Maria Skin Care

من آراء عميلاتنا بفضل الله 💚

Hair derma pin

Aesthetician &Skin expert \ Neama Mohamed

في ناس ليهم رائحة نفس مميزة أو معروفة حتى من صغرهم ولكنها مش منفرة ، هما بيصحوا ريحة النفس ليها علاقة بالنوم مع غسيل الأسنان والفطار بتروح خالص . وفي ناس بردو بتفضل موجودة لكن هي مش كريهة لكنهم منزعجين وعايزين حل !
فئة أخرى بتكون للأسف الرائحة سيئة ومنفرة كان الله في العون وطبعاً في الحالتين محتاجين نعرف نتعامل
إزاي ؟

🔹️ إزاي نستخدم ال Dental floss خيوط الأسنان
ولو بتدايقك في خلة أسنان مصنعة بحيث يكون في آخرها خيط بشكل معين ممكن تكون أسهل للبعض .

لإن فرشة الأسنان لوحدها حتى لو بعد كل وجبة غير كافي لتواجد جيوب الأسنان عند ناس كتير ، الفرشة مش بتوصل لها ويحدث هنا " تخمّر" للأكل للأسف وده بينتج عنه الروائح دي .

🔹️ لو أنا لثتي ( لثة دمَوية )

لازم أولاً أتجه لطبيب الأسنان وأطلب مشورته واشوف هل المشكلة من اللثة وضعفها ومشكلة في نسيجها والأوعية الدموية وهل ده مرتبط بمرض آخر معين عندي أو علاجات دوائية باخدها ، كعرض جانبي مثلاً
ولا نقص فيتامينات.
ثانياً ضروري يكون عندي معجون أسنان طبي خاص باللثة والأسنان الحساسة .

لإن الإدماء اللي بيحصل من أقل شيء للثة بيخليها حتى واحنا نايمين تنزف ! الدم للأسف بيتراكم ويختلط باللعاب وينتج رائحة كارثية !

🔹️أهمية السواك والمضمضات :

السواك زيادة عن إنه سنة له تأثير علاجي رهيب على لون الأسنان وعلاج الجير وصحة اللثة والفم عموماً
وهو حل فعال وكخطوة أولى على ماتقدري تاخدي خطوة الطبيب وتوفري معاجين أسنان غالية أو مضمضات غالية وبردو في مضمضات رخيصة وفعالة جدا يعني في طرق إقتصادية ، مش هنسيب الدنيا كدة . في آخر المنشور هنوضح إزاي نعمل مضمضة في البيت فعالة وكويسة جداً

▪️لكن مبدئياً تقدري كل ليلة تغلي ٥ أعواد قرنفل في نص كوب ماء أو حتى في الميكرويف يسخنوا تطلعيه تغطيه يدفع تضيفي نقطة زيت قرنفل وتتمضمضي قبل النوم مباشرة .
▪️ ياحبذا لو ندعك اللثة بزيت نعناع بعدها يعني قبل النوم كمان مثلا . بنخفف زيت نعناع ربع معلقة لنص معلقة زيت جوجوبا في زجاجة صغيرة أو عبوة صغيرة برة .

▪️ بتدعكي لثتك كويس من برة وجوة .

🔹️ خلي جمب سريرك عادة أي نوع نعناع صحي زي اللبان خالي السكر وامضغيها على الريق أو معطر فم طبي .

🔹️ حاولي تاخدي كمان على الريق كوب ماء ديتوكس كبير ، اللي هو الماء المنقوع فيه من بليل مثلاً نعناع مع خيار وليمون (كله شرائح) أو تفاح مع جنزبيل قرفة عيدان لإن ده مهم لصحة ولتنظيف القولون جداً

🔹️ القصة دي غالباً جاية من الجهاز الهضمي / أصبح ضروري تطمني من صحة جهازك الهضمي على جميع المستويات .

*القولون
*ارتجاع المريء
*جرثومة المعدة .... إلخ

⛔️ طريقة الطبخ في البيت ليها دور مهم جداً
▪️البصل الكتير
▪️تشويح الثوم بشدة
▪️الزيوت المهدرجة والسمن الرديء
خاصة لما يكون الأكل ده بليل 🙆‍♀️ 🙄

🔹️ من الحلول المطروحة كمان الإكثار من شرب المشروبات العطرية زي الزعتر والبردقوش ولو مرة خلال اليوم أو المضمضة بيهم .

Aesthetician & Skin specialist \ Neama Mohamed

الفترة اللي فاتت من متابعاتي مع الحالات لاحظت تحسن بفضل الله في حالة كل حالة طلبت منها تغيير غطا المخدة يومياً ، ممكن تتخيلي إنه شيء مرهق ولكن الحقيقة انه بسيط ونتايجه هايلة وبيحميكي من مشكلات صحية كتير مرتبطة ببشرتك ، لو بشرتك أصلا فيها
Active Acne
فده شيء بديهي إنك تعمليه وإنت أكتر حد محتاج ده

+ الشباب والبنات في مرحلة المراهقة لإن بشرتهم في فترة حساسة جدا ومحتاجة حماية أكتر فنقفل باب الاذى اللي بيحصل لهم من ناحية أكياس المخدات .

+ باقي أنواع البشرات ...

📍 *ياترى إيه اللي ممكن يحصل لهم فجأة بسبب الإهمال في الجزء ده ؟

* تهيج وإحمرار مفاجيء ليه أشكال كتير إسمه
Contact dermatitis
إلتهاب الجلد التماسي
ودي ردة فعل تحسسية أو تهيجية

كل المكونات اللي ملوثة المخدة ممكن تؤدي للمرض أو الحالة دي بكل أنواعها وأشكالها.

فهنا تدابير السلامة مهمة جداً وهنقولها ورا بعض في آخر جزء

طيب عارفة مخدتك ممكن تؤذيكي جدا ليه ؟

عشان عليها عدد كبير من مهيجات الجلد

* زيوت وعطور من منتجات الشعر والجسم والمخمريات
* كائنات مجهرية بتكتر مع مرور الوقت
* أجزاء شعر صغيرة
* أتربة من الجو المحيط
* خلايا جلد ميتة
كل الأسباب السابقة ، كفيلة تسبب تهيج أو تحسس يدمر حاجز البشرة تماماً
ويحفز التهابات متعددة لكل أنواع البشرات خاصة للبشرات الممتلئة بالبثور البيضاء والسوداء والمعرضةللحبوب أثناء كمان فترات التغير الهرموني أو اللي فيها حبوب متهيجة أصلاً .

وكذلك البشرات الجافة وشديدة الجفاف والحساسة.

الحلول :

* أكياس المخدات الفاتحة أفضل واللي نقدر نجمعها ونغسلها على حرارة معقولة مناسبة للنسيج ونعرضها وقت كافي للشمس ، بنجمع أغطية الإسبوع ونغسلهم ونهتم بتعقيمهم بحرارة الشمس أو تكويهم.

* حاولي تربطي شعرك قبل النوم بحاجة قطن خفيفة أو ستان والأفضل ستان عشان تحافظي بنسبة على نظافة كيس المخدة

* حطي كريمات بشرتك الليلية قبل النوم بفترة معقولة عشان تمتصها البشرة كويس

* تغيير الغطا كل يوم بعد ما بتهوي الغرفة كويس وبعد تنظيفها .

دمتم بخير 🌷

جروب الواتس شرفونا

https://chat.whatsapp.com/B80gPiaFUJ9G0BN0WeJRg9?mode=ems_copy_t

صفحة الفيس بوك

https://www.facebook.com/share/17ASjWuadG/

إنستغرام

https://www.instagram.com/maria_beauty_health?igsh=enE0Y3g4NmFteHRq

Skin Aesthetician & Th.S \ Neama Mohamed