ်ကောင်းဖြစ်နိုင်ပါတယ်။

အိမ်ရှင်မတစ်ယောက်ရဲ့ အားလပ်ရက်ကတော့…
မနက်စာချက်ပြီးတာနဲ့ နေ့လယ်စာအတွက် စဉ်းစားရတယ်။
အဝတ်လျှော်ပြီးတာနဲ့ အိမ်သန့်ရှင်းရေးလုပ်ရတယ်။
တစ်ခုလုပ်ပြီးတိုင်း နောက်ထပ်လုပ်စရာတစ်ခုက အသင့်စောင့်နေတတ်ပါတယ်။

တစ်ခါတလေ ကော်ဖီတစ်ခွက်ဖျော်ပြီး
အေးအေးဆေးဆေးထိုင်မယ်လို့ စိတ်ကူးထားပေမယ့်…
ကော်ဖီအေးသွားတဲ့အထိ မသောက်ဖြစ်သေးတဲ့နေ့တွေလည်း ရှိပါတယ်။ ☕️😄

အိမ်ရှင်မတစ်ယောက်ရဲ့ အားလပ်ချိန်ဆိုတာ
ဘာမှမလုပ်ဘဲ နားနေရတဲ့အချိန်မဟုတ်ဘူး။
ကိုယ့်အတွက် ခဏလေးကော်ဖီတစ်ခွက်နဲ့ စိတ်ကိုအနားပေးရတဲ့တန်ဖိုးရှိတဲ့ အချိန်လေးပါ။

#အိမ်ရှင်မ

အိမ်ထောင်ရေးတွေ တော်တော်များများ ဘာကြောင့်ပြိုကွဲနေကြတာလဲ?

အိမ်ထောင်တစ်ခု ပြိုကွဲသွားတာဟာ တစ်ရက်တည်း
နဲ့ဖြစ်ပျက်သွားကြတာ မဟုတ်ပါဘူး။

ဘာမှမဟုတ်ပါဘူးဆိုတဲ့ သေးသေးလေးတွေကို
" ငါမပြောလည်း ရတယ်" ဆိုပြီးတစ်ယောက်တည်းစိတ်ထဲ ကြိတ်မှိတ်သီးခံ ပြီးစုထားရာကနေ တစ်နေ့မှာ အဲ့ဒီ သေးသေးလေးတွေကပဲအကြီးကြီး ဖြစ်လာကြတာပါ။

တော်တော်များများ ပြိုကွဲရတဲ့ အကြောင်းရင်းတွေ
တွေ့ရ‌သလောက်ကတော့

! တစ်ယောက်နဲ့တစ်ယောက်စကားမပြောတော့တာ
! တစ်ယောက်ကိုတစ်ယောက် နားမလည်ပေးတော့တာ
! တယောက်ကိုတစ်ယောက် လေးစားမှု လျော့လာတာ
! ယုံကြည်မှု တွေမရှိကြတော့တာ
! အလုပ်များတာကို အကြောင်းပြပြီး တစ်ယောက်ကိုတစ်ယောက်မေ့လာတာ ကိုယ်နေချင်သလိုမျိုးနေသွားကြတာပါ

တချို့အိမ်ထောင်ရေးတွေကျတော့
ရန်ဖြစ်လို့ ပြိုကွဲသွားတာမျိုး မဟုတ်ပဲ

တိတ်ဆိတ်လွန်းလို့ ခံစားချက်တွေကို မျှဝေမယ့်သူ နားထောင်ပေးမယ့်သူ မရှိတော့လို့."အဆင်ပြေပါတယ်" ဆိုတဲ့ စကားရဲ့အနောက်က တိတ်တဆိတ် နဲ့နာကျင်မှုကို မမြင်ပေးတတ်ကြတော့လို့ပါ။

အချစ်တစ်ခုကိုပြတယ်ဆိုတာ ငါကနင့်ကိုဘယ်လောက်ထိချစ်တာပါဆိုပြီး အမြဲတမ်း ကြီးကြီးမားမားတွေနဲ့ အပေါ်ယံတမင်တကာ လုပ်ယူပြီးသက်သေပြနေဖို့ မလိုပါဘူး။

ဒါပေမယ့်...တကယ်လုပ်ဖို့လိုတာတွေက
အပြန်အလှန် လေးစားမှုရှိပေးတာမျိုးပါ
သူပြောချင်တဲ့စကားကို သေချာနားထောင်ပေးလိုက်တာမျိုး
သူ့ရဲ့ယုံကြည်မှုတွေအပေါ် တန်ဖိုးထားပေးတာမျိုး
အဲဒါတွေကို အမြဲတမ်းထိန်းသိမ်းပေးတတ်ကြဖို့လိုပါတယ်။

အိမ်ထောင်တစ်ခု"ကံကောင်းတယ်"ဆိုတာထက်
နှစ်ယောက်လုံးက အပြန်အလှန်နားလည်မှုနဲ့ ကြိုးစားပြီထိန်းသိမ်းထားကြလို့တည်မြဲကြတာ ပိုများပါတယ်။

#အိမ်ထောင်ရှင်တိုင်းထာဝရလက်တွဲမြဲနိုင်ကြပါစေ..
#ရွှေဖြူ

စိတ်လေးကိုအနားပေးပါ ခရီးထွက်ပါ

ရွှေဖြူ တို့ရဲ့ဘဝမှာ စိတ်‌တွေပင်ပန်းလာတဲ့အခါ
အားလုံးကို စွန့်လွှတ်ဖို့ ထားခဲ့ဖို့အထိ မလိုပါဘူး။
နေရာလေးတစ်ခု ပြောင်းပြီး ခဏအနားယူကြည့်လိုက်ပါ။

တောင်တန်းလေးတွေဆီသွားပါ။
လေ‌ပြေအေးအေးလေးတွေကို တဝကြီးရှူပါ။
သစ်ပင်အရိပ်အောက်နားလေးမှာ အေးဆေးထိုင်ကြည့်ပါ။ ကိုယ်ကြိုက်တဲ့ကော်ဖီလေးတစ်ခွက် စာအုပ်လေးတစ်အုပ်နဲ့ လှပတဲ့မြင်ကွင်းလေးတွေကို ငေးကြည့်ပါ။

ခရီးထွက်ခြင်းဟာ ဘဝထဲကပြဿနာတွေကိုရင်မဆိုင်ချင်တော့လို့ ရှောင်ထွက်ခိုင်းတာမျိုးမဟုတ်ပါဘူး။
မောပန်းနေတဲ့ကိုယ်စိတ်‌လေးကို အားပြန်ဖြည့်ပေးလိုက်တာပါ။ကိုယ်မရောက်ဖူးသေးတဲ့ နေရာလေးတစ်ခု
ကို သွားလိုက်ရတာကလည်း ခရီးထွက်တာပါပဲ။

တချို့ခရီးတွေက အမှတ်တရ‌လေးတွေ ရစေတယ်။တချို့ခရီးတွေက တန်ဖိုးရှိတဲ့ဘဝသင်္ခန်းစာတွေ ပေးတယ်။တချို့ခရီးတွေကတော့ မေ့နေခဲ့တဲ့ ကိုယ့်ကိုယ်ကို ပြန်တွေ့စေတယ်။

ငါတော့ အချိန်တခုရမှ ခရီးထွက်မယ်လို့ မစောင့်နေပါနဲ့။
ကိုယ့်အတွက် အချိန်ဖယ်ထားပြီး အရွယ်ရှိတုန်းမှာ သွားလာနိုင်တုန်းလေးမှာ ခရီးထွက်ပါ။
🤍

စိတ်‌လေးကိုအနားပေးပါ။
အမှတ်တရအသစ်လေးတွေဖန်တီးပါ။
ခရီးထွက်ပါ။

#ခရီးထွက်ပါ #စိတ်အေးချမ်းမှု #သဘာဝအလှ #ဘဝနေထိုင်မှု