msema kweli

Si kila maumivu unayopitia yamekuja kukuvunja.
Mengine yamekuja KUKUJENGA.

Kuna nyakati maisha yatakufanya upoteze kitu ulichokipenda, mtu uliyemzoea, au mpango uliouamini sana.

Na kwa sababu unaona kilichotokea leo, unaweza kudhani kwamba maisha yamekuwa dhidi yako.

Lakini wakati mwingine, maumivu ya leo huwa sehemu ya MAANDALIZI ya kesho.

Mwanasaikolojia mashuhuri Carl Jung aliwahi kueleza wazo kwamba kile tunachokataa kukikabili ndani yetu kinaweza kuendelea kututawala.

Maana yake ni kwamba uponyaji wa kweli hauanzi kwa kukimbia maumivu, bali kwa kuyakabili na kujifunza kutoka kwake.

Kwa hiyo, usiulize tu:

“Kwa nini hili limetokea kwangu?”

Jiulize pia:

“Hili linanifundisha nini kuhusu mimi, maisha yangu na safari yangu?”

Huenda maumivu hayo yakawa yanakufundisha uvumilivu.

Huenda yakakufundisha KUJITAMBUA.

Huenda yakakufundisha kuweka MIPAKA.

Huenda yakakufanya ukue kuliko ulivyowahi kufiki
KUFIKIRIA.

Si kila maumivu yapo ili kukuumiza; mengine yapo kutengeneza kesho iliyo bora.

Usikimbie kila KINACHOKUUMIZA.

Wakati mwingine, ndani ya maumivu kuna toleo jipya la wewe linalosubiri KUZALIWA.

— MsemakweliOfficial

Wakati mwingine unakata tamaa si kwa sababu umeshindwa, bali kwa sababu mambo hayajaenda kwa muda na namna ULIYOIPANGA.

Uliamini ungekuwa tayari umefika.

Uliamini ungekuwa umefanikiwa.

Uliamini maisha yako yangekuwa tofauti na yalivyo leo.

Lakini kumbuka hili;

Kuchelewa siyo kushindwa.

Ibrahamu anatufundisha jambo hili kwa kina. Mungu alimwahidi mtoto, lakini Abrahamu alisubiri kwa muda mrefu sana.

Miaka ilipita, na kwa sababu ya kuchelewa huko, alijikuta akijaribu kutimiza ahadi ya Mungu kwa njia yake mwenyewe, akapata mtoto Ismaeli kupitia mtumishi wake Hajiri, badala ya kusubiri kikamilifu mtoto wa ahadi ambaye Mungu alikuwa amemkusudia kupitia Sara.

Hata hivyo, kuchelewa kwa ahadi hakukumaanisha Mungu alikuwa AMEMSAHAU.

Baadaye, kwa wakati wake, Mungu aliwapa Ibrahamu na Sara mtoto Isaka, mtoto aliyekuwa sehemu ya agano lake na Mungu.

Hii inatukumbusha kwamba wakati mwingine tunapochoka kusubiri, tunaweza kujaribiwa kuchukua njia za mkato, lakini mpango wa Mungu bado unaweza kutimia kwa wakati wake.

Kuna watu wanafika mapema, wengine baadaye. Kuna wanaopitia njia fupi, na wengine hulazimika kupitia njia ndefu kabla hawajafika kule WALIPOKUSUDIWA.

Usiruhusu muda uliopita ukukumbushe tu kile ambacho bado hujafanikiwa kukipata.

Bado una nafasi.

Bado una muda.

Bado unaweza kuanza tena.

Usikate tamaa kwa sababu mambo hayajaenda k**a ULIVYOPANGA.

Huenda bado hujafika kwenye sura ya maisha ambayo Mungu AMEKUANDALIA.

Endelea. Safari yako bado inaendelea.

MsemakweliOfficial | Laurian Kulwa Deusdedith

Si kila kitu unachokishikilia leo kinapaswa kwenda nawe kesho.

Kuna tabia zilizokusaidia kuishi katika kipindi fulani.

Kuna imani zilizokupa nguvu wakati fulani.

the Kuna watu, nafasi na namna za kufikiri zilizokuwa muhimu katika hatua fulani ya maisha yako.

Lakini maisha yanapobadilika, na wewe unapaswa kubadilika.

Usichanganye uaminifu na kushikilia kisichokufaa tena.

Kuachilia hakumaanishi kwamba hukuthamini. Wakati mwingine, ni kukubali kwamba jambo fulani lilitimiza kusudi lake katika maisha yako.

Na katika mahusiano, si kila kitu kinachohitaji kuachiliwa ni mtu. Wakati mwingine ni maumivu, matarajio, hofu, kiburi au namna tulivyozoea kupenda na kushikilia.

Lakini pale uhusiano unapokuwa wa madhara au usio salama, kujitenga kunaweza kuwa muhimu kwa ajili ya usalama na heshima yako.

Kwa sababu kuna wakati wa kushikilia, na kuna wakati wa kuachilia.

Usibebe jana kwa sababu tu ilikusaidia kufika leo.

Kukua ni kujua kwamba si kila kitu kilichokufikisha hapa ndicho kitakachokupeleka kule unakokwenda.

— MsemakweliOfficial | Laurian Kulwa Deusdedith

Na Mungu Atabless

Wakati mwingine tunapoteza ndoto zetu si kwa sababu hazikuwezekana, bali kwa sababu tulisikiliza sana kile ambacho watu wengine walitaka tuwe.

Unaambiwa, “Soma TRA, TRC ipo nafasi,” au “Mjomba wako yupo pale, atakusaidia.” Unaingia kwenye njia hiyo, miaka inapita, na siku moja unajiuliza: “Haya ni maisha yangu, au ni maisha ambayo nilichaguliwa kuyaishi?”

Ushauri wa watu ni muhimu, lakini usiruhusu matarajio yao yakufanye usahau kile ambacho Mungu ameweka ndani yako.

Fikiria Daktari George Miller—alisomea na kufanya udaktari, lakini baadaye aliamua kuufuata upande mwingine wa kipawa chake: filamu.
..........alifuata ndoto yake na hatimaye akajulikana duniani kupitia kazi k**a Mad Max na Babe.

Swali si k**a una kazi nzuri leo; swali ni k**a maisha unayoishi yanaendana na mtu unayetaka kuwa kesho.

Usichoke kuipambania ndoto yako. Jifunze, badilika, anza upya inapobidi, vumilia unapochelewa, lakini usiizike ndoto yako kwa sababu tu wengine hawaioni.

Maana wakati mwingine, kinachohitaji kubadilika si ndoto yako—ni ujasiri wako wa kuifuata.

— MsemakweliOfficial | Laurian Kulwa Deusdedith

Kilichotokea kinaweza kuwa ni ukweli, lakini mara nyingi kile tunachojiambia kuhusu kilichotokea huwa ni tafsiri yetu wenyewe.

Wakati mwingine, tafsiri yetu huendana na ukweli. Ikiwa ndivyo, tunapaswa kukubali kilichotokea, kukikabili na kuchukua hatua stahiki.

Lakini wakati mwingine, tunaweza kuwa tumeelewa vibaya nia ya mtu, tukafanya maamuzi, au tukajaza mapengo ya taarifa kwa hofu, mashaka, kutokujiamini au uzoefu wa maisha tulionao.

Hapo ndipo tunapogundua kwamba si tukio pekee linalotuumiza, bali pia hadithi tunayoendelea kujisimulia kuhusu tukio hilo.

Kwa hiyo, inapowezekana, uliza kabla ya kudhani. Thibitisha kabla ya kuhitimisha.

Na kabla hujajibu kwa hasira, kuwaza kupita kiasi au kubeba jambo moyoni kwa muda mrefu,

jiulize:

“Ni nini kilitokea?”

Kisha jiulize:

“Na mimi ninajiambia nini kuhusu kilichotokea?”

Wakati mwingine, tofauti kati ya maswali hayo mawili inaweza kubadili kabisa namna tunavyoona jambo, tunavyohisi na tunavyoitikia.

Si kila tunachofikiri kuhusu jambo ni ukweli wa jambo lenyewe.

Shirikisha pia wale uwapendao na Mungu Atabless

Laurian Kulwa Deusdedith