Anam Raza

اس دروازے سے گزرتے ہوئے صرف ایک مسافر نہیں گزرتا، اس کے ساتھ یادوں کا ایک پورا جہان چلتا ہے۔ پیچھے رہ جاتی ہیں ماں کی دعائیں، باپ کی امیدیں، بہن بھائیوں کی ہنسی اور گھر کی وہ مانوس خوشبو جو برسوں دل میں بسی رہتی ہے۔ بہتر زندگی کی تلاش میں لوگ اس امیگریشن گیٹ کو عبور تو کر لیتے ہیں، مگر دل کا ایک حصہ ہمیشہ اپنے وطن کی مٹی میں رہ جاتا ہے۔ نئی سرزمین پر قدم رکھتے ہی خواب تو بڑے ہوتے ہیں، مگر راستہ آسان نہیں ہوتا؛ اجنبیت، تنہائی اور بے شمار مشکلیں ان کا امتحان لیتی ہیں۔ پھر بھی وہ ہمت نہیں ہارتے، کیونکہ ان کی آنکھوں میں اپنے پیاروں کے لیے بہتر کل کی امید جگمگا رہی ہوتی ہے