Daktari JAMII.

USALAMA WA MBOGA ZA MAJANI.
Mboga za majani ni miongoni mwa vyanzo vikubwa vya vitamini na madini, aina mbalimbali za vitamini hupatikana katika mboga za majani k**a vile Vitamini A, B, K na Karotini.
Mboga hizi zimekuwa ni chanzo pia ambacho kinaweza kusababisha magonjwa hatari sana kutokana na jinsi zinavyolimwa na kumwagiliwa kemikali zitumikazo kuondoa au kuzuia mashambulizi ya wadudu mbalimbali. Kemikali hizi zimekuwa zikiliwa na watu wengi sana bila kujua ama kwa kujua hasa watu wanaoishi mijini, kwa kiwango kidogo watu wa vijijini kwa sababu matumizi yake ni kidogo.
Kemikali hizi zinaweza kusababisha magonjwa k**a Saratani ya koo, tumbo, ini n.k, lakini pia zinaweza kusababisha madhara makubwa kwa mtoto kwa mama mwenye ujauzito.
Kuna njia moja rahisi leo ambayo nitakufundisha na kukuelekeza ambayo ni nyepesi kwa ajili ya kuziondoa hizo kemikali kabla ya kuzipika, njia hii unaweza kuitumia mahali popote ulipo.
Kemikali hizi unaweza kuzitoa kwa njia hii, andaa maji kisha weka kwenye beseni kulingana na wingi wa mboga zako harafu chukua mkaa(activated charcoal) weka ndani ya maji hayo. Subili baada ya dakika kumi hadi kumi na tano zitoe mboga zako lakini hakikisha umeziweka baada ya dakika tatu hadi tano ukishamaliza kuweka mkaa wako mweusi.
Mkaa mweusi(activated charcoal) huondoa kemikali zate ambazo ni sumu kwenye mboga zako, lakini pia kuna sumu ijulikanayo kwa jina la Aflotoxin A, hupatikana kwenye mboga pia na yenyewe huondolewa kabisa.
Baada ya mda huo ziondoe mbaga zako kwenye maji kisha zioshe kwa maji mengine safi na salama harafu zitakuwa tayari kwa kupikwa na kuliwa.
Kwa hiyo njia hii ni nyepesi na inaweza kutumika na mtu yeyote hata k**a ana kiwango cha chini kiuchumi au hajiwezi kwani gharama zake ni ndogo mno wakati mwingine hakuna gharama kabisa.

Endelea kuwa pamoja nasi na usichoke kutembelea ukurasa huu kwani tutaendelea kukujulisha na kukuhabarisha.
daktarijamii.blogspot.com
Mawasiliano 0757467568. Pascal Misili.DDS Muhimbili University

FOUNDERS QUOTES.
:DAKTARI JAMII:

IF YOU EAT RIGHT, AND YOU PREPARE YOUR FOOD WELL, YOU HAVE A BETTER MUCH CHANCE OF HAVING A GOOD HEALTH.

Ndugu msomaji wetu, karibu tena tujifunze habari njema juu ya afya ya miili yetu.Nia na madhumuni yetu ni kuboresha afya yako kwa kukupatia elimu stahiki itakayo kusaidia kufanya maamuzi yako katika kila jambo kwa kuzingatia kanuni bora za afya.Matunda ni sehemu muhimu sana ya mlo uliokamilika kwa binadamu kwa sababu ya virutubisho vilivyo ndani yake.Katika matunda peke yake iko hazina kubwa ya tiba kwa magonjwa mengi, hasa yanayoonekana kuwa sugu katika jamii yetu.



Leo tutazungumzia ndizi, tunda linalopatikana kwa urahisi sana hapa Tanzania na miujiza iliyopo ndani yake. Watu wengi hawatumii ndizi k**a sehemu yao ya chakula badala yake hutumia sana wanapokuwa wagonjwa k**a aina ya chakula laini ambacho mgonjwa mgonjwa hula baada ya kushindwa kutumia chakula kigumu kwa sababu ya matatizo ya kiafya.Pia jamii imejikita sana katika utumiaji wa vyakula k**a chipsi kwa sababu ya utamu wake, hivyo watu wanapata magonjwa kwa kukosa virutubisho muhimu katika miili yao kutokana na kuamua kula vyakula kwa sababu ya radha yake bila kujali kuwepo au kutokuwepo kwa virutubisho bora.

Ndizi ni tunda ni moja ya matunda muhimu sana katika afya ya binadamu duniani, ndizi husheheni virutubisho vifuatavyo; Vitamini B6 kwa asilimia 25, Vitamini C kwa asilimia 14, Ufumwele(fibre) kwa asilimia 11, madini ya manganese kwa asilimia 14,copper kwa asilimia 10, biotini kwa asilimia 10 na potasiamu kwa asilimia 9. Pia ndizi huwa na protini inayoitwa tryptophan pamoja na aina tatu muhimu sana za sukari zinazojulikana kitaalamu k**a glucose,fructose na sucrose.
Visheheni vilivyomo katika ndizi ni vingi na ndivyo vinavyolifanya tunda hili liwe na umuhimu mkubwa sana katika afya ya bianadamu.Sasa nitaeleza umuhimu na maajabu ya tunda hili katika afya zetu;
Uwepo wa sukari katika ndizi huipa uwezo mkubwa wa kuongeza na kuimarisha nishati ya mwili. Unaweza kupata nishati ya kufanyakazi ya muda wa dakika 90 kwa kula ndizi mbili tu. Miili yetu hutumia sukari ili kuzalisha nguvu na nishati.Ubongo pia hutumia sukari aina ya glucose katika kuzalisha nguvu zinazotusaidia kufanya mambo yote yanayohusisha akili hasa katika kufanya maamuzi, kusoma, kuelewa na ubunifu, sukari hii ipo kwenye ndizi!!.Wanamichezo pia wanahitaji nguvu ya kutosha, hivyo ndizi ina msaada mkubwa sana kwao.
Ndizi husaidia kuondoa mfadhaiko wa akili (depression) kwa sababu ina protini iitwayo tryptophani ambayo hubadilishwa ndani ya mwili na kuwa serotonini.Serotonin humsaidia mtu awe na furaha,faraja na utulivu.Jamii yetu imekumbwa na wimbi kubwa la matatizo ya akili k**a vile misongo ya mawazo, mashaka, wasiwasi, kuchanganyikiwa (confusion) na mfadhaiko na kukata tamaa.Tunda la ndizi linao muujiza kwa kurejesha afya ya akili zetu, hivyo anza kutumia ndizi ili kuimarisha akili yako na kuongeza ufanisi katika kazi zako na mahusiano ya watu wanaokuzunguka.
Shinikizo kubwa au dogo la damu ni hatari sana katika afya zetu kwa sababu ni kisababishi kikubwa cha magonjwa ya moyo. Ndizi hutusaidia kuwa na shinikizo la kawaida la damu na hivyo hutukinga na hatari ya magonjwa ya moyo. Hii ni kwa sababu ya uwepo wa madini ya potasiamu(9%) na sodium yenye mchango mkubwa katika utendaji kazi bora wa moyo.
Ndizi husaidia katika mmeng'enyo bora wa chakula tumboni kwa kuwa husheheni Ufumwele(fibres).Ufumwele husaidia kuepukana na choo kigumu (constpation) pia.
Upungufu wa damu mwilini huweza kuepukwa kwa kutumia ndizi kwa sababu ya uwepo wa madini ya chuma kwenye ndizi yenye mchango mkubwa katika utengenezaji wa damu ndani ya mwili. Pia ndizi hutatua matatizo ya hedhi kwa wanawake kwa kuwa ina vitamini B6 inayorekebisha kiwango cha sukari ndani ya mwili pia husaidia kupunguza maumivu ya vidonda vya tumbo kwa kupunguza asidi tumboni.
Namna unavyokula huathiri sana afya yako, unaweza usione matokeo yake papo kwa papo lakini mara yanapodhihirika huwa ni ya uhakika. Je!, hukuwahi kujua maajabu hayo ya ndizi katika afya yako?, hukuwa unapenda kutumia ndizi kwa sababu hukujua ina mchango gani katika afya yako? habari njema ni kwamba; unaweza kuianza safari kuelekea kwenye afya na uzima kwa kuchagua kula ndizi mara kwa mara.
Natanguliza shukrani zangu za dhati kwako msomaji. Bwana akubariki.
Na,
LAMECK I MANYANDA (MD1, MUHAS)
[email protected]
Simu; 0621075779

ASILI YA AFYA YA MWANADAMU

MAMBO MUHIMU KATIKA AFYA ZETU KIASILIA.
Watu wengi wamekuwa na dhana kwamba Wanasayansi na Madaktari hawatambui uwepo wa nguvu asilia yaani Mungu katika maisha yao, hii ni dhana ambayo ni POTOVU. Ipo mifano mingi ya wanasayansi ambao walifanikiwa katika utafiti wao lakini bado walikuwa wakiishi na kumtegemea Mungu; Sir ISAAC NEWTON, GREGOR MENDEL nk.

Tokeo la picha la image of isaac newton
Katika uhusiano na asilia muumbaji alichagua kwa wazazi wetu mazingira ambayo yalikuwa vyema kwa ajili ya afya zao na furaha, hakuwaweka katika mazingira yasiyostahiki yenye mapambo na anasa k**a wengi wanavyotafuta leo. aliwaweka katika mazingira asilia yenye kujaa hewa safi na mazingira safi bila uwepo wa uchafu wa aina yoyote. Bustani iliyokuwa imeandaliwa vizuri yenye majani na miti ya kupendeza katika macho, matunda laini, wanyama na ndege wa kila aina hii ndio asilia halisi katika maisha yetu na muhimu katika afya zetu.
Picha inayohusiana

Magonjwa hayawezi kuja bila sababu, huandaliwa na jinsi tunavyoyakaribisha kwa kuvunja sheria na kanuni za afya. Uvunjaji wa sheria asilia inatoa matokeo sahihi na magonjwa yanapokuja kwao, wengi hawawezi kuonyesha uhalisia wa sababu ya magonjwa hayo bali hulalamika kwa kumuumba wao kutokana na hisia zao binafsi, lakini Mungu hahusiki na magonjwa hayo bali ni uvunjifu wa kanuni asilia za afya.
Picha inayohusiana Wengi husababisha wao wenyewe kuugua kwa kufanya kazi kupita kiasi, kwa hiyo kupumzika, uhuru wa kujijali, na chakula bora ni mambo muhimu kwa ajili ya kurudisha afya bora [MH].
Katika afya na kuugua maji safi ni asilia safi iliyochaguliwa na Mungu kwa ajili ya kudumisha afya bora. Tokeo la picha la pure water images Maji ni kinywaji chenye kutoa kiu kwa wanyama na binadamu , matumizi ya maji kwa watu wengi hayajulikana k**a yanaweza kutumika kwa ajili ya kutibu mabadiliko ya namna mwili unavyotenda kazi, kupunguza uzito, kuboresha muzunguko wa damu, mfumo wa chakula na kupunguza joto la mwili.
Maofisa, wanafunzi, walimu, matabibu na wengine wenye kazi za kutumia ubongo wengi huugua magonjwa kwa sababu ya kufanyisha kazi ubongo kupita kiasi na bila kupumzishwa kwa mazoezi.

Katika historia Amerika ya mashariki jamii iliyokuwa ikiishi huko haikuwa na historia ya Tokeo la picha la candy food images magonjwa k**a vile Kansa, kisukali na magonjwa ya moyo kwa sababu walikuwa wakidumu katiaka kutumia vyakula vyao vya asilia pasipo utumiaji wa pombe, sigara, na vyakula vya kisasa vijulikanavyo k**a junk au Candly food., lakini baada ya muingiliano na jamii ya Amerika ya magharibi ambayo vyakula asilia vimesahaurika kwa muda mrefu jamii hiyo ilianza kuugua magonjwa hayo.
Hii ndio asili sahihi ya mwanadamu; vyakula vya asili ndio vyakula pekee ambavyo vinaweza kutufanya tusipate magonjwa yasiyotibika k**a kansa na mengine yatokanayo na mitindo ya maisha.
Tunaishauri jamii yetu kujiepusha na utumiaji wa vyakula visivyo vya asili kupita kiasi kwani madhara yake hujitokeza baadae katika maisha kwa kuugua magonjwa yasiyotibika k**a kansa hasa umri kuanzia miaka ya 40 na kuendelea.Cereals Nafaka k**a mahindi, mtama. ulezi, ngano, kunde, njegere, maharage, karanga, uwele, mchele, njugu, alizeti, nk ni muhimu sana katika afya zetu matunda na mboga za majani ndivyo vyakula pekee ambavyo vinausaidia mwili kupambana na magonjwa na kuboresha kinga yake dhidi ya magonjwa nyemelezi. maji safi na mazoezi ndizo kanuni muhimu za afya. Afya bora kwa familia yenye furaha
Tokeo la picha la happy family images Africam

Hivyo jamii yetu tunaishauri irudi kwenye asili sahihi ya vyakula k**a matunda, nafaka, na mafuta yatokanayo na alzeti pamoja na karanga

by
Paschal Misili [DDS1 MUHAS]
[email protected]
mobile;0757467568
And
Lameck Manyanda (MD1 MUHAS)
[email protected]
daktarijamii.blogspot.com

KANUNI MUHIMU ZA AFYA YA JAMII YETU ZINAPASWA KUZINGATIWA.
Aneth, msichana mdogo mwenye umri wa miaka kumi na nne(14), alikuwa katika dimbwi zito la huzuni na majonzi akilia kwa uchungu hasa anapomtazama mama yake aliye ugua ugonjwa wa moyo kwa muda mrefu sasa bila dalili ya kupona! Binti huyu alipata maswali mengi sana, magumu yasiyo na majibu,alijiuliza kwa nini mama yake augue vile? ni nini hasa chanzo cha ugonjwa ule?...mama atapona kweli? au hakuna tiba sahihi ya ugonjwa huo?. Hakika binti huyu alikuwa katika mtihani mkubwa katika maisha yake kwani mama yake ndiye tegemeo lake pekee"

Ndugu, huu ni uhalisia wa dunia tunyoishi leo; magonjwa hayabagui maskini wala tajiri, mwembamba wala mnene, mtoto wala mkubwa na mbaya zaidi idadi ya magonjwa inazidi kuongezeka siku baada ya siku. Aneth ni mfano tuu wa watu wengi ambao magonjwa yamekuwa kikwazo kikubwa katika safari ya maisha yao. Ndoto zao zimeyeyuka na hata watoto wengi wamepoteza wazazi wao kwa sababu ya magonjwa. Magonjwa yamepoteza matumaini ya watu wengi katika maisha yao na kupoteza radha halisi ya maisha katika jamii.Tunayo haja kubwa ya kujifunza kwa kina chanzo halisi cha magonjwa katika jamii ya wanadamu na namna tunavyoweza kuyaepuka kwa njia rahisi kabisa ambayo mtu yeyote anaweza kuifanya ili kudumisha afya yake.
Jamii ya Madaktari na wasomi wakubwa wa sayansi ya viumbe hai wamejikita vyema katika kutafuta tiba ya magonjwa yanayoendelea kuibuka siku baada ya siku. Kwa mfano; Magonjwa ya saratani hayajapatiwa jawabu la moja kwa moja kuhusu tiba halisi, UKIMWI haujapata tiba kamili hadi sasa na kuna magonjwa mengine mengi amabayo bado hayajatolewa ripoti wala kutafutiwa tiba, lakini yanaikumba jamii na kuteketeza watu. K**a tungeamua kuelekeza nguvu zetu zote katika kujifunza kuhusu asili ya kila aina ya magonjwa yote katika jamii zetu , tungeweza kuepukana na kutokomeza magonjwa mengi sana yanayotusumbua leo.Tungekuwa na afya njema na furaha tele k**a tunavyopaswa tuwe. Habari njema ni kwamba, tutajifunza pamoja juu ya chanzo kikuu cha magonjwa haya;
Chanzo kikuu cha magonjwa katika jamii yetu ni "KUKIUKA NA KUZIACHA KANUNI BORA ZA AFYA"
Asili(Nature) ina kanuni zake maalumu zilizowekwa na mwenyezi Mungu ambazo kukiukwa kwake kumekuwa chanzo kikubwa cha magonjwa na hata majanga mengine ya asili k**a ukame, mafuriko na kuongezeka kwa joto(Global warming and ozone layer depletion) ambayo yanaendelea kuathiri afya zetu kila siku.
Je, kanuni hizo ni zipi?, ndugu msomaji kanuni hizi za afya ni nyingi na ni sehemu kubwa ya maisha yetu.Leo nitaongelea baadhi ya kanuni za afya na jinsi zinavyo athiri afya zetu tunapozipuuzia;

A; LISHE BORA
Image result for lishe bora
Lishe bora ni ile inayosheheni virutubisho vyote muhimu vinavyohitajika ndani ya mwili wetu. Lishe bora ni muhimu sana kwa afya zetu kwa sababu inatupatia uwezo mkubwa wa kupambana na magonjwa kwa kutumia kinga asilia( natural immunity) inayojengwa kwa sehemu kubwa na aina ya vyakula bora tunavyokula kila siku. Magonjwa k**a vile kwashakoo, marasmasi, upungufu wa damu (Iron deficiency anaemia), kisukari, presha, magonjwa ya moyo, tatizo la ukosefu wa vitamini C, tatizo la ukosefu wa madini joto na ukosefu wa vitamini A yametokana na lishe duni.Yatupasa kuwa na lishe bora katika vyakula vyetu ili kuepukana na magonjwa hayo na mengine mengi.

B;MAJI SAFI NA SALAMA
Image result for kunywa majiMwili wa binadanmu kwa sehemu kubwa ni maji, maji safi na salama yana mchango mkubwa sana tunapoyatumia kwa ajili ya kunywa, kuoga na hata kupikia. Changamoto kubwa kwa watu wengi leo iko katika kunywa maji. Tabia ya kutokunywa maji ya kutosha imepelekea kuwepo kwa matatizo ya kiafya katika mwili wa binadamu k**a vile; Ugonjwa wa figo, matatizo ya ngozi, homa ya mwili, magonjwa yanayo ambukizwa kwa njia ya mkojo ( UTI) na misongo ya mawazo. Kunywa maji ya kutosha ni kanuni muhimu sana ya afya, k**a kanuni hii ingefuatwa magonjwa mengi sana yanayo tusumbua leo yasingekuwepo kabisa. Jitahidi kupata maji ya kutosha kwa ajili ya afya yako (glass 8 hadi 12 kwa siku) ili uboreshe afya yako.

C; KUFANYA MAZOEZI YA MWILIImage result for kufanya mazoezi ya mwili
Kufanya mazoezi ni kanuni muhimu sana ya afya, hata k**a unakunywa maji ya kutosha na kula lishe bora bila mazoezi mwili unakuwa katika hatari kubwa ya kupatwa na magonjwa. Watu wengi hawafanyi mazoezi katika jamii yetu kwa sababu ya uvivu au aina ya kazi wanazofanya, hasa wanafunzi na wanaofanya kazi katika ofisi mbalimbali. Tabia hii ya kupuuzia mazoezi inasababisha mwili kuwa katika hatari ya kupatwa na matatizo ya kiafya k**a vile; magonjwa ya moyo, shinikizo la damu , saratani na kisukari. Tubadili maisha yetu, tudumishe afya zetu na kuepukana na magonjwa kwa kufanya mazoezi ya kutosha.

D; HEWA SAFI
Mwili wa binadamu una mfumo maalumu wa upumuaji ambapo hewa safi kutoka nje huingia ndani ya mwili wetu kupitia mapafu ikibadilishana na hewa chafu iliyomo ndani. Kuwa katika mazingira yenye hewa safi ni kanuni bora kabisa ya afya.Kukaa katika hewa chafu na kuvuta sigara huleta magonjwa k**a vile; ugonjwa wa pumu, saratani ya mapafu na magonjwa ya moyo. Tujitahidi sana kuwa katika mazingira yenye hewa safi kwa ajili ya ubora wa afya zetu.


Ndugu, tumeona baadhi ya kanuni za afya namna zinavyoleta magonjwa pale tunaposhindwa kuzifuata. Katika somo linalofuata tutaziangalia kwa kina kanuni zote za afya na jinsi tunavyoweza kuzifuata kwa urahisi zaidi. Hakika , asili ya magonjwa iko katika kukiuka kanuni hizi za afya taratibu siku hata siku na baadae magonjwa hatari yanatupata. Kwa kuishi kulingana na kanuni hizi maisha yetu yatakuwa bora yenye afya, amani, upendo na furaha tele. Dhamilia kuishi maisha yaliyojawa kanuni za afya.

" Usipotaka kula mlo kamili na kufanya mazoezi leo, ipo siku itakupasa kufanya hivyo ukiwa hospitali k**a sehemu ya tiba katika ugonjwa wako. Anza leo usisubiri hadi uugue kabisa"
Na, Lameck Manyanda
Asante sana ndugu msomaji kwa kutenga muda wako ili kusoma makala hii. Nakuhakikishia kuwa hutabaki k**a ulivyo, maisha yako yatabadilika kwa kufuata kanuni bora za afya na kuendelea kufuatilia masomo haya , nikutakiae mafanikio katika afya , kazi na mahusiano mema kwa Mungu wako. Tukutane katika somo linalofuata.

Lameck I. Manyanda ( MD1, MUHAS)
Mobile; 0621075779
Email; [email protected]..

Paschal Misili (DDS1, MUHAS)
Mobile, 0757467568
[email protected]

DAKTARI JAMII.
daktarijamii.blogspot.com

Simpe Remidies To Treat Diseases at Home. Drink More Care For Your Health
Amazing Discoverers On pure Water, Clean air and Morning Shining.

DAWA RAHISI YA MAJI.
Maji Vuguvugu na Maajabu yake.
>Watu Wengi wana tabia ya kutokunywa maji ya kutosha ili kuupa mwili uwezo wa kuendesha mfumo wake wa k**emikali. Jambo hili huenda tusitie maanani sana, kwa sababu tunahitaji kunywa pale tunapohisi kuwa na kiu, hapa ni kweli kabisa kwamba mtu anakuwa na hamu ya kunywa maji na kuhisi kuwa maji yana radha fulani ya kupendeza tofauti na wakati tukiwa hatuna kiu.

Leo napenda ufahamu kuwa maji Vuguvugu ni dawa inayoweza kukufanya ukajikinga na magonjwa hatalishi katika maisha yako magonjwa hayo ni magonjwa ya figo, uhangila(Constipation), kupunguza Uzito na Kupunguza maumivu, magonjwa ya tumbo na ini.

Namna ya kutumia maji vuguvugu.
Pima glassi moja asubuhi sana ya maji vuguvugu kisha kunywa maji hayo. Kwa kufanya ili uwe na ubora zaidi weka au mimina maji ya lemon kwenye maji hayo ya vuguvugu kisha kunywa.
Hii njia ni njia rahisi kwa familia zetu za kitanzania kuboresha hali zetu za kiafya.
Sababu za kuweka lemoni ni kufanya maji hayo yawe na nyuzi(fibres) za pectini ambazo zinaweza kuvunja radical huru mwilini ambazo zinaweza kusababisha kansa.
Kupunguza Uzito: Hapa ni wakati unapokunywa maji hayo huufanya mwili kuongeza joto lake na hivyo kusababisha utumie karolie nyingi na kuongeza umeng'enyaji wa fati nyingi na kuweza kumfanya mtu apunguze uzito.
>Pia ni muhimu kwa watoto wa k**e ambao wanaingia hedhi kwa ajili ya kupunguza maumivu ya kichwa wakati huo.
>Kuboresha pia mfumo wa chakula na kuufanya kuwa laini
>Huboresha pia mfumo wa mzunguko wa damu na kuweza kuondoa Sumu kwenye damu na hivyo kuboresha afya zetu.
>Kutibu Magonjwa ya Figo k**a kidney stone,.

Ushauri Wa Daktari JAMII. Jamii yetu ndio furaha yetu inapokuwa na afya njema njia hii ni njia rahisi ya kutibu magonjwa ya mabadiliko ya hali ya hewa ya mwili, Zingatia kwa afya bora.
HITIMISHO.
Maji hayatibu Ugonjwa wowote ikiwa utaruhusu kwa kutozingatia kanuni za afya na kuweza kupata magonjwa hatari ya figo.

Karibu kwa post nyingine itakayofuata Share na like na mjulishe rafiki yako naye apate maarifa haya.

Huu ni mpango rahisi ambao Mungu alipanga tuutumie ili kuweza kuishi kwa afya njema, Post itakayofuata itahusu asili ya afya ya Mwanadamu, Usipange Kukosa kutembelea peji hii.

AFYA YAKO NDIO FURAHA YETU.
Jamii Nyingi Za Afrika ikiwemo Tz ni miongoni mwa jamii ambazo zingepaswa kuishi kwa furaha na amani kwa afya tele pasipo kusumbuliwa na magonjwa yoyote yatokanayo na mtindo wa Maisha. Katika page hii kuna masomo mazuri ambayo yamelenga kuisaidia jamii yetu ya watanzania kufuata kanuni za kiafya ili kuepuka magonjwa hayo, Baadhi ya magonjwa hayo ni magonjwa ya moyo, figo, ngozi, ini, mishipa ya damu, na kansa.
Like page hii na share kwa post zitakazo kuwa zinaendelea ili kusaidia jamii yetu.
Lakini pia katika page hii yatakuwepo masomo ambayo yatakuwa yakibainisha makosa yanayofanyika na jamii zetu juu ya utumiaji wa madawa na kuenda kinyume na maelekezo ya Daktari.
Peji hii pia itakupa uelewa zaidi mpango wa Mungu kwa afya zetu ambapo k**a tungeufuata tusingesumbuliwa na magonjwa makubwa na yasiyotibika.
Peji hii itagusa pia juu ya vyakula ambapo jamii yetu imeviacha ambapo vyakula vinaweza kutumika k**a dawa na kuuwezesha mwili kupambana na magonjwa nyemelezi.
Karibu na Wajulishe na wengine.