Sijil

في الفترة الأخيرة زاد استخدام الواقع الافتراضي، والواقع المعزز في علاج المرضى كبديل لبعض الأدوية، والوسائل دي بتساعد المصابين بالألام المزمنة، والقلق، واضطرابات ما بعد الصدمة، والسكتات الدماغية.

وبيتوقع الباحثون إن حجم الاستثمار في المجال ده يوصل لـ 5.1 مليار دولار في 2025.

التحول الرقمي ساعد معامل التحاليل على زيادة كفاءتها، وبقي في أنظمة مخصصة لإدارة المعامل، واللي بتساعد على:

- تقليل أوقات الانتظار، فالتحاليل بقت بتظهر نتايجها بشكل أسرع.
- نتايج التحاليل بقت أدق، والأخطاء فيها قليلة جدا.
- حفظ السجلات بيكون أسهل، ومعدش بياخد مجهود، ووقت كبير.
- تحسين التواصل مع المرضى، ومن الممكن ارسال نتايج التحليل ليه بصورة الكترونية، وده بيوفر وقت سواء للمريض، أو للي شغالين في المعمل.

مهام كتير في مجال الرعاية الصحية تكرارية، وبتستهلك أوقات طويلة، ومجهود كبير لكن عن طريق الذكاء الاصطناعي المهام دي بقت بيتم عملها بشكل أوتوماتيكي، وبدون اي تدخل بشري عشان الأطباء، والإداريين في المؤسسات الصحية يكون عندهم وقت أكتر لعمل المهام الضرورية، والمهمة.

تطوير، وصناعة الأدوية كان بيتم عن طريق تحديد الباحثين للبروتين المسبب للمرض، وده كان بياخد وقت طويل جدا عشان يتم تحديده بدقة، ولتقليل احتمالية صرف مبالغ ضخمة على البروتين الغلط.

بعد كده بيبدأ البحث عن جزيء، أو مركب يقدر يأثر على البروتين ده، وبيتم اختبار عدد كبير جدا من المركبات، وجزء كبير منها بيكون غير فعال، والعملية دي بتستهلك وقت، ومجهود كبير جدا، وهنا يجي دور الذكاء الاصطناعي.

فالعلماء في البداية بيحددوا مجموعة خصائص مميزة هتكون في المركب المناسب لعلاج المرض، وبيقوم الذكاء الاصطناعي بمقارنة مئات، والاف المركبات بالخصائص دي لحد ما يوصل للمركب المناسب، والفعال، والأمن.

في بعض الأحيان بيتم وصف بعض الأدوية الغير مناسبة للمرضى، واللي ممكن تشكل خطر كبير عليهم كمان لكن ده أصبح أقل نتيجة للتحول الرقمي في مجال الرعاية الصحية.

وده بسبب وجود أدوات، وأنظمة بتقوم بمتابعة، وتحليل الروشتات اللي بيكتبها الأطباء، وبتعرف الطبيب لو في خطأ حاصل عشان ياخد باله.

مع تطور التكنولوجيا بقي اسهل كتير متابعة، وتسجيل العلامات الحيوية للمرضى سواء عن طريق أجهزة مخصص لمتابعتها، أو حتى عن طريق الموبايلات، أو الساعات الذكية.

سواء ضغط الدم، أو مستوي الاكسجين، أو معدل نبضات القلب، وغيرهم بقي بيتسجل بكل سهولة، ويقدر الدكتور يشوفه، ويتابعه، وهو في مكانه، ومن غير ما يشوف المريض حتى، وده اللي بيساعد الدكاترة انهم ياخدوا بالهم من اي مشاكل حاصله بدري، وبيخلي احتمالية انهم يلحقوها أكبر.

من أكتر الحاجات اللي بتزعج المرضى أوقات الانتظار سواء في المستشفى، أو العيادة، أو لو هما مستنيين نتايج الأشعة، والتحاليل لكن مع التحول الرقمي في مجال الرعاية الصحية جزء كبير جدا من المشاكل دي معدش موجود.

الحجوزات بقت اونلاين من مكانهم، ونتايج الأشعة، والتحاليل بتوصلهم بمجرد ظهورها على موبايلاتهم، وده مش بيخلى المرضى مرتاحين أكتر بس، ده بيوفر كمان الوقت، والمجهود اللي كان بيتم استهلاكهم في التعامل مع المشاكل دي.

مع انتشار التحول الرقمي في مجال الرعاية الصحية بقي متوفر كم كبير جدا من البيانات، والمعلومات المرتبطة بالمريض، وحالته، وعن طريق استخدام علوم المعلومات في تحليل البيانات دي تم تحسين التشخيصات، ونتايجها، وبقت أكثر دقة.

كمان بقي من الممكن استخدام المعلومات دي في توقع الأمراض، أو أي مضاعفات، وتعقيدات تانية قبل حدوثها.

عيد أضحى مبارك، وكل عام وانتم بخير 💫🎈

التحول الرقمي في مجال الرعاية الصحية ادي لظهور عدد كبير من التطبيقات اللي بتساعد كل العناصر الموجودة في مجال الرعاية الصحية.

سواء الحجوزات، أو تسجيل معلومات المرضي، أو متابعة حالتهم الصحية، أو إرسال الروشتات، أو نتائج الأشعة، والتحاليل كل ده بقى أسهل مع انتشار التطبيقات دي، وساعد على تحسين الخدمة اللي بتتقدم للمرضى.

نتيجة للتحول الرقمي بقه متاح قدام الناس انها تدرس، وتاخد درجات علمية في مجال الرعاية الصحية اونلاين، وده اللي بقه بيوفر وقت، ومجهود كبير جدا، وخلى كمان التعلم مع الشغل في نفس الوقت أسهل كتير.

التحول الرقمي سهل من مهمة حفظ سجلات المرضى، فقبل كده مع السجلات الورقية المطبوعة عملية نقل، وتخزين السجلات كانت مرهقة، وبتاخد وقت طويل، وكمان السجلات كان بتضيع، أو بتتلف بكل سهولة، وده كان بيؤدي لوقت إضافي بيضيع في حل المشاكل دي، وعلشان تبحث عن سجل مريض معين كان الموضوع ممكن ياخد ساعات من البحث في آلاف الملفات المختلفة.

لكن مع التحول الرقمي كل ده اتحل، فسجلات المرضى بقت محفوظة في قواعد بيانات إلكترونية مزودة بكل عناصر الأمان عشان تحمي الملفات دي من التلف، أو الضياع، وكمان بتحافظ على خصوصيتها، وبقي من السهل انك تبحث عن السجل الخاص باي مريض، وتوصل ليه في ثواني.