Nino Abesadze Endocrinologist

მართლა ასუქებს ვიტამინები?🥦🥭🍑

დავანგრიოთ ეს მითი მეცნიერული ფაქტებით❣️

ვიტამინები არ შეიცავს კალორიებს, ამიტომ მათ არ შეუძლიათ პირდაპირ გაზარდონ ან შეამცირონ სხეულის ცხიმი!
თუმცა, მათ შეუძლიათ ირიბი გავლენა მოახდინონ მეტაბოლიზმზე:

1. B ჯგუფის ვიტამინები (B1, B2, B3, B6, B12)
• B ჯგუფის ვიტამინები არიან კოფაქტორები ფერმენტული რეაქციებისთვის, რომლებიც ნახშირწყლებს, ცილებსა და ცხიმებს ენერგიად გარდაქმნიან.
• თუ თქვენ გაქვთ B12-ის ან ფოლიუმის მჟავის დეფიციტი, თქვენი უჯრედული მეტაბოლიზმი ნელდება, რაც იწვევს დაღლილობას და ფიზიკური აქტივობის შემცირებას. როცა დეფიციტს ვავსებთ, ენერგიის დონე იმატებს, რაც გვაძლევს მოტივაციას ვიმოძრაოთ — ეს კი იწვევს წონის კლებას.

2. ვიტამინი D
• კვლევები (მათ შორის The American Journal of Clinical Nutrition) ადასტურებს, რომ D ვიტამინის დაბალი დონე ასოცირდება ინსულინრეზისტენტობასთან და მუცლის ცხიმის დაგროვებასთან.

• D ვიტამინის ადეკვატური დონე აუმჯობესებს ინსულინისადმი მგრძნობელობას. როდესაც ორგანიზმი ინსულინს უკეთ პასუხობს, ცხიმების წვის პროცესიც უფრო ეფექტური ხდება.

3. ვიტამინი C, K, A, E -ს ეფექტი წონაზე ნეიტრალურია.

არ არსებობს „გასუქების“ ან „გახდომის“ ვიტამინი. არსებობს ორგანიზმის ჯანსაღი ბალანსი.

ვიტამინების მიღება ექიმის დანიშნულების გარეშე, მხოლოდ წონის კლების იმედით, არაეფექტური და ზოგჯერ საზიანოა.

ასევე სახიფათოა ვიტამინებზე უარის თქმა საჭიროების შემთხვევაში წონის მატების უსაფუძვლო შიშის გამო 🍒

#ენდოკრინოლოგია #ჯანმრთელობა #მტკიცებულებებზედაფუძნებულიმედიცინა #ვიტამინები

Nino Abesadze Endocrinologist

სტატინები (HMG-CoA რედუქტაზას ინჰიბიტორები) კარდიოლოგიასა და ენდოკრინოლოგიაში ერთ-ერთი ყველაზე კარგად შესწავლილი პრეპარატებია.

სტატინების მთავარი მიზანი მხოლოდ ლიპიდურ სპექტრში მაჩვენებლების გაუმჯობესება არ არის; მათი უპირატესობა სიცოცხლის გახანგრძლივებაა.

ისინი ამცირებს გულ-სისხლძარღვთა დაავადებებით გამოწვეული სიკვდილიანობის რისკებს❣️

სტატინების მიმართ შიში პაციენტებში ერთ-ერთი ყველაზე გავრცელებული ფენომენია.

მათ ირგვლივ უამრავი მითი არსებობს.

წამყვანია "ღვიძლის დაზიანების" მითი
სტატინების შექმნის საწყის ეტაპზე (ათწლეულების წინ) არსებობდა მკაცრი მოთხოვნა ღვიძლის ფერმენტების მუდმივ კონტროლზე. ამან საზოგადოებაში დატოვა განცდა, რომ "სტატინი ღვიძლს შლის".

სინამდვილეში, ღვიძლის ფერმენტების (ALT/AST) უსიმპტომო მატება პაციენტების 1%-ზე ნაკლებში ხდება, არის დოზადამოკიდებული და შექცევადი!

ღვიძლის სერიოზული დაზიანება კი იმდენად იშვიათია (დაახლოებით 1 შემთხვევა მილიონზე), რომ თანამედროვე გაიდლაინები თერაპიის პროცესში ფერმენტების რუტინულ კონტროლსაც კი აღარ ითხოვენ.

მზარდია მტკიცებულებები, რომ სტატინები არათუ უსაფრთხოა ღვიძლისთვის , მეტიც ე.წ. " ღვიძლის გაცხიმოვნების" დროს ფიბროზის და ჰეპატოცელულური კარცინომის პრევენციასაც ახდენს.

ბუნებრივი პროდუქტების, "სისხლძარღვების გამწმენდი ბალახებისა" და დანამატების აგრესიული მარკეტინგი ხშირად ეყრდნობა სტატინების დემონიზაციას, რათა გაიყიდოს ალტერნაიული საშუალებები (მაგალითად, წითელი საფუარის ბრინჯი, რომელიც სხვათა შორის, ბუნებრივად შეიცავს ლოვასტატინს, თუმცა არაკონტროლირებადი დოზებით).

პაციენტებს ურჩევნიათ მიიღონ "ნატურალური" საშუალება, მიუხედავად იმისა, რომ მას არ გააჩნია სიცოცხლის გახანგრძლივების მტკიცებულება.

#სტატინი #ქოლესტერინი #ათეროსკლეროზი #დისლიპიდემია #ჰიპერქოლესტერინემია

რა უნდა ვიცოდეთ ოზემპიკის გვერდითი ეფექტების შესახებ? 🩺
​ოზემპიკით (სემაგლუტიდით) მკურნალობის დაწყება ან დოზის გაზრდა ხშირად ასოცირდება ორგანიზმის ადაპტაციის პერიოდთან.

პაციენტთა დიდ ნაწილში გვერდითი ეფექტები მსუბუქი ან ზომიერი ხასიათისაა და დროთა განმავლობაში თავისით ლაგდება.

​ფოტოზე მოცემულია ყველაზე ხშირი სიმპტომები, რომლებიც შესაძლოა მკურნალობის პროცესში გამოვლინდეს:

🌸 PCOS – ეს მხოლოდ „გინეკოლოგიური პრობლემა“ არ არის!

პოლიცისტური საკვერცხეების სინდრომი (PCOS) რეპროდუქციული ასაკის ქალების 8-13%-ში ვლინდება. საინტერესოა, რომ პაციენტების 50-70%-ს ინსულინრეზისტენტობაც აღენიშნება, ხშირად – ნორმალური წონის პირობებშიც კი.

ეს არის კომპლექსური ენდოკრინულ-მეტაბოლური სინდრომი, რომლის დროსაც ვლინდება:
• მენსტრუალური ციკლის დარღვევა და უშვილობა
• ჭარბი წონა, აკნე და ჭარბთმიანობა

🧠 რა არის მართვის მთავარი მიზანი? PCOS ქრონიკული დაავადებაა. მკურნალობა მხოლოდ ციკლის აღდგენას არ ემსახურება
– უმნიშვნელოვანესია ინსულინრეზისტენტობის მართვა, რათა თავიდან ავიცილოთ შაქრიანი დიაბეტი (ტიპი 2) და გულ-სისხლძარღვთა დაავადებები.

🥗 საიდან ვიწყებთ? ბაზისი ჯანსაღი ცხოვრების წესია! წონის თუნდაც 5-10%-ით კლება საგრძნობლად აუმჯობესებს ჰორმონალურ ფონს.

✔️ ოქროს წესები:
• სწრაფი ნახშირწყლების შეზღუდვა (მეტი ცილა და ბოჭკო)
• რადიკალური დიეტების აკრძალვა
• ფიზიკური აქტივობა (კვირაში მინიმუმ 150 წთ)
• ინდივიდუალური მედიკამენტური მკურნალობა

დიაგნოზი დგინდება კლინიკო-ლაბორატორიული და რადიოლოგიური კვლევების საფუძველზე გინეკოლოგის, ენდოკრინოლოგის ან რეპროდუქტოლოგის მიერ.

გისურვებთ ჯანმრთელობას!

რეპროდუქციული უფლებები ადამიანის ფუნდამენტური უფლებაა, რომელიც თითოეულ ქალს საკუთარი სხეულის, ჯანმრთელობისა და მომავლის მართვის თავისუფლებას ანიჭებს!

სტატისტიკა და ისტორიული გამოცდილება ცხადყოფს, რომ მკაცრი სამართლებრივი თუ რელიგიური აკრძალვები არ ამცირებს აბორტების რაოდენობას. უბრალოდ გადააქვს იატაკქვეშა, არალეგალურ და არასტერილურ სივრცეში, რაც დედათა სიკვდილიანობის, მძიმე ინფექციებისა და შეუქცევადი უშვილობის მიზეზი ხდება.

არცერთი ქალისთვის არ არის აბორტი მარტივი გზა — ეს ყოველთვის მძიმე არჩევანია. ხშირად ეს პროცედურა პირდაპირი სამედიცინო ჩვენებით, ნაყოფის სიცოცხლესთან შეუთავსებელი პათოლოგიების ან დედის სიცოცხლის გადარჩენის მიზნით ტარდება.

ჩვენს ქვეყანაში სექსუალური განათლებისა და თანამედროვე კონტრაცეფციის მეთოდებზე ხელმისაწვდომობის უკიდურესი დეფიციტია.
..და მთავარი.. არასასურველი ბავშვის მიტოვება ან მისი შიმშილისთვის გაწირვა გაცილებით დიდი ტრაგედიაა!

დიაბეტი არ არის სტატიკური მდგომარეობა — ის რეაგირებს გარემოზე.

სტრესი, ვირუსი თუ ფიზიკური დატვირთვა პირდაპირ აისახება გლუკოზის მაჩვენებელზე.

გთავაზობთ მოქმედების გეგმას განსაკუთრებული შემთხვევებისთვის:

⚡ სტრესი და ემოციური დაძაბულობა:

სტრესის დროს ორგანიზმი ბრძოლის რეჟიმში გადადის და გამოყოფს ჰორმონებს (კორტიზოლი, ადრენალინი), რომლებიც ღვიძლისგან გლუკოზის გამოთავისუფლებას იწვევენ.

* გაზომეთ შაქარი ჩვეულებრივზე ხშირად.

🌡️ „ავადმყოფობის დღეების“ წესები (Sick Day Rules):

ინფექციის დროს ორგანიზმი ებრძვის გამომწვევს, რაც თითქმის ყოველთვის ზრდის გლუკოზას, მაშინაც კი, თუ მადა დაქვეითებულია.

* აკონტროლეთ შაქარი ყოველ 3–4 საათში.
* მიიღეთ დიდი რაოდენობით უშაქრო სითხე.
* ტიპი 1 დიაბეტის დროს აუცილებელია შარდში კეტონების შემოწმება.

🏃‍♂️ ფიზიკური აქტივობა:

ვარჯიში ზრდის მგრძნობელობას ინსულინის მიმართ, რაც კარგია,, თუმცა მოითხოვს სიფრთხილეს ჰიპოგლიკემიის თავიდან ასაცილებლად.

* შეამოწმეთ გლუკოზა ვარჯიშამდე და დასრულების შემდეგ.
* თუ შაქარი დაბალია, წინასწარ მიიღეთ „ნელი“ ნახშირწყლები.
* ჰიპოგლიკემიის რისკი ვარჯიშიდან რამდენიმე საათის შემდეგაც ნარჩუნდება.

⚠️ როდის მივმართოთ ექიმს დაუყოვნებლივ?

1. გლუკოზის მაჩვენებელი სტაბილურად აჭარბებს 250-300 მგ/დლ-ს და არ ექვემდებარება კორექციას.
2. ტესტმა აჩვენა კეტონების არსებობა.
3. აღინიშნება შეუჩერებელი ღებინება (რაც ზრდის დეჰიდრატაციისა და კეტოაციდოზის რისკს).
4. გრძნობთ ძლიერ სისუსტეს, დაბნეულობას ან სუნთქვის გაძნელებას.

#დიაბეტი #ენდოკრინოლოგია #ჯანმრთელობა #თვითკონტროლი #სამედიცინორჩევები