Mona Maher

لو بنغير كاوتش العربيه ف عز النهار ع طريق سفر وانا بصور جوزي وبنزل الصورة انستجرام هيبقي بالابتسامه الرهيبه والانشكاح ده ؟؟!!!!

هيبقي اللي بينا اي حاجة الا سنده ووقفه وقعده 😅😅😅😅
ما تعملوا لنا اعلانات واقعيه بقي🤦🏻‍♀️

#فودافون

ليله 27 فهي الليله الوحيدة التي قامها سيدنا محمد وأهله بالناس حتي خافوا ان يفوتهم السحور
فلا تضيعوا هذه الليله
ولا تنسوني من صالح دعاؤكم
🌹اللهم انك عفواً كريم تحب العفو فأعفوا عني وعن اهلي وذريتي ومن له حق عليا 🌹

البوست ده في عشق كوكيز العبد اللي بالشوكولاته
اللي كل سنه اعجابي به بيزيد

الكوكيزاية مع اول قطمه تاخدك لعالم تاني موازي للعالم اللي فيه وعكسي لعالم الدايت والريچيم
القرمشه بتاعتها حكايه
اللي هو ازاي عرفت تظبطها كدة ولا طريه بتتهري ولا ناشف بتضايق

ولا سُمكها اللي تحسه هش وبالرغم من كدة ماسكة نفسها في ايدك وماليه مركزها كدة

وطعمها
طعمها فعلاً مايعملوش الا متمكنين
طعم عجينه الكوكيز لوحده ولا هو طعم الكوكيز ولا طعم البسكويت ولا طعم مقرمشات تحس طعمه في حته تانيه مايروحش فيها الاكوكيز العبد

قطع بقيالشوكولاته اللي مطعم بها الموكيزايه وكأنها فصوص من الماس او حبات من اللؤلؤ
حاجة كدة تدهشك انت شخصياً ازاي حاطط كميه الشوكولاته دي بالطعم الغني دي بدون ماسكرها يجزعك
والسؤال الاهم ازاي قطع الشوكولاته ماسكة نفسها كدة وماساحتش زي اشكال الكويكز المتعارف عليها
وده السؤال اللي كمل باقي لغز كوكيز العبد

☕️❤️☕️

احلي طبق سناك يتأكل وقت الجوع
طيب وانتي بتأكليه يامني
ابسلوتلي لا😂😂😂
انا لسه ضاربه رنجة حضرتك 😂😂😋🙈

🍅🧅تدميس الفول في البيت🍋🫑🌶

هنجيب فول اي نوع ونغسله كويس اوووي اوووي

ونجيب الفواله اللي بندمس فيها الفول لو مفيش ممكن في اي حله
هتملي ميه تغلي وتنزلي عليها بالفول وتقطعي طماطمتين الواحده اربع قطع
وليمونة نصين
وليمونتين اعصريهم وحطي قشرهم ف الحله
وفلفل رومي ولو عايزاه سبايسي حطي واحد او اتنين فلفل حار
وحطي حوالي خمس او ست فصوص توم
وتعالي اقولك بقي علي اختراع (شويه عدس اصفر اغسليهم وحطيهم معاه يتسلقوا ) بيعلي القيمه الغذائيه جداً وبيفتح اللون
ونغطيه بميه سخنه واول مايغلي نوطي عليه جداً ونسيبه يستوي علي نار هاديه ممكن يقعد حوالي خمس او ست ساعات
ولما المية تقل ازودها ميه ( لازم مغليه) علشان يفضل لونه فاتح مايغمقش
هتدوقي احلي فوول 😋😋😋

😋🍰🎂شاتو كيك🍰🎂😋

الطريقة:
في الخلاط هضرب كوبايه ونص سكر واحط كوباية الا ربع زيت وكوبايه ونص لبن واصربهم جامد واحط عليهم تلات معالق كاكاو ولحد ما الصوص يتقل هاخد كوبايه ع جنب بس كوبايه كبيرة شويه واحطه ف التلاجة ...
والباقي هحط عليه اتنين بيضه وفانيليا ونقطة خل واضربهم كويس اوووي

وهكون محضرة اتنين كوب ونص دقيق وعليهم بيكنج باودر وذرة ملح واحط عليهم الخليط السايل واقلبهم سوا بمضرب يدوي او كهربا المهم انه ف اتجاهة واحد وبعدين هجيب صينيه مبطناها بزيت ودقيق وانزل بالخليط عليها وادخله الفرن يكون دافي واشغله تقريباًعلي ١٨٠
واختبرها بالسكينه لما تستوي اخرجها وهي لسه دافيه احاول اقلبها علشان انزل عليها يالصوص اللي شلته ويفضل تتقطع وانا بحط الصوص علشان ينزل جواها وهي سخنة فتشربه وازينها زي مااحب او ماازينهاش براحتك انا عامله اتنين بتزيين مختلف واحطها ف التلاجة تبرد

🐟🍤🦐سي فود بيتي 🦐🍤🐟

المره دي السي فوود بتاعي عباره عن فيليه قشر بياض
وصوابع كابوريا وجمبري ورز صياديه بالجمبري وصوابع الكابوريا
وكان في شوربه سي فود 🍲ونسيت اصورها 🙈
الطريقه تحت الصور

لو عندك حبايه في وشك مضايقاكي🥰القرفة🥰 هتخفيها

كلكم عارفين ان القرفة مفيده في الحرق علشان بتعلي الحرق جداً وبالتالي بتساعد ف التخسيس

وبتدفي جداً مع اللبن في ايام البرد

وكمان بُهار مهم جداً لما تستخدم مع سلق اللحوم خصوصاًالعيدان منها

طيب تعرفي انها بتخفي الحبوب
لو عندك حبايه في وشك ظهرت اخلطي نقطه ميه علي ذرة قرفة وهيبقوا شبهة عجينه صغيره وحطيها ع الحبايه وسبيها هتنشف عليها وهتدبل ع طول وتاني مره هتختفي حرفياً
جربي 😉😉

ماتيجي اقولك علي حل سحري للعنايه بالقدم والركبتين والكوعين وكمان يعملوا لون وردي 😍 وبدون تكلفه تذكر

🧴كارباميد🧴
ايووووه كارباميد هاتيه وادهني منه بأستمرار مرتين في اليوم او تلاته حسب جفاف المناطق اللي بتحتاجي ترتيبها ( القدم والركبتين والكوعين)

طيب اللون الوردي ده نعمله ازاي 🤔😃
خودي اقولك

هتجيبي انبوبه الكارباميد وعلبه كريم كريم عندك فاضيه وتفضيها فيه
وفاكره دم الغزال اللي قولت لك عليه في البوست اللي فات
هتجيبي منه كميه حوالي نص معلقه صغيره وتدمجيهم سواء وهيبقي احلي خليط خصوصاً لكعب القدم
ولا اروع من اي بيوتي سنتر بعد الباديكير

(مايفضلش استخدام الخليط ده ع بشره الوجهة لان كارباميد تقيل شويه فيفضل استخدامه علي مناطق شديده الجفاف )
😉😉

ازاي تعملي تنت طبيعي 💄جداًوبدون اي مواد كيميائيه للناس اللي زي اللي متحبش تحط علي وشها اي مستحضرات زي وتظهر طبيعيه اكتر
وبيستخدم مورد للشفايف طبيعي جداً 💄

عندك طريقتين
الطريقه الاولي
هتجيبي دم غزال من اي عطار (بيبقي بودر ) وهتجيبي ميه ورد من اي صيدليه علشان تبقي موثوق فيها

وتحطي علي ميه الورد كميه مش كبيره خالص لان لونه مركز جدا
وترجي الزجاجة جداً حتي يندمجوا سوا

ولسهوله الاستخدام لو عندك زجاجة زي الصوره دي بعد ماتخلص هتغسليها كويس جداًجداًعلشان تضمني ان معلهاش اي مواد كيماويه وبعدين تحطي فيها الخليط ده
وتحطي علي خدودك وشفايفك وقت الاستخدام وهيبقي طبيعي جداًوثابت جداً
حداً

الطريقه الثانيه
علبه كريم جونسون علشان يبقي خفيف ع البشره وسهل توزيعه وتحطي عليه دم الغزال وتدمجيهم سواء جداًلحد ما اللون هيبقي بينك وده بقي سهل توزيعه ع بشرتك جداً