Nagwa Alussini

🚨 الكارثة المستخبية في تحليل الأنيميا بتاعك و اللي كلنا بنعمله .. ركزي بقي ضروري 🩸

🙇🏼 تخيلي واحدة صحيت الصبح مش قادرة ترفع راسها من على المخدة ضربات قلبها سريعة مع أقل مجهود شعرها بيقع بالخصل ومودها وحش جداً لدرجة إنها ممكن تعيط من غير سبب.. راحت للدكتور طلب صورة دم كاملة (CBC)

والنتيجة طلعت: مبروك ياست الكل الهيموجلوبين بتاعك 12 وزي الفل إنتي مفيش فيكي حاجة ده مجرد إرهاق
الست دي بتخرج من العيادة وهي حاسة إنها بتتـدلع أو إنها مريضة نفسياً.. بس الحقيقة هي إن الست دي بتتحرق من جوه حرفياً .. والدكتور باصص في المكان الغلط!

🔍🩸 المعلومة الصدمة بقي إن الهيموجلوبين مش هو كل حاجة
في حاجة اسمها الأنيميا المختبئة Latent Iron Deficiency
يعني ممكن الهيموجلوبين بتاعك يكون مثالي بس مخازن الحديد عندك فاضية تماماً
بصي يا ست الكل الحديد في جسمك زي الرصيد في البنك
الهيموجلوبين ده الفكة اللي في جيبك بتصرفي منها كل يوم
و الفيريتين (Ferritin) ده الخزنة اللي شايلاها للزمن

طب المصيبة فين ؟ إن الجسم بيفضل يسحب من الخزنة اللى هى (الفيريتين) لحد ما تصفر وتخلص خالص
وطول ما الخزنة بتخلص بيبقي الهيموجلوبين لسه ثابت ومخبي الكارثة دى وراه
و إنتي بتبدأي تعاني من أعراض الأنيميا القاتلة (نهجان تساقط شعر واكتئاب و برودة أطراف) وخزنتك فاضية وأول ما الهيموجلوبين يبدأ يقع بتكوني وصلتي لمرحلة الإنهيار التام
🩸 ليه المعلومة دي للسيدات بالذات؟
لأن ببساطة الست بتفقد حديد كل شهر في (الدورة الشهرية) وبتنزف حديد في (الولادة) وبتغذي طفل من حديد جسمها في (الرضاعة).. جسمك حرفياً بيتحلب حديد

و الرجل مخازنه غالباً مليانة لأنه مش بيفقد دم دورياً
إنتي الخزنة عندك دايماً مهددة ولو اعتمدتي على تحليل الهيموجلوبين العادي إنتي بتخدعي نفسك

⚠️ نصيحة من الآخر لكل ست
لو حاسة بأعراض الأنيميا وتحليلك طالع سليم اوعي تسكتي اطلبي فوراً تحليل اسمه مخزون الحديد (Serum Ferritin) ...
لو النتيجة أقل من 30 فإنتي في خطر حتى لو الهيموجلوبين 14 (الرقم المثالي لصحة شعرك وطاقتك لازم يكون فوق الـ 60)
🔥 كلامي ده ممكن ينقذ أم مش قادرة تقوم تشيل عيالها وهي فاكرة إنها كبرت أو عجزت أو عروسة فرحها قرب وشعرها بيقع وهي مش عارفة السبب..
اعملي #شير فوراً.. المعلومة دي حرفياً بتنقذ أرواح وبترجع الروح لستات كتير عايشين ميتين بسبب تشخيص غلط
متخليش المعلومة تقف عندك انقذي أختك و صاحبتك أو مامتك بمشاركة واحدة 🛡️
✍🏼 Dt Mohamed Riad ✍🏼