Bassem 14

بكري كنا صغار نقراو فالابتدائي قالنا المعلم حكو 5 الاف المهرج راه جاي تبدا الفتنة الكبيرة كاين لي باباه عندو كاين لي ماعندوش .. ظروف مؤلمة... المهم ياودي سمانة وحنا نستناو قتلنا الانتظار ونهار جا عرق الفرحة طرطقلنا استمتعنا صح حررنا 5 الاف هذيك و السحار عندو قالب الحمامة البيضا يسركل بيه المدارس كامل يصور فيها شكارة دراهم يخلينا مخلوعين ويروح ..... و فآخر العام تحك الفين صورة تذكارية ترقد بقشك لي راح تصور بيه مانعرف تديها ولا والو نتا وزهرك
اليوم جابو مهرج للاطفال في مدرسة من مدارس ولاية تيازت ماداوهاش فيه خلاص
كيشغل جيل محلب بزاف خربولو فإعدادات البراءة شابع شوفات حسيتهم يحرشو بيه .. انا شارف وعجبني المهرج سخفت نخلص 5 آلاف معاهم ولا نخلص عليهم كامل خمسلافاتات المهم يفرحو بيه و ما..... بيه الذر
الحرمان تاع بكري مليح وماشي مليح 💔

كاين فئة من الآباء في زواج بنتو تلقاه يبيع فيها نورمال يستثمر فيها قريب يخلو الشبيبة تستفسر واش فيها المعاود الحاج !! يانفيستي فيها بكل تجبر
طبعا بتعليمات من trader الأم خبرة كبيرة في التداول.
هو مجرد مناجار يتفاوض على سوق الانتقالات هيررويغوووو .
تحسب ربى خروف ياجدك كي يلحق العيد لكبير يشوطك بسعر فاحش!!
قالك عادات وتقاليد العادات تشوفوهم غير فالذهب والدراهم ماشفتوش عادات جدودنا كانو يقولو اكسي وادي !!
الزواج رجعوه مشروع ماولاش سنة الحياة
بكري الصيف بين عرس وعرس كاين زوج اعراس ضروك ناشفة ديركت
نورمالمو كل ما تترنك المعيشة تنقص تكاليف الزواج.
ويعجبوك لي يقولو الذهب يخي داياتو لراجلها !! مالا تديه لصاحبها ول لالا ماتستمزحيش بينا الاخت ماتتشرطي ماقالك جيبيلي الذهب دارلك زوج خواتم وسلسلة خفوفي تربحي يحتاجك نتي يا ستوتة مادبريش عليه .
وهذي داخلة في اسباب عدم تطور المجتمع خاطر في عوض تلقا روحك مركز في اهدافك الحقيقية قرايتك عملك ... السكن .الخ تلقى روحك تصارع باه دير سنة الحياة الطبيعية واش هذا يخي مازلنا فالدنيا برك ولا هذي حور العين ؟ لالا مزال الضرب الخشين مور الزواج هذاك ماشي الزواج هو بداية الزواج .
الزواج راه عشرة بين الراجل و المرى والهنا وغير ربي يصلح برك ومنبعد فيها ذراري والراجل ملي ينوض وهو يحارب هذا مرض والزوجة تسهر الليالي و لازم تربية مليحة ماشي جيب وطيش لشارع يربي .... هذه سنة الحياة . ربي سبحانو في الكتاب او السنة لم يذكر فيها الذهب ربي سهلها على عبده ذكر المهر فقط و يكون قليل .
يعني متاعب الزواج ومسؤوليته بلا حدود وجميع الطيحات والنوضات ولمجرب يعرفها فالاخير الشاب يقرجطوه قبل مايجيبها بشروط نيمارية .
ولوكان نشوفو مبلغ الانتقال تاعها نتا تقول زوجة flagship
بأداء
snapdrogon 8 gen 5
وهي جدڨ كسرة ماتعرفش طيبو تحوس على باغوووغ ههه نتي خاتم تاع حديد اصفر لي يشروهم لولاد صغار فالسوق ماتستاهليهش . وخلي وخلي من قلة الكفاءة المنزلية .
و نتا كشاب حبيت تتزوج تخلي بنات الفميليا والعائلات البسيطة وتروح تتحكك على صحاب العط وتبع فالزين لي مايبني دار و داير في بالك راك درت لافار بهذه الصفقة حتى تلقى روحك ضاربها بهبلة امشي قيسك وهني على روحك وحط رجليك فالما البارد كاين بنات الاصل غير عميتو عليهم . بسطها تبساط،ماتقعرش راسك واحسن الاختيار للمدى الطويل كان تسقسي الرجال لي طلقت بعد اشهر من الزواج يقولولك كان غير ديتها قد الحال وزينها مقبول ماتشرطت ماوالو المهم تصون عرضي وتهنيني ويرزقني معاها ربي راحة البال . كاين حتى لي حلف مايزيدش يتزوج تعقد خلاص يا حليل
وكاين عائلات ربي يبارك تسهل لبعضاها المهم الصحة والستر 💛
المهم سهلو على ولاد الناس يا آباء و يا أمهات
ارحي ماينامش 💛

يسما ليزامي ماحملوكش في 2026 زدت رجعتلهم للثمانينيات بالاطلالات تاعك فليستوري .و تلعبها نوسطالجي كابر بالوولكمان و تعرف مامي ههه نتا غير تاع ماميدو وسعاد
لالا نقصر الغيرة تهدر فيا برك راه فقلبي نجرب التراند وماقدرتش بصح النقطة الاولى منيش نقصر فيها كون خفيف على الناس اصاحبي ههه الواحد روحو ماحملهاش😂

اللهم بلغنا رمضان و نحن في أحسن أحوالنا ✨🙏

موظف بلدية في أفغنستان كي يقلك رجع غدوة يعني ترجع غدوة

La baGhi TiH❤ GhuR F 👅
W L'I ChaFha👀 🔥

🇱🇧🙏🇱🇧

شيرات كاينة منها !