Dr. Becareful

لا تخف ما دام الله هو وحده ربك❤

كنت دايمًا بسأل نفسي هو ليه ربنا ماقالش لسيدنا موسى من البداية إن العصاية اللي في إيده هي سبب نجاته من فرعون؟

وبعد ما تدبرت القصة، حسيت إن فيها حكمة عظيمة..

يمكن عشان قلب سيدنا موسى مايتعلقش بالعصاية، لكن يتعلق برب العصاية..
عشان كده لما وقف قدام البحر، ماقالش: "إن معي عصاي."
لكن قال بكل يقين: ﴿إِنَّ مَعِيَ رَبِّي سَيَهْدِينِ﴾.

هو ماكنش عارف إن سبب النجاة كان في إيده طول الوقت.. لكن كان واثق إن ربنا هيعمل له مخرج، حتى لو هو مش شايفُه.

وعشان القصة دي تفضل رسالة لينا كلنا..
إن ممكن ربنا يكون مجهزلك الفرج، ورزقك، ونجاتك، وانت أصلًا مش واخد بالك..

وممكن الحل يكون أقرب مما تتخيل، لكن ربنا بيظهره في الوقت المناسب..

فلو حاسس إن كل الأبواب اتقفلت.. افتكر البحر كان قدام سيدنا موسى، وفرعون وراه، ومع ذلك ربنا فتح له طريق محدش كان يتخيله..

رحمة ربنا عمرها ما بتتأخر.. هي بتيجي في معادها، واحنا بس ساعات بنستعجل..

فاطمن.. وأحسن الظن بربنا، وخليك واثق إن اللي دبّر نجاة سيدنا موسى، قادر يدبّر أمرك أنت كمان. 🤍