mauve pharm

علابالي واحد مقالهالكم من قبل
بالصح اذا عندي حاجة نقدر نفيدكم بيها جامي نبخلكم ،زكاة العلم .. نشره
لي عندهم كلف ،،، زيدو مضادات التهاب في روتينكم اليومي ، كل يوم كل يوم ،
شوفو مكون زوج واذا راهم ياسر افضل ،
لانو هاذ المشكل كبييير ياسر، مجرد الضوء والا سخانة تاع الجو يزيد يهيج البشرة ويخليها تكثر من التصبغات
ضرك نحطلكم صورة ، هاذوك لي بالوردي ،مكونات كاينين في سيروم اسيد هيالورونيك تاع موف 💜، علابيها لي استعملوه قالولي ولينا مانديروش fond de teint, وحتى التصبغات خفو ، قتلكم انا ام وماعنديش وقت ندير سيروم ترطيب وحدو وتفتيح وحدو ، ومضاد تجاعيد وحدو ،
الخلاصة ، ضيفي المكونات لي في الثورة لروتينك ، متاكدة راح لي يشوفك يلاحظ الفرق
شوفو والعمود لي فيه قلب مكتوب anti-inflammatoires
يعني مضادات التهاب اني درت فيه قلب

اذا تعباتك الحياة ،والمسؤوليات ،واهملتي روحك ،
اذا كي تحكمي بلاصتك بعد يوم طويللل ، تمسي جسمك وتغيضك عمرك ،تلقايه شايح ،ويابس،،، كانو فات عليه دهر كامل
والا اذا فقط حابة تسترجعي لحظة انوثة بينك وبين نفسك
اكيد مزلتي ماجربتيش المخمرية تاع mauve

عندك تفشلي اذا فوتي نهار او حتى سمانة بلا ماتهتمي بروحك ،،
حاجة عادية طول أنك تهملي روحك مع ضغوط الحياة ومسؤولياتها خاصة لاكنتي أم و لا خدامة ، ولاحتى ساعات تقوت علينا ايام تاع مرض ،تاع صفر طاقة
ولي تقلك راني 24 ساعة واقفة على روحي كيما جماعة انستا ، ماتبعيهاش لاشفتي روحك بديتي تقارني
معاكم المهملة لنفسها شخصيا منذ اسبوع هكاك ، والله ورجليا رجعو حرش ويديرو خش خش في الدرا 🌝
بالصح نكتئب ونقول انا مانصلحش ، وانا عندي ماركة منتجات ووو
لالا خلي نحن على روحي ، ونقلها تعبتي ياسر صح هاذ السمانة ، نقلها رغم لي هتمبتي بالدار ،بالصح نظافتك ماهملتيهاش، مافوتيش نهارات ياسر بلا قصة النوم لولادك ، ...
بالصح هاذي لازم تكون فترة قصيرة ، ليوم كان يصرا واش يصرا لازملي ندير كريمة الرجلين، الحمد لله لي عندي ، خاطر انا باه نديىر نقع لرجليا في ماء وملح ونقشر بهذيك الآلة ههههه شوفولي على اربع سنين نلحق لهاذ المرحلة ،كي تدخل بنتي تقرا ههه خاطر آخر مرة درتها بيبي ،💜
وتذكري انت الحياة، لانك انت من تمنحيها

بشرتك ماتحتاجش مية منتج باه تولي صحبة،
واكيد مش لازم تطيشي ملايين وتقعدي تجربي واش ينفعك ..
اربع منتجات الى خمس هذا واش تحتاجي ،
وانا هنا باه نعاونك تلقاي روتين يناسبك ،

انا مافهمتش كيفاه يخمو
كل يوم نزيد نشوف كارثة كثر من ختها عند لي يخدمو منتجات العناية
والمشكل ماشي غير لي يخدمو بشكل فردي او حتى الشركات تدير اخطاء في تراكيب
ضرك المشكل لي وليت نخمم فيه هل ممانش واحد يراقب les formules ??;
علابالكم في الجزائر مكيش ملزمة تذكري قائمة كافة المنتجات
بالصح كي تحطي مثال اسيد ساليسيليك وازيليك ، زعما في ميزك درتي حاجة مليحة ، او الشركات لكبار ويسوفريو باه يديو سيروم او كريم سطابل ، ويدخل للعمق ، كاين شركات كورية يخدمو بالمشتقات برك باه يكون مستقر
ووتجيوهنا بلا مانذكر تخصصات ، والا نستصغر احد انا راني نخدم في لابو صغير ، في الجزائر بامكانات بسيطة يحبو يخدمو سيروم معجزة فيه مكونات ماتتناسبش مع بعض ، باه في التسويق يقولو فيه وفيه ....
نصيحتي اشريو سيرومات فيهم مكون واحد باه تضمنو على الأقل مكانش تخلاط بزاف

جربتي قبل واحد من هاذ الترندات؟؟ بصراحة
حافظي على بشرتك ،لانو كي تعامليها كيما المخبر راح تولي عندك مشاكل كثر من لي كانو قبل ، اي سؤال مرحبا بيك

ميش مصدقة بلي عندي 9 منتجات، خدمتهم بكل اتقان بكل أمانة ،حلول لاغلب مشاكل المرأة
ركزت على واش تحتاج المرأة خاصة الأم لاني عارفة ماعندهاش وقت باه دير روتين فيه مية منتج، علابيها كيما السيرومات تلقايهم كامل يمدو النظارة للوجه التعبان ،
ويعالجو المشكل في نفس الوقت

راني نحكي حاليا مع وحدة من متابعاتي الجميلات ولي قالتولي صدمني
يا بنات ماتبعوش اي حاجة تشوفوها في سوشل ميديا، اعرفو واش تبعو واعرفو واش راكم ديرو لوجهكم وجسمكم ، بشرتك راهي عضو حي ، اي حاجة تاثر فيه ، ماشي اي كريم يقولولك عنو تستعمليه ، ناس راهي دير في كوارث ، والمنتجات البديلة كاين
انا حاولت نوفر واش نقدر كحلول لمشاكل بشرتكم، درتلكم مرطب قدمين باه ماتضالوش تخلطو في بيكربونات وبودة تاع مزيل الشعر لي تحرق رجليكم، كاين سيروم اسيد ساليسيليك لي يعالج الحبوب والرؤوس السودا باه ماتضالوش تديرو في اللصقات لي يزيدولكم الافرازات الدهنية ، المهم كاين بدائل ولي مكانش في منتجاتنا راني ساعات نحكيلكم عنهم في ماركات اخرى وننصحكم بالروتين الكامل كيما ريتينول او فيتامين س
تخيلو هاذ الفتاة الجميلة استعملة كريم ميلانوفري لي وقت دار ضجة وكنت حكيت عليه في حساب تاع dr talya
استعملاتو للابطين واكيد حرقها وضرك راهي تعاني من تصبغات جد عنيدة للاسف

هذي هي الحاجة لي درتها مع منتجات mauve , ولي خلات لي تقريبا كل الزبائن يكون رايهم كيما في الصورة

انك تخدمي حاجة وتكون سبب في فرحة طفلة، والا تكون سبب انها ترجع ثقة مرأة في روحها هو أكبر انجاز
صح الماركة بديتها بعد المقاطعة باه يكون عندنا في بلادنا منتجات صح عندها جودة و تنافس منتجات عاليمة ، بالصح الهدف ثاني كان انو المنتجات تسد فراغ حقيقي ، وتكون حل لمشاكل نعانيو منها كنساء ، ونقدر ناكدلكم والحمد لله انو كاين منتجات والله على مااقول شهيد لحد الان مكانش ماركة جزائرية خدمت كيفهم بنفس الطريقة ، ونفس فورميل كيما اسيد ساليسيليك، والا مرطب القدمين، ولي خلاوهم يكونو فعالين جدا ،
المهم بعد هاذ الميساج قتلتني الفرحة ، وقررت نديرلكم عرض على مزيل العرق ،،، لاني نشوفو المنتج لي مستحيل اي مرأة تستغنى عنو ، كي طورت تركيبتو ، صراحة المرة الاولى درت فيه عطور ،بالصح ماشي هي التركيبة لي اعتمدتها لانو هذا مكانش يتماشى مع رسالتي ، لاني حبيت منتجات ماتضرش ابدا وتكون فعالة ، فنحيت منو العطور نهائيا واستعملت فقط رائحة طبيعية تاع نباتات ،،

لي مهتمة علقي فقط بكلمة مهمتمة ونبعثلك تفاصيل العرض