Health empowerment by sisters

ساعات بيكون التشخيص .. هو اول سبب فى استمرار المعاناة
سواء كان تشخيص خاطئ او حتى غير مكتمل
عشان كدة أهم خطوة فى علاج الامراض وانتهاء المعاناة، هى التشخيص مش وصف العلاج
لان التشخيص الصح .. هو الطريق لمعرفة العلاج المناسب

عارفين ان مش كل دورة شهرية بتكون حقيقية ، ولا كل حدوث "حيض" معناه انها دورة شهرية حتى لو منتظمة
وان فى علامات مهمة جدا تخص الدورة الشهرية وطبيعتها، ممكن تعرفك كتير عن جسمك وحتى عن بعض المشاكل المحتملة زى اضطرابات الغدة الدرقية

قولولنا ايه المشكلة الى قابلتها مع "دورتك الشهرية" وعرفتى منها وجود مشكلة مرضية او هرمونية ؟

هل محتاجين نمنع كل حاجة من أكلنا عشان نخف ! هل كلنا شبه بعض !
سؤال خد سنين عشان يتحطله أسس واضحة
والاجابة بسيطة .. مش كلنا زى بعض ولا اجسامنا بتستجيب بنفس الصورة !
ومينفعش يكون العلاج روشتة ثابتة بتاخدها مع تشخيصك باى مشكلة مرضية ..

ايه اكتر حاجة اكتشفتوا انها مسببة استمرار اعراضكم واستفدتوا فعلا لما وقفتوها؟

إنتاج الميلاتونين يبدأ فى الانخفاض تدريجيًا مع التقدم فى العمر، ويُعتقد أن هذا الانخفاض يساهم فى زيادة اضطرابات النوم مع منتصف العمر وما بعده. لكن ليس كل التعب أو الأرق بعد الأربعين سببه الميلاتونين وحده؛ فالنوم، والغدة الدرقية، والحديد، ومرحلة ما قبل انقطاع الطمث كلها عوامل قد تتداخل معًا
ف معرفة السبب ضرورة ، لتحديد التدخل المناسب والدعم العلاجى السليم..

ايه اكبر مشكلة قابلتكم دى بعد ال ٤٠ ؟

بعد ال ٤٠ ، بتبدأ مرحلة جديدة ومختلفة فى حياة السيدات ،، مرحلة محتاجة دعم وفهم عميق للتغيرات الفسيولوجية الى بتحصل وأسبابها
ودعم الجسم بشكل قوى عشان يتأقلم مع التغيرات دى ويكون جاهز للانتقال لمرحلة ما بعد انقطاع الطمث ..
مش مجرد مرحلة..
قابلتكم مشاكل الوزن وصعبة نزوله فعلا بعد ال ٤٠ ؟ وايه اكتر اعراض كانت غريبة وجديدة

كنتوا عارفين ان "المغنسيوم" بيتسمى المعدن المعجزة
وان نقصه بيسبب مشاكل كتير جدا ودة لانه بيدخل فى اكتر من ٣٠٠ عملية حيوية !
قولولنا بتاخدوا مغنسيوم ؟ وفرق معاكم فعلا ولا مكانش ليه اى نتيجة ؟
ولو إنت مريض قصور كلى ، خلى بالك من متابعة طبيبك ف كل خطوة

مرضك مش غلطتك !
لكن قرارك النهاردة بإيدك
مش عشان دة ذنبك .. لكن عشان صحتك تستحق كل خطوة تمشيها عشانها ..

مرضنا مش بإيدنا .. لكن الاستمرار فى المعاناة او الخروج منها بيبدأ بقرار ..
"انا هكون احسن" باذن الله 🤍🦋

New series 🤍🤍 Coming very soon..
حقيقى الى هتشوفوه هنا مختلف تماما .. بروچكت اخد مننا كتير عشان يطلع باحسن شكل يليق بيكم ..
ويكون تخليد لمحطات كتير ومختلفة فى حياة ناس نفتخر اننا شاركناهم الرحلة ..
اتأجل سنة كاملة عشان يتصور ، واتصور من شهور
بس عشان يظهر بأقرب شكل يوصل لقلوبكم.. زى ما وصل قلوبنا 🦋 ..

كل دى حكايات حقيقية ، بتبين أهمية التعاون والتكامل بين كل التخصصات ، وان يرى الطب بعين أوسع واشمل وارحم ، ان يرى معاناة الإنسان قبل الحكم من أرقام على ورق..
كل حكاية مهمة .. كل كلمة بتتقال بين السطور ممكن تغير الحكاية كاملة ..
لا يوجد ما يسمى الطب الوظيفى بمفرده او الطب التقليدى بمفرده او حتى معاملة التوصيات كأمر مسلم به
فى الاسبوع العالمى للغدة الدرقية، افتكر ان حكايتك مميزة وتستحق تتشاف صح